Author: Scoop Khabar

काठमाडौं । कैलालीमा सार्वजनिक कार्यक्रममा ‘हामी बालेनको पुलिस होइन, नेपाल पुलिस हो’ भन्ने अभिव्यक्ति दिनुभएका इलाका प्रहरी कार्यालय सुखडका प्रमुख प्रहरी नायब उपरीक्षक (डीएसपी) प्रसन्नराज चौधरीलाई सोधपुछका लागि जिल्ला प्रहरी कार्यालय कैलाली बोलाइएको छ। घोडाघोडी नगरपालिका–५ दरखमा आयोजित लागुऔषधसम्बन्धी सचेतनामूलक कार्यक्रममा डीएसपी चौधरीले नेपाल प्रहरी कुनै व्यक्ति विशेषको नभई कानुनको शासनअनुसार काम गर्ने संस्था भएको बताउँदै, ‘हामी बालेनको पुलिस पनि होइनौं, नेपाल पुलिस हो। अन्याय र अत्याचारमा परेकालाई न्याय दिलाउने पुलिस हो। केपी ओलीलाई थुन्ने पुलिस पनि यही हो,’ भनेका थिए। उनले आफ्नो भनाइ मन परेमा ताली बजाउन आग्रह गरेपछि कार्यक्रममा सहभागी विद्यार्थीहरूले ताली बजाएको भिडियो सामाजिक सञ्जालमा व्यापक रूपमा…

रौतहट । रौतहटको गौरस्थित एक होटलमा २२ वर्षीया युवतीमाथि सामूहिक रूपमा जबर्जस्ती करणी भएको आरोपमा पक्राउ परेका एक नेपाली र चार भारतीय नागरिकविरुद्ध प्रहरीले जबर्जस्ती करणीको मुद्दा दर्ता गरेको छ। जिल्ला अदालत रौतहटले घटनाको अनुसन्धानका लागि उनीहरूलाई पाँच दिन हिरासतमा राख्न अनुमति दिएको छ। पीडित युवतीको जाहेरीका आधारमा जिल्ला प्रहरी कार्यालय रौतहटले स्थानीय २५ वर्षीय सन्तोषकुमार राउत तथा भारतीय नागरिक मोहम्मद ताजुदिन, जितेन्द्र कुमार, हसमिन आलम र अर्का एक भारतीय नागरिकविरुद्ध सोमबार जबर्जस्ती करणीसम्बन्धी मुद्दा दर्ता गरेको हो। प्रहरीका अनुसार आइतबार दिउँसो गौरस्थित होटल सुष्मा प्यालेसमा एक युवतीलाई बन्धक बनाई सामूहिक रूपमा जबर्जस्ती करणी भइरहेको भन्ने सूचना प्राप्त भएपछि प्रहरी…

टोकियो। नेपाली जनसम्पर्क समिति जापानको सातौँ अधिवेशनबाट राजेन्द्र जमरकट्टेल सभापति र विराट खनाल महामन्त्रीमा निर्विरोध निर्वाचित भएका छन्। जापानको टोकियोस्थित शिबुयामा सम्पन्न अधिवेशनले नयाँ कार्यसमिति सर्वसम्मत रूपमा चयन गरेको हो। अधिवेशनको उद्घाटन नेपाली कांग्रेसका सभापति गगन थापाले भर्चुअल माध्यमबाट गरेका थिए। उद्घाटनका क्रममा सभापति थापाले विदेशमा रहेका नेपाली कांग्रेससम्बद्ध कार्यकर्तालाई संगठनलाई थप सक्रिय, सुदृढ र एकताबद्ध बनाउन आग्रह गरेका थिए। उनले नेपाली जनसम्पर्क समितिहरू प्रवासमा रहेका नेपालीको आवाजलाई संगठित गर्दै पार्टी र देशबीचको सम्बन्ध मजबुत बनाउने महत्वपूर्ण माध्यम भएकाले संगठनलाई अझ प्रभावकारी ढंगले अघि बढाउनुपर्नेमा जोड दिएका थिए। अधिवेशनमा नेपाली कांग्रेसका केन्द्रीय सदस्य अजयबाबु शिवाकोटी विशिष्ट अतिथिका रूपमा सहभागी भएका…

