Author: Scoop Khabar
काठमाडौं । मालपोत कार्यालय ताप्लेजुङको लेखा प्रमुख रहेकी पनेरु महतलाई विशेष अदालतले भ्रष्टाचारी ठहर गरेको छ । तत्कालिन राष्ट्रपति विद्यादेवी भण्डारीबाट उत्कृष्ट राष्ट्र सेवकका रुपमा जनसेवाश्री चतुर्थ पदक पाएकी उनलाई अदालतले जिम्मेवार कर्मचारीले भ्रष्टाचार गर्नुले देशको सुशासनप्रति जनताको आशा गिरेको समेत उल्लेख गरेको छ । महतले घुस लिएको भन्दै ०७९ असारमा दायर मुद्दामा विशेष अदालतका अध्यक्ष टेकनारायण कुँवर तथा सदस्यहरू रामबहादुर थापा र मुरारीबाबु श्रेष्ठको इजलासले गत १२ माघमा फैसला गरेको थियो । उनले सेवाग्राहीसँग घुसबापत एक लाख ५० हजार रुपैयाँ लिइसकेको अवस्थामा अख्तियार दुरुपयोग अनुसन्धान आयोगले उनलाई नियन्त्रणमा लिएर विशेषमा मुद्दा दायर गरेको थियो । फैसलाको पूर्ण पाठमा महतले…
काठमाडौं । सशस्त्र प्रहरी बल, नेपालले २४ सै घण्टा तैनाथ रहने गरी विपद् व्यवस्थापन तालिम प्राप्त डेडिकेटेड मनसुन प्रतिकार्य टोली गठन गरेको छ । मनसुनको समयमा बाढी, पहिरो, डुबान एवं विपद्मा परेकाहरूको तत्कालै उद्धारको लागि मनसुन प्रतिकार्य टोली गठन गरिएको सशस्त्र मुख्यालयले जनाएको छ । सशस्त्र सहप्रवक्ता डीएसपी शैलेन्द्र थापाका अनुसार बाहिनी, शिक्षालय तथा गणमा सिनियर अफिसरको कमाण्डमा एक प्लाटुन र गुल्महरूमा सिनियर अफिसरको कमाण्डमा माइनस प्लाटुन तथा अन्य युनिटहरूमा १ सेक्सनको नफ्रिमा उपलब्ध स्रोतसाधनसहित मनसुन प्रतिकार्य टोली गठन गरिएको छ । प्रदेशस्थित सशस्त्र प्रहरी बल नेपाल नं. १ बराह बाहिनी मुख्यालय सुनसरी, नं. २ छिन्नमस्ता बाहिनी मुख्यालय महोत्तरी, नं.…
काठमाडौं । नेपाल प्रहरीका महानिरीक्षक (आईजीपी) बसन्तबहादुर कुँवर संगठनमा सुशासन कायम गर्न लागेका छन् । संगठनमा सुधार गर्ने उनको अभियान केही अधिकृतहरुको स्वार्थमोहका कारण ओझेलमा परेको छ । महानिरीक्षक कुँवरले परिवर्तन गर्न खोजे पनि केही अधिकृतका कारण प्रहरी संगठनको छवि धमिलिने गरेको छ । यस्तै संगठनको छवि धमिल्याउने काम गरेका छन्–नेपाल प्रहरी विशेष सुरक्षा गणका प्रहरी उपरीक्षक (एसपी) नरेन्द्र कार्कीले । धनुषाको ढल्केबरमा रहेको नेपाल प्रहरी विशेष सुरक्षा गणका गणपति कार्कीले मिथिला नगरपालिका-१० लालगढमा आफ्नो घर बनाउँदैछन् । तर, उनले निजी घर बनाउन गणकै प्रहरी र गाडी प्रयोग गरेको भेटिएको छ । एसपी कार्कीले मजदुरका रूपमा गणकै प्रहरी कर्मचारी र…
