Author: Scoop Khabar
काठमाडौं । रुकुम पूर्वको सिस्ने गाउँपालिकामा कार्यरत एक कार्यालय सहयोगी आफ्नै कोठामा झुण्डिएको अवस्थामा मृत फेला परेकी छन्। सिस्ने गाउँपालिका–६, खोपिचार घर भएकी २३ वर्षीया कोइली शाही शनिबार बिहान सिस्ने–५ स्थित डेरामा झुण्डिएको अवस्थामा मृत भेटिएकी हुन। जिल्ला प्रहरी कार्यालयका प्रमुख डीएसपी उमाशंकर प्रशाद यादवका अनुसार शाही गाउँपालिका कार्यालयमा कार्यालय सहयोगीको रूपमा कार्यरत थिइन्। डीएसपी यादवका अनुसार मृतक शाहीले शनिबार बिहान महिला साथीहरूसँग घुम्न जाने योजना बनाएकी थिइन्। तर, फोन सम्पर्क गर्न खोज्दा नउठेपछि चिनजानका व्यक्तिहरूलाई खबर गरेर कोठा जाँच्न आग्रह गरिएको थियो। स्थानीयले कोठामा बोलाउँदा पनि कुनै प्रतिक्रिया नआएपछि प्रहरीलाई खबर गरियो। त्यसपछि प्रहरीले ढोका फोरेर हेर्दा शाही झुण्डिएको…
मोरङ । कोशी प्रदेशस्थित मोरङ जिल्ला हुँदै भारततर्फ गोरु तस्करी हुँदा सम्बन्धित निकाय रमिते बनेको छ । पूर्वी जिल्ला मोरङ-झापा भनेर चिनिने गर्दछ । यी दुई जिल्लामा भारतसँग जोडिएका खुल्ला सीमा नाका रहेका छन् । यही खुल्ला सीमा नाकाको फाइदा उठाउँदै तस्करले गोरु तस्करी गरिरहेको हो । विगतमा बेला-बेलामा पूर्वी जिल्ला मोरङ र झापाबाट तस्करी मात्र नभएर तस्करीसँग कुटाकुट त कहिले समयमा लाइन नपाएर झडप हुने गरेको विषय समेत चर्चामा आउने गरेको थियो । तर, पूर्वी जिल्ला भनेर चिनिने मोरङमा भने गोरु तस्करी भइरहँदा पनि सम्बन्धित निकाय रमिते बनेको पाइएको हो । गोरु तस्करी पूर्वी नाका हुँदै भारत पुग्ने गरेको…
काठमाडौं । नेकपा (माओवादी केन्द्र) का उपमहासचिव जनार्दन शर्मा अध्यक्ष पुष्पकमल दाहालसँग यतिवेला पानी बाराबारको अवस्थामा छन् । पार्टी छोड भनेर भनिसकेको अभिव्यक्ति दिएका जनार्दन यतिवेला शक्ति सञ्चयको तयारीमा जुटेका छन् । आफ्नो गृहजिल्लामा आफूले मेहनत गरेर भेला पारेको मासलाई सम्बोधन गरेर अध्यक्ष प्रचण्डले आफ्नो मानमर्दन गरेको भन्दै जनार्दन रिसले आगो भएका छन् । काठमाडौं फर्किएपछि उनले मिडियामा अन्तर्वार्ताको क्रममा प्रचण्डले आफूलाई दुई चोटी पार्टी छोड भनिसकेको भनेर खुलासा गरेका थिए । त्यसपछि शर्मा प्रचण्डलाई देखाईदिने भन्दै चितवनमा शक्ति प्रदर्शन गर्ने तयारीमा समेत जुटेको पाइएको छ ।
