Author: Scoop Khabar

झापा । जेनजी आन्दोलनका क्रममा चितवनबाट फरार रहेका एक जना बन्दी पक्राउ परेका छन् । पक्राउ पर्नेमा शिवसताक्षी नगरपालिका–८ का २९ वर्षीय आशिष सुब्बा रहेको जिल्ला प्रहरी कार्यालयका प्रवक्ता खगेन्द्रबहादुर खड्काले बताए । सुब्बा सालकको अखेटोपहार मुद्दामा चितवन कारागारमा बन्दी थिए । प्रहरीले खोजतलासका क्रममा उनलाई घरबाटै आइतबार पक्राउ गरेको जनाएको छ । चितवन कारागारबाट भागेपछि सुब्बा आफ्नै घरमा आएर लुकिछिपी बस्दै आएका थिए । पक्राउपछि इलाका प्रहरी कार्यालय झिलझिलेमा राखिएका सुब्बालाई चितवन कारागारमा पठाइने भएको छ ।

म्याग्दी । म्याग्दी, पर्वत र कास्की जिल्लाको सिमानामा रहेको प्राकृतिक एवम् धार्मिक पर्यटकीयस्थल कालाञ्जर हम्पालको जलजला क्षेत्रमा ताल निर्माण गर्न सम्भाव्यता अध्ययन थालिएको छ । म्याग्दीको अन्नपूर्ण गाउँपालिका, पर्वतको जलजला गाउँपालिका, मोदी गाउँपालिका र कास्की जिल्लाको अन्नपूर्ण गाउँपालिकासम्म फैलिएको जलजला क्षेत्रमा पर्यटकलाई आकर्षित ताल निर्माणका लागि अध्ययन थालिएको हो । जलजला गाउँपालिकाका उपाध्यक्ष दीपक आचार्यले तीन हजार दुई सय मिटर उचाइमा रहेको खुला घाँसे मैदान र पहाडी भू–आकृतिले भरिपूर्ण उक्त क्षेत्रलाई दीर्घकालीन रुपमा धार्मिक तथा पर्यटकीयस्थलका रुपमा विकास गर्न अध्ययन सुरु गरिएको जानकारी दिए । चालु आर्थिक वर्षमा सिँचाइ तथा जलस्रोत व्यवस्थापन आयोजना कार्यालय पोखराबाट सम्भाव्यताको अध्ययन र विस्तृत परियोजना…

कास्की । मध्यपहाडी(पुष्पलाल) लोकमार्गको पोखरा खण्ड हुँदै दैनिक सयौँ यात्रुवाहक तथा मालबाहक सवारीसाधन पोखराबाट देशको पश्चिम भागमा बाहिरिने र भित्रिने गर्दछन् । पाँचथरबाट सुरु हुने राष्ट्रिय गौरवको मध्यपहाडी लोकमार्ग पोखराबाट–बाग्लुङ हुँदै पश्चिमी सिमाना बैतडीको झुलाघाट जोड्छ । कास्की खण्डमा पर्ने पोखरा महानगरपालिकाको हरिचोकदेखि याम्दीसम्मको निर्माणाधीन राजमार्गसमेत अहिले स्तरोन्नतिको अन्तिम चरणमा पुगेको छ । यस खण्डको काम अहिले लगभग सकिन लागेको छ । यस खण्डको ९० प्रतिशत काम पूरा भएको मध्यपहाडी राजमार्ग आयोजना कार्यालय पर्वतका इञ्जीनीयर किरण सुवेदीले जानकारी दिए । उनका अनुसार यस खण्डको निर्माण सकिएपछि यात्रु सहज रुपमा पोखरादेखि बागलुङहुँदै पश्चिम क्षेत्र जान र फर्कन सक्नेछन् ।“हरिचोक–याम्दी खण्डको मुख्य…

