Author: Scoop Khabar
मोरङको लेटाङ नगरपालिका–२, फडानीकी १३ वर्षीया अंशु गौतमको मुख्य हत्या आरोपी पदमबहादुर अधिकारीलाई जिल्ला अदालत मोरङले पुर्पक्षका लागि जेल चलान गर्ने आदेश दिएको छ । जबरजस्ती करणी उद्योग गरी ज्यान मारेको कसूरमा बिहीबार थुनछेक बहसपछि जिल्ला न्यायाधीश टंकबहादुर महतको इजलासले पूर्पक्षका लागि जेल चलानको आदेश दिएको हो । मुद्दाको अन्तिम किनारा नलागुन्जेलसम्मका लागि थुनामा राख्ने आदेशपछि अधिकारी जिल्ला कारागार मोरङ चलान भएको जिल्ला अदालत मोरङले जनाएको छ । असोज २१ गते हराएकी अंशुको शव कात्तिक ७ गते टाउको र शरीर अलग भएको अवस्थामा जंगलमा फेला परेको थियो । प्रहरीले मंसिर १८ गते अंशुको हत्या आरोपमा पदमबहादुरलाई पक्राउ गरेको थियो ।
पर्साको वीरगञ्ज महानगरपालिका वडा नं १० मकालु होटल स्थित सडकखण्डमा स्रोत नखुलेको रकम लिएका तिनजना व्यक्तिलाई प्रहरीले पक्राउ गरेको छ । विशेष सूचनाको आधारमा पर्सा प्रहरीले पुस १४ गते बिभिन्न स्थानहरूबाट हुण्डी कारोबारीमा संलग्न व्यक्तिहरूलाई रकमसहित नियन्त्रणमा लिएको हो । पक्राउ परेकाहरूविरुद्ध मुलुकी अपराध संहिता, २०७४ को दफा १२५ को (क) बमोजिम ( हुण्डी सम्बन्धी कारोबार गर्न नहुने) कसूरमा पर्सा जिल्ला अदालतबाट दिन– ३ (तीन) म्याद थप अनुमति लिइ अनुसन्धान कार्य भइरहेको पर्सा प्रहरीका प्रमुख (एसपी) सुदीप पाठकले बताए । पक्राउ परेकाहरूसँग श्रोत नखुलेको ६ लाख ७१ हजार ९ सय ५० हण्डीको रकम बरामद भएको एसपी पाठकले बताए । पक्राउ…
काठमाडौं । ललितपुरको महालक्ष्मी नगरपालिका–८ स्थित लुभुमा भएको दुई जनाको हत्या अनुसन्धानमा संलग्न प्रहरी कर्मचारीलाई उपत्यका प्रहरी कार्यालयले पुरस्कार प्रदान गरेको छ । पुरस्कृत हुनेमा उपत्यका अपराध अनुसन्धान कार्यालयमा कार्यरत डीएसपी पञ्चलाल गोले र वेद पौडेल छन् । पौडेल उपत्यका अपराध अनुसन्धान कार्यालयको ललितपुर शाखामा कार्यरत छन् । उपत्यका अपराध अनुसन्धान कार्यालयका इन्स्पेक्टर शिव थापालाई पनि उपत्यका प्रहरी कार्यालय पुरस्कृत गरेको छ । अनुसन्धानमा संलग्न अन्य ४ जनालाई चाहिँ उपत्यका अपराध अनुसन्धान कार्यालयले पुरस्कृत गरेको छ । सिनियर अधिकृत ३ जना र जुनियर सहित ७ जनालाई पुरस्कृत गरिएको उपत्यका प्रहरी कार्यालयले जनाएको छ । कार्यालयका अनुसार उपत्यका प्रहरी कार्यालयबाट ३…
