Author: Scoop Khabar

काठमाडौँ । श्रम संस्कृति पार्टीका अध्यक्ष तथा प्रतिनिधि सभा सदस्य हर्क साम्पाङले प्रधानमन्त्री तथा मन्त्रीहरुको सम्पत्तिको स्रोत माग गरेका छन् । उनले सामाजिक सञ्जालमा लेख्दै स्रोत विनाको सम्पत्ति घुमाइफिराइ भ्रष्टाचार भन्ने बुझिने बताएका छन् । उनले भनेका छन्, ‘सम्पत्तिको विवरण त आयो तर अब स्रोत पनि आउनुपर्छ ।’उनले लेखेका छन्, ‘सरकारमा रहेका सबैको सम्पत्ति यति उति भन्ने आयो । अब त्यस्को स्रोत पनि खुलाइदिए राम्रो । स्रोत बिनाको सम्पत्ति त फेरि घुमाइफिराइ भ्रष्टाचार गरेको भन्ने नै बुझिन्छ । स्रोत प्रष्ट्याइदिनु पर्छ ।’

काठमाडौं । नेपाल प्रहरीका अवकाशप्राप्त प्रहरी महानिरीक्षक रविन्द्र प्रताप शाहले आफू अनपेक्षित रूपमा प्रहरी महानिरीक्षक र पछि संविधानसभा सदस्य बनेको बताएका छन्। सामाजिक सञ्जाल फेसबुकमा लेख्दै उनले आफ्नो जीवनका महत्वपूर्ण मोडहरू ‘नियति, समय र परिस्थितिको खेल’ भएको उल्लेख गरेका हुन्। उनका अनुसार सुडान काण्डपछि बनेको सरकारमा झलनाथ खनाल प्रधानमन्त्री र कृष्ण बहादुर महरा गृहमन्त्री भएका बेला २०६८ जेठमा आफू अचानक प्रहरी महानिरीक्षक नियुक्त भएका थिए। यसअघि २०६५ मै बरियतामा पहिलो भए पनि पुष्पकमल दाहाल प्रधानमन्त्री र वामदेव गौतम गृहमन्त्री हुँदा आफू प्रहरी महानिरीक्षक बन्न नसकेको उनले बताएका छन्। अवकाश पाएपछि शाहका अनुसार २०७० सालमा नारायणकाजी श्रेष्ठले फोन गरेर समानुपातिक सूचीमा…

काठमाडौं । देशभर चाडपर्व नजिकिँदै गर्दा सीमावर्ती जिल्लामा तस्करी बढ्ने पुरानै प्रवृत्ति हो। तर यसपटक बारा जिल्लामा तस्करी झन् फस्टाएको छ। प्रहरी अपराध नियन्त्रणमा खटिनुको साटो तस्करीकै संरक्षणकर्ता बनेको आरोप खुलेसँगै शान्ति सुरक्षाप्रति गम्भीर प्रश्न उठेको छ। जिल्ला प्रहरी कार्यालय बाराका प्रहरी प्रमुख तथा प्रहरी उपरीक्षक (एसपी) सन्तोष तामाङमाथि तस्करीलाई खुला आकाश दिन क्राइम ब्रान्चमार्फत लाइन दिएको गम्भीर आरोप लागेको छ। त्यतिमात्र नभएर उनले एकजना स्थानीय पत्रकार माध्यमबाट लाखौं रुपैयाँको नजराना बुझि तस्करीको लाइन दिएको समेत खुलेको छ। ती पत्रकारको बास नै एसपीको क्वार्टरमा हुने गरेको उनलाई देख्नेहरु बताउँछन्। यतिबेला बाराको मुसहर्वा, बलिरामपुर, छतवा, बरैनिया, मटिअर्वा, सिम्रौनगढ, कवहीगोठ, बलिरामपुर, आमवा,…

काठमाडौं । प्रहरीले सोमबार दुई अत्याधुनिक पेस्तोल, गोली र म्यागजिनसहित तीन जनालाई बाफलबाट पक्राउ गरेको छ- जसले राजधानीमा अवैध हतियार नेटवर्क मौलाउँदै गएको गम्भीर संकेत गरेको छ। पक्राउ पर्नेहरूमा काठमाडौं महानगरपालिका–१५ डल्लुका ३२ वर्षीय ‘झिल्के’ भनिने विकास शाही, मोरङ लेटाङ–४ घर भई हाल काठमाडौंमा बस्दै आएका २२ वर्षीय शाहिल तिवारी र नागार्जुन नगरपालिका–४ बाफलका ३३ वर्षीय जस्वन भनिने अश्विन राई छन्। हतियार बरामदसँगै प्रहरीको अनुसन्धानले पक्राउ परेका जस्वन राई कुनै साधारण पात्र नभएको खुलासा भएको छ। उनी २०७३ सालमा तत्कालीन अपराध महाशाखाले बबरमहलमा गरेको इन्काउण्टर प्रयासबाट ज्यान जोगाएर भाग्न सफल भएका व्यक्ति हुन्। त्यतिबेला एसएसपी सर्वेन्द्र खनाल नेतृत्वको टोलीले बबरमहलमा…

