Author: Scoop Khabar
काठमाडौं । नेपाल प्रहरीका सहायक हवल्दार बलबहादुर थापा बुद्धनगरस्थित डेराको कोठाभित्र मृत अवस्थामा फेला परेका छन् । प्रहरी प्रधान कार्यालयमा कार्यरत ३० वर्षीय थापा आफ्नै कोठामा घाँटीमा पासो लगाई झुण्डिएको अवस्थामा भेटिएका हुन् । थापालाई झुण्डिएको देखेपछि उनकी श्रीमतीले तत्काल उद्धार गरी नजिकैको एभरेष्ट अस्पताल पुर्याएकी थिइन् । तर, अस्पताल पुगेलगत्तै चिकित्सकले उनलाई मृत घोषणा गरेको काठमाडौं प्रहरी परिसरका प्रहरी उपरीक्षक (एसपी) पवन भट्टराईले जानकारी दिए । प्रहरीका अनुसार थापाको मृत्युबारे घटनास्थल मुचुल्का, प्रारम्भिक जाँच तथा आवश्यक प्रमाण संकलन गरी अनुसन्धान अघि बढाइएको छ । घटनाको कारण, समय, परिस्थिति र सम्भावित मनोसामाजिक पक्षबारे विस्तृत अनुसन्धान भइरहेको प्रहरीले जनाएको छ ।
सुनसरी । सुनसरीको इटहरीमा उपचारका लागि झरेकी एक वृद्ध महिलाको हत्या भएको छ । भोजपुरको दिङ्लाबाट श्रीमानसहित उपचार गराउन इटहरी आएकी पबीमाया बयलकोटीको हत्या उनकै ज्वाइँ गणेश साह गुप्ताले गरेको प्रारम्भिक अनुसन्धानबाट खुलेको छ । इलाका प्रहरी कार्यालय इटहरीकाअनुसार आइतबार राति पबीमायाको टाउकामा पानी तान्ने ट्युबेलको हेण्डलले प्रहार भएको अवस्थामा शव फेला परेको हो । उपचारपछि सोमबार घर फर्किने तयारीमा रहेकी पबीमायाको एक दिनअघि नै हत्या भएको पाइएको प्रहरीले जनाएको छ । प्रहरीका अनुसार पबीमायाकी छोरी र ज्वाइँबीच केही समययता घरायसी विषयमा बारम्बार विवाद हुँदै आएको थियो । झगडा मिलाउन र सम्झाउन खोज्ने क्रममा घटना घटेको हुनसक्ने प्रारम्भिक अनुसन्धानले देखाएको…
काठमाडौं । सशस्त्र प्रहरीका ११ जना सशस्त्र प्रहरी नायब उपरीक्षक (डीएसपी) हरुको सरुवा भएको छ । आइतबार बसेको सशस्त्र प्रहरी महानिरीक्षक (आईजीपी) स्तरीय निर्णय अनुसार ११ जना सशस्त्र प्रहरीका डीएसपीको सरुवा भएको हो । जसअनुसार हाल सशस्त्रको मुख्यालय हलचोकको मानस्रोत विभागमा कार्यरत नन्दबहादुर साउदको हुम्ला सरुवा भएको छ । सूची हेर्नुहोस
काठमाडौं । मोरङको केराबारी गाउँपालिका–५ लाफा टोलमा प्रहरी चेकजाँचका क्रममा भाग्न खोज्ने एम्बुलेन्समाथि १ राउण्ड गोली फायर गरी लागुऔषध गाँजा ओसारपसारमा संलग्न दुई जनालाई नियन्त्रणमा लिइएको छ । १३ पुस राति करिब २३ः०० बजे ‘एम्बुलेन्समा गाँजा लुकाएर ल्याइँदैछ’ भन्ने विशेष सूचनाका आधारमा इलाका प्रहरी कार्यालय बेलबारी (ईप्रका) र इलाका प्रहरी कार्यालय केराबारीको संयुक्त टोलीले प्र.१–०६–००१ झ ०००४ नम्बरको एम्बुलेन्स रोकेर जाँच गरेको थियो । प्रहरीलाई देख्नेबित्तिकै चालकसहित सवार व्यक्तिहरू गाडी छाडेर भाग्न खोजेपछि नियन्त्रण लिन प्रहरी सहायक निरीक्षक (असईं फजिन्द्र तोलाङगीले चाइनिज पेस्तोलबाट १ राउण्ड हवाई फायर गरेका थिए। त्यसपछि एम्बुलेन्स र त्यसमा लुकाइएका १६ पोका गाँजा बरामद गरी दुई…
