Author: Scoop Khabar
काठमाडौं । बारा प्रहरीले चारजना बालबालिकालाई सार्वजनिक स्थानमा डोरीले बाँधेर कुटपिट गरेको आरोपमा चार महिलालाई पक्राउ गरेको छ । जिल्ला प्रहरी कार्यालय बाराका अनुसार जितपुर सिमरा उपमहानगरपालिका–१६ स्थित टांगिया बस्तीमा मंगलबार बिहान करिब ९ बजे मोबाइल चोरीको आरोप लगाउँदै चार जना बालबालिकालाई सार्वजनिक चौतारामा रहेको बरको रुखमा डोरीले बाँधेर कुटपिट गरिएको घटनापछि प्रहरीले अनुसन्धान थालेको थियो। घटनामा संलग्न रहेको आरोपमा स्थानीय ६२ वर्षीया मिना रजन मगर, ३२ वर्षीया पवि कुमारी आले मगर, ३० वर्षीया रानिमाया मोक्तान र ४२ वर्षीया निर्मला वाईलाई पक्राउ गरिएको प्रहरीले जनाएको छ। प्रहरीले उनीहरूविरुद्ध बालबालिकाविरुद्धको कसुर अन्तर्गत मुद्दा दर्ता गरेको छ। बारा जिल्ला अदालत, कलैयाबाट पाँच…
कञ्चनपुर । अदालतको फैसला कार्यान्वयन गर्दै जिल्ला प्रहरी कार्यालय कञ्चनपुरले पत्रकार खेम भण्डारीलाई पक्राउ गरेको छ। जिल्ला अदालत कञ्चनपुरले गालीगलौजसम्बन्धी मुद्दामा भण्डारीलाई १ महिना ७ दिन कैद सजाय र १२ हजार १ सय रुपैयाँ जरिवानाको फैसला सुनाएको थियो। उक्त फैसला कार्यान्वयनका लागि उनलाई आज बिहान ७ बजे भीमदत्त नगरपालिकाबाट प्रहरीले नियन्त्रणमा लिएको हो। यसैगरी उच्च अदालतले समेत सोही प्रकरणमा भण्डारीलाई २ हजार १ सय रुपैयाँ जरिवाना र थप ७ दिन कैद सजाय हुने फैसला सुनाएको थियो। जिल्ला प्रहरी कार्यालय कञ्चनपुरका प्रमुख एसपी नेत्रमणि गिरीका अनुसार पक्राउ परेका भण्डारीको हकमा आवश्यक कानुनी प्रक्रिया पूरा गरी अदालतको फैसला कार्यान्वयन गरिनेछ। भण्डारीविरुद्धको मुद्दामा…
काठमाडौं । सर्वोच्च अदालतको आदेश, सम्बन्धित स्थानीय तहको अनुमति र राजस्व कार्यालयमा आवश्यक प्रक्रिया पूरा गरेको दाबी गरिएका कवाड ढुवानी गर्ने सवारीसाधनलाई जिल्ला प्रहरी परिसर काठमाडौंले नियन्त्रणमा लिएपछि विवाद उत्पन्न भएको छ। परिसर प्रहरीले सोमबार थानकोट क्षेत्रबाट ४ वटा कवाड बोकेका गाडी नियन्त्रणमा लिएको थियो। गाडी नियन्त्रणमा लिइएपछि व्यवसायीहरू जिल्ला प्रहरी परिसर काठमाडौं पुगेका थिए। उनीहरूका अनुसार परिसर प्रमुख एसएसपी दिलिप घिमिरेले प्रारम्भिक रूपमा ‘सामान्य सोधपुछ’ का लागि नियन्त्रणमा लिइएको भन्दै करिब दुई घण्टाभित्र छाडिने आश्वासन दिएका थिए। तर, गाडीहरू अझै प्रहरी नियन्त्रणमै रहेका छन्। यति मात्र होइन, त्यसको भोलिपल्ट मंगलबार पनि प्रहरीले थप चार वटा कवाड गाडी बल्खुबाट नियन्त्रणमा…
