Author: Scoop Khabar

समयः साँझ करिब ७ बजेस्थानः सिन्धुली, घ्याङलेख गाउँपालिका–५, हायुटारघटनाः बैंक लुटपाट साँझ ढल्दै थियो। हायुटारको बजार क्षेत्र सामान्य जस्तै देखिन्थ्यो। अचानक नेपाल एसबिआई बैंक शाखाभित्र केही मिनेटमै अवस्था फेरियो। नकाब लगाएका ५ देखि ७ जनाको समूह बैंकभित्र छिरेर सुरक्षागार्ड र कर्मचारीलाई नियन्त्रणमा लियो र केहीबेरमै करोडौं रुपैयाँ बोकेर फरार भयो। मंगलबार साँझ करिब ७ बजे भएको उक्त सशस्त्र लुटपाट घटनामा लुटेराहरूले सुरक्षागार्डमाथि हतियार प्रहार गरेका थिए। कर्मचारीलाई बाँधेर करिब ३ करोड ११ लाख रुपैयाँ हाराहारी नगद लुटिएको प्रारम्भिक अनुमान छ। घटनामा घाइते भएका सुरक्षागार्डको उपचार भइरहेको छ। लुटपाटपछि भाग्ने क्रममा लुटेराहरूले फ्याँकेको केही रकम जंगल क्षेत्रमा बोरा–बोरामा फेला परेको छ।…

काठमाडौं । सवारी दुर्घटना न्यूनीकरण गर्ने उद्देश्यसहित ट्राफिक प्रहरी प्रभाग कलंकीले मंगलबार काठमाडौंको कलंकी क्षेत्रमा बृहत् सांस्कृतिक कार्यक्रम आयोजना गरेको छ। सवारी दुर्घटना न्यूनीकरण विशेष महाअभियान तथा ट्राफिक सप्ताह–२०८२ को अवसरमा आयोजना गरिएको कार्यक्रममा ट्राफिक सचेतनालाई केन्द्रमा राखी विविध सांस्कृतिक प्रस्तुति गरिएको थियो। कलंकी चोक नजिक आयोजित कार्यक्रममा लोकगीत, दोहोरी तथा देउडा गीतमार्फत ट्राफिक नियमको पालना, सुरक्षित सवारी सञ्चालन र पैदलयात्रुको जिम्मेवारीबारे सन्देश प्रवाह गरिएको थियो। कार्यक्रममा चर्चित लोक तथा दोहोरी गायक–गायिकाहरूको प्रस्तुति रहेको थियो भने दर्शकको उल्लेख्य सहभागिता देखिएको थियो। विशेषगरी लोकगायक पशुपति शर्माले प्रस्तुत गरेको ट्राफिक सचेतनासम्बन्धी गीतले दर्शकको ध्यान तानेको थियो। गीतमार्फत प्रवाह गरिएको सन्देशलाई दर्शकले सकारात्मक…

काठमाडौं । सहमतिका लागि मंगलबार राति अबेरसम्म चलेको संवाद निष्कर्षविहीन भएपछि नेपाली कांग्रेस तीव्र संकटतर्फ धकेलिएको छ । विशेष महाधिवेशन पक्षधर र संस्थापनबीच सहमति नजुटेपछि बुधबार बिहान ९ बजे सभापति शेरबहादुर देउवाको निष्कासनको तयारी गरिएको स्रोतले जनाएको छ । नेतृत्व परिवर्तनको अडानबाट देउवा पछि नहटेपछि विवाद चरमोत्कर्षमा पुगेको हो । महामन्त्रीद्वय गगन थापा र विश्वप्रकाश शर्मा विशेष महाधिवेशनमार्फत नयाँ नेतृत्व चयनको गृहकार्यमा सक्रिय भएपछि संस्थापन पक्ष आक्रामक बनेको छ । सोही क्रममा बुधबार ११ बजे महामन्त्री थापामाथि अनुशासनको कारबाही घोषणा गर्ने तयारी गरिएको बताइएको छ । कांग्रेसभित्रको शक्ति संघर्षले पार्टी विभाजनको खतरा बढाएको छ ।