काठमाडौं । नेपाली कांग्रेसले लुम्बिनी प्रदेशका महामन्त्री विक्रम खनाललाई एक वर्षका लागि पार्टी सदस्यसमेत नरहने गरी निष्कासन गरेको छ । बुधबार केन्द्रीय अनुशासन समितिका संयोजक आनन्द ढुंगानाले खनालमाथि कारबाही गरिएको पत्र लुम्बिनी प्रदेश समितिलाई पठाएका हुन् ।पार्टीका आधिकारिक उम्मेदवारलाई असहयोग गरिएको आरोपमा कांग्रेसका नेता डा. शेखर कोइराला निकट खनाललाई कारबाही गरिएको हो । २०७९ को संघीय तथा प्रदेशसभा निर्वाचनका क्रममा खनालले पार्टी उम्मेदवारलाई असहयोग गरेको भन्दै कांग्रेस सांसद तथा उद्योगपति विनोद चौधरीले अनुशासन समितिमा उजुरी दिएका थिए । यसबारे अनुशासन समितिले खनालसँग स्पष्टीकरण मागेको थियो । तर उनले दिएको जवाफ चित्तबुझ्दो नलागेको समितिको निष्कर्ष छ । नवलपरासीको बर्दघाट नगरपालिका–१० निवासी…
काठमाडौं । मानव बेचबिखन तथा ओसारपसार मुद्दामा फरार रहेका अभियुक्त राजन तिमल्सिना १६ वर्षपछि पक्राउ परेका छन् । पक्राउ परेका तिमल्सिना काठमाडौंको गोकर्णेश्वर नगरपालिका–२ मा लुकिछिपी बस्दै आएका थिए। उनलाई प्रहरीको निरन्तर अनुसन्धानपछि २०८२ असार २४ गते पक्राउ गरिएको काठमाडौं उपत्यका अपराध अनुसन्धान कार्यालयले जनाएको छ। मिति २०६५ पुस २ गते, काठमाडौं जिल्ला अन्तर्गतको तत्कालीन सुन्दरीजल गाविस वडा नम्बर ४ नयाँपाटी घर भएकी १४ वर्षीया एक किशोरीलाई “विवाह गर्ने” प्रलोभन देखाई तत्कालीन हाज्मा कम्पनी, सिन्धुलीमा कार्यरत पियन राजन तिमल्सिनाले भारत लगेका थिए। त्यसपछि उनलाई बेचबिखन गरिएको पाइएको प्रहरी अनुसन्धानबाट खुलेको छ। पीडितको दिदीले काठमाडौं प्रहरीमा किटानी जाहेरी दिएकी थिइन्, जसको…
जनकपुरधाम । सशस्त्र प्रहरी बल नेपाल ८ नं. गण धनुषाको टोलीले बुधबार धनुषाको लक्ष्मीनिया गाउँपालिका ७ स्थित ईट्टाभाट्टाको खाली धरमा लुकाइराखेको अवैध काजु बरामद गरेको छ । सशस्त्र प्रहरी बल नेपाल ८ नं. गण धनुषा जनकपुरबाट डिएसपी दिनेश शर्माको कमाण्डमा १५ जनाको टोलीले लक्ष्मीनिया गाउँपालिका–७ स्थित ईट्टाभाट्टाको खाली धरमा लुकाइराखेको अवैध काजु बरामद गरेको हो । सशस्त्रले बरामद गरेको अवैध काजु अन्दाजी १३ लाख २० हजार रुपैयाँ बराबरको रहेको छ । सशस्त्र प्रहरी बल नेपाल ८ नं. गणका गणपति एसपी निर्मल खड्का अनुसार अवैध काजु १३ क्विन्टल २० किलो बरामद भएको छ । बरामद अवैध काजु आवश्यक कारवाहीका लागि जनकपुर भन्सार…
काठमाडौं । रसुवामा बाढीको कारण फसेका नागरिकको उद्धार गर्न गएका सशस्त्र प्रहरी बलको एक जना सहायक हवल्दार भिरबाट खसेका छन् । गोसाईंकुण्ड गाउँपालिका- ३ लिङलिङमा उद्धारको लागि २ नम्बर गुल्मबाट गएका सहायक हवल्दार विशाल थापा भिरबाट लडेर घाइते भएका हुन् । २१ जनाको टोली गएकोमा थापा १० मिटर तल खोँचामा खसेका थिए । उनको टाउको र घुँडामा चोट लागेको सशस्त्र प्रहरी बलका सहायक प्रवक्ता डिएसपी शैलेन्द्र थापाले जानकारी दिए । उनको प्राथमिक उपचारको लागि टिमुरे तर्फ स्ट्रेचरमा हालेर लगिएपनि अवस्था गम्भीर भएकोले नेपाली सेनाले हेलिकप्टर पठाउन लागेको छ । सेनाको हेलिकप्टरमार्फत ल्याएर सशस्त्र प्रहरीको बलम्बुस्थित अस्पतालमा उपचार गराउने तयारी रहेको…
