Author: Scoop Khabar

काठमाडौं । लुम्बिनी विकास कोषभित्र बढ्दै गएको भ्रष्टाचार, दम्भ र अपारदर्शिताविरुद्ध ‘रेपोन्स टिम लुम्बिनी’ले कडा भण्डाफोर गर्दै योजना प्रमुख स्मिता भट्टमाथि गम्भीर अनियमितताका आरोप सार्वजनिक गरेको छ। कोषलाई व्यक्तिगत स्वार्थ, ठेक्कापट्टा र कमिसनको अड्डा बनाउने गतिविधि असह्य भइसकेको उल्लेख गर्दै टोलीले पाँच वटा मुख्य बुदामा आपत्ति जनाएको छ। लुम्बिनी रेपोन्स टिमका अध्यक्ष जमसेड खानको अनुसार योजना प्रमुखले विभिन्न टेन्डर प्रक्रियामा प्रत्यक्ष रुपमा सहभागी भएर पदको दुरुपयोग गरेको, राजनीतिक संरक्षणको घमण्डमा मनपरी निर्णय लिएको र खरीद ऐनको मर्म बिर्सेर सार्वजनिक स्रोतमा हात हाल्ने प्रवृत्ति देखाएको आरोप छ। यस्तो कृत्य संस्थाको नैतिकता माथिको ठाडो प्रहार भएको उनीहरूको भनाइ छ। योजना प्रमुखले एक…

काठमाडौं । नेपाल प्रहरीका महानिरीक्षक (आईजीपी) दानबहादुर कार्की सोमबार सुदूरपश्चिम प्रदेशको अस्थायी राजधानी धनगढी पुगेका छन्। आईजीपी नियुक्त भएपछि पहिलोपटक प्रदेश भ्रमणमा आएका कार्कीले सुदूरपश्चिम प्रदेश प्रहरी कार्यालयमा आयोजित कार्यक्रममा प्रहरी अधिकृत तथा जवानलाई निर्देशनात्मक ब्रिफिङ दिए। सम्बोधनका क्रममा कार्कीले प्रहरीमा अनुशासन, प्रतिबद्धता र व्यावसायिकता मजबुत बनाउँदै उत्कृष्ट कार्यसम्पादनमा ध्यान दिन निर्देशन दिए। स्रोतका अनुसार उनले प्रहरी संगठनलाई सुधार र सुदृढीकरणतर्फ उन्मुख गराउन सबै तहका प्रहरीलाई सक्रिय भूमिका खेल्न आग्रह गरे। उनको पहिलो प्रदेश भ्रमणले सुदूरपश्चिममा प्रहरीको कार्यशैली र अनुशासनमा थप सुधार हुने अपेक्षा राखिएको छ।

काठमाडौं । सशस्त्र प्रहरी बल नेपालले २३ जना नायब उपरीक्षक (डीएसपी) हरुको सरुवा गरेको छ । सशस्त्र प्रहरी महानिरीक्षकको सोमबारको निर्णयले उनीहरुको सरुवा गरिएको हो । आवश्यकता अनुसार सरुवा गर्नुपर्ने भएकाले सरुवा गरिएको कार्यालयबाट नियमानुसार तलब, भत्ता तथा राशन पाउने गरी उनीहरुलाई सरुवा गरिएको सशस्त्र प्रहरीले जनाएको छ ।

काठमाडौं । नेपाल राष्ट्र बैंकका गभर्नर विश्वनाथ पौडेलले बैंकहरुले ‘लोन प्याकेज’ पुनरवलोकन गर्नुपर्ने बताएका छन्। सोमबार काठमाडौंमा आयोजित एक कार्यक्रममा बोल्दै गभर्नर पौडेलले विभिन्न क्षेत्रहरुबाट बैंकहरुको लोनका बारेमा प्रश्न उठेको बताउँदै अब बैंकहरुले त्यस्ता प्याकेजहरु पुनरवलोकन गर्ने बेला आएको बताएका हुन्। गभर्नर पौडेलका अनुसार उद्योगी, व्यवसायीहरुसँग छलफल गरेर बैंकका सिइओहरुले त्यस्ता प्याकेजहरु डिजाइन गर्नुपर्छ। अहिलेका प्याकेजहरु त्यसरी डिजाइन नगर्दा प्रभावकारी रुपमा ऋण प्रवाह हुन सकेको छैन र व्यापक रुपमा बैंकमा पैसा थ्रुपिएको छ। उनले बैंकहरुको प्रोडक्ट मौद्रिक नीतिअनुसार नआउने गरेकोसमेत बताए। गभर्नर पौडेलले यस विषयमा बैंकका सिइओसँग आगामी हप्ता छलफलसमेत आफूले गर्न लागेको बताए। पौडेलका अनुसार अहिलेका बैंकहरुको प्रोडक्टरहरु कत्तिको…

काठमाडौं । नेपाल प्रहरीमा वरिष्ठ उपरीक्षक (एसएसपी)का ७ सिट रिक्त छन्। कात्तिक १७ गते पाँच अधिकारी डिआईजीमा बढुवा भएपछि रिक्त पद बढेको र पछि विश्व अधिकारी डिआईजीमा पदोन्नति तथा एसएसपी प्रकाश रानाभाटको राजीनामा स्वीकृत भएपछि खाली सिट संख्या सात पुगेको हो। यी सिटका लागि हाल १७ जना प्रहरी उपरीक्षक (एसपी) प्रतिस्पर्धामा छन्। सूचीको शीर्ष स्थानमा राष्ट्रिय अनुसन्धान विभागबाट प्रहरीमा स्थान्तरण भएका विमल बस्नेत र रामप्रकाश शाह छन्। बस्नेत यतिञ्जेल बढुवामा पटक–पटक छुट्दै आएका अधिकारी हुन्। उनीहरूका पछाडि जनपद समूहका एसपीहरू भुवनेश्वर तिवारी, ऋषिराम कँडेल, सुरेश काफ्ले, अमरेन्द्रबहादुर सिंह, श्यामसिंह चौधरी, नकुल पोख्रेल, पदम विष्ट, सुवासचन्द्र बोहरा, वासुदेव खतिवडा, प्रजित केसी,…

काठमाडौं । किष्ट बैंकका तत्कालीन प्रबन्ध सञ्चालक कमल ज्ञवाली जेलबाट छुटेका छन् । २०७५ असोजदेखि कारागारमा रहेका उनी सोमबार कारागार कार्यालय डिल्लीबजारबाट थुनामुक्त भएका हुन् । गुल्मीको थानापति घर भएर ललितपुर उपमहानगरपालिका–५ बस्दै आएका ज्ञवालीलाई अदालतले किर्ते, जालसाजी र बैकिङ कसुर सहित ४ वटा भन्दा बढी मुद्दामा दोषी ठहर गर्दै जेल सजाय हुने फैसला गरेको थियो । सर्वोच्च अदालतको पत्र आदेश अनुसार उनलाई थुनामुक्त गरिएको कारागारका एक अधिकृतले बताए ।

काठमाडौँ । हायात रिजेन्सीस्थित प्राइड क्यासिनो भदौ २४ मा जेनजी प्रदर्शनको अवसर पारेर त्यहीँ टेबल चलाउने समूहबाटै लुटिएको प्रहरी अनुसन्धानले पुष्टि गरेको छ। लुटमा संलग्न आरोपमा ‘सेठ्ठी’ भनेर चिनिने दावा शेर्पा र ‘रने’ भनेर चिनिने रञ्चित खड्गी पक्राउ परेका छन्। क्यासिनोमा टेबल सञ्चालन गर्ने सेठ्ठीले घरेलु हतियारसहित समूह लिएर प्रवेश गरी लुटपाटको नेतृत्व गरेको जिल्ला प्रहरी परिसर काठमाडौँका एसएसपी रमेश थापाले बताए। अनुसन्धान अनुसार, पहिलो चरणमा ‘रने’ समूह क्यासिनोमा प्रवेश गरी तोडफोड र आगजनी गरेको, त्यसपछि सेठ्ठी समूह भित्रिएको पाइएको छ। क्यासिनो सञ्चालकका अनुसार सोहीबेला करिब १४ करोड रुपैयाँ नगद लुटिएको दाबी छ। लुटपाटमा काभ्रेली समूहका सदस्यहरूको पनि संलग्नता देखिएको…

काठमाडौं । बैतडीको सुर्नया गाउँपालिका–५ कारिकोटका ४३ वर्षीय नरेन्द्रबहादुर बिष्ट र उनकी २० वर्षीया छोरी आयुसा बिष्ट नेपाली सेनाको इतिहासमा पहिलोपटक बुबाछोरी दुवै एकै समयमा, एकै दर्जामा तालिमरत भएको दुर्लभ उदाहरण बनेका छन्। २४ वर्षे सेवा अवधि पूरा गर्दै सहायक सेनानीको पदमा पुगेका नरेन्द्र र पहिलो प्रयासमै सेकेन्ड लेफ्टिनेन्टमा चयन भएकी आयुसा दुवै हाल तालिममा व्यस्त छन्। नरेन्द्र हाल सबुज गण बारामा कार्यरत छन भने,आयुसा सि.नं. ६५ खरिपाटी तालिममै व्यस्त छिन् । बुबाछोरी दुवैको एकै स्थानमा, एउटै चरणको तालिममा सहभागिता स्वयं नेपाली सेनाको इतिहासमै अनौठो र प्रेरणादायी देखिएको छ। आयुसा सेनामा छिर्ने बाल्यकालदेखिको सपना पूरा गरिरहेकी छिन्। बुबाको हौसला, अनुशासन…

टोकियो । नेपाल पत्रकार महासंघकी केन्द्रीय अध्यक्ष निर्मला शर्माले प्रवासमा रहेर पत्रकारिता गरेपनि पत्रकार आचारसंहिता उत्तिकै पालना गर्नुपर्ने आवश्यकता रहेको बताइन् । नेपाल पत्रकार महासंघ जापान शाखाको छैटौं अधिवेशनबाट नवनिर्वाचित कार्यसमितिको शपथग्रहण तथा पदभार हस्तान्तरण कार्यक्रममा बोल्दै अध्यक्ष शर्माले प्रवासबाट पत्रकारिता गरे पनि पत्रकार आचारसंहिता पालना गर्न सबै पत्रकारहरुलाई आग्रह गरिन्। फरक प्रसङ्गमा बोल्दै अध्यक्ष शर्माले तोकिएको समयमा नै निष्पक्ष निर्वाचन हुनुपर्ने कुरामा समेत जोड दिइन्। यस्तै कार्यक्रममा एनआरएनए जापानका अध्यक्ष सुभाष लामिछाने, नेपाल पत्रकार महासंघ जापान शाखाका संस्थापक अध्यक्ष तिलक मल्ल, पूर्व अध्यक्ष मोहन घले, निवर्तमान अध्यक्ष शान्त पहरी तथा नव(निर्वाचित अध्यक्ष रविन्द्र श्रेष्ठले मन्तव्य व्यक्त गरेका थिए। कार्यक्रममा…

काठमाडौं । नेपाल एयरलाइन्सका चालक दलका सदस्य सन्देश तिवारी पक्राउ परेका छन् । सुन तस्करीको आरोपमा आरोपमा उनलाई कतारमा दोहा प्रहरीले नियन्त्रणमा लिएको हो । पक्राउ परेसँगै तिवारीलाई तीन महिनाको लागि जागिरबाट निलम्बन गरिएको बताइएको छ। तिवारीको साथबाट ८ तोला सुन बरामद गरिएको प्रहरीले जनाएको छ । उक्त घटना नोभेम्बर २९ मा भएको हो । उडान नम्बर आरए २४० दोहाबाट काठमाडौँ आइपुग्ने तालिका थियो। दोहा विमानस्थल भन्सार जाँचका क्रममा तिवारीको साथबाट ८ तोला सुन भेटिएको जनाइएको छ । जसकारण उडान लगभग ३५ मिनेटको लागि रोकिएको थियो । नेपाल एयरलाइन्सका दोहा स्टेसन म्यानेजर कृष्ण बजगाईंले यसको पुष्टि गरे।