काठमाडौं । नेपालस्थित अमेरिकी दूतावासले नेपाल प्रहरीको डिजिटल फरेन्सिक ल्याबको क्षमता अभिवृद्धिका लागि विभिन्न डिजिटल फरेन्सिकसम्बन्धी सफ्टवेयर तथा हार्डवेयर उपकरण हस्तान्तरण गरेको छ। नेपाल प्रहरी प्रधान कार्यालयमा मंगलबार आयोजित कार्यक्रममा प्रहरी महानिरीक्षक दानबहादुर कार्की र नेपालका लागि अमेरिकी कार्यवाहक राजदूत स्कट अर्बमको उपस्थितिमा उक्त उपकरण हस्तान्तरण गरिएको हो। कार्यक्रमलाई सम्बोधन गर्दै प्रहरी महानिरीक्षक कार्कीले अमेरिकी दूतावासले डिजिटल फरेन्सिक ल्याबको विकास र सुदृढीकरणका लागि उन्नत उपकरण, विशेष सफ्टवेयर तथा प्राविधिक सहयोग उपलब्ध गराउँदै आएको बताए। उनले यस्ता सहयोगले नेपाल प्रहरीको डिजिटल अपराध अनुसन्धान क्षमतामा वृद्धि गर्नुका साथै दुई देशबीचको विश्वास, मित्रता र साझा प्रतिबद्धतालाई थप मजबुत बनाउने उल्लेख गरे।
रौतहट । मधेश प्रदेश प्रहरी कार्यालयका प्रमुख प्रहरी नायव महानिरीक्षक (डिआईजी) ओमप्रसाद अधिकारीले प्रहरी कर्मचारीलाई संगठनको मर्यादा कायम राख्दै नागरिकमैत्री सेवा प्रवाह गर्न निर्देशन दिएका छन्। मंगलबार जिल्ला प्रहरी कार्यालय रौतहटको निरीक्षणपछि आयोजित निर्देशन कार्यक्रममा डिआईजी अधिकारीले प्रहरी आचरणविपरीतका गतिविधिमा संलग्न नहुन, अनुशासन र व्यावसायिक निष्ठाका साथ जिम्मेवारी पूरा गर्न आग्रह गरे। उनले लागुऔषध नियन्त्रण, अवैध चोरी–पैठारी नियन्त्रण, शान्ति सुरक्षा, अपराध नियन्त्रण तथा विपद् व्यवस्थापनलाई प्राथमिकतामा राखेर काम गर्न निर्देशन दिए। जिल्ला प्रहरी कार्यालय रौतहटका प्रमुख एसपी सिताराम रिजालका अनुसार डिआईजी अधिकारीले सामाजिक सञ्जालको दुरुपयोग नगर्न, गैरव्यावसायिक आर्थिक गतिविधिबाट टाढा रहन तथा प्रहरी संगठनको नीति र आचरण पालना गर्न स्पष्ट…
काठमाडौँ । नेपाल प्रहरीका ३६८ जना लेखा प्रमुखहरूको सरुवा भएको छ। आन्तरिक लेखा परीक्षण शाखाको सिफारिसको आधारमा लेखा प्रमुखहरूको काज सरुवा गरिएको प्रहरी प्रधान कार्यालय कर्मचारी प्रशासन शाखाले जनाएको छ। प्रहरी प्रधान कार्यालय स्थित विशेष ब्यूरोको लेखा प्रमुखमा इन्स्पेक्टर उदय कुमार चौधरीलाई सरुवा गरिएको छ। कल्याण महाशाखामा इन्स्पेक्टर डेकेन्द्र शर्मा, राष्ट्रिय प्रहरी प्रशिक्षण प्रतिष्ठानमा दिपेश खरेल, सीआईबीको लेखा प्रमुखका प्रकाश शाह र सुदूरपश्चिम प्रदेश प्रहरी कार्यालयको लेखा प्रमुखमा इन्स्पेक्टर महेश बिक्रम शाहलाई सरुवा गरिएको छ। साइबर ब्यूरोमा रविन ढकाल, लुम्बिनी प्रदेश प्रहरी कार्यालयमा राकेश रेग्मी, महाराजगञ्ज स्थित प्रहरी अस्पतालमा राजन उप्रेती, बागमती प्रदेश प्रहरी कार्यालयमा सविन कुमार संग्रौलालाई पठाइएको छ।…
काठमाडौं । शिक्षा तथा खेलकुद मन्त्रालयले विभिन्न विश्वविद्यालयका उपकुलपति नियुक्तिका लागि सिफारिस भएका उत्कृष्ट १० उम्मेदवारको सूची सार्वजनिक गरेसँगै पूर्वाञ्चल विश्वविद्यालयको उपकुलपति छनोट प्रक्रियामाथि पनि प्रश्न उठ्न थालेको छ। सार्वजनिक सूचीमा परेका केही उम्मेदवारहरूको पूर्वाञ्चल विश्वविद्यालयसँग सम्बन्धित निजी कलेजहरूसँग प्रत्यक्ष वा अप्रत्यक्ष सम्बन्ध तथा लगानी रहेको दाबी गर्दै हितको द्वन्द्व (Conflict of Interest) को विषयमा बहस सुरु भएको हो। सार्वजनिक रूपमा उठाइएका दाबीअनुसार, प्राध्यापक डा. अनिलकुमार पोखरेल कला तथा कानून संकायका डीन रहेका बेला विराटनगरस्थित अन्नपूर्ण ल कलेजले सम्बन्धन प्राप्त गरेको थियो। उक्त कलेजमा उनको लगानी रहेको र पद तथा प्रभाव प्रयोग गरी सम्बन्धन दिलाइएको भन्ने आरोपसमेत उठाइएको छ। यद्यपि,…
