Author: Scoop Khabar
काठमाडौं । गृहमन्त्री सुधन गुरुङले नेपाल प्रहरीका लागि आवश्यक पोसाक स्वदेशमै उत्पादन गर्ने योजना अघि सारिएको बताएका छन् । काठमाडौंमा आयोजित एक कार्यक्रममा गृहमन्त्री गुरुङले भने, ‘प्रहरीको पोसाक उत्पादन गर्न आफ्नै फ्याक्ट्री स्थापना गरिनेछ, जुन सहरभन्दा बाहिर गाउँ क्षेत्रमा राखिनेछ ।’ उनले यसबाट गाउँका स्थानीय बासिन्दाले रोजगारी पाउने, स्वदेशमै उत्पादन बढ्ने बताए । मन्त्री गुरुङले भने, ‘प्रहरीको पोसाक आफैं उत्पादन गर्ने हो भने देशमै उद्योग विकास हुन्छ, रोजगारी सिर्जना हुन्छ र आवश्यक सामग्री समयमै उपलब्ध हुन्छ ।’ त्यस्तै, उनले प्रहरीको न्युट्रिसनु (पोषण) र कार्य अवस्थाबारे पनि कुरा उठाएका बताए । उनले प्रहरी कर्मचारीहरू दिनरात खट्नुपर्ने भएकाले उनीहरूको पोषण तथा सुविधामा…
काठमाडौं । सन् नेपाल इन्स्युरेन्सका सीईओ पक्राउ परेका छन् । नेपाल प्रहरीको केन्द्रीय अनुसन्धान ब्युरोको टोलीले सीईओ राजकुमार अर्याललाई राजधानीको पुतलीसडकबाट सोमबार पक्राउ गरेको हो । सीआईबीका एक अधिकृतले उनलाई केही बेरअघि पक्राउ गरिएको पुष्टि गर्दै उनीमाथि अनुसन्धान सुरु गरिएको बताए । उनीमाथिको आरोप भने सीआईबीले खुलाएको छैन ।
काठमाडौं । काठमाडौंका तत्कालीन प्रमुख जिल्ला अधिकारी (सीडीओ) छवि रिजाल पक्राउ परेका छन् । उपत्यका अपराध अनुसन्धान कार्यालयले आज बिहान उनलाई काठमाडौंको सुविधानगर क्षेत्रबाट पक्राउ गरेको हो । जेनजी प्रदर्शनबारे सत्यतथ्य पत्ता लगाउन गठित गौरीबहादुर कार्की नेतृत्वको उच्चस्तरीय जाँचबुझ आयोग ले रिजाललाई दोषी किटान गर्दै मुद्दा चलाउन सरकारलाई सिफारिस गरेको थियो। भदौ २३ र २४ गते काठमाडौंको बानेश्वर क्षेत्रमा भएको प्रदर्शनका बेला रिजाल नै प्रमुख जिल्ला अधिकारी थिए। उक्त प्रदर्शनका क्रममा किशोरहरूको ज्यान जानेगरी गोली चलाइएको घटनाले देशभर ठूलो विवाद र आक्रोश सिर्जना गरेको थियो । आयोगको प्रतिवेदन कार्यान्वयन गर्ने मन्त्रिपरिषद्को निर्णयपछि यसअघि नै केपी शर्मा ओली र तत्कालीन गृहमन्त्री…
काठमाडौं । आज दिउँसो ठीक १ बजे, नेपाल प्रहरीको प्रधान कार्यालय परिसर असामान्य रूपमा सक्रिय देखिन्थ्यो। केहीबेरमै, सुधन गुरुङको सवारी भित्रियो। सुरक्षाकर्मीहरू तयारी अवस्थामा थिए। गाडी रोकिनासाथ गृहमन्त्री गुरुङ ओर्लिए र औपचारिकता सुरु भयो- प्रहरीको एक टुकडीले अनुशासित ढंगले सलामी अर्पण गर्यो। प्रधान कार्यालयमा उपस्थित