काठमाडौं । उज्यालो नेपाल पार्टीका संरक्षक कुलमान घिसिङ राष्ट्रिय स्वतन्त्र पार्टी (रास्वपा) को उपसभापति बन्ने गरी सहमति भएको छ । घिसिङको सचिवालयका अनुसार उनी रास्वपाको उपसभापतिसहित दोस्रो वरीयताको नेता बन्ने भएका छन् । १६ प्रतिशत भन्दा बढी समानुपातिकको हिस्सा लिने गरी सोमबार उनीहरूबिच सहमति भएको जनाइएको छ । रास्वपा सभापति रवि लामिछाने, काठमाडौं महानगरका मेयर बालेन शाह र घिसिङबिच सँगै निर्वाचनमा जाने सहमति भइसकेको छ ।
काठमाडौं । दुई अत्याधुनिक पेस्तोल, गोली र म्यागजिनसहित तीन जना पक्राउ परेका छन्। जिल्ला प्रहरी परिसर काठमाडौंको टोलीले नागार्जुन नगरपालिका–४, बाफल क्षेत्रबाट लुकाइछिपाई राखिएको अवस्थामा उक्त हतियार बरामद गर्दै तीन जनालाई नियन्त्रणमा लिएको हो। पक्राउ पर्नेहरूमा काठमाडौं महानगरपालिका–१५, डल्लु निवासी ३२ वर्षीय ‘झिल्के’ भनिने विकास शाही, मोरङ, लेटाङ नगरपालिका–४ स्थायी घर भई हाल काठमाडौंमा बस्दै आएका २२ वर्षीय शाहिल तिवारी र बाफल निवासी ३३ वर्षीय जस्वन भनिने अश्विन राई रहेका छन्। प्रहरीले उनीहरूको साथबाट CF 98-900003308237 र CF 98-900011108236 नम्बरका दुईवटा अत्याधुनिक पेस्तोल, तीनवटा म्यागजिन, दुई राउन्ड गोली र दुईवटा गोलीको खोका बरामद गरेको जनाएको छ। पक्राउ परेका तीनै जनामाथि…
काठमाडौं । हामी नेपालका संयोजक तथा जेनजी आन्दोलनका अगुवा सुदन गुरुङले रवि लामिछाने, कुलमान घिसिङ र बालेन शाहलाई मिलाएरै छाडेको दाबी गरेका छन् । सोमबार साँझ सामाजिक सञ्जालमा स्टाटस लेख्दै गुरुङले लामो समयदेखि चलिरहेको रस्साकस्सीपछि तीनै जना नेताहरूलाई एकै ठाउँमा ल्याउन आफूहरू सफल भएको बताएका हुन् । गुरुङले स्टाटससँगै आफूबीचमा बसेर रवि लामिछाने र कुलमान घिसिङसँग खिचिएको फोटोसमेत सार्वजनिक गरेका छन् । उनले आगामी निर्वाचनमा रवि लामिछाने, कुलमान घिसिङ र काठमाडौं महानगरपालिकाका मेयर बालेन शाह सँगै लड्ने सुनिश्चित भएको उल्लेख गरेका छन्। उनले लेखेका छन्, ‘गोरखा बाटा खाएको कसम पुरा । हाम्रो राष्ट्रको लागि, हाम्रो भविष्यको लागि, हाम्रो देशको लागि…
काठमाडौं । सशस्त्र प्रहरीका ११ जना सशस्त्र प्रहरी नायब उपरीक्षक (डीएसपी) हरुको सरुवा भएको छ । आइतबार बसेको सशस्त्र प्रहरी महानिरीक्षक (आईजीपी) स्तरीय निर्णय अनुसार ११ जना सशस्त्र प्रहरीका डीएसपीको सरुवा भएको हो । जसअनुसार हाल सशस्त्रको मुख्यालय हलचोकको मानस्रोत विभागमा कार्यरत नन्दबहादुर साउदको हुम्ला सरुवा भएको छ । सशस्त्र प्रहरी बल, नेपाल नं. ४४ गुल्म हे. क्वा. हुम्लाको गुल्मपतिको जिम्मेवारीसहित साउदको सरुवा भएको हो । यसअघिका कविन्द्र महर्जनको सरुवापछि साउदलाई सो जिम्मेवारी दिएको हो ।