काठमाडौँ । जेनजी मुभमेन्ट नेपालले प्रधानमन्त्री सुशीला कार्कीको राजीनामा माग गरेको छ । कार्की नेतृत्वको सरकारले गैरजिम्मेवार निर्णयहरू गर्न थालेको भन्दै मुभमेन्टले बहिस्कारको चेतावनी समेत दिएको छ । सोमबार विज्ञप्ति जारी गर्दै जेनजी मुभमेन्ट नेपालले उर्जामन्त्री कुलमान घिसिङ आर्थिक अनियमिततामा मुछिएको, अर्थमन्त्री रामेश्वर खनालले डोल्मा कम्पनीलाई गैरकानुनी कर छुट दिएको तथा महान्यायाधिवक्ता सविता बराल भण्डारीले किशोरीहरूको डिम्ब विक्रीमा मुछिएकालाई छुट दिएको तथा प्रधानमन्त्री सुशीला कार्कीका स्वकीय सचिवले समेत आफन्तलाई नियुक्ति दिएको आरोप लगाएको छ । यस्तै गृहमन्त्री ओमप्रकाश अर्यालले समेत काकालाई डीआइजी बनाउन सशस्त्र प्रहरीमा दरबन्दी थपेर पदीय दुरुपयोग गरेको विज्ञप्तिमा उल्लेख छ । जेनजी मुभमेन्टले विद्रोहका आदर्श, सुशासनका लागि…

काठमाडौँ । सम्पत्ति शुद्धीकरण मुद्दामा पुर्पक्षका लागि कारागार चलान भएका रामबहादुर बम्जनको मुद्दा सुनुवाइका लागि पेसीमा चढेको छ । सर्वोच्चका कायममुकायम प्रधानन्यायाधीश सपना प्रधान मल्ल र न्यायाधीश शान्तिसिंह थापाको संयुक्त इजलासमा सुनुवाइका लागि पेसी तोकिएको हो । सम्पत्ति शुद्धीकरण (मनी लाउण्डरिङ्ग) कसुरमा बमजनमाथि २०८१ फागुन ५ गतेका दिन सर्लाही जिल्ला अदालतमा मुद्दा दर्ता भएको थियो । जिल्ला अदालत सर्लाहीले पुर्पक्षका लागि कारागार चलान गर्ने आदेश दिएपछि त्यसविरुद्ध बम्जन जनकपुर उच्च अदालत पुगेका थिए । उच्च अदालतले जिल्लाको सुरुको आदेश सदर गरेपछि थुनामुक्त गर्न माग गर्दै दफा ७३ अन्तर्गत निवेदन लिएर सर्वोच्च आएका हुन् । बम्जनविरुद्ध सवा ८ करोडको बिगोसहित सम्पत्ति…

काठमाण्डौं । प्रधानमन्त्री सुशीला कार्कीका प्रमुख स्वकीय सचिव आदर्शकुमार श्रेष्ठले आफ्नै पत्नी र नातेदारलाई प्रधानमन्त्रीको संवेदनशील सचिवालयमा नियुक्त गराएको खुलासा भएको छ। प्रधानमन्त्री तथा मन्त्रिपरिषद् कार्यालयका स्रोतका अनुसार सचिवालय ‘श्रेष्ठ नेटवर्क’मार्फत परिवार केन्द्रित बनेको आरोप छ। असोज २ गते एकैदिन, श्रेष्ठले आफ्नी पत्नी संगीता श्रेष्ठलाई सहसचिव सरहको स्वकीय सहसचिव र नातेदार कमला श्रेष्ठलाई पनि उही पदमा नियुक्त गराएका हुन्। सोही दिन पुनम श्रेष्ठ र रविना श्रेष्ठ नामक व्यक्तिहरूलाई नासु सरहका प्रशासन सहायकमा पनि ल्याइएको छ। प्रधानमन्त्री कार्कीले पदभार सम्हालेको एक साताभित्रै यी नियुक्ति भएका हुन्। आदर्श श्रेष्ठ यसअघि सर्वोच्च अदालतको सूचना प्रविधि महाशाखामा करारमा कार्यरत थिए। कार्की सर्वोच्चकी प्रधानन्यायाधीश हुँदा…