अधिकारीहरू सतर्क मुद्रामा उभिएका थिए, वातावरणमा औपचारिकता र अपेक्षाको मिश्रण थियो। सलामी ग्रहणपछि गृहमन्त्रीले उच्च अधिकृतहरूसँग छोटो भेटघाट गरे। त्यसपछि उनी विभिन्न शाखाहरूको निरीक्षणतर्फ लागे- अपराध अनुसन्धानदेखि डिजिटल फरेन्सिकसम्म। प्रत्येक कक्षमा उनी चासोपूर्वक सुन्दै, सोधपुछ गर्दै अघि बढिरहेका थिए। त्यसपछि भएको सम्बोधनमा उनले आफ्ना विगतका अनुभव सम्झिए-तल्लो दर्जाका प्रहरीसँग काम गर्दा भोगेका अभाव, चिउरा र…
काठमाडौं । गृहमन्त्री सुधन गुरुङले प्रहरी संगठनलाई जनमैत्री र नमुना संस्थाका रूपमा विकास गर्ने लक्ष्यसहित सुधारको आवश्यकता औँल्याएका छन्। सोमबार नक्सालस्थित प्रहरी प्रधान कार्यालयको निरीक्षणका क्रममा उनले डिजिटल फरेन्सिक ल्याब, अपराध अनुसन्धान विभाग लगायतका विभिन्न इकाइको अवलोकन गरेका थिए। त्यसपछि आयोजित कार्यक्रममा प्रहरी उच्च अधिकृतहरुलाई सम्बोधन गर्दै उनले सर्वसाधारणसँग गर्ने बोली र व्यवहारमा सुधार ल्याउन विशेष निर्देशन दिए। ‘प्रहरीको छवि जनतासँगको व्यवहारबाटै देखिन्छ, त्यसैले तपाईंहरूको बोली र व्यवहार नमुना हुनुपर्छ,’ उनले भने। गृहमन्त्री गुरुङले प्रहरीको आधारभूत सुविधा सुधार गर्न सरकार प्रतिबद्ध रहेको समेत स्पष्ट पारे। उनले प्रहरीका लागि आवश्यक रासन व्यवस्थादेखि अनुसन्धानमा अत्याधुनिक प्रविधि भित्र्याउने काम सरकारले गर्ने उल्लेख गर्दै…
हरिबोल आचार्य काठमाडौं । कुमार व्यन्जनकार (कुमार बेन) प्रधानमन्त्रीका प्रमुख सल्लाहकार नियुक्त भएका छन्। उनी सल्लाहकार हुनु पनि त्यस्तै एउटा घटनाको संयोग छ- जसले स्थानीय तहदेखि केन्द्रसम्म फैलिएको राजनीतिक यात्रालाई पुनः स्मरण गराएको छ । कुमार व्यन्जनकार कुनै एकाएक उदाएका पात्र होइनन । उनी त्यस्तो परिवारबाट आएका हुन, जहाँ राजनीति केवल पेशा होइन, जीवनको अभ्यास थियो । उनका पिता नरसिंह व्यन्जनकार ललितपुर महानगरपालिका वडा नं. १० मा पटक-पटक स्वतन्त्र उम्मेदवारका रूपमा विजयी हुँदै पाँच दशकभन्दा बढी समय स्थानीय नेतृत्व सम्हाल्ने दुर्लभ उदाहरण बनेका थिए । पार्टीको झण्डा बिना जनताको विश्वास जित्नु सजिलो कुरा होइन, तर नरसिंह व्यन्जनकारले यही असम्भव जस्तो…