काठमाडौं । दुई अत्याधुनिक पेस्तोल र गोलीसहित तीन जना पक्राउ परेका छन् । जिल्ला प्रहरी परिसर काठमाडौंको टोलीले नागार्जुन नगरपालिका–४ बाफलबाट लुकाइछिपाई राखेको अवस्थामा उकत हतियारसहित तिन जनालाई पक्राउ गरेको हो । पक्राउ पर्नेहरूमा काठमाडौं महानगरपालिका–१५ डल्लु बस्ने ३२ वर्षीय ‘झिल्के’ भन्ने विकास शाही, मोरङको लेटाङ–४ घर भएका २२ वर्षीय शाहिल तिवारी र बाफल बस्ने ३३ वर्षीय जस्वन भन्ने अश्विन राई रहेका छन् । प्रहरीले उनीहरूको साथबाट CF 98-900003308237 र CF 98-900011108236 नम्बरका दुईवटा पेस्तोल, तीनवटा म्यागजिन, दुई राउन्ड गोली र दुईवटा गोलीको खोका बरामद गरेको छ । पक्राउ परेका तीनै जनामाथि थप अनुसन्धान भइरहेको जिल्ला प्रहरी परिसरले जनाएको छ…
काठमाडौं । सरकारले गृह सचिवसहित सात सचिवको सरुवा गरेको छ। शुक्रबार बसेको मन्त्रिपरिषद् बैठकले गृह सचिव रामेश्वर दंगाललाई तीन महिनामै जिम्मेवारीबाट हटाएर लोक सेवा आयोगमा सरुवा गर्ने निर्णय गरेको हो। जेनजी आन्दोलनपछि बनेको अन्तरिम सरकारले दंगाललाई रक्षा सचिवबाट सरुवा गरी गृह सचिवको जिम्मेवारी दिएको थियो। तर अल्प समयमै उनलाई गृह मन्त्रालयबाट हटाइएको छ। दंगालको स्थानमा प्रधानमन्त्री तथा मन्त्रिपरिषद् कार्यालयका सचिव राजकुमार श्रेष्ठलाई गृह सचिवको जिम्मेवारी दिइएको छ। श्रेष्ठ यसअघि प्रधानमन्त्री कार्यालयमा कार्यरत थिए भने त्यसअघि लोक सेवा आयोगका सचिवको जिम्मेवारी सम्हालिसकेका छन्। यसैगरी, श्रम, रोजगार तथा सामाजिक सुरक्षा मन्त्रालयका सचिव डा. कृष्णहरी पुष्करलाई उपराष्ट्रपतिको कार्यालयमा सरुवा गरिएको छ। उक्त मन्त्रालयको…
काठमाडौं । आपराधिक विश्वासघात तथा आपराधिक लाभ र सङ्गठित अपराध मुद्दामा इन्टरपोलबाट रेड नोटिस जारी भएका फरार प्रतिवादी संयुक्त अरब इमिरेट्स (युएई)बाट पक्राउ परेका छन् । एनसिबी अबुधाबी युएईको समन्वयमा युएईबाट पक्राउ परेका बागलुङ नगरपालिका–२ श्रीनगर घर भएका जावेद अनवरद्दीनलाई सम्बन्धित मुद्दामा कारबाही गर्ने प्रयोजनार्थ आज नेपाल फिर्ता ल्याइएको केन्द्रीय प्रहरी समाचार कक्षले जनाएको छ । उक्त मुद्दामा संलग्न रही फरार रहेका उनलाई अन्तरराष्ट्रियस्तरमा खोजतलास एवं पक्राउ गर्न प्रहरी प्रधान कार्यालय, इन्टरपोल शाखाको अनुरोधमा इन्टरपोल महासचिवालयबाट २०७७ भदौ ८ गते रेड नोटिस जारी भएको थियो । उनलाई आवश्यक अनुसन्धान एवम् कारबाहीका लागि केन्द्रीय अनुसन्धान ब्यूरो बुझाइएको प्रहरी प्रधान कार्यालय इन्टरपोल…