Author: Scoop Khabar
काठमाडौं । टोखा नगरपालिका-२ चण्डेश्वरी बस्ने पाँचथर घर भएका ४० वर्षीय राम लिम्बुको हत्या गरेको अभियोगमा सोही ठाउँ बस्ने उदयपुर घर भएका २७ वर्षीय गणेश लामा र सिन्धुली घर भएका ४० वर्षीय खुप बहादुर तामाङलाई बिहीबार राति प्रहरीले पक्राउ गरेको छ । उनीहरूले बादविवादको क्रममा फलामको रड प्रहार गर्दा राम गम्भीर घाइते भएको भन्ने खबर प्राप्त हुनासाथ प्रहरी प्रभाग बुढानिलकण्ठबाट खटिएको प्रहरीले उनीहरूलाई पक्राउ गरेको हो । रड प्रहारबाट गम्भीर घाइते भएका रामको ट्रमा सेन्टरमा उपचारको क्रममा मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको छ ।
झापा । बिर्तामोड नगरपालिका-८ किसनभिट्टा बस्ने ५० वर्षीय ओमनाथ उप्रेतीको घरमा जुवातास खेलिरहेको अवस्थामा ओमनाथ समेत ११ जनालाई बिहीबार राति प्रहरीले पक्राउ गरेको छ । जिल्ला प्रहरी कार्यालय झापाबाट खटिएको प्रहरीले उनीहरूलाई नगद २ लाख १५ हजार ५ सय ५० रूपैयाँ र १ बुक तास सहित पक्राउ गरेको हो । यस बिषयमा प्रहरीले आवश्यक अनुसन्धान गरिरहेको छ ।
काठमाडाैं । नेपाल प्रहरीका तीन जना प्रहरी नायव महानिरीक्षक (डीआईजी) को सरुवा गरिएको छ। शुक्रबार भएको सरुवाको निर्णयसँगै मधेस प्रदेश र सुदूरपश्चिम प्रदेशका प्रहरी प्रमुखहरूमा हेरफेर गरिएको हो। https://scoopkhabar.com/?p=20082 यी दुवै प्रदेशका प्रमुख एआईजीमा बढुवा भएर पदस्थापन भएसँगै नयाँ डीआईजीहरूलाई प्रदेश प्रमुखका रूपमा खटाइएको हो। प्रहरीको केन्द्रीय अनुसन्धान ब्युरो (सीआईबी) मा कार्यरत डीआईजी गोविन्द थपलियालाई मधेस प्रदेशको जिम्मेवारी दिइएको छ भने सुदूरपश्चिम प्रदेशमा काठमाडौँ उपत्यका प्रहरी कार्यालयका डीआईजी ओमबहादुर रानालाई सरुवा गरिएको छ। यसअघि मधेसमा उमाप्रसाद चतुरवेदी र सुदूरपश्चिममा डम्बरबहादुर विक कार्यरत थिए। उनीहरू दुवै जना हालै एआईजीमा बढुवा भइसकेका छन्। त्यस्तै, प्रहरीका केन्द्रीय प्रवक्ता डीआईजी विनोद घिमिरेको पनि सरुवा…
काठमाडाैं । देशका विभिन्न ठाउँहरूमा प्रहरीद्वारा गरिएको अभियानमा १२ जना व्यक्तिलाई अवैध लागूऔषध (ड्रग्स) सहित पक्राउ गरिएको छ। सुनसरी, कोशी गाउँपालिका-१ लौकही बजार चोकबाट अवैध लागूऔषध खैरो हेरोइन जस्तो देखिने पदार्थ १४ ग्राम २ सय ४० मिलिग्राम सहित २ जनालाई बिहीबार साँझ प्रहरीले पक्राउ गरेको छ । पक्राउ पर्नेहरूमा बराहक्षेत्र नगरपालिका-१ चतरा बस्ने ३१ वर्षीय सनम श्रेष्ठ र कञ्चनपुर भीमदत्त नगरपालिका-६ बस्ने २० वर्षीया निरा चुनारा रहेका छन् । इलाका प्रहरी कार्यालय लौकहीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । यस्तै रूकुम पश्चिम, त्रिवेणी गाउँपालिका-३ खारनेटाबाट अवैध लागूऔषध ब्राउनसुगर जस्तो देखिने पदार्थ करिब १ सय ६० मिलिग्राम…
