Author: Scoop Khabar
टोकियो । जापानमा बसोबास गर्ने विदेशी नागरिकहरूले कोठा तथा अपार्टमेन्ट भाडामा लिने क्रममा गम्भीर विभेद र सास्ती भोग्नुपरेको तथ्य सार्वजनिक भएको छ। विशेष गरी ‘विदेशी’ भन्ने बित्तिकै घर नदेखाइने वा सिधै अस्वीकार गरिने प्रवृत्ति व्यापक रहेको पाइएको छ। The Asahi Shimbun मा प्रकाशित एक विश्लेषणात्मक सामग्री अनुसार ओसाकामा कोठा खोजिरहेका एक मध्य-पूर्वी दम्पतीले १० वटा जति आवास छनोट गरे पनि विदेशी भएकै कारण एउटा पनि कोठा हेर्न नपाएको बताएका छन्। घरबेटीहरूले भाषाको समस्या, सांस्कृतिक भिन्नता तथा सम्भावित झन्झटलाई कारण देखाउँदै विदेशी भाडावाल राख्न अनिच्छा देखाउने गरेका छन्। ओसाकामा मात्र होइन, Osaka र Hiroshima लगायतका सहरमा समेत यस्तै समस्या देखिएको छ।…
काठमाडौं । नेपाली कांग्रेसका सभापति गगन थापाले नेपाल अहिले सुधारको चरणमा रहेको र त्यसका लागि आफूहरू जिम्मेवार भएर उभिएको बताएका छन्। बुधवार राजधानीमा आयोजित कार्यक्रममा सभापति थापाले अबको पाँच वर्ष खेर नफाल्ने गरी योजनासहित र संकल्पका साथ कांग्रेस अघि बढिरहेको बताए। उनले नागरिक, विशेषगरी युवा पुस्तामा असन्तोष बढिरहेको उल्लेख गर्दै वर्तमान सरकार सञ्चालनको शैलीप्रति उनीहरूको गुनासो जायज रहेको औँल्याए। थापाका अनुसार विगत १०–१२ वर्षमा अपेक्षित विकास हुन सकेन, तर अबका पाँच वर्ष खेर नजाने प्रतिवद्धता उनीहरूले जनाएका छन्। उनले देश परिवर्तनका लागि आवेग, रिस वा उत्तेजना मात्र पर्याप्त नभएको र लोकतन्त्र मजबुत बनाउन सबै राजनीतिक दलको सहभागिता आवश्यक रहेको बताए।…
काठमाडौं । नेकपा (एमाले)का नेता गोकुल बास्कोटाले मुलुक अझै गहिरो अन्योलमा रहेको बताएका छन् । प्रजातन्त्र दिवसको अवसरमा सामाजिक सञ्जालमार्फत शुभकामना व्यक्त गर्दै उनले नेपालको राजनीतिक स्थायित्व र प्रणालीगत अन्योलप्रति गम्भीर चिन्ता व्यक्त गरेका छन् । उनले लेखेका छन्, ‘के मिलेन? किन स्थिर रहेन ?’ यो प्रश्नले अहिलेको अवस्थालाई स्पष्ट रूपमा झल्काउँछ । उनले प्रणाली स्थिर र व्यवहार गतिशील हुनुपर्छ, तर अहिले व्यवस्था जडताको सिकार बनेको बताए । उनले भने, ‘देश चुनावमय छ, तर पूर्वराजाले चुनावबारे नै गम्भीर प्रश्न उठाएपछि अब के ? न त चुनावले समाधान दिन्छ, न त पुनर्स्थापनाले । अन्योल हटाउनुपर्छ ।’
