Author: Scoop Khabar
काठमाडौँ । सहकारीको रकम हिनामिना गरेको कसुरमा थुनामा रहेका राष्ट्रिय स्वतन्त्र पार्टी (रास्वपा) का सभापति रवि लामिछानेले जाँचबुझ आयोग समक्ष करिब ७ घण्टा १५ मिनेट बयान दिएका छन् । बयान सकेर उनलाई कारागार फर्काइएको छ । बुधबार मध्यान्ह १ बजे उनलाई नख्खु कारागारबाट सिंहदरबार स्थित उच्चस्तरीय जाँचबुझ आयोगमा उपस्थित गराइएको थियो । जेनजी प्रदर्शनमा भएको प्रहरी दमन र देशभरको उच्छृङ्खल गतविधिबारे गौरीबहादुर कार्की नेतृत्वको आयोगले छानबिन गरिरहेको छ । आयोगमा पूर्वएआईजी विज्ञानराज शर्मा र अधिवक्ता विन्देश्वरी भण्डारी सदस्य छन् । भदौ २४ मा लामिछाने नख्खु कारागारबाट निस्केका थिए । त्यसपछि देशभर कारागारको गेट तोडेर कैदीबन्दी निस्कने र कारागार भित्र आगजनी…
काठमाडौं । आज मन्त्रिपरिषद् बैठक बस्दैछ । बैठकमा नेपाल प्रहरीका ३३ औं प्रहरी महानिरीक्षक (आईजीपी) नियुक्तिको विषयमा छलफल हुने बताइएको छ । एक सातापछि हालका आईजीपी चन्द्रकुबेर खापुङले अवकाश पाउने भएकाले नयाँ आईजीपी नियुक्ति गर्न लागिएको हो । ‘कुनै विवाद भएन भने आज नै आईजीपी नियुक्तिको निर्णय हुनसक्छ,’ स्रोत भन्छ, ‘नत्र सोमबारको मन्त्रिपरिषद्बाट प्रहरीको नयाँ नेतृत्व तय हुनेछ ।’ ३३औं आईजीपीको दाबेदारमध्ये दानबहादुर कार्की पहिलो नम्बरमा छन् । प्रधानमन्त्री कार्की र गृहमन्त्री ओमप्रकाश अर्याल प्रहरीमा वरियता मिच्ने पक्षमा छैनन्। यहि कारण पनि कार्कीलाई आईजीपी बन्न सहज देखिन्छ । यस्तै राजन अधिकारी, मनोज केसी र सिद्धीविक्रम साह पनि आईजीपीको दाबेदार हुन्…
नेपाल प्रहरीको केन्द्रीय प्रवक्ताको जिम्मेवारी प्रहरी नायब महानिरीक्षक (डीआईजी) अविनारायण काफ्लेलाई दिइएको छ । प्रहरी प्रधान कार्यालय प्रहरी महानिरीक्षकको सचिवालयका डीआईजी काफ्लेलाई केन्द्रीय प्रवक्ता तोकिएको हो। नेपाल प्रहरीद्वारा सम्पादित जनसरोकारका काम कारबाहीलाई यथार्थ तथा तथ्यगत रूपमा सञ्चार माध्यमहरूमा सम्प्रेषण गर्नका लागि काफ्लेलाई केन्द्रीय प्रहरी प्रवक्ता तोकिएको उक्त सचिवालयले मंगलबार जनाएको छ । डीआईजी काफ्लेलाई ९८५१२९२१११ र ईमेल ठेगाना spokesperson@nepalpolice.gov.np मा सम्पर्क गर्न सकिने प्रहरीले जनाएको छ।