काठमाडौं । जिल्ला प्रहरी परिसर काठमाडौंले लागू औषध ट्रामाडोलसहित एक जनालाई पक्राउ गरेको छ। प्रहरीका अनुसार मिति २०८२/०३/२९ गते राति करिब ११:०० बजेको समयमा काठमाडौं महानगरपालिका–११ भोटेबहालस्थित पौडेल टोलमा लागू औषध बिक्री वितरण भइरहेको भन्ने सूचनाका आधारमा प्रहरी वृत्त कालीमाटीबाट खटिएको प्रहरी टोलीले निगरानी तथा चेकजाँच गरेको थियो। चेकजाँचका क्रममा बा ६४ प ५०२२ नम्बरको स्कुटरमा आएका जिल्ला सिन्धुपाल्चोक, सागाचोक नगरपालिका–११ घर भई हाल काठमाडौं महानगरपालिका–११ भोटेबहाल बस्ने २६ वर्षीय अनिल गिरीलाई पक्राउ गरिएको प्रहरीले जनाएको छ। उनको साथबाट लागू औषध ट्रामाडोल ३६५० ट्याब्लेट (३६५ पत्ता), नगद रु ३५ हजार ३५० र स्कुटर बरामद गरिएको छ। पक्राउ परेका गिरीलाई लागू…
काठमाडौं । जिल्ला काठमाडौंको कोटेश्वरस्थित खरिबोट क्षेत्रबाट गृह मन्त्रालयको जिम्मेवार व्यक्ति हुँ भन्दै प्रहरी कार्यालयमा अनधिकृत पहुँच राख्न खोज्ने एक व्यक्तिलाई प्रहरीले पक्राउ गरेको छ। पक्राउ पर्नेमा ३० वर्षीय आदित्य सिंह रहेका छन्। प्रहरीका अनुसार उनले आफू गृह मन्त्रालयसँग सम्बन्धित जिम्मेवार अधिकारी भएको परिचय दिँदै विभिन्न प्रहरी कार्यालयमा पहुँच विस्तार गर्न र प्रभाव जमाउन खोजेका थिए। प्रारम्भिक अनुसन्धानका क्रममा उनले आफ्नो प्रभाव र पहुँच देखाएर संवेदनशील जानकारी तथा प्रशासनिक गतिविधिमा हस्तक्षेप गर्न खोजेको खुलेको प्रहरीले जनाएको छ। शंकास्पद गतिविधिका आधारमा नियन्त्रणमा लिइएका सिंहमाथि आवश्यक कानुनी प्रक्रिया अगाडि बढाइएको छ। घटनासम्बन्धी थप अनुसन्धान जारी रहेको र यसमा अन्य व्यक्तिको संलग्नता भए/नभएको…
काठमाडौं । नियमविपरीत कालो सिसा (Tinted Glass) जडान गरी निजी सवारी चलाउने चालकहरूमाथि ट्राफिक प्रहरीले कारबाही तीव्र बनाएको छ। उपत्यका ट्राफिक प्रहरी कार्यालयले सडक सुरक्षा र अनुशासनलाई मध्यनजर गर्दै कालो सिसा राखिएका सवारी साधनलाई सडकमै नियन्त्रणमा लिएर कारबाही गर्दै आएको जनाएको छ। कसुरको प्रकृति हेरी तत्काल जरिवाना गरिनुका साथै सवारीको सिसामा लगाइएको कालो फिल्म हटाउन लगाइने गरिएको छ। सरकारले प्रस्ताव गरेको नयाँ सवारी तथा यातायातसम्बन्धी विधेयकमा भने यस्तो कसुरमा जरिवाना रकम अझ बढाउने प्रस्ताव गरिएको छ। प्रस्तावित व्यवस्थाअनुसार नियमविपरीत कालो सिसा प्रयोग गर्ने चालकलाई १ लाख रुपैयाँसम्म जरिवाना गर्न सकिने उल्लेख छ। हाल ट्राफिक नियम उल्लंघनअन्तर्गत कालो सिसा प्रयोग गर्ने…