सर्लाही । प्रहरीका हाकिमहरुसँग निकट सम्बन्ध रहेको दाबी गर्दै होटलमा हुलदंगा मच्चाउने एक व्यक्तिलाई सर्लाही प्रहरीले पक्राउ गरेको छ। पक्राउ पर्ने व्यक्ति रौतहटको चन्द्रपुर नगरपालिका–६ बेल्डी टोलका २९ वर्षीय रमेश गिरी उर्फ झनबहादुर गिरी हुन्। जिल्ला प्रहरी कार्यालय सर्लाहीका अनुसार गिरीले बागमती नगरपालिका–१२ कर्मैयास्थित न्यु कालिका होटल एण्ड गेस्ट हाउस मा पुगेर उपद्रव गरेका थिए। पुस २६ गते दिउँसो प्रेम घिसिङले सञ्चालन गरेको उक्त होटलमा खाजा, नास्ता तथा मदिरा सेवन गरेपछि उनले विवाद सुरु गरेका थिए। घटनाका बेला होटलमा सञ्चालकका भाइ लालबहादुर घिसिङ उपस्थित थिए। सो क्रममा गिरीले आफू प्रहरीका हाकिमसँग नजिकको सम्बन्ध रहेको भन्दै होटलमा रहेका व्यक्तिहरूलाई डरत्रास देखाउने,…

काठमाडौं । भारतीय प्रधानमन्त्री नरेन्द्र मोदीले गायक तथा अभिनेता प्रशान्त तामाङको निधनप्रति दुःख व्यक्त गरेका छन्। उनले तामाङकी श्रीमती मार्था एलीलाई सोमबार पठाएको शोक पत्रमा प्रशान्तको निधनले अपूरणीय क्षति भएको भन्दै उनको गायन र अभिनय कलाको प्रशंसा गरेका हुन्। ‘आफ्नो भावपूर्ण गायकी र उत्कृष्ट अभिनयले प्रशान्त तामाङ जीले मनोरञ्जनको दुनियाँमा आफ्नो लागि एक विशिष्ट स्थान बनाउनुभयो। दृढ संकल्प र विशाल प्रतिभाको प्रतीक उहाँले देशभरका करोडौँ मन छुनु भयो। प्रशान्त तामाङजी अनगिन्ती मानिसहरूका लागि प्रेरणाको स्रोत हुनुहुन्छ,’मोदीको हस्ताक्षर रहेको पत्रमा उल्लेख छ। प्रशान्तको जीवन यात्राले युवाहरूलाई सपनामा विश्वास गर्न र कडा परिश्रम गर्न प्रेरित गर्ने उल्लेख गरेका छन्। उनले पत्रमा लेखेका…

जनकपुरधाम । गृहमन्त्री ओमप्रकाश अर्याल भोलिबाट सुरु हुने मधेश प्रदेशस्तरीय सुरक्षा गोष्ठीका लागि आज मंगलबार धनुषाको जनकपुरधाम आइपुगेका छन्। जनकपुर विमानस्थलमा गृहमन्त्री अर्याललाई धनुषाका प्रमुख जिल्ला अधिकारी प्रेम प्रसाद लुईँटेल, सहायक प्रजिअ उमेश प्रसाद दाहाल, प्रदेशका प्रहरी प्रहरी प्रमुख तथा सशस्त्र प्रमुख प्रमुख, प्रदेश अन्तर्गतका राष्ट्रिय अनुसन्धान प्रमुख, जिल्ला प्रंहरी प्रमुख तथा गृह मन्त्रालय अन्तर्गतका कमर्चारीहरुले स्वागत गरेका थिए। हरेक वर्ष नियमित तालिकामा हुँदै आएको प्रदेश सुरक्षा गोष्ठी यस वर्षको अन्तिम प्रदेशस्तरीय सुरक्षा गोष्ठी मधेश प्रदेशमा गएर पुस३० गते सम्प्पन्न हुँदैछ। लुम्बिनी प्रदेशको रुपन्देहीबाट मङ्सिर ९ गतेबाट सुरु भएको सुरक्षा गोष्ठी पुष ३० गते मधेश प्रदेशमा आयोजना गरेर यस वर्षको…

दाङ । नेपाल इन्भेष्टमेन्ट मेगा बैंक लिमिटेडका कर्मचारीमाथि कुटपिट गरेको आरोपमा राष्ट्रिय प्रजातन्त्र पार्टी (राप्रपा) का जिल्ला नेता उमाकान्त भण्डारी पक्राउ परेका छन्। दाङको घोराही उपमहानगरपालिका–१४ निवासी भण्डारीले घोराही शाखामा कार्यरत बैंक कर्मचारीमाथि हातपात गरेको आरोपमा प्रहरीले उनलाई पक्राउ गरेको जिल्ला प्रहरी कार्यालय दाङले जनाएको छ। कर्जा असुलीको क्रममा बैंक पुगेका भण्डारीले कर्मचारीमाथि अभद्र व्यवहार गर्दै कुटपिट गरेको उजुरीपछि प्रहरीले कारबाही अघि बढाएको हो। जिल्ला प्रहरी कार्यालय दाङका प्रवक्ता प्रहरी नायब उपरीक्षक (डीएसपी) चक्र शाहका अनुसार भण्डारीलाई शुक्रबार पक्राउ गरी अभद्र व्यवहार सम्बन्धी मुद्दा दर्ता गरिएको छ। जिल्ला प्रशासन कार्यालय दाङबाट म्याद थप भई घटनाको थप अनुसन्धान भइरहेको प्रहरीले जनाएको…

