Author: Scoop Khabar

काठमाडौं । बालुवाटारको ललिता निवास जग्गा प्रकरणमा पक्राउ परेका नौ जनालाई थप ७ दिन हिरासतमा राख्न अदालतले अनुमति दिएको छ । मंगलबार काठमाडौं जिल्ला अदालतले अनुसन्धानका लागि उनीहरुलाई हिरासतमा राख्न अनुमति दिएको हो । ललिता निवास जग्गा प्रकरणमा प्रहरीको केन्द्रीय अनुसन्धान ब्यूरो (सीआईबी) ले हालसम्म ९ जनालाई पक्राउ गरेको छ । सीआईबीले सरकारी किर्ते कसुरमा १२ असारमा भाभटेनी सुपरमार्केटका मालिक मीनबहादुर गुरुङ, मालपोतका पूर्वकर्मचारी धर्मनाथ गौतम, पूर्व निर्वाचन आयुक्त सुधीरकुमार शाह र मालपोतका पूर्वकर्मचारी गोपाल कार्कीलाई पक्राउ गरेको थियो । यस्तै, गत आइतबार काठमाडौं महानगरका अधिवृकत शिवजी भट्टराई, नक्कली मोही बाबुराजा महर्जन र नापीका कर्मचारी घमनकुमार कार्कीलाई पक्राउ गरेको थियो…

काठमाडौं । गोरखा फुजेलमा बनाउँदै गरेको धन्सार भत्किँदा एकजना महिलाको मृत्यु भएको छ । गण्डकी गाउँपालिका,४ की मिना बरामको धन्सार भत्किँदा किचेर मृत्यु भएको हो । त्यस्तै धन्सार भत्किँदा २ जना सामान्य घाइते भएका छन् । उनीहरुको स्थानीय स्वास्थ्य चौकीमा उपचार भइरहेको स्थानीय दीपक बरामले जानकारी दिए । ‘९ बजेतिरको घटना हो । बनाइरहेको धन्सार एक्कासी भत्किँदा तल रहेको २ जनालाई किचेछ । एकजनाको घटनास्थलमै मृत्यु भयो भने अर्को एकजना घाइते भएका छन्,’ दीपक भन्छन्, ‘उहाँको उपचार भइरहेको छ ।’

काठमाडौं । ‘नदेख्दा तिमीलाई’ बोलको गीत सार्वजनिक भएको छ । उक्त गीतमा गायिका रचना रिमाल र गायक रञ्जन राईको स्वर रहेको छ । रोमाण्टिक शैलीको गीतमा डिपी खनालको शब्द तथा नविन कार्कीको संगीत रहेको छ भने गीतको संगीत संयोजन बिशाल निरौलाले गरेका हुन् । गीतको म्युजिक भिडियोमा अभिनेत्री केकी अधिकारी र रञ्जन कोइरालाको प्रेम र रोमान्स देख्न सकिन्छ । बुद्ध थापाको छायाँकन र सुप्रिम पराजुलीको सम्पादन रहेको भिडियो राजीव समरको निर्देशन गरेका हुन् ।

काठमाडौं । नेपालले एसिसी यू-१६ इस्ट जोन कपको फाइनलमा मलेसियालाई २ सय २१ रनले हराउँदै उपाधि जितेको छ । नेपालले लगातार तेस्रो पटक उपाधि जितेको हो । जितको लागि २ सय ५३ रनको विशाल विजयी लक्ष्य पछ्याएको घरेलु टोली मलेसिया १४.५ ओभरमा ३१ रनमा अल आउट भयो । मलेसियाका मोहम्मद अक्रमले १० रन बनाए । अन्य कुनैपनि ब्याटरले नेपाली बलर सामु दोहोरो अंकमा रन बनाउन सकेनन् । नेपालको जितमा कप्तान अभिषेक तिवारीले ६ ओभरमा १ मेडनसहित ७ रन खर्चेर ५ विकेट लिए । सन्तोष यादवले ३ ओभरमा २ मेडनसहित ९ रन खर्चेर ३ विकेट लिए । सागर गैरेले ५ ओभरमा…

काठमाडौं । अर्घाखाँचीको पाणिनी गाउँपालिका–१ पणेनाको गोगनपानीमा गंगा रास्कोटीको घर पहिरोले पुरिँदामा तीन बालबालिकाको मृत्यु भएको छ । वडाअध्यक्ष कमल प्रसाद पोखरेलका अनुसार मृत्यु हुनेमा १० वर्षीय धनबहादुर रास्कोटी, १२ वर्षीय खुमबहादुर रास्कोटी र ११ वर्षीया मञ्जु रास्कोटी रहेका छन् । पहिरोमा परि सचिन रास्कोटी सामान्य घाइते भएका छन् । उनको उद्धार गरेर पाल्पाको मिसन अस्पताल पठाइएको बढाध्यक्ष पोखरेलले बताए । घटनास्थलमा प्रहरी र स्थानीयले उद्दार गरिरहेका छन् । तीन वटा शव निकालिएको प्रहरीले जनाएको छ ।

काठमाडौं । बसन्त बहादुर कुँवरले १२ चैत २०७९ मा नेपाल प्रहरीको बागडोर सम्हाल्ने अवसर पाए । कुँवरले प्रहरीको ३० औं महानिरीक्षक (आईजी) को कमाण्ड सम्हालेको पनि एकसय दिन पूरा भएको छ । विगतमा उत्कृष्ट काम गरेर आफूलाई प्रमाणित गरिसकेका कुँवरसामु आईजीको रुपमा पनि त्यसैगरी प्रमाणित गरेर देखाउनुपर्ने चुनौती छँदैछ । प्रायः सय दिनलाई ‘हनिमुन पिरियड’ को रुपमा लिने गरिन्छ । जिम्मेवारी सम्हालेको सय दिनको समय नेतृत्वको संगठनको विषयवस्तु, ऐन कानून, संरचनागत बनावट र वस्तुस्थितिका बारेमा बुझ्नमा नै समय खर्च हुने गरेको पाइएको छ । तर, कुँवरले सय दिनमा संगठन सुधारको कुनै आभाष दिन सकेका छैनन् । बरु यो अवधीमा कुँवरको…

काठमाडौं । एसिसी यू-१६ इस्ट जोन कपको उपाधि जित्न नेपालले घरेलु टिम मलेसियालाई २५३ रनको लक्ष्य दिएको छ । मलेसियाको बायुमास ओभलमा भइरहेको फाइनलमा टस जितेर पहिले ब्याटिङ गरेको नेपालले निर्धारित ३५ ओभरमा ८ विकेटको क्षतिमा २५२ रन जोडेको हो । नेपालका लागि नरेश भट्टले शतक प्रहार गर्न सफल भए । उनले नटआउट ११२ रन जोड्ने क्रममा ८९ बलमा १० चौका र २ छक्का प्रहार गरे । त्यसअघि ओपनरद्वय सूर्यान्सु कोइराला १८ रन र निरजकुमार यादव ४७ रन जोडेर आउट भए । दीपु कुमार ५ रन र प्रतिक भट्टराई १ रनमा रनआउटको सिकार भए । यस्तै सन्तोष यादवले २६ रनको…

काठमाडौं । सभामुख देवराज घिमिरेले मंगलबार बिहान ११ बजे सिंहदरबारस्थित कार्यकक्षमा प्रधानमन्त्रीसहित प्रमुख तीन दलका शीर्ष नेताहरूसँग छलफल गर्ने भएका छन् । सभामुख घिमिरेले प्रधानमन्त्री एवं माओवादी केन्द्रका अध्यक्ष पुष्पकमल दाहाल प्रचण्ड, प्रमुख विपक्षी दलका नेता एवं एमाले अध्यक्ष केपी शर्मा ओली र नेपाली कांग्रेसका सभापति शेरबहादुर देउवासँग छलफल गर्न लागेका हुन् । सभामुख घिमिरेले संसदीय समितिका सभापति चयन र संसद्लाई प्रभावकारी बनाउने विषयमा शीर्ष नेताहरूसँग छलफल गर्न लागेका बताइएको छ । बैठकमा कानुन, न्याय तथा संसदीय मामिला मन्त्री धनराज गुरुङ पनि सहभागी हुनेछन् ।

काठमाडौं । लगानी बोर्डले मकाउस्थित नेपाली उद्योगी तथा व्यवसायीसँग नेपालमा लगानीको सम्भावनाबारे अन्तरक्रिया गरेको छ । महावाणिज्य दूतावास, हङकङको समन्वयमा बोर्डले उद्योगी तथा व्यवसायीसँग लगानीबारे अन्तरक्रिया गरेको हो । कार्यक्रममा बोर्डका प्रमुख कार्यकारी अधिकृत सुशील भट्टले नेपालमा व्यावसायिक वातावरण सुरक्षित बन्दै गएकाले लगानी गर्न आग्रह गरे । विशेषगरी नवीकरणीय ऊर्जा र निर्माण क्षेत्रमा सहज लगानीको अवसर रहेको उनले बताए । नेपालमा लगानी गर्दा भविष्यको सुनिश्चितताको जिम्मा लगानी बोर्डले लिने भन्दै कार्यकारी अधिकृत भट्टले नेपालमा लगानी गर्दाको फाइदाबारे जानकारी दिए । नयाँ लगानीकर्तालाई कम्पनी दर्तालगायतका कानुनी प्रक्रिया सहज बनेको भन्दै उनले कुनै पनि कानुनी अड्चन नहुने प्रतिबद्धता जाहेर गरे ।

काठमाडौं । मन्त्रिपरिषद्को बैठक बस्दैछ । प्रधानमन्त्री कार्यालय सिंहदरबारमा दिउँसो चार बजे बैठक बस्ने भएको छ । बैठकमा नियमित एजेन्डा र समसामयिक विषयमा छलफल हुने बताइएको छ । बैठकमा केही महत्त्वपूर्ण छलफल र निर्णय हुन सक्नेछन् । त्यस्तै मन्त्रालयहरूका नियमित प्रस्तावहरू पनि आजको बैठकमा परेका छन् ।