रौतहट । रौतहटको कटहरिया नगरपालिकाले आगामी आर्थिक वर्ष २०८३/०८४ का लागि ४८ करोड ७७ लाख ४७ हजार रुपैयाँको बजेट पारित गरेको छ। सोमबार सम्पन्न १२औँ नगरसभा तथा १०औँ बजेट अधिवेशनमा चालुतर्फ ३३ करोड ८८ लाख ७२ हजार र पुँजीगततर्फ १४ करोड ८८ लाख ७५ हजार रुपैयाँ विनियोजन गरिएको हो। तर बजेट वितरणमा विभेद भएको आरोप लगाउँदै वडा नं. १, २, ४, ६ र ९ का अध्यक्षहरूले नगरसभा बहिष्कार गरेका छन्। उनीहरूले पाँच वडाको विकास बजेट कटौती गरी पक्षपातपूर्ण रूपमा बजेट बाँडफाँट गरिएको आरोप लगाउँदै नगरपालिकाको मूल गेटमा प्रदर्शन गरेका थिए। बहिष्कारमा सहभागी वडा अध्यक्षहरूले प्रमुख प्रशासकीय अधिकृतलाई नगरसभा बदर गर्न…

काठमाडौं । नेपाल प्रहरीले जिल्ला तहको ट्राफिक व्यवस्थापनमा महत्त्वपूर्ण संरचनागत परिवर्तन गरेको छ। प्रहरी प्रधान कार्यालयले परिपत्र जारी गर्दै अबदेखि जिल्ला ट्राफिक प्रहरी कार्यालय सम्बन्धित जिल्ला प्रहरी प्रमुखकै कमान्डमा रहने व्यवस्था लागू गरेको हो। यसअघि जिल्ला ट्राफिक प्रहरी कार्यालय नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय मातहत सञ्चालन हुँदै आएको थियो। प्रदेशभर कार्यरत ट्राफिक प्रहरीको सरुवा, खटनपटन तथा प्रशासनिक व्यवस्थापन पनि सोही कार्यालयबाट हुने गरेको थियो। नयाँ व्यवस्थाअनुसार अब जिल्ला ट्राफिक प्रहरी कार्यालयले सम्बन्धित जिल्ला प्रहरी प्रमुखको प्रत्यक्ष कमान्ड र निर्देशनमा काम गर्नेछ। ट्राफिक प्रहरीको दैनिक परिचालन, समन्वय र जिल्लास्तरीय सुरक्षा व्यवस्थापनमा जिल्ला प्रहरी प्रमुखको भूमिका थप प्रभावकारी हुने…

काठमाडौं । नेपाल प्रहरीमा लामो समयदेखि देखिँदै आएको दरबन्दीभन्दा बाहिर कार्यरत रहने र सरुवा–बढुवाका लागि विभिन्न माध्यमबाट पहल गर्ने प्रवृत्तिलाई नियन्त्रण गर्दै प्रहरी प्रधान कार्यालयले संगठनलाई विधि र प्रक्रियामा आधारित बनाउन थालेको छ। प्रहरी महानिरीक्षक (आईजीपी) दानबहादुर कार्कीको नेतृत्वमा अहिले प्रहरी कर्मचारीलाई आफ्नै दरबन्दी भएको कार्यालयमा फर्काउने अभियान तीव्र रूपमा अघि बढाइएको छ। प्रहरी प्रधान कार्यालयले हालै विभिन्न प्रहरी इकाइमा कार्यरत कर्मचारीलाई उनीहरूको दरबन्दी रहेको कार्यालयमा फिर्ता पठाउने निर्णय कार्यान्वयन गरिरहेको छ। यसलाई संगठनभित्र अनुशासन, जिम्मेवारी र जनशक्ति व्यवस्थापनलाई थप व्यवस्थित बनाउने प्रयासका रूपमा हेरिएको छ। लामो समयदेखि दरबन्दीभन्दा बाहिर बसेर काम गर्ने अभ्यासले जनशक्ति व्यवस्थापनमा असन्तुलन सिर्जना गरिरहेको अवस्थामा…