काठमाडौं । कीर्ते कागजात तयार पारेर इन्स्योरेन्स ठगीमा संलग्न भएको आरोपमा एक प्रहरी हवल्दारविरुद्ध अदालतमा मुद्दा दायर गरिएको छ । प्रहरी वृत्त नयाँ बानेश्वरमा कार्यरत प्रहरी हवल्दार धुव्र शाहीविरुद्ध कीर्ते तथा ठगीसम्बन्धी कसुरमा जिल्ला अदालत काठमाडौंमा मुद्दा दायर भएको हो । अनुसन्धानका क्रममा शाहीले हुँदै नभएको सवारी दुर्घटना भएको देखाउने नक्कली पत्र तयार गरी इन्स्योरेन्स कम्पनीमा पेश गर्न सघाएको खुलेको छ । हरि बुढाथोकी नामक व्यक्तिसँग मिलेर उनले नेपाल माइक्रो इन्स्योरेन्स कम्पनीबाट रकम भुक्तानी गराई ठगी गरेको प्रहरीको निष्कर्ष छ । प्रहरीका अनुसार नक्कली दुर्घटनाको विवरण उल्लेख गरी पत्राचार गरिँदा इन्स्योरेन्स कम्पनीका कर्मचारी बिकेश कुँवरको समेत मिलेमतो रहेको पाइएको छ…

काठमाडौं । नेपाल प्रहरीमा प्रहरी नायब उपरीक्षक (डीएसपी) बाट प्रहरी उपरीक्षक (एसपी) पदमा बढुवाका लागि १६ जनाको नाम सिफारिस गरिएको छ। नेपाल प्रहरी प्रधान कार्यालय, बढुवा समितिको सचिवालयले सोमबार बढुवा सिफारिस सूची सार्वजनिक गरेको हो। प्रहरी नियमावली, २०७१ को नियम २७ को उपनियम (४) बमोजिम २०८१ पुस १२ गते बसेको बढुवा समितिको बैठकको निर्णयअनुसार डीएसपी पदमा कार्यरत १६ जनालाई एसपीमा बढुवाका लागि सिफारिस गरिएको जनाइएको छ। प्रधान कार्यालयले सार्वजनिक गरेको सूचनाअनुसार विभिन्न महाशाखा, ब्यूरो, प्रदेश कार्यालय, तालिम केन्द्र, जिल्ला प्रहरी कार्यालय तथा विशेष इकाइमा कार्यरत डीएसपीहरू बढुवाको सूचीमा परेका छन्। एसपीमा बढुवा सिफारिस भएका डीएसपीहरूको नामावलीःपुष्पराज मल्लधर्मराज भण्डारीरविन श्रेष्ठदिलीप कुमार…

गोरखा । नेपाल लाइफ इन्स्योरेन्स कम्पनी लिमिटेडको सामाजिक उत्तरदायित्व कार्यक्रम अन्तर्गत गण्डकी प्रदेशको अरुणखोला उप–शाखाले गोरखाको गण्डकी गाउँपालिका–४ स्थित श्री कालिका प्राथमिक विद्यालयका गरिब तथा जेहनदार ४५ जना विद्यार्थीलाई शैक्षिक सामग्री सहयोग गरेको छ। कम्पनीले उक्त विद्यालयको ४८ औं बार्सिक उत्सव तथा अभिभावक दिवसको समारोहमा विद्यार्थीहरुलाई ४५ थान विद्यालय झोला र २७० थान कपी वितरण गरेको हो। सहयोग सामग्री वितरण कार्यक्रम अरुणखोला उप–शाखाका प्रमुख दीपक पन्तको उपस्थितिमा सम्पन्न भएको थियो। शाखा प्रमुख पन्त स्वयं विद्यालयमा पुगेर विद्यार्थीहरूलाई शैक्षिक सामग्री हस्तान्तरण गरेका थिए। सहयोग वितरण कार्यक्रममा बोल्दै शाखा प्रमुख दीपक पन्तले शिक्षा क्षेत्रको प्रवर्द्धन र बालबालिकाको उज्ज्वल भविष्य निर्माणमा नेपाल लाइफ…