Author: Scoop Khabar

काठमाडौं । नेपाल आयल निगमले भूकम्प प्रभावितको उद्धारमा परिचालन भएका हवाई जहाज र हेलिकप्टरकोमा प्रयोग हुने इन्धन खर्च बेहोर्ने घोषणा गरेको छ । निगमले शनिबार एक विज्ञप्ति जारी गर्दै भूकम्प प्रभावित क्षेत्रमा राहत तथा उद्धार कार्यमा खटिएका नेपाल एयरलाइन्स र नेपाली सेनाको हेलिकप्टरमा प्रयोग हुने हवाई इन्धन वापतको खर्च बेहोर्ने घोषणा गरेको हो । निगमले सो खर्च आफ्नो आर्थिक वर्ष २०८०/८१ को संस्थागत सामाजिक उत्तरदायित्व शीर्षकबाट बेहोर्ने निर्णय भएको जनाएको छ । गएराती करिब ११ बजेर ४७ मिनेट जाँदा जाजरकोट जिल्ला केन्द्र बिन्दु भई विनाशकारी भूकम्प गएको र उक्त भूकम्पबाट जाजरकोट, रुकुम पश्चिम लगायत वरपरका जिल्लाहरूमा समेत ठुलो जनधनको क