Author: Scoop Khabar

काठमाडौं । सशस्त्र प्रहरी बल (एपीएफ) प्रधान कार्यालयले हल्चोकस्थित मुख्यालयको सवारी व्यवस्थापन शाखा (एमटी) मा भएको आगलागी घटनाको छानबिन गर्न समिति गठन गरेको छ। सशस्त्र प्रहरी प्रधान कार्यालयले डीआईजी सन्दीप थापाको नेतृत्वमा छानबिन समिति गठन गरेको हो। समितिलाई आगलागीको कारण, भएको क्षति तथा सम्भावित लापरबाहीका पक्षबारे अनुसन्धान गरी यथाशीघ्र प्रतिवेदन पेश गर्न निर्देशन दिइएको छ। सशस्त्र प्रहरीका प्रवक्ता डीआईजी विष्णुप्रसाद भट्टका अनुसार बुधबार राति करिब ८ बजेतिर मुख्यालय परिसरभित्र रहेको एमटी शाखामा आगलागी भएको थियो। बङ्गलामुखी गणबाट खटिएको सुरक्षा टोली तथा दमकलको सहयोगमा आगो नियन्त्रणमा लिइएको उनले बताए। प्रारम्भिक विवरणअनुसार आगलागीबाट शाखामा पार्किङ गरिएका केही सवारीसाधनमा क्षति पुगेको छ। यद्यपि,…

भरतपुर । चितवनका चिकित्सक तथा राजनीतिज्ञ डा. भोजराज अधिकारीले प्रचण्ड नेतृत्वको नेपाली कम्युनिष्ट पार्टीसँगको राजनीतिक आबद्धता अन्त्य गरेका छन्। अघिल्लो प्रतिनिधिसभा निर्वाचनमा पुष्पकमल दाहाल प्रचण्डले चितवन क्षेत्र नं. ३ छाडेपछि सोही क्षेत्रबाट उम्मेदवार बनेका डा। अधिकारीले सामाजिक सञ्जालमार्फत आफू सक्रिय राजनीतिबाट अलगिएको घोषणा गरेका हुन्। फेसबुकमार्फत सार्वजनिक गरेको वक्तव्यमा उनले आफ्नो पेशागत दक्षता र योगदानलाई अझ बढी समाजसेवा तथा स्वास्थ्य क्षेत्रमै केन्द्रित गर्ने उद्देश्यले राजनीतिक सक्रियताबाट निष्क्रिय हुने निर्णय गरेको बताएका छन्। उनले राजनीतिक यात्राबाट प्राप्त ज्ञान, दर्शन र अनुभवप्रति सम्मान व्यक्त गर्दै अहिलेको समय विचारधारा वा ‘वाद’ को भन्दा विकास र परिणाममुखी प्रतिस्पर्धाको भएको उल्लेख गरेका छन्। साथै, राजनीतिक…

काठमाडौं । नेपाल प्रहरीका प्रहरी वरिष्ठ उपरीक्षक (एसएसपी)हरूको हालै गरिएको सरुवामध्ये विवादमा परेको एउटा निर्णय अन्ततः सच्याइएको छ। गृह मन्त्रालयले १८ जेठमा गरेको सरुवाअन्तर्गत नेपाल प्रदेश प्रहरी कार्यालय वीरगञ्जका प्रमुख एसएसपी शान्तिराज कोइरालालाई काठमाडौं उपत्यका ट्राफिक प्रहरी कार्यालय, रामशाहपथको प्रमुखमा पठाउने निर्णय गरेको थियो। उक्त सरुवाले प्रहरी संगठनभित्रै प्रश्न उठाएको थियो। कारण, कोइराला त्यसअघि पनि प्रदेश प्रहरी कार्यालयको प्रमुखकै जिम्मेवारीमा थिए र उनलाई अर्को इन्चार्ज पदमै सरुवा गरिएको थियो। प्रहरी सरुवासम्बन्धी स्थापित अभ्यास र मापदण्डविपरीत ‘इन्चार्जबाट इन्चार्ज’ जिम्मेवारी दिइएको भन्दै निर्णयको आलोचना भएको थियो। यस विषयमा स्कुपखबर डटकमले १९ जेठमा ‘प्रहरीमा भत्काइयो मापदण्डः श्रीमतीको पहुँचमा घिमिरेलाई काठमाडौं, कोइराला इन्चार्जबाट फेरि…