काठमाडौं । प्रहरी महानिरीक्षक (आईजीपी) दानबहादुर कार्कीले समाजमा शान्ति सुव्यवस्था कायम गर्न नागरिक र प्रहरीबीचको सहकार्य अत्यन्त महत्वपूर्ण रहेको बताएका छन् । सुरक्षाकर्मीहरूको कार्य–सफलतामा नागरिकहरूको अपार समर्थन प्रमुख आधार भएको उल्लेख गर्दै उनले समुदायसँगको साझेदारीले मात्रै सुरक्षित समाज निर्माण सम्भव हुने बताए । काठमाडौंको बसन्तपुरमा आइतबार जिल्ला प्रहरी परिसर काठमाडौंले आयोजना गरेको ‘हाम्रो प्रहरी’ कार्यक्रमको शुभारम्भ समारोहलाई सम्बोधन गर्दै आईजीपी कार्कीले भने, ‘यो अभियान नेपाल प्रहरीको मात्रै होइन, नागरिक र प्रहरीको साझा प्रयास हो । यस्तै सहकार्यले मात्र सुरक्षित समाज सिर्जना गर्न सफलता दिन्छ ।’ ‘हाम्रो प्रहरी’ कार्यक्रम भदौ २३–२४ मा भएको ‘नव पुस्ताको आन्दोलन’ पश्चात नेपाल प्रहरीले अघि बढाएको…
काठमाडौं । प्रहरी नेतृत्व सम्हालेको दुई दिनमै एआईजी र ९ दिनभित्रै डीआईजी बढुवा निकालेर ‘बरियता पालना’को सन्देश दिएका आईजीपी दानबहादुर कार्की यतिबेला आफ्नै संगठनभित्र फरक प्रश्नको केन्द्रमा छन्- प्रहरी बरिष्ठ उपरीक्षक (एसएसपी) बढुवा चाहिँ किन रोकियो? यसअघि कात्तिक १७ मा तत्कालीन आईजीपी चन्द्रकुवेर खापुङको पालामा ५ एसएसपीलाई डीआईजीमा बढुवा सिफारिस गर्दा पहिलो वरियताका अधिकारी छुटाइएपछि नेतृत्वमाथि ‘सेटिङ’को आरोप लागेको थियो । त्यसको ९ दिनपछि (कात्तिक २६) कार्कीले आईजीपीको कमाण्ड सम्हाले । कमाण्ड सम्हालेकै दुई दिनमै रिक्त एआईजीमा ईश्वर कार्की र मंसिर १ मा डीआईजीमा विश्व अधिकारीलाई बढुवा गरे । तर, मंसिर २ गतेदेखि ७ वटा एसएसपी दरबन्दी रिक्त भए पनि…
काठमाडौं । प्रहरी प्रधान कार्यालयले कार्यसम्पादन अवधि पूरा गरेका अधिकृतहरूको सरुवाको तयारी सुरु गरेको छ । ९ देखि १२ महिनासम्म एउटै जिम्मेवारीमा रहेर काम गरिसकेका डीएसपी, एसपी, एसएसपी तथा ८ महिना अवधि पूरा गरेका डीआईजीहरूको कमाण्ड हेरफेर गर्ने गरी आन्तरिक गृहकार्य भइरहेको प्रहरी स्रोतले जनाएको छ । हाल इलाका प्रहरी कार्यालय इटहरीमा सुवास हमाल, प्रहरी वृत्त बौद्धमा सन्तोष रोका, पर्वतमा विजय यादव, मुगुमा रविराज थपलिया र प्रहरी वृत्त स्वयम्भूमा मोहनमणि अधिकारी, जिप्रका डडेलधुरामा वरुण सिंह, भृकुटीमण्डप नगर प्रहरी कार्यालयमा प्रह्लाद कार्की कार्यरत छन् । यस्तै, गौशाला वृत्तमा प्रकाश श्रीमल, दरबारमार्गमा नारायण डाँगी, प्युठानमा नरहरि अधिकारी, मालिगाउँमा धनबहादुर बोहरा, जगातीमा चञ्चला…