काठमाडौं । माघ २९ गते बिहान ६ बजेर २० मिनेट। काठमाडौं महानगरपालिका-१४ कलंकीको अर्धसुनसान सडक। धेरै पसल खुलेका थिएनन्, गल्लीहरू अर्धसुनसान थिए। कुलेश्वरस्थित क्याम्पस जाँदै गरेकी एक छात्राका लागि त्यो बिहान सामान्य दिन जस्तै सुरु भएको थियो। तर केही क्षणमै अवस्था बदलियो। पछाडिबाट लम्किएको एक युवकले छात्रामाथि यौनजन्य दुर्व्यवहार हर्कत गर्छन्। घटनास्थल वरिपरि कोही थिएनन्। घटना केही मिनेटमै सकियो, तर त्यसको मानसिक असर भने गहिरो रह्यो। लगत्तै ती युवक घटनास्थलबाट फरार भयो। ती छात्रा कुलेश्वरस्थित जनमैत्री कलेजमा स्नातक तह अध्ययनरत हुन्। सुरुमा स्तब्ध बनेकी उनले केही दिनपछि परिवार र साथीहरूको सल्लाहमा प्रहरीमा उजुरी दिने निर्णय गरिन्। एसएसपी स्वयं चासोमा उजुरी…
काठमाडौं । धादिङबाट तरकारीका खाली क्रेट बोकेर हेटौँडातर्फ जाँदै गरेको गाडीबाट प्रहरीले १५३ केजी गाँजा बरामद गरेको छ। बागमती गाउँपालिका–३ छपेलीस्थित प्रहरी चौकी भट्टेडाँडाको टोलीले बिहीबार बिहान नियमित चेकजाँचका क्रममा ना ३ च ४०५ नम्बरको हात्ती गाडीबाट उक्त परिमाणको लागुऔषध फेला पारेको हो। कान्ती लोकपथ हुँदै जाँदै गरेको गाडीमा शंकास्पद रूपमा फल्स बटम (नक्कली तह) बनाइएको देखेपछि प्रहरीले सोधपुछ सुरु गरेको थियो। प्रहरीले खानतलासी गर्न थालेपछि चालक २८ वर्षीय नगेन्द्र श्रेष्ठ अचानक गाडी छाडेर जंगलतर्फ भागेका थिए। प्रहरी टोलीले तत्काल घेराबन्दी गरी उनलाई घटनास्थलबाट करिब १२ किलोमिटर टाढा बागमती गाउँपालिका–२ बगुवाको जंगल क्षेत्रबाट नियन्त्रणमा लिन सफल भएको जनाएको छ। पक्राउ…
काठमाडौं । नेपाल प्रहरीका प्रहरी नायब उपरीक्षक (डीएसपी) सुवास भट्ट बागमती प्रदेशको माघ महिनाका लागि सर्वोत्कृष्ट प्रदेश प्रहरी घोषित भएका छन्। हाल इलाका प्रहरी कार्यालय रत्ननगर टाँडीका कार्यालय प्रमुखको जिम्मेवारी सम्हालिरहेका भट्टलाई बागमती प्रदेश प्रहरी कार्यालयले कार्यसम्पादन, अपराध अनुसन्धानमा सक्रियता तथा प्रभावकारी प्रहरी कारबाहीका आधारमा उत्कृष्ट घोषित गरेको हो। उनीलाई बागमती प्रदेश प्रहरी कार्यालयका प्रमुख प्रहरी नायब महानिरीक्षक दिपक रेग्मीले प्रशंसापत्र प्रदान गर्दै उत्कृष्ट कार्यशैलीको कदर गरेका हुन्। प्रदेश प्रहरी कार्यालयका अनुसार भट्टले पछिल्लो समय विभिन्न आपराधिक घटनाको अनुसन्धानमा नेतृत्वदायी भूमिका निर्वाह गर्दै शान्ति–सुरक्षा सुदृढ बनाउन उल्लेखनीय योगदान दिएका छन्। गोरखा निवासी भट्टले २०७० सालदेखि प्रहरी निरीक्षक पदबाट सेवा सुरु…
काठमाडौं । बालेन्द्र शाह उर्फ बालेन झापा क्षेत्र नम्बर ५ बाट प्रतिनिधि सभा चुनावको मैदानमा छन्। काठमाडौं महानगरपालिकाको मेयर पदबाट राजीनामा दिएर चुनावी अभियानमा होमिएका शाह यतिबेला देशदौडाहमा व्यस्त छन्। चुनावी मैदानमा उत्रिएसँगै शाहमाथि सामाजिक सञ्जाल र विभिन्न अनलाइन माध्यममा अनेक टिकाटिप्पणी भइरहेका छन्। पछिल्लो समय उनको नाम जोडेर ‘नागरिकता किर्ते’ सम्बन्धी आरोप सार्वजनिक भएको छ। ५ फागुनमा एक अनलाइन माध्यमले ‘कानूनविपरीत थर फेरेर नागरिकताको प्रतिलिपि लिएको’ आशयको समाचार प्रकाशित गरेपछि उक्त विषयले चर्चा पाएको छ। त्यसपछि अन्य केही मिडियाले पनि सोही सामग्रीलाई आधार मानेर शाहविरुद्ध सरकारी कागजात किर्ते गरेको आरोपमा जिल्ला प्रहरी परिसर, भद्रकालीमा जाहेरी दर्ता भएको दाबी गर्दै…