काठमाडौं । सशस्त्र प्रहरी बल नेपालका पाँच जना प्रहरी उपरीक्षक (एसपी) को सरुवा गरिएको छ। सशस्त्र प्रहरी बल मुख्यालयले संगठनको आवश्यकता अनुसार पाँच एसपीको जिम्मेवारी हेरफेर गर्दै नयाँ कार्यस्थलमा खटाउने निर्णय गरेको हो। सरुवाअनुसार सम्बन्धित एसपीहरूलाई विभिन्न गण तथा कार्यालयमा नयाँ जिम्मेवारी तोकिएको सशस्त्र प्रहरी मुख्यालयले जनाएको छ। हेर्नुस् सुची

काठमाडौं । विश्व फुटबलले लामो समय सम्झिरहने रोमाञ्चक भिडन्तमा साविक विजेता अर्जेन्टिना अन्तिम क्षणमा भाग्यमानी सावित भएको छ। डेब्यु टोली केप भर्डले विश्व फुटबलको महाशक्तिलाई घुँडा टेक्न बाध्य पार्ने प्रदर्शन गरे पनि अतिरिक्त समयको आत्मघाती गोलका कारण ३–२ को हार बेहोर्दै विश्वकपबाट बाहिरिएको छ। अमेरिकाको मायामी रंगशालामा भएको खेलमा कप्तान लिओनल मेसीले २९औँ मिनेटमा व्यक्तिगत कौशल प्रदर्शन गर्दै अर्जेन्टिनालाई अग्रता दिलाएका थिए। यो उनको विश्वकप करिअरको २०औँ गोल पनि बन्यो। तर विश्व वरीयताको ६४औँ स्थानमा रहेको केप भर्ड दबाबमा झुकेन। दोस्रो हाफमा डेरोय दुआर्टेले बराबरी गोल फर्काएपछि रंगशालाभर केप भर्डका समर्थकहरूको उत्साह छायो। अतिरिक्त समयको ९२औँ मिनेटमा लिसान्ड्रो मार्टिनेजले अर्जेन्टिनालाई…

काठमाडौं । बझाङको दुर्गाथली गाउँपालिका–३ रकेलस्थित श्री भगवती आधारभूत विद्यालयमा सामान्य विवादपछि भएको कुटपिट घटनामा घाइते भएका एक जनाको उपचारका क्रममा मृत्यु भएको छ। जिल्ला प्रहरी कार्यालय बझाङका अनुसार असार १९ गते बिहान करिब ११ः३० बजे विद्यालयका शिक्षक ५० वर्षीय मदन धामी र स्थानीय २५ वर्षीय सन्तोष धामीबीच सामान्य विवाद हुँदा कुटपिट भएको थियो। घटनामा शिक्षक मदन धामी टाउकोमा चोट लागेर घाइते भएका थिए। कुटपिट छुट्याउन गएका सन्तोषका बुवा ५८ वर्षीय गगन धामी पनि टाउकोमा चोट लागेर गम्भीर घाइते भएका थिए। दुवैलाई उपचारका लागि जिल्ला अस्पताल बझाङ लगिएको थियो। उपचारपछि शिक्षक मदन धामी सोही दिन साँझ अस्पतालबाट डिस्चार्ज भएका थिए।…

रौतहट । रौतहटका राजपुर नगरपालिकाका तत्कालीन निमित्त प्रमुख प्रशासकीय अधिकृत बैजु ठाकुरविरुद्ध विद्यालय भवन निर्माणमा भ्रष्टाचार गरेको आरोपमा अख्तियार दुरुपयोग अनुसन्धान आयोगले विशेष अदालतमा मुद्दा दायर गरेपछि उनको कार्यकाल, सम्पत्ति तथा आयस्रोतबारे समेत स्थानीय तहमा चर्चा सुरु भएको छ। ठाकुर २०५५ सालमा तत्कालीन पिपरा पोखरिया गाविसमा प्राविधिक सहायकका रूपमा सरकारी सेवामा प्रवेश गरेका थिए। त्यसपछि जिल्ला विकास समिति रौतहट हुँदै प्रशासनिक जिम्मेवारीमा पुगेका उनी पछि जिल्ला समन्वय समिति र राजपुर नगरपालिकामा समेत कार्यरत रहे। संघीय मामिला तथा सामान्य प्रशासन मन्त्रालयले पटक–पटक सरुवा गरे पनि उनी लामो समय राजपुर नगरपालिकामै कार्यरत रहेको बताइन्छ। अख्तियारले भ्रष्टाचार मुद्दा दायर गरेसँगै ठाकुरको सम्पत्तिको स्रोतबारे…