काठमाडौं । जनकपुरधाममा ससुरालाई चक्कु प्रहार गरी हत्या गरेको आरोपमा ज्वाइँ पक्राउ परेका छन् । धनुषा प्रहरीले जनकपुरधाम उपमहानगरपालिका १५ का ६५ वर्षिय वासुदेव प्रसाद साहको हत्या आरोपमा पक्राउ परेका उनकै ज्वाइँ बेचन महासेठलाई पक्राउ गरी सार्वजनिक गरेको हो । लेनदेन विवादमा असार १८ गते वासुदेवलाई चक्कु प्रहार गरी ज्वाइँ फरार भएका थिए । धनुषाका प्रहरी उपरीक्षक नरहरि रेग्मीले घरायसी विवादको कारण ज्वाइँले ससुरालाई चक्कु प्रहार गरेको प्रारम्भिक अनुसन्धानबाट खुलेको जानकारी दिए । प्रहरीले घटनास्थलबाट चक्कु र आरोपी चढ्ने प्रदेश ०२-००७ प. ९९३२ नम्बरको स्कूटर पनि बरामद गरेको हो । मतृतको श्रीमती शैल देवीले किटानी जाहिर दिएपछि उनलाई मंगलबार खजुरी…
महोत्तरी । महोत्तरीको गौशाला बजारका व्यापारीहरूबाट अवैध रूपमा मासिक रकम असुली गरेको आरोपमा ईलाका प्रहरी कार्यालय गौशालाका प्रहरी इन्सपेक्टर उत्तम सिंह भण्डारीसहित तीन जना प्रहरीलाई कारवाहीका लागि जनकपुरधाम तानिएको छ । मधेश प्रदेश प्रहरी कार्यालयको निर्देशनमा निरीक्षक भण्डारीसँगै प्रहरी जवान धिरज महतो र अर्जुन विश्वकर्मालाई समेत नेपाल प्रहरीको जनकपुरधामस्थित गणमा बोलाइएको हो । उनीहरूमाथि चेक अनादर सम्बन्धी मुद्दाका आरोपितहरूसँग आर्थिक लाभ लिएको, बिचौलियामार्फत प्रहरी परिसरमै नियमित रकम संकलन गरेको लगायतका गम्भीर आरोप लागेको छ ।
वीरगञ्ज । जलवायु परिवर्तनका कारण उत्पन्र खडेरीले तराई–मधेस क्षेत्रमा खानेपानीको गम्भीर अभाव सिर्जना गरेको छ। विशेषगरी पर्सा, बारा र रौतहट जिल्लाहरूमा अधिकांश चापाकल सुकेका कारण जनजीवन अत्यन्त कठिन बनेको छ। यसै सन्दर्भमा खानेपानीमन्त्री प्रदीप यादव आज आफ्नो गृहजिल्ला वीरगञ्ज पुगेर खानेपानी अभावको स्थलगत अवलोकन गरेका छन्। मन्त्री यादवले यस प्राकृतिक विपत्तिबाट पीडित नागरिकहरूप्रति हार्दिक सहानुभूति व्यक्त गर्दै वीरगञ्जवासीको खानेपानी समस्या समाधानका लागि आफू स्वयं वीरगञ्ज महानगरपालिकाका विभिन्न प्रभावित क्षेत्र, वडाहरू, टोल तथा घर–घरमा पुगेर स्थलगत निरीक्षण गरेको बताएका छन्। उनले बारा र पर्साका जिल्लाहरूमा २३७ भन्दा बढी स्थानमा डिप बोरिङ सम्पन्न भए पनि पानीको समस्या पूर्ण रूपमा समाधान हुन नसकेको…