काठमाडौं । मधेस प्रदेश अन्तर्गत बारा जिल्लाको ईलाका प्रहरी कार्यालय (ईप्रका) सिम्रौनगढमा तस्करी गतिविधि मौलाएको गम्भीर आरोप सार्वजनिक भएको छ। स्थानीय स्रोतका अनुसार, कार्यालय प्रमुख प्रहरी निरीक्षक किसुन्देव साह (केडी)को मिलेमतोमा ठूलो मात्रामा अवैध कारोबार सञ्चालन भइरहेको हो। प्रहरीको मुख्य दायित्व अपराध नियन्त्रण र शान्ति सुरक्षा कायम गर्नु भएपनि, निरीक्षक साहले त्यसको विपरीत सिमानाकादेखि भित्री क्षेत्रमा रहेका अवैध घरेलु मदिरा भट्टी सञ्चालन गर्ने तथा मदिरा बिक्री वितरण गर्ने व्यवसायीहरूसँग नियमित आर्थिक असुली गरिरहेको आरोप छ। स्रोतका अनुसार, ईप्रका अन्तर्गत पर्ने पथालवा घाट, पिपरपाती, बैरिया, बेलदारी, खज्जानी र कोचोर्वा प्रहरी चौकीका इन्चार्जहरूसँग समन्वय गरी निरीक्षक साहले जिल्ला प्रहरी कार्यालयसम्म रकम पुर्‍याउने…

काठमाडौं । भिजिट भिसाको नाममा चलिरहेको मानव तस्करी रोक्न सरकार असफल देखिएको छ । अध्यागमन विभागले लागू गरेको ‘पासपोर्ट, टिकट र भिसा’ मात्रै भए पुग्ने ‘३ कागज’ नियम नै अहिले दलाल र ट्राभल एजेन्सीका लागि सुरक्षित माध्यम बनेको भन्दै सरोकारवालाले कडा आपत्ति जनाएका छन् । २०७३ सालदेखि घरेलु कामदारलाई खाडी मुलुक पठाउन रोक लगाइएको भए पनि भिजिट भिसाको आडमा खुलेआम नेपाली पठाउने धन्दा झन् फस्टाएको उनीहरुको दावी छ । कागज मिलाए पुग्ने व्यवस्थाले वास्तविक पर्यटकभन्दा तस्करलाई नै बढी फाइदा पुगेको गरेको छ । मानव तस्करी सञ्जालले पछिल्लो समय ओमानलाई ट्रान्जिट बनाएर नेपालीलाई विभिन्न जोखिमपूर्ण गन्तव्यमा पु¥याउने गरेको तथ्य बाहिरिएको छ…

काठमाडौं । पूर्व गृहमन्त्री रमेश लेखकको कार्यकालमा गृह मन्त्रालयभित्र मौलाएको ‘पर्वते नेटवर्क’ अझै प्रभावमै रहेको तथ्य बाहिरिएको छ। विवादास्पद निर्णय, नक्कली भिजिट भिसा प्रकरण र ‘जेन-जी’ आन्दोलनसँग जोडिएका उच्च अधिकारीहरू अझै महत्वपूर्ण पदमा कायम रहनुले गम्भीर प्रश्न उठाएको छ। के उनीहरू कानूनभन्दा माथि छन् ? गृह मन्त्रालय स्रोतका अनुसार लेखक गृहमन्त्री रहँदा सीमित समूहका सहसचिव र उपसचिवहरूले मन्त्रालयको शक्ति केन्द्र नै कब्जा गरेका थिए। बद्रीप्रसाद तिवारी, रामचन्द्र तिवारी र छविलाल रिजाल जस्ता अधिकारीहरू ‘निर्णय निर्माता’को रूपमा चिनिन्थे। काठमाडौं सिडिओ बनेका छविलाल रिजाल ‘जेन-जी’ आन्दोलनको व्यवस्थापनमै असफल भएपछि पदच्युत भए र हाल उनी प्रहरी अनुसन्धानको दायरामा तानिएका छन्। तर प्रश्न उठ्छ-…