काठमाडौं । आन्दोलन नियन्त्रणका नाममा सडकमा उत्रिएको प्रहरी संगठन यतिबेला आफ्नै व्यवहारका कारण प्रश्नको घेरामा परेको छ। नेकपा एमालेका अध्यक्ष केपी शर्मा ओलीलाई नियन्त्रणमा लिएपछि चर्किएको आन्दोलनबीच एक यस्तो दृश्य सार्वजनिक भएको छ, जसले प्रहरी नेतृत्वको आचरणमै गम्भीर प्रश्न उठाएको छ। काठमाडौं प्रहरी परिसरका प्रवक्ता तथा एसपी पवन भट्टराईले आफ्नै मातहतका प्रहरी जवानमाथि लाठी प्रहार गरेको भिडियो सार्वजनिक भएपछि घटनाले नयाँ मोड लिएको छ। आन्दोलनकारीलाई नियन्त्रण गर्ने जिम्मेवारी बोकेका प्रहरी स्वयं आफ्नै कमाण्डरबाट कुटिनुपर्ने अवस्था किन आयो भन्ने प्रश्न अहिले सर्वत्र उठिरहेको छ। घटनास्थलमै सार्वजनिक रूपमा एक वरिष्ठ अधिकृतले आफ्नै जवानमाथि बल प्रयोग गर्नु सामान्य प्रशासनिक कमजोरी मात्र होइन, यो…
काठमाडौं । सैनिक मुख्यालयले ११ जना सहायक रथी (ब्रिगेडियर जनरल)हरूको सरुवा गरेको छ । प्रधानसेनापति, सैनिक सचिव विभागको निर्णयअनुसार २०८२ चैत ११ गतेदेखि लागू हुनेगरी उनीहरुको विभिन्न युनिटमा काज सरुवा गर्ने निर्णय भएको हो । सैनिक स्रोतका अनुसार सरुवाले नेतृत्व तहमा जिम्मेवारी पुनर्संरचना गर्दै विभिन्न महत्त्वपूर्ण निर्देशनालय, तालिम प्रतिष्ठान तथा बाहिनीहरूमा अनुभवी अधिकृतहरूलाई खटाइएको छ। कसको सरुवा कहाँ भयो ? सहायक रथी भुवनपूर्ण सत्याल – पूर्वी पृतना हे.क्वा.मासहायक रथी रामकाजी थापा – सैनिक इन्टेलिजेन्स निर्देशनालयसहायक रथी राजेन्द्र श्रेष्ठ – शोध तथा विकास निर्देशनालयसहायक रथी अर्जुन खड्का – अभिलेखालयपति, सैनिक अभिलेखालयसहायक रथी सुवास जंग थापा –सैनिक तालिम महानिर्देशनालयसहायक रथी अमृत काजी…
काठमाडौं । नेकपा एमालेबाट लुम्बिनी प्रदेश सभा सदस्य रहेकी रेखाकुमारी शर्मा पक्राउ परेकी छन् । उनलाई काठमाडौँ उपत्यका अपराध अनुसन्धान कार्यालयको टोलीले सोमबार राति धुम्बाराहीस्थित निवासबाट पक्राउ गरेको हो । शर्मामाथि दाङकी एक नाबालिकालाई घरेलु कामदार बनाउँदै हिंसा गरेको आरोप थियो । २०८१ जेठ १४ गते काठमाडौं महानगरपालिकाले बालुवाटारस्थित शर्माको घरबाट बालिकाको उद्धार गरेको थियो । उद्धारपछि शर्मामाथि नाबालिकालाई कुटपिट गरेको, बाहिर निस्किन नदिएको, बसोबासको उचित व्यवस्था नगरेको तथा मानसिक पीडा दिएको आरोप लगाइएको थियो । त्यसबेला काठमाडौँ महानगरपालिकाका मेयर रहेका हालका प्रधानमन्त्री बालेन शाहले सार्वजनिक रूपमा यस विषयमा प्रश्न उठाएका थिए । घटनापछि २०८१ जेठ ३० गते जिल्ला प्रहरी…
काठमाडौं । मन्त्रिपरिषद् बैठक बस्दैछ । प्रधानमन्त्री बालेन शाहले आज अपराह्न ४ बजे बैठक बोलाएका हुन् । बैठक सिंदरबारस्थित प्रधानमन्त्री तथा मन्त्रिपरिषद्को कार्यालयमा बस्नेछ ।