रौतहट । रौतहट जिल्ला कारागार गौरमा पुर्पक्षका लागि थुनामा रहेका हत्या अभियोगका आरोपी शेख नुरुल्लाह उपचारको बहानामा बाहिरिएर सरकारी सवारीसाधनको दुरुपयोग गर्दै होटलमा आरामसँग बसेर खाना खाएको र टिकटक भिडियो बनाएको तथ्य सार्वजनिक भएको छ। देवाही गोनाही नगरपालिकाका मेयर प्रेमलाल शाहले प्रयोग गर्ने सरकारी गाडी चढेर वीरगन्ज पुगेका नुरुल्लाहको गतिविधिले राज्य संयन्त्रकै भूमिकामाथि गम्भीर प्रश्न उठाएको हो। देवाही गोनाही नगरपालिका–१ का पूर्ववडाध्यक्षसमेत रहेका नुरुल्लाह ७८ वर्षीय शेख तैयब हत्या प्रकरणमा पुर्पक्षका लागि थुनामा छन्। उनी गत मंगलबार दिउँसो करिब १२ बजे गौर कारागारबाट प्रहरी निगरानीमा उपचारका लागि वीरगन्जतर्फ लगिएका थिए। तर उपचारका लागि लगिएको भनिए पनि सामाजिक सञ्जालमा सार्वजनिक भिडियोमा…

काठमाडौं । सशस्त्र प्रहरी बलका १५ जना वरिष्ठ उपरीक्षक (एसएसपी) को सरुवा भएको छ। त्यसैगरी ८ जना एसएसपीको पदस्थापना गरिएको सशस्त्र प्रहरी बलको प्रधान कार्यालयले जनाएको छ। एसएसपी विनोद राज श्रेष्ठलाई सशस्त्र प्रहरी बल नम्बर ६ महेश्वरी बाहिनी मुख्यालय सुर्खेतबाट राष्ट्रिय सुरक्षा परिषद्को सचिवालय सिंहदरबारमा ल्याइएको छ। सशस्त्र प्रहरीको इन्टेलिजेन्स ब्युरोमा किरण ढुङ्गानालाई सरुवा गरिएको सूचनामा उल्लेख छ। सशस्त्रको प्रधान कार्यालयको मानवस्रोत विभागमा रहेका भूपेन्द्र केसीलाई भण्डार महाशाखामा र कार्य विभागमा सुधीर जंग थापालाई सरुवा गरिएको छ।उता सीमा सुरक्षा विभागमा रहेका रबिन राज कर्णजितलाई कार्य विभागमा र विपद् व्यवस्थापन तालिम शिक्षालय कुरिनटारमा कार्यरत भरत खनियालाई सीमा सुरक्षा विभागमा लगिएको छ।…

काठमाडौं । एसईई परीक्षाका क्रममा जफत गरिएका मोबाइल फोन र स्मार्टवाच फिर्ता गर्नुको सट्टा नष्ट गरिएको घटनाले सिरहा प्रहरी र जिल्ला प्रशासनको निर्णयमाथि प्रश्न उठाएको छ। एक करोड रुपैयाँभन्दा बढी मूल्यका उपकरण पानीमा डुबाएर नष्ट गरिएको भिडियो सार्वजनिक भएपछि सामाजिक सञ्जालमा व्यापक आलोचना भइरहेको छ। जिल्ला प्रशासन कार्यालय सिरहा, शिक्षा विकास तथा समन्वय इकाइ र सुरक्षा निकायको समन्वयमा जफत गरिएका ४ सय ८९ मोबाइल फोन, ७ वटा आईफोन र ५ वटा स्मार्टवाच नष्ट गरिएको हो। यी उपकरणको अनुमानित मूल्य एक करोड रुपैयाँभन्दा बढी रहेको बताइएको छ। प्रहरीका अनुसार अधिकांश मोबाइललाई पानी भरिएको ड्रममा २४ घण्टासम्म डुबाएर नष्ट गरिएको थियो। पानी…