काठमाडौं । राष्ट्रिय स्वतन्त्र पार्टी (रास्वपा) मधेश प्रदेशकी संस्थापक सभापति ममता शर्माले पार्टीबाट राजीनामा दिएकी छन्। उनले साधारण सदस्यसमेत नरहने गरी पद तथा जिम्मेवारी परित्याग गरेको घोषणा गरेकी हुन्। हाल पार्टीको केन्द्रीय महिला तथा सामाजिक विकास विभागकी सदस्यसमेत रहेकी शर्माले विज्ञप्ति जारी गर्दै पार्टीभित्र इमानदार र समर्पित व्यक्तिको मूल्यांकन नभएको तथा आर्थिक अनियमितता भएको आरोप लगाएकी छन्। उनले आफ्नो विज्ञप्तिमा पार्टीका निर्णयहरू आर्थिक प्रभावबाट निर्देशित हुन थालेको दाबी गर्दै यसले आफ्नो आत्मसम्मान र राजनीतिक मूल्यमा आँच पुर्याएको उल्लेख गरेकी छन्। ‘यी सबै गतिविधिको साक्षी भएर अब मौन बस्न सक्दिनँ,’ भन्दै उनले तत्काल प्रभावबाट पार्टी परित्याग गरेको जनाएकी छन्। यसअघि पनि…
काठमाडौं । प्रहरी प्रधान कार्यालयले जिल्ला प्रहरी कार्यालय पर्सामा केही दिनका लागि एसपी नरेशराज सुवेदीलाई खटाएको छ। पर्सामा कार्यरत एसपी सुदीपराज पाठकको बुबा बितेर बिदामा बस्नुपर्ने भएपछि जिल्लाको नेतृत्वमा सुवेदीलाई खटाइएको हो। एसपी सुवेदी उपत्यका ट्राफिक प्रहरी कार्यालयमा कार्यरत छन्। निर्वाचनको संवेदनशील समयमा जिल्ला निमित्तको भरमा चल्दा समस्या हुनसक्ने भएकाले नयाँ एसपीलाई खटाइएको प्रहरी प्रधान कार्यालयले जनाएको छ। तराईका जिल्ला अनुगमनसहितको जिम्मेवारीसहित अर्को सातादेखि एसएसपीलाई पनि खटाउन लागिएको छ।
काठमाडौं । रसुवाको उत्तरगंगा गाउँपालिका= ५ स्थायी घर भई मुस्ताङको घरपझोङ- २ मार्फास्थित डेरामा शंकास्पद अवस्थामा मृत भेटिएकी शान्ति गुरुङको हत्या उनकै श्रीमानले गरेको प्रहरीले जनाएको छ । प्रारम्भिक अनुसन्धानका क्रममा शान्तिका श्रीमान २३ वर्षीय अश्विन थापामगरलाई नियन्त्रणमा लिइ प्रहरीले अनुसन्धान गरेको थियो । सो अनुसन्धानका क्रममा सोमबार दिउँसो करिब २ बजेको समयमा घरायसी झगडाका कारण मादक पदार्थ सेवन गरी दाउराले श्रीमतीको टाउकोमा प्रहार गर्दा घटनास्थलमै मृत्यु भएको प्रहरीले आज विज्ञप्ति जारी गरी जनाएको छ । हत्या अभियोगमा पक्राउ परेका थापामगरलाई आजै जिल्ला अदालतबाट १० दिनको म्याद थप गरी अनुसन्धान सुरु गरेको जिल्ला प्रहरीका सूचना अधिकारी नवराज न्यौपानेले जानकारी दिए…