Author: Scoop Khabar
काठमाडौं । ललितपुरस्थित प्रहरी वृत्त सातदोबाटोमा कार्यरत डीएसपी रामकुमार यादव तानिएका छन् । ६ महिनाअघि सातदोबाटो सरुवा भएका यादवलाई उपत्यका प्रहरी कार्यालय रानिपोखरीमा काज सरुवा गरिएको छ । प्रहरी प्रधान कार्यालयले सातदोबाटोमा डीएसपी पूर्णिमा चन्दलाई पठाउने निर्णय गरेको छ । स्वयम्भू वृत्तको कमाण्ड गरेकी चन्द जिल्ला प्रहरी परिसर काठमाडौंमा कार्यरत थिइन् । आर्थिक गतिविधि शङ्कास्पद देखिएपछि यादवलाई जिम्मेवारीबाट हटाइएको बताइएको छ ।
काठमाडौं । भदौ २४ गतेको ‘जेनजी आन्दोलन’ले देशका विभिन्न भागमा कानुनी शासन र सुरक्षात्मक संयन्त्रमा गम्भीर प्रश्न उठाएको छ। सोही दिन झुम्का कारागारबाट फरार भएका एक जन्मकैदी मंगलबार आफ्नै गाउँमा मृत भेटिएका छन्। त्रियुगा नगरपालिका–८ शाहीखोला राजाबास निवासी ३५ वर्षीय गम्भीरबहादुर दनुवार मंगलबार दिउँसो घर नजिकैको सिसौको रुखमा झुण्डिएको अवस्थामा फेला परेका हुन्। जिल्ला प्रहरी कार्यालय उदयपुरका डीएसपी केदारमान दोङका अनुसार शवलाई कानुनी प्रक्रिया पूरा गरी आफन्तलाई बुझाइएको छ। दनुवारलाई सुनसरी जिल्ला अदालतले २०७७ चैत १३ गते कर्तव्य ज्यान मुद्दामा जन्मकैदको फैसला सुनाएको थियो। उनी सोही मुद्दामा झुम्का कारागारमा कैद सजाय काटिरहेका थिए। तर भदौ २४ गते ‘जेनजी आन्दोलन’का क्रममा…
काठमाडौं । अख्तियार दुरुपयोग अनुसन्धान आयोगका प्रमुख आयुक्त प्रेम राईको राजीनामा माग गर्दै जेन–जी आन्दोलनका अगुवाहरू अख्तियारको कार्यालय पुगेका छन् । उनीहरूले कार्यालयमा पुगेर ज्ञापनपत्र बुझाएर राईको राजीनामा माग गरेका हुन् । उनीहरूले हिजो इमेलमार्फत राजीनामा माग गरेका थिए । प्रमुख आयुक्त राई वाइड बडी, नक्कली भुटानी शरणार्थी प्रकरणलगायत काण्डमा जोडिएकोले पदमा रहनु उपयुक्त नहुने उनीहरूको भनाइ छ ।
काठमाडौं । जेनजी अगुवा सुदन गुरुङले फेक समाचारबाट सचेत रहन अनुरोध गरेका छन् । ‘सडकबाटै देखाइदिन्छौँ’ भन्दै सुदन गुरुङको टिमले धम्की दिएको समाचार बाहिरिएपछि उनले सामाजिक सञ्जालमार्फत यस्तो अनुरोध गरेका हुन् । उनले लेखेका छन्, ‘फेक समाचार अलर्ट ! यो सत्य होइन र हाम्रो आधिकारिक च्यानलबाट प्रमाणित समाचारहरूमा मात्र विश्वास गर्नुहोस् । ‘सडकबाटै देखाइदिन्छौँ’ भन्दै सुदन गुरुङको टिमले धम्की दिएपछि काठमाडौं उपत्यका प्रहरी परिसरले सुरक्षाको कारण देखाउँदै सम्पूर्ण बिटका प्रहरी कर्मचारीलाई फिर्ता बोलाएको छ।’ पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकविरुद्ध जिल्ला प्रहरी परिसर काठमाडौंले जाहेरी नलिएपछि जेनजी अगुवा सुदन गुरुङले अब सडकबाटै प्रहरीलाई देखाइदिने धम्की दिएको समाचार विभिन्न…
काठमाडौं । प्रहरी प्रधान कार्यालय नक्सालले सम्पर्क बाहिर रहेका १८ प्रहरी कर्मचारीलाई तत्काल हाजिर हुन आउन आग्रह गरेको छ । कानुन शाखाले आज एक सूचना प्रकाशित गर्दै ७ दिनभित्र हाजिर हुन आग्रह गरेको हो । ‘आफूखुसी कार्यालयमा गैरहाजिर रहेको र खोजतलास गर्दा गराउँदा तथा प्रहरी नियमावली, २०७१ (संशोधन सहित) को नियम ११५ को देहाय ९२० बमोजिम प्रक्रिया पूरा गरी सूचना टाँस भई सक्दा समेत कार्यालयको सम्पर्कमा नआउनु भएकोले हाजिर हुन आउनेबारे यो सूचना प्रकाशित गरिएको छ । यो सूचना प्रकाशित भएको मितिले बाटोको म्याद बाहेक सात (७) दिनभित्र आफू गैरहाजिर रहनुको कारण खोली सन्तोषजनक स्पष्टीकरण जवाफ सहित यस कार्यालय वा…
काठमाडौं । यो वर्षको मनसुनले देशभर बाढीपहिरोको जोखिम ल्यायो, तर दुई जिल्लामा भने यो संकट नियन्त्रणमा रह्यो । कारण थियो, प्रहरीको समयमै गरिएको समन्वय र नेतृत्व । जिल्ला प्रहरी कार्यालय, चितवनका एसपी गोविन्द पुरी र धादिङका एसपी भेषराज रिजालले जब निरन्तर वर्षा सुरु भयो, उनीहरूले तत्कालै सम्भावित जोखिम क्षेत्र पहिचान गरेर तयारी थाले । वर्षा बढ्दै जाँदा उनीहरू आफैं फिल्डमा उत्रिए । सडकमा अलपत्र यात्रु देखे भने सल्लाह दिए, जोखिम बढे भने सवारीसाधन ठप्प पार्न आदेश दिए । दुवै एसपीले आफ्नो क्षेत्रबाट समन्वयकारी भूमिका निर्वाह गर्दै पहिलो प्राथमिकतामा मानव जीवनको सुरक्षा राखे । ‘पहिलो प्राथमिकता जहिले पनि जीवन हो ।…
धादिङ । जेएनजी आन्दोलनको अस्थिर अवस्थाको मौका छोपेर विभिन्न कारागारबाट फरार भएका ३ जना कैदीबन्दीलाई धादिङ प्रहरीले पक्राउ गरेको छ। पक्राउ पर्नेहरूमा केशव थापा मगर, राजकुमार तामाङ र विश्व मिजार रहेका छन्। उनीहरू जेएनजी आन्दोलनका क्रममा देशभर फैलिएको अव्यवस्थाको मौका पारी कारागारबाट फरार भएका थिए। फरार कैदीबन्दी पक्राउ अभियान अन्तर्गत विशेष सूचना र निगरानीका आधारमा उनीहरूलाई नियन्त्रणमा लिइएको जिल्ला प्रहरी कार्यालय धादिङका प्रहरी प्रमुख एसपी भेषराज रिजालले बताए । एसपी रिजालले फरार कैदीबन्दी पक्राउ अभियानलाई तीव्रता दिइएको बताउँदै भने, ‘जेएनजी आन्दोलनको अस्थिर अवस्थाको मौका छोपेर फरार भएका कैदीबन्दीलाई एकपछि अर्को गरी पक्राउ गर्ने अभियान निरन्तर रूपमा चलिरहेको छ।’ एसपी रिजालकाअनुसार…
काठमाडौँ । भारतको सर्वोच्च अदालतमा सोमबार एक वकिलले प्रधानन्यायाधीश (सीजेआई) बीआर गवईमाथि आक्रमण गर्ने प्रयास गरेका छन्। प्रधानन्यायाधीश गवईको नेतृत्वमा रहेको बेन्चले मुद्दा सुनुवाइ गरिरहेका बेला आक्रमण प्रयास भएको हो। दैनिक भास्करले लेखेअनुसार, वकिल डेस्कमा पुगे र आफ्नो जुत्ता फुकालेर प्रधानन्यायाधीशमाथि प्रहार गर्ने प्रयास गरे। यसपछि अदालतमा रहेका सुरक्षाकर्मीहरूले उनलाई समातेर लगे। अदालतबाट बाहिर निस्कने क्रममा वकिलले नारा लगाए, ‘हामी सनातन धर्मको अपमान सहन सक्दैनौँ।’ घटनापछि, प्रधानन्यायाधीशले अदालतमा उपस्थित वकिलहरूलाई आफ्नो तर्क जारी राख्न भने। उनले भने, ‘यस्ता कुराबाट विचलित नहुनुहोस्। मलाई पनि यी कुराले विचलित गर्दैन, फरक पार्दैन।’ मध्य प्रदेशको खजुराहोमा भगवान विष्णुको ७ फिट अग्लो काटिएको मूर्तिको पुनर्स्थापनामा…
काठमाडौं । धादिङको त्रिपुरासुन्दरी गाउँपालिका–५ थापाकटेरीका ३० वर्षीय यमबहादुर कँडेलले आफ्नै आमाको हत्या गरेकाे छ। ६३ वर्षीया राममाया कँडेललाई उनका छोरा ३१ वर्षीय यमबहादुरले हत्या गरेका हुन् । यमबहादुरले आइतबार साँझ करिब साढे ८ बजे आमालाई धारिलो खुडा प्रहार गरेर हत्या गरेको प्रारम्भिक अनुसन्धानले देखाएको जिल्ला प्रहरी कार्यालय धादिङले स्कुपखबरसंग टेलिफोनमार्फत कुरा गर्दै जानकारी दियाे। हत्या गरेको खबर प्राप्त हुनासाथ जिल्ला प्रहरी कार्यालयबाट डिएसपी प्रकाश दाहालको टोली घटनास्थलमा खटिएको थियो। प्रहरीले घटनास्थलबाट खुडासहित यमबहादुर कँडेललाई नियन्त्रणमा लिएको छ। जिल्ला प्रहरीका अनुसार, घटनाको थप अनुसन्धान भइरहेको छ र यमबहादुर कँडेलविरुद्ध आवश्यक कानूनी प्रक्रिया अघि बढाएकाे छ। राममायाको शव पोष्टमार्टमका लागि धादिङ…
दाङ । लमही नगरपालिका-९ अमिलियाबाट नियन्त्रित लागूऔषध ट्रामाडोल ४४ ट्याब्लेट र नाईट्राजेपाम ४८ ट्याब्लेट सहित तुलसीपुर नगरपालिका-८ बस्ने सल्यान बागचौर नगरपालिका-५ बस्ने १८ वर्षीय किशोर समेत २ जनालाई आइतबार साँझ प्रहरीले पक्राउ गरेको छ । प्रहरी चेकपोष्टबाट खटिएको प्रहरीले नेपालगंजबाट तुलसीपुरतर्फ आउँदै गरेको रा.८ प ४८०७ नम्बरको स्कुटरमा सवार उनीहरूलाई उक्त लागूऔषध सहित पक्राउ गरेको हो । नवलपरासी पश्चिम, सुनवल नगरपालिका-६ तिलकाना बस्ने ३१ वर्षीय खड्क बहादुर रोकालाई अवैध लागूऔषध गाँजा ५७ ग्राम ७ सय ९० मिलिग्राम र नियन्त्रित लागूऔषध स्पास्मो १ सय ६० क्याप्सुल सहित आइतबार दिउँसो प्रहरीले पक्राउ गरेको छ । इलाका प्रहरी कार्यालय सुनवलबाट खटिएको प्रहरीले उनको…