काठमाडौं । नेपाल सरकार मन्त्रिपरिषद्को २०८२ असोज २३ गतेको निर्णयअनुसार प्रहरी नायव महानिरीक्षकबाट प्रहरी अतिरिक्त महानिरीक्षक पदमा पदोन्नति हुनुभएका ४ जना प्रहरी अतिरिक्त महानिरीक्षकहरू दर्ज्यानी चिन्हद्वारा सुशोभित हुनुभएको छ । प्रहरी महानिरीक्षक चन्द्र कुबेर खापुङ्गले नेपाल प्रहरी प्रधान कार्यालयमा शुक्रबार आयोजित एक समारोहबीच उहाँहरूलाई दर्ज्यानी चिन्हद्वारा सुशोभन गर्नुभएको हो । दर्ज्यानी चिन्हद्वारा सुशोभित हुने प्रहरी अतिरिक्त महानिरीक्षकहरूमा सुशिल सिंह राठौर, उमा प्रसाद चतुरबेदी, हिमालय कुमार श्रेष्ठ र डम्बर बहादुर बिक रहनुभएको छ । साथै नेपाल प्रहरी श्रीमती संघकी अध्यक्ष भावना श्रेष्ठ खापुङ्गले दर्ज्यानी चिन्हबाट सुशोभित हुनुभएका प्रहरी अतिरिक्त महानिरीक्षकहरूका धर्मपत्नीहरूलाई बधाई तथा शुभकामना व्यक्त गरे । दर्ज्यानी चिन्ह सुशोभन समारोहलाई…
काठमाडाैं । प्रहरी महानिरीक्षक चन्द्रकुबेर खापुङले एमाले अध्यक्ष केपी शर्मा ओली र कांग्रेस नेता रमेश लेखकलाई पक्राउ गर्न दबाब दिए राजीनामा दिन्छु भनेको भन्दै गरिएको प्रचार असत्य रहेको बताएको छ । प्रहरी प्रवक्ता विनोद घिमिरेले शुक्रबार विज्ञप्ति जारी गर्दै यसरी गरिएको प्रचारमा सत्यता नरहेको स्पष्ट पारेका छन् । विज्ञप्तिमा उनले प्रधानमन्त्री र गृहमन्त्रीलाई सुरक्षा अवस्थाबारे ब्रिफिङ भने गरिएको जानकारी दिएका छन् ।
काठमाडौं । प्रहरी संगठनमा सामान्यतया ‘ड्युटी’ शब्द जिम्मेवारी, अनुशासन र दबाबको प्रतीक मानिन्छ। तर यही दबाब घटाई तल्ला तहका प्रहरीलाई उत्साहित बनाउन ट्राफिक प्रहरी प्रभाग जनसेवाका प्रमुख प्रहरी निरीक्षक अनुप अधिकारीले फरक र सृजनात्मक पहल गरेका छन्। बिहीबार उनले राजधानीको रन्जना हलमा एउटै उमेर समूहका २० जना प्रहरीलाई फिल्म हेर्न लगाउँदै ‘रिफ्रेसमेन्टडे’ मनाएका हुन्। प्रहरी निरीक्षक अधिकारीका अनुसार, निरन्तर फिल्डमा खटिने प्रहरीहरूलाई मानसिक सन्तुलन र मनोबल उच्चराख्न बेलाबेला मनोरञ्जनात्मक क्रियाकलाप आवश्यक पर्छ। “हरेक दिन दबाबमा काम गर्नुपर्छ, त्यसैले यस्ता हल्का मनोरञ्जनका माध्यमहरूले उनीहरूलाई रिफ्रेस गराउँछन्,” उनले भने। यसअघि पनि उनले तनाव व्यवस्थापन तालिम, हाइकिङ, पिकनिक, मनोपरामर्श लगायतका कार्यक्रम सञ्चालन गरिसकेका…