सर्लाही । दुई छोराको विद्यालय शुल्कको विषयलाई लिएर सुरु भएको सामान्य विवादले सर्लाहीमा गम्भीर मोड लिएको छ। विद्यालय सञ्चालकको उजुरीपछि सोधपुछका लागि प्रहरी कार्यालय पुगेका एक अभिभावक प्रहरीको कुटाइबाट गम्भीर घाइते भएपछि घटना चर्चामा आएको हो। धनकौल गाउँपालिका–५ हरकठवाका फेकु दासले आफ्ना दुई छोराले अध्ययन गरेको विद्यालयको शुल्क तिरिसकेको दाबी गरिरहेका बेला विद्यालय प्रशासनले भने १३ हजार रुपैयाँ बाँकी रहेको भन्दै जिल्ला प्रशासन कार्यालयमा निवेदन दिएको थियो। सोही निवेदनको आधारमा जिल्ला प्रशासन कार्यालयले इलाका प्रहरी कार्यालय हरकठवालाई आवश्यक सोधपुछ गर्न पत्राचार गरेको थियो। बुधबार दिउँसो श्रीमतीसहित प्रहरी कार्यालय पुगेका दासले आफूलाई प्रहरीले एउटा कागजमा हस्ताक्षर गर्न दबाब दिएको आरोप लगाएका…

काठमाडौं । प्रहरी बरिष्ठ उपरीक्षक (एसएसपी) दिलिप घिमिरेले काठमाडौंको कमाण्ड सम्हालेका छन् । त्यस्तै जिल्ला प्रहरी परिसर काठमाडौंका प्रमुख तथा एसएसपी रमेश थापा ९ महिना कार्यकाल पूरा गरेर बिदा भएका छन् । थापाका ठाउँमा सरुवा भएर आएका एसएसपी घिमिरेले बिहीबार काठमाडौंको कमाण्ड सम्हालेका हुन् । थापा जेनजी आन्दोलनपछि ५ असोजमा सरुवा भएर काठमाडौ प्रहरी प्रमुखको रुपमा कमाण्ड सम्हाल्न आएका थिए । काठमाडौंको कमाण्ड सम्हान आएका नयाँ एसएसपी घिमिरेको काँधमा देशको संघीय राजधानी काठमाडौंको शान्ति सुरक्षाको कमाण्ड गर्ने जिम्मेवारी आएको छ । काठमाडौं सुरक्षाका हिसाबले निकै चुनौतीपूर्ण मानिन्छ ।

काठमाडौं । माछापुच्छ्रे बैंकद्धारा जारी ‘८ दशमलब २५ प्रतिशत अविमोच्य असञ्चिति अग्राधिकार सेयर’ नेपाल स्टक एक्सचेन्ज (नेप्से) मा सूचीकृत भएको छ । प्रतिकित्ता एक सय रुपैयाँ अंकित दरका तीन करोड कित्ता सेयर नेप्सेमा सूचीकृत भएको हो । यो सेयरको निष्काशन मूल्य तीन अर्ब रुपैयाँ रहेको बैंकले जनाएको छ । बैंकका अनुसार सूचीकृत भएको यो अग्राधिकार सेयर हिजोदेखि धितोपत्रको दोस्रो बजारमा कारोबारका लागि उपलब्ध छ ।

काठमाडौं । नेपाली कांग्रेसका सभापति गगनकुमार थापाले सरकारले गठन गरेको सम्पत्ति छानबिन आयोगलाई आफ्नो सम्पत्ति विवरण बुझाएर सहयोग गर्ने बताएका छन्। बिहीवार पार्टी केन्द्रीय कार्यालय सानेपामा आयोजित कार्यक्रममा बोल्दै सभापति थापाले आफू र पार्टीका अन्य नेताहरुले समेत आफ्नो सम्पत्ति विवरण बुझाएर सरकारलाई सहयोग गर्ने बताए। यद्यपि आयोग गठन प्रक्रिया र कार्यादेशको स्वच्छतामाथि भविष्यमा प्रश्न उठ्न सक्ने भन्दै उनले सरकारलाई सचेतसमेत गराए। उनले सरकारले भ्रष्टाचार नियन्त्रण र सुशासनलाई प्राथमिकतामा राखेको भन्दै संविधान र कानूनअनुसार सरकारले गर्ने सबै प्रयासमा कांग्रेसको शतप्रतिशत सहयोग रहने बताए। उनले सार्वजनिक पद धारण गरेका नेता र पदाधिकारीहरुको सम्पत्तिसम्बन्धीको विषय छिटो टुंगियोस् भन्ने नेपाली कांग्रेसको चाहना रहेको पनि…