काठमाडौँ । नेपालको संविधान २०७२ को धारा ५६ ले नेपालको शासकीय संरचनालाई संघ, प्रदेश र स्थानीय सरकार गरी तिन तहमा अधिकार विभाजन गरेको छ । स्थानीय सरकारलाई नेपालको संविधानले सशक्त शासकीय इकाइका रुपमा परिकल्पना गरेको हो। संविधानले स्थानीय तहको एकल अधिकारलाई संविधानको अनुसूची ८ मा विभिन्न २२ वटा बिषय तोकेको छ । वि.सं. २०७२ असोज ३ गते संविधान सभाले संविधान जारी गरेपछि राज्यको पुन:संरचना गर्ने संन्दर्भमा ७५३ स्थानीय सरकार र ७७ जिल्ला समन्वय समितिको संरचनालाई स्वीकार गरिएको छ । स्थानीय सरकार अन्तर्गत ६ महानगरपालिका ११ उपमहानगरपालिका २७६ नगरपालिका र ४६० गाउँपालिकाहरु रहेका छन् ।सरकारले अघि सारेका नीति–कार्यक्रम र तिनको कार्यान्वयन…

काठमाडौं । अवैध लागूऔषध कारोबारमा संलग्न रहेको आशंकामा ९ जनालाई प्रहरीले पक्राउ गरेको छ। काठमाडौं महानगरपालिका-२६ केशरमहल चोकबाट नियन्त्रित लागूऔषध डाईजेपाम २० एम्पुल, फेनारगन २३ एम्पुल र बुप्रेनोर्फिन २० एम्पुल सहित २ जनालाई आइतबार दिउँसो प्रहरीले पक्राउ गरेको छ । पक्राउ पर्नेहरूमा काठमाडौं बौद्ध बस्ने दोलखा घर भएका २८ वर्षीय प्रकाश श्रेष्ठ र काठमाडौं बुढानिलकण्ठ बस्ने दोलखा घर भएका २८ वर्षीय देबेन्द्र लामा रहेका छन् । प्रहरी वृत्त दरबारमार्गबाट खटिएको प्रहरीले बा.३६ प ७८८६ नम्बरको मोटरसाइकल सवार उनीहरूलाई उक्त पदार्थ सहित पक्राउ गरेको हो । सर्लाही, कौडेना गाउँपालिका-२ नहरबाट अवैध लागूऔषध गाँजा करिब ४ किलोग्राम सहित हरिवन नगरपालिका-२ अत्रौली बस्ने…

काठमाडौं । सशस्त्र प्रहरीको प्रवक्तामा डीआईजी मनीष थापा नियुक्त भएका छन्। यसअघिका सूचना अधिकारी तथा प्रवक्ता रहेका डीआईजी कालीदास धौवजी अनिवार्य अवकाशमा गएपछि थापालाई प्रवक्ताको जिम्मेवारी आज दिइएको हो।

टोकियो । नेपाल पत्रकार महासंघ जापान शाखाको अध्यक्षमा रविन्द्र श्रेष्ठ निर्वाचित भएका छन् । जापानको राजधानी टोकियोमा आइतबार सम्पन्न अधिवेशनबाट श्रेष्ठ अध्यक्षमा निर्वाचित भएका हुन् । अध्यक्ष पदका अर्का उम्मेदवार राजन गौतमलाई हराउँदै निर्वाचित भएका हुन् । यस्तै उपाध्यक्षमा मनिसा चम्लागाइ निर्वाचित भएका छन् । उपाध्यक्षमा उनीबाहेक गोकर्ण अधिकारी र बिनोद कुमार सापकोटाले पनि उम्मेदवारी दिएका थिए । यस्तै महिला उपाध्यक्षमा लक्ष्मी पौडेल चयन भएकी छन् । सचिवमा अर्जुन लामिछाने चयन भएका छन् । सह–सचिव (खुला) मा विष्णु प्रसाद सापकोटा र सह–सचिव (जनजाति) मा फुर्वा शेर्पा भने निर्विरोध निर्वाचित भइसकेका छन्। यस्तै कोषाध्यक्षमा भूलबहादुर राना ‘निशान’ पनि निर्विरोध विजयी भएका…