डालास । नेपालले हारबाट आईसीसी टी-ट्वेन्टी विश्वकप २०२४ को सुरुआत गरेको छ । अमेरिकाको ग्रान्ड प्रेरी क्रिकेट रंगशालामा नेपाल नेदरल्यान्ड्सँग ६ विकेटले पराजित भएको हो । नेदरल्यान्ड्सले टस जितेर पहिले फिल्डिङ रोजेपछि ब्याटिङमा उत्रिएको नेपालले एक सय ७ रनको लक्ष्य प्रस्तुत गरेको थियो । जवाफमा नेदरल्यान्ड्सले १८ ओभर चार बलमा चार विकेट गुमाएर एक सय ७ रनको लक्ष्य पूरा गर्यो । नेपालले १९ ओभर दुई बलमा सबै विकेट गुमाएर एक सय ६ रन मात्र बनाएको थियो । नेपाल र नेदरल्यान्ड्सबीचको खेल पनि लो स्कोरिङ खेल हुन पुग्यो । दुवै ओभरमा बलर हाबी भएका थिए ।
काठमाडौं । भारतमा १८ औँ लोकसभा चुनावको अन्तिम मतपरिणाम सार्वजनिक भएको छ । ५४३ सिटका लागि भएको निर्वाचनमा प्रधानमन्त्री नरेन्द्र मोदीको दल भारतीय जनता पार्टीले एकल बहुमत गुमाएको छ । तर, मोदी नेतृत्वको गठबन्धन नेसनल डेमोक्रेटिक अलायन्स- एनडीएले भने बहुमत प्राप्त गरेको छ । हिन्दूस्तान टाइम्सका अनुसार यसपटकको चुनावमा प्रधानमन्त्री मोदी नेतृत्वको एनडीएले २९५ सिट जितेको छ भने राहुल गान्धी नेतृत्वको इन्डिया गठबन्धनले २३१ सिटमा जित हासिल गरेको छ । त्यस्तै अन्य दलले १७ सिटमा जित हासिल गरेका छन् । ५ सय ४३ सदस्यीय लोकसभामा सरकार बनाउन २ सय ७२ सिट चाहिन्छ र त्यसका लागि एनडीएले आवश्यक सिट जितेको छ…
वीरगन्ज । सीमावर्ती भारतीय बजार रक्सौल निवासी मुख्तार अलीलाई पर्सा प्रहरीले नियन्त्रणमा लिएको छ । पर्साको अमरपट्टी प्रहरी चौकीमा तस्करीको लाइन खोलाउन गएका मुख्तारलाई जिल्ला प्रहरी कार्यालयको टोलीले पक्राउ गरेको हो । पर्साका प्रहरी उपरीक्षक कुमोध ढुंगेलका अनुसार प्रहरीलाई बदनाम गराउँदै हिँडेका रक्सौल निवासी मुख्तारलाई अमरपट्टीबाट पक्राउ गरिएको हो । सीमावर्ती क्षेत्रमा लामो समयदेखि अवैध कारोबारमा संलग्न रहेका मुख्तार पछिल्लो समय जिल्लाको एसपी र क्राइम टोलीसँग ‘सेटिङ’ भइसकेको भन्दै अवैध कारोबारमा संलग्नहरुसँग पैसा असुल्दै आएका थिए । ‘कपडा र किराना सामानको तस्करी गर्ने मुख्तारले जिल्लामा आएका नयाँ अधिकृतलाई यो नाकाबाट सामान पास हुँदैछ भन्ने गलत सूचना समेत दिन्थे,’ एक प्रहरी…