काठमाडौं । राष्ट्रिय अनुसन्धान विभाग (गुप्तचर) का नवनियुक्त प्रमुख टेकेन्द्र कार्की भारतको भ्रमणमा जान लागेका छन् । भारतको अन्तर्राष्ट्रिय मामिला हेर्ने गुप्तचर संस्था ‘रअ’का प्रमुख पराग जैनको औपचारिक निमन्त्रणामा कार्कीको नेतृत्वमा नेपाली टोली नयाँ दिल्ली प्रस्थान गर्न लागेको हो । प्रधानमन्त्री सुशीला कार्कीको पहलमा तय गरिएको यो भ्रमणका लागि मन्त्रिपरिषद् बैठकले स्वीकृति समेत प्रदान गरेको छ । टोली असोज २७ गते (अक्टोबर १३) नयाँ दिल्ली पुग्नेछ र तीन दिनसम्म त्यहाँ रहने कार्यक्रम रहेको सरकारी स्रोतले जनाएको छ । कार्कीसँगै विभागका कन्ट्रोल हेर्ने डिआईजी कृष्ण खनाल र एसपी टेकराज तिमिल्सिना समेत टोलीमा सहभागी हुनेछन् । स्रोतका अनुसार ‘रअ’ प्रमुख जैनले नयाँ…
रामपुकार यादव नेपाल सामाजिक, सांस्कृतिक र राजनीतिक संक्रमणको बाटोमा छ । पछिल्ला वर्षहरूमा जेन जेड (Gen Z) पुस्ताले गरेको आन्दोलन, विद्रोह र नवीन सोचले नेपाली समाजलाई नयाँ दिशा देखाइरहेको छ । उनीहरूले परम्परागत संरचनाभन्दा टाढा गई स्वतन्त्र सोच, अभिव्यक्ति स्वतन्त्रता, समानता, अधिकार र अवसरको लागि आवाज उठाइरहेका छन् । सामाजिक सञ्जाल, डिजिटल प्रविधि र सूचना प्रवाहको सजिलो पहुँचले गर्दा जेन जेड पुस्ता नेपालमा मात्र नभई विश्वमै सबैभन्दा सचेत र परिवर्तनमुखी पुस्ताको रुपमा स्थापित भइसकेका छन् । यही परिवेशमा, आगामी पुस्ता—जेन अल्फा (२०१० पछि जन्मिएका) र जेन बिटा (२०३० पछि जन्मिने भनिएका)—को भविष्य कस्तो हुने भन्ने प्रश्न उठ्न थालेको छ ।…
सुनसरी । सुनसरीको कोशी गाउँपालिका-१ स्थितबाट लागूऔषध ब्राउन सुगरसहित २ जनालाई प्रहरीले पक्राउ गरेको छ । असोज २३ गते साँझ ६ बजे विशेष सुचनाको आधारमा इलाका प्रहरी कार्यालय लौकहीबाट खटिएको प्रहरी टोलीले बराहक्षेत्र नगरपालिका-१ का ३१ बर्षीय सनम श्रेष्ठ र कन्चनपुर भिमदत नगरपालिका-६ की २० बर्षीया निरा चुनारालाई शंकास्पद अवस्थामा फेला पारी चेकजाँच गर्दा उनिहरुको साथबाट १४ ग्राम २४ मिलिग्राम ब्राउन सुगर बरामद भएको थियो । ब्राउन सुगरसहित पक्राउ परेका दुबै जनाको आवश्यक थप अनुसन्धान भईरहेको छ ।