काठमाडौं। गैरकानुनी सम्पत्ति आर्जनविरुद्ध सरकारले थालेको आक्रामक अभियान अब उच्च राजनीतिक तहतिरै केन्द्रित हुन थालेको संकेत देखिएको छ। पछिल्लो समय पक्राउ र अनुसन्धानको दायरा फराकिलो बन्दै जाँदा पूर्वप्रधानमन्त्रीदेखि शक्तिशाली राजनीतिक व्यक्तिहरू समेत यसको घेरामा पर्न सक्ने आँकलन गरिएको छ। काङ्ग्रेस नेता तथा पूर्व ऊर्जामन्त्री दीपक खड्का पक्राउ परिसकेका छन् भने, पूर्वप्रधानमन्त्री शेरबहादुर देउवा र उनकी पत्नी डा. आरजु राणा देउवाविरुद्ध पनि सम्पत्ति शुद्धीकरण अनुसन्धान विभागले पक्राउ पुर्जी जारी गरिसकेको छ। हाल देउवा दम्पती विदेशमा रहेका कारण इन्टरपोलमार्फत नेपाल ल्याउने तयारी भइरहेको स्रोतको दाबी छ। देउवापछि अब अनुसन्धानको केन्द्र पूर्वप्रधानमन्त्री पुष्पकमल दाहाल ‘प्रचण्ड’तिर मोडिन सक्ने संकेतहरू देखिन थालेका छन्। स्रोतका अनुसार…

काठमाडौं । प्रहरी महानिरीक्षक दानबहादुर कार्कीले सीमा नाकामा हुनसक्ने आपराधिक गतिविधि, तस्करी तथा गुण्डागर्दी नियन्त्रणमा खरो रूपमा उत्रिन देशभरका प्रहरी कर्मचारीहरूलाई निर्देशन दिएका छन्। नेपाल प्रहरी प्रधान कार्यालयबाट भर्चुअल माध्यममार्फत आयोजित समसामयिक विषयसम्बन्धी कार्यक्रममा सम्बोधन गर्दै आईजीपी कार्कीले अपराध नियन्त्रणमा कुनै पनि किसिमको ढिलासुस्ती नगरी कानुनी दायरामा ल्याउने कार्यलाई प्राथमिकतामा राख्नुपर्ने बताएका हुन्। उनले सीमा क्षेत्रमा हुने आपराधिक गतिविधि, तस्करी तथा प्राकृतिक स्रोतको अवैध दोहनमा संलग्न व्यक्तिहरूलाई कडाइका साथ नियन्त्रण गरी कानुनी कारबाहीको दायरामा ल्याउन निर्देशन दिए। साथै, नागरिकलाई केन्द्रमा राखेर छिटो, छरितो र पारदर्शी सेवा प्रवाह गर्न पनि उनले जोड दिए। आईजीपी कार्कीले प्रहरी कार्यालयहरूमा बिचौलियाको प्रभाव अन्त्य गर्दै…

देशको गृह प्रशासन अहिले एक रोचक संयोग र महत्वपूर्ण अवसरको संगममा उभिएको छ। गृहमन्त्री सुधन गुरुङ र गृहसचिव राजकुमार श्रेष्ठ दुवै गोरखा जिल्लाबाट गृह मन्त्रालयको नेतृत्वमा छन्। मन्त्रीपछि गृहको जिम्मेवारी गृहसचिवको हातमा हुन्छ। एउटै भौगोलिक पृष्ठभूमिबाट आएका यी दुई प्रमुख व्यक्तित्वको सहकार्यले प्रशासनिक समन्वय र कार्यसम्पादनमा सकारात्मक प्रभाव पार्ने अपेक्षा गरिएको छ। तर, विषय केवल ‘गोरखाली जोडी’ मा सीमित छैन। मुख्य प्रश्न हो, के यो गृह नेतृत्वले मुलुकको सुरक्षा र सुशासनमा देखिने परिवर्तन ल्याउन सक्छ? विगतमा गृह प्रशासनमाथि बारम्बार उठ्ने गुनासा, ढिलो निर्णय प्रक्रिया, कमजोर सेवा प्रवाह र समन्वयको अभाव अझै पूर्ण रूपमा अन्त्य भइसकेका छैनन्। त्यसैले अहिलेको नेतृत्वमाथि अपेक्षा…