काठमाडौं । चार वर्षअघि विभाजनको बाटो रोजेका राष्ट्रिय प्रजातन्त्र पार्टीका दुई धार अन्ततः फेरि एउटै राजनीतिक शक्तिमा रूपान्तरण हुने भएका छन्। राप्रपाका अध्यक्ष राजेन्द्र लिङ्देन र राप्रपा नेपालका अध्यक्ष कमल थापाले पार्टी एकताको औपचारिक घोषणा पुस १६ गते राष्ट्रिय सभागृहमा गर्ने तय भएको छ। थापाले सामाजिक सञ्जाल फेसबुकमार्फत लिङ्देनसँग हात मिलाएको तस्वीर सार्वजनिक गर्दै एकताको जानकारी दिएका छन्। तस्वीरसँगै उनले देशमा बलियो राष्ट्रवादी शक्ति निर्माण, भ्रष्ट व्यवस्थाबाट मुक्ति, हिन्दू राष्ट्र र संवैधानिक राजसंस्था पुनर्स्थापनाका एजेन्डामा दुवै पार्टी एकजुट भएर अघि बढ्ने साझा संकल्प व्यक्त गरेका छन्। एकता घोषणासभाको तयारी तीव्र बनाइएको छ। कार्यक्रममा नागरिक समाज, कार्यकर्ता, युवा, कलाकार तथा विभिन्न…
काठमाडौं । २४ भदौको जेनजी प्रदर्शनपछि काठमाडौं प्रहरी इतिहासकै सबैभन्दा कठिन बिहानमा उठेको थियो- आगोको धुवाँ सेलाइसकेको थिएन, ९७ प्रहरी कार्यालय भत्किएका थिए, १५५ सवारी जलेका थिए, मुद्दाका फाइल खरानी बनेका थिए । अझ भनौं प्रहरीको संरचना ढलेको थियो तर भरोसा भने ढलेको थिएन । अकल्पनीय क्षतिको भोलिपल्ट, डण्डा बोकेका हात होइन- सिमेन्ट बोकेका नागरिकका हात बसन्तपुर, थिमी, बौद्धलगायत टोल–टोलका प्रहरी भवनमा पुगे । खरानी पन्छाउँदै, इँटा मिलाउँदै, झ्याल जोड्दै, नागरिक आफैँले प्रहरीलाई उभ्याउन थाले । त्यही दृश्यले प्रहरी संगठनभित्र नयाँ मनोबलको आगो बाल्यो । काठमाडौं प्रहरी प्रमुख एसएसपी रमेश थापा भन्छन्, ‘हामीले त्यही दिन बुझ्यौँ-प्रहरीका भवन जले पनि, प्रहरीप्रतिको…
काठमाडौं । कुमारी बैंकमाथि ट्याक्स हेभन मुलुकबाट शंकास्पद रूपमा ऋण रकम भित्र्याएको आरोपमा नेपाल राष्ट्र बैंकले सम्पत्ति शुद्धीकरणसम्बन्धी छानबिन सुरु गरेको छ। दुई वर्षअघि बैंकले लिचेस्टाइनस्थित ईएमएफ माइक्रोफाइनान्स फण्ड सँग १ करोड अमेरिकी डलर (करिब १ अर्ब ४० करोड रुपैयाँ) ऋण सम्झौता गरेको थियो। उक्त कम्पनीको आधिकारिक पृष्ठभूमि नखुलेको र कर छली तथा सम्पत्ति शुद्धीकरणकै प्रयोजनका लागि नेपाली लगानीकर्ताले खोलिदिएको हुनसक्ने राष्ट्र बैंक स्रोतको दाबी छ। उद्देश्य विपन्न वर्गमा कर्जा प्रवाह गर्ने भनिए पनि सोअनुसार कर्जा नदिइएको र तरलता पर्याप्त भएका बेला शंकास्पद कम्पनीसँग ऋण सम्झौता गरिनुमा सञ्चालक समिति तथा व्यवस्थापनको भूमिका प्रश्न उठेको छ। राष्ट्र बैंकले पुरानो कारोबार सेटल…