काठमाडौं । जेनजी आन्दोलनमा भक्तपुरको जगाती प्रहरी चौकी आगजनी गर्ने ८ जनाले आत्मसमर्पण गरेका छन् । काभ्रे भुम्लु ३ घर भई अहिले भक्तपुर हनुमानघाट बस्ने ३४ वर्षका रामशरण परियार, काभ्रे बनेपा ४ घर भई हनुमानघाट नै बस्ने ३२ वर्षका रुपक परियार, सर्लाही लाबन्दी ६ घर भई अहिले भक्तपुर दार्जिलिङ हाइट बस्ने २६ वर्षका होमबहादुर खत्रीले आत्मसमर्पण गरेका हुन् । यस्तै, काभ्रे नमोबुद्द १ घर भई हाल बम्हायणी बस्ने २२ का अमृत सुनुवार र महोत्तरी सोनाम ८ घर भई हाल बम्हायणी बस्ने १८ वर्षका प्रालद कुमार ठाकुरले पनि आत्मसमर्पण गरेको प्रहरीले जनाएको छ । त्यसैगरी, भक्तपुर भक्तपुर नगरपालिका ८ घर का…
काठमाडौं । रुपन्देहीको भैरहवास्थित होटल निर्वाणा लक्जरी इन्टरनेसनल परिसरमा सोमबार मध्यरातमा गोली चलेको छ। रुपन्देही प्रहरी प्रमुख एसपी प्रदीप क्षेत्रीका अनुसार गएराति होटल निर्वाणाको क्यासिनोमा दुई समूहबीच विवाद भएको थियो। विवाद गर्दै सो समूह होटलको गेट अगाडि आइपुगेको थियो। उक्त समूह होटलभित्र प्रवेश गर्न खोजेपछि सुरक्षागार्डले रोक्न खोज्दा अपरिचित व्यक्तिले सुरक्षागार्डमाथि गोली प्रहार गरेका थिए। गोली लागेर बुटवल उपमहानगरपालिका-१५ का २७ वर्षीय मीनबहादुर परियार सामान्य घाइते छन्। घाइते परियारको राति भीम अस्पतालमा उपचारपछि डिस्चार्ज गरिएको छ । गोली चलाउने समूहमा रहेका तीन जना फरार रहेको र खोजी भइरहेको जिल्ला प्रहरी कार्यालय रुपन्देहीले जनाएको छ। क्यासिनो सञ्चालनमा रहेको उक्त होटलमा दैनिक…
काठमाडौं । नेपाली कांग्रेसका सभापति शेरबहादुर देउवाले संस्थापनका नेताहरूलाई विशेष महाधिवेशन नगर्न निर्देशन दिएका छन् । विशेष महाधिवेशन माग गर्दै दुई हजार ४ सय ८८ महाधिवेशन प्रतिनिधिले कार्यवाहक सभापति पूर्णबहादुर खड्कालाई हस्ताक्षरसहितको पत्र बुझाएका थिए । तर, त्यो पत्रको कार्यान्वयन नगरी नियमित महाधिवेशन गर्ने वातावरण निर्माण गर्न संस्थापनका नेताहरूलाई देउवाले निर्देशन दिएका हुन् । गत आइतबारको केन्द्रीय कार्यसमिति नियमित महाधिवेशन कहिले गर्ने भन्नेमा विवाद भएपछि स्थगित भएको थियो । त्यसपछि बसेको संस्थापन पक्षीय नेताहरूको अनौपचारिक बैठकमा सभापति देउवाले विशेष महाधिवेशन नगरी नियमित महाधिवेशनको वातावरण बनाउन आफूलाई निर्देशन दिएको जानकारी कार्यवाहक सभापति खड्काले दिएका हुन् । त्यो बैठकमा सहभागी भएका एक…
काठमाडौं । राजधानी नजिकैको थानकोट क्षेत्रमा खुल्लामखुल्लै चोरीको पेट्रोल र डिजेल किनबेच हुने गरेको पर्दाफास भएको छ । मकवानपुरमा ट्यांकरबाट अवैध रूपमा पेट्रोल झिकेर बिक्री गर्ने चालकसहित ४ जना पक्राउ परेपछि यो ‘तेल चोरीको सञ्जाल’ राजधानीसम्म फैलिएको प्रमाण खुलेको हो । मकवानपुरको मनहरी गाउँपालिका–८ मा रहेको जय शिव शरणम् फ्युल सेन्टर प्रा.लि. मा आइतबार ना४ख ९३७७ नम्बरको ट्यांकरबाट पेट्रोल झिक्दै गरेको अवस्थामा चालकसहित ४ जनालाई नियन्त्रणमा लिएको मकवानपुर प्रहरीले जनाएको छ । उक्त ट्यांकर बाराको अमलेखगञ्जस्थित नेपाल आयल निगम डिपोबाट पेट्रोल लोड गरी थानकोट डिपो पुग्ने क्रममा थियो । तर बीचमै ठूलो परिमाणमा तेल झिकेर बेच्ने क्रममै उनीहरू समातिएका हुन्…
काठमाडौं । सरकारले ५ जना प्रहरी वरिष्ठ उपरीक्षक (एसएसपी)लाई नायब महानिरीक्षक (डीआईजी)मा बढुवा गरेको छ। गृहमन्त्री ओमप्रकाश अर्यालले सोमबार भुपेन्द्र खत्री, सानुराम भट्टराई, ओम अधिकारी, शेखर खनाल र अबिनारायण काफ्लेलाई डीआईजीमा बढुवा गर्ने निर्णय गरेका हुन्। एक सातापहिले नै उनीहरु बढुवाका लागि सिफारिस भएका थिए। बढुवा भएका डीआईजीको जिम्मेवारी पनि तोकिएको छ। यसअनुसार भुपेन्द्र खत्री सीआईबीमा, सानुराम भट्टराई अपराध अनुसन्धान विभागमा, ओम अधिकारी उपत्यका प्रहरी कार्यालयमा, शेखर खनाल अख्तियारमा र अबिनारायण काफ्ले प्रहरी महानिरीक्षकको सचिवालयमा पदस्थापन भएका छन्।
काठमाडौं । प्रहरी प्रधान कार्यालयले गत भदौ २३,२४ को घटनासम्बन्धी जाँचबुझ आयोगले बयानका लागि बोलाउन सक्ने भन्दै त्यसताका फिल्डमा खटिएका इन्चार्जलाई काठमाडौं उपत्यका नछाड्न निर्देशन दिएको छ । मुख्यालयले काठमाडौं उपत्यका प्रहरी कार्यालयलाई पत्राचार गर्दै त्यसताका सबैभन्दा बढी क्षति भएको क्षेत्रहरूमा खटिएका इन्चार्जलाई कुनै पनि बेला आयोगमा सोधपुछका लागि बोलाउनुपर्ने भएकाले बाहिर नजाने व्यवस्था मिलाउन भनेको हो । हेर्नुहोस् निर्देशन पत्र
रौतहट । मधेश प्रदेश प्रहरी कार्यालय जनकपुरधामका प्रमुख डीआईजी गोविन्द थपलियाले मातहतका प्रहरी अधिकृतहरूलाई अपराध र अनुशासन उल्लङ्घनका विषयमा ‘शून्य सहनशीलता’ अपनाउन निर्देशन दिएका छन्। आइतबार जिल्ला प्रहरी कार्यालय रौतहटको स्थलगत अनुगमन तथा निरीक्षणपछि डीआईजी थपलियाले रौतहट प्रहरी प्रमुख एसपी रबिन कार्कीलगायत सिंगो रौतहट प्रहरीलाई उक्त निर्देशन दिएका हुन्। मधेश प्रदेश प्रहरी प्रमुखको जिम्मेवारी सम्हालेपछिको यो पहिलो स्थलगत भ्रमण थियो। जिल्ला प्रहरी कार्यालय रौतहट पुगेका थपलियाले कार्यालय परिसरका सबै शाखा, थुनुवा हिरासत कक्ष, ब्यारेक भवन लगायतका संरचनाहरू अवलोकन गरेका थिए। निरीक्षणका क्रममा उनले प्रहरी कर्मचारीहरूको कार्यसम्पादन, भौतिक संरचना, स्वच्छता तथा सेवा प्रवाहको अवस्थाबारे प्रत्यक्ष जानकारी लिए। साथै सुधार आवश्यक रहेका…