Author: Scoop Khabar
काठमाडौं । आर्थिक विवादमा मुछिएका प्रहरी कार्यालय सप्तरीका प्रहरी उपरीक्षक (एसपी) ढकेन्द्र खतिवडालाई काज सरुवा गरिएको छ । उनलाई बागमती प्रदेश प्रहरी कार्यालयमा सरुवा गर्दै उनको स्थानमा एसपी गौतम केसीलाई काज खटाइएको छ । सप्तरी प्रहरी प्रमुख हुँदा आर्थिक विषयमा आचरण विपरित कार्य गरेको गुनासो परेपछि उनलाई छानबिनका लागि त्यहाँबाट हटाइएको प्रहरी प्रधान कार्यालयले जनाएको छ । उनको विषयमा उजुरी परेपछि छानबिनका लागि नेपाल प्रहरी प्रदेश कार्यालय वीरगन्जका एसएसपी शान्तिराज कोइरालाको नेतृत्वमा तीन सदस्यीय समिति गठन भएको थियो । सो समितिले दिएको प्रतिवेदनका आधारमा उनलाई सरुवा गरिएको कार्यालय स्रोतले जनाएको छ ।
काठमाडौं । नेपाली सेनाका सहायक रथी गौरवकुमार केसी उपरथीमा बढुवा भएका छन् । सोमबार साँझ बालुवाटारमा बसेको मन्त्रिपरिषद् बैठकले केसीलाई उपरथीमा बढुवा गर्ने निर्णय गरेको हो । केसी हाल पूर्वी पृतनाका निमित्त पृतनापति छन् । उपरथीमा बढुवा भएसँगै केसीलाई पूर्वी पृतनाको पृतनापतिको जिम्मेवारी दिने निर्णय भएको बताइएको छ ।
काठमाडौं । धनगढीस्थित खानेपानी कार्यालयकी एक कर्मचारी आफ्नै डेरामा मृत अवस्थामा फेला परेकी छिन् । उनीसँगै एक युवक बस्ने गरेको खुलेको छ, तर प्रहरीले विस्तृत जानकारी दिएको छैन । सोमबार बिहान धनगढी उपमहानगरपालिका–२ बैयाबेहडीमा डेरा गरी बस्दै आएकी ३० वर्षीया रेणुका चौधरी मृत फेला परेकी हुन् । कञ्चनपुरको पुनर्वास नगरपालिका–११ अमरवस्ती घर भएकी चौधरी खानेपानी कार्यालयको मिटर रिडिङ गर्ने कर्मचारी रहेको जिल्ला प्रहरी कार्यालय कैलालीका डिएसपी राजकुमार सिंहले जानकारी दिए । उनको डेराबाट दुर्गन्ध आएको सूचना पाएपछि प्रहरी टोली घटनास्थलमा पुगेको थियो । घरको बाहिरबाट ताल्चा लगाइएको अवस्थामा प्रहरी पुगेपछि ताला फुटाएर प्रवेश गर्दा चौधरीको शव भेटिएको हो । ‘बाहिरबाट…
काठमाडौं । ऊर्जा तथा जलस्रोतमन्त्री दीपक खड्का नेपाल विद्युत् प्राधिकरणका कार्यकारी निर्देशक हितेन्द्रदेव शाक्यलाई पदमुक्त गर्न खोजिरहेका छन् । सोहीअनुरुप खड्काले प्रधानमन्त्री केपी शर्मा ओलीसमक्ष प्रस्ताव गरेका छन् । सरकारले शाक्यलाई २०८१ चैत ११ गते प्राधिकरणको कार्यकारी निर्देशकमा नियुक्त गरेको थियो । त्यसअघि कार्यकारी निर्देशक रहेका कुलमानसिंह घिसिङलाई हटाएर सरकारले शाक्यलाई कार्यकारी निर्देशक नियुक्त गरेको हो । तर कार्यकारी निर्देशकमा नियुक्त भएको छोटो समयमा नै उनको काम गर्ने शैलीबाट ऊर्जामन्त्री खड्का असन्तुष्ट भएका हुन् । शाक्यको कार्यशैलीबाट असन्तुष्ट भएका मन्त्री खड्काले उनलाई पदबाट हटाउन प्रधानमन्त्री ओली समक्ष प्रस्ताव गरेको मन्त्रालय स्रोतले बताएको छ । मन्त्री खड्काको प्रस्तावमा प्रधानमन्त्री ओली तत्कालै…
काठमाडौं । नेकपा एमालेका अध्यक्ष केपी शर्मा ओलीले युवाहरु भ्रमित भएमा परिवर्तन र अग्रगमनको गति सुस्त हुने बताएका छन् । राष्ट्रिय युवा संघ नेपालको केन्द्रीय कमिटीको दोस्रो पूर्ण बैठकलाई सोमबार सम्बोधन गर्दै प्रधानमन्त्री ओलीले युवाहरुले व्यक्तिको नभई सही विचार र नेतृत्वको पक्षपोषणमा लाग्नुपर्नेमा जोड दिए । उनले भने, ‘अहिले युवा सङ्घको काँधमा असाधारण जिम्मेवारी रहेको छ । आगामी स्थानीय तहको निर्वाचनसम्म यस कमिटीको नेतृत्व रहन्छ । संघको नेतृत्वले आफ्नो कार्यकालका लागि सिङ्गो योजना बनाओस् । नयाँ इतिहास कायम राखोस् । असाधारण सक्रियताका साथ काम गरोस् । यसले सामाजिक न्याय, राष्ट्रिय हित, रक्षा, सुशासन र वैज्ञानिक दृष्टिकोणजस्ता एमालेका नीतिप्रतिको प्रतिबद्ध सङ्गठनका…
काठमाडौं । नेपाली कांग्रेस नेता गणेश लामालाई सम्पत्ति शुद्धीकरण मुद्दामा सर्वोच्च अदालतले सफाइ दिएको छ । न्यायाधीशद्वय कुमार रेग्मी र अब्दुल अजिज मुसलमानको इजलासले विशेष अदालतको फैसला उल्टाउँदै सोमबार सफाई दिएको हो । लामालाई विशेष अदालतले सम्पत्ति शुद्धीकरण मुद्दामा करिव ७ वर्ष अघि २०७५ साउन २४ मा लामा दोषी ठहर गरेको थियो । विशेषले उनलाई १ वर्ष कैद, बिगो बराबरको सम्पत्ति जफत गरी त्यति नै जरिवाना गर्ने फैसला गरेको थियो । विशेष अदालतका तत्कालीन अध्यक्ष बाबुराम रेग्मी, न्यायाधीश द्वारिकामान जोशी र रत्नबहादुर बागचन्दको इजलासले लामाको सम्पत्तिमध्ये १ करोड ४० लाख ५० हजार रुपैयाँ अवैध ठहर गरेको थियो । लामाले विभिन्न…
एजेन्सी । इरानका प्रधान सेनापति मेजर जनरल अमिर हातामीले अमेरिकाले इरानी आणविक संरचनामाथि गरेको आक्रमणको कडा जवाफ दिने चेतावनी दिएका छन् । राज्य निकट सञ्चारमाध्यमहरूले सार्वजनिक गरेको भिडियो क्लिपमा हातामीले यस्तो चेतावनी दिएका हुन् । उनले भनेका छन्, ‘हाम्रो इतिहासमा हामीले अमेरिकाको सामना धेरै पटक गरिसकेका छौं। जब–जब उनीहरूले हामीमाथि आक्रमणको प्रयास गरे, तब–तब उनीहरूले बलियो प्रतिक्रिया पाए।’ उनले सुख र स्वतन्त्रताका लागि लड्ने बताए। उनले भने, ‘हामी साहस र शक्तिसाथ लड्नेछौं। हाम्रो सामर्थ्यप्रति तपाईंहरू विश्वस्त हुनुपर्छ।’
काठमाडौं । नेपाल प्रहरीमा बढुवाका लागि शक्तिकेन्द्रकै भर पर्नुपर्ने स्थिति आएको छ । शक्तिकेन्द्रनिकट बिचौलियाहरु हाबी हुँदा एक महिनादेखि रिक्त रहेको (११ वटा) प्रहरी बरिष्ठ उपरीक्षक (एसएसपी) बढुवा अन्यौलमा परेको छ । एसएसपीको बढुवा सिफारिस समितिमा गृह मन्त्रालयका सचिव अध्यक्ष रहने व्यवस्था छ । यस्तै बढुवा सिफारिस समितिमा प्रहरी महानिरीक्षक (आईजीपी) दिपक थापा र मानवस्रोत विभागका एआईजी सदस्य रहने व्यवस्था छ । प्रहरी प्रधान कार्यालय संगठनमा रिक्त रहेका पदहरुमा तत्काल बढुवा गर्नुपर्ने पक्षमा छ । सोहीअनुरुप संगठनभित्र विवादरहित, अब्बल र बरियताअनुसार एसएसपी बढुवाका आकांक्षीहरुको नामावलीसमेत गृहमा पठाइसकेको छ । तर, उक्त नामावलीमा गृहको असहमति रहेको स्रोत बताउँछ । कारण, विवादित…
काठमाडौं । पशुपति क्षेत्र विकास कोषका सदस्यसचिव मिलनकुमार थापा भ्रष्टाचारमा मुछिएका छन् । पशुपति आर्यघाटको विद्युतीय शव दाह मेशिन खरिदमा भ्रष्टाचार गरेको ठहर गर्दै अख्तियार दुरुपयोग अनुसन्धान आयोगले उनीसहित १४ जनाविरुद्ध आइतबार विशेष अदालतमा मुद्दा दर्ता गरेको छ । मुद्दा चलाइनेमा तत्कालीन निमित्त सदस्य सचिव राजुकुमार खत्री, कार्यकारी निर्देशक घनश्याम खतिवडा, हालका उपनिर्देशक रेवतीरमण अधिकारी, पूर्व निमित्त उपनिर्देशक सिताराम रिसेल, इन्जिनियरहरु पशुपति ठाकुर, डेनिस उप्रेती र रमेश पुरी, लेखा अधिकृत चन्दप्रसाद खनाल, कानूनी सल्लाहकार तथा मूल्याङ्कन समिति सदस्य लैनबहादुर थापा छन् । यस्तै, पुल्चोकस्थित इन्जिनियरिङ अध्ययन संस्थान, इलेक्ट्रिकल विभाग प्रमुख उपप्राध्यापक युजराज अधिकारी, म्याप अन्टरप्रिनर्स प्रालिका सञ्चालक मनोजपुरी र यदुनन्दन…
काठमाडौं । म्याद थपका जिल्ला सरकारी वकिलको कार्यालय पुर्याइएका एक जना प्रतिवादी प्रहरीकै सामुन्ने भाग्न खोज्दा लडेर घाइते भएका छन् । काठमाडौंको भद्रकाली, माइतीघर मण्डलास्थित सरकारी वकिल कार्यालयको तेस्रो तल्लाबाट हाम फालेका थुनुवा घाइते भएका हुन् । काठमाडौं प्रहरी परिसरका प्रमुख एसएसपी विश्व अधिकारीका अनुसार चोरीको मुद्धामा पक्राउ परेका ती थुनुवालाई आइतबार म्याद थप प्रक्रियाको लागि अपराह्न ४ बजेतिर सरकारी वकिलको कार्यालयमा लगिएको थियो । तर, उनले प्रहरी र सरकारी वकिलहरुको आँखा छलेर भाग्नका लागि फाल हाले । ती थुनुवालाई ठूलो चोट भने लागेको छैन । ‘भाग्नको लागि तेस्रो तल्लाबाट हाम फाल्दा सामान्य चोट लागेको छ’, एसएसपी अधिकारीले भने, ‘तर…