काठमाडौ । कोशी प्रदेशका मुख्यमन्त्री हिक्मत कुमार कार्कीले कोशी प्रदेश प्रहरी कार्यालय बिराटनगरको निरीक्षण तथा अवलोकन भ्रमण गरेका छन् । निरीक्षण भ्रमणको क्रममा उनले कार्यालय तथा बिभिन्न शाखाहरुको निरीक्षण गर्नुका साथै प्रदेश प्रहरी कार्यालयको प्रहरी जनशक्ति परिचालन, अपराध नियन्त्रण तथा शान्ति सुरक्षाको प्रस्तुतिकणको अवलोकन गर्नु भएको छ भने कार्यरत सम्पुर्ण प्रहरी कर्मचारीहरुलाई आवश्यक निर्देशन समेत दिए । उनले विपद्को घटनादेखि लिएर समाजमा हुने विभिन्न अपराधिक गतिबिधि नियन्त्रणमा नेपाल प्रहरीले पहिलो पंक्तिमा रही महत्वपुर्ण भूमिका निर्वाह गरिरहेको बताउदै प्रहरीलाई श्रोत साधन सम्पन्न बनाए समाजमा शान्ति सुरक्षा प्रभावकारी हुनेमा आफु विश्वस्त रहेको कुरा बताए । मुख्यमन्त्री कार्कीले कुनै पनि नागरिक प्रहरी कार्यलयमा…
जुम्ला । जुम्लामा नेपाल प्रहरीका सहायक निरीक्षक (असई) को भिरबाट लडेर मृत्यु भएको छ । जिल्ला प्रहरी कार्यालय जुम्लामा कार्यरत असई दिपक पोखरेलको ड्युटीको क्रममा भीरबाट लडेर मृत्यु भएको हो । सुर्खेत सिम्ता गाउँपालिका ६ जामुनेबजार घर भएका पोखरेल रात्री गस्तीको क्रममा बिहान चार बजेतिर भिरबाट लड्का मृत्यु भएको जनाइएको छ ।
काठमाडौँ । जगन्नाथ ग्रुप अन्तर्गतको युरो पेन्ट्सले टी–२० विश्वकप खेल्न लागेको नेपाली क्रिकेट खेलाडीलाई प्रोत्साहन स्वरूप पुरस्कारको घोषणा गरेको छ । जसअनुसार खेलाडीले प्रतिरन ३०० रुपैयाँ पुरस्कार पाउनेछन् । यस्तै प्रत्येक चौकामा १ हजार, छक्कामा ३ हजार तथा अर्ध सतकमा ५० हजार र शतकमा १ लाख पुरस्कार दिने कम्पनीले घोषणा गरेको छ । यस्तै विकेट लिएको खण्डमा प्रतिविकेट ३ हजार रुपैयाँ खेलाडीले पुरस्कार पाउनेछन् । कम्पनीका प्रबन्ध निर्देशक केल्बिन शर्माका अनुसार अमेरिका र वेस्ट इन्डिज आयोजित विश्वकपमा सहभागी टोलीको प्रोत्साहनका लागि क्यानलाई १ लाख रुपैयाँ उपलब्ध गराउने निर्णय भएको छ । यसबाहेक नेपाली टोली सुपर ८ मा पुगेको खण्डमा २ लाख,…
काठमाडौं । आफूलाई सामाजिक अभियन्ता दाबी गर्ने तारा बराल पक्राउ परेकी छन् । प्रहरीको साइबर ब्युरोको टोलीले उनलाई आइतबार दिउँसो काठमाडौंको बबरमहलबाट पक्राउ गरेको हो । बराललाई साइबर कानुन वा विद्युतीय कारोबार ऐन, २०६३ को दफा ४७ अन्तर्गत पक्राउ गरिएको ब्युरोले जनाएको छ । व्यूरोले उनलाई हिरासतमा राखेर अनुसन्धान गर्नका लागि अदालतबाट पाँच दिनको म्याद थप भएको छ । ‘विद्युतीय माध्यममा गैरकानुनी कुरा प्रकाशन गर्ने’ शीर्षकको यो दफामा विद्युतीय सञ्चार माध्यममा प्रचलित कानुनले रोक लगाएका, सार्वजनिक नैतिकता अनि शिष्टाचारविरुद्धका, कसैप्रति घृणा वा द्वेष फैलाउने, जातजाति र सम्प्रदायबीचको सम्बन्धलाई खलल पार्ने सामग्रीहरू प्रकाशन–प्रदर्शन गर्ने वा गर्न लगाउनेलाई एक लाख रुपैयाँसम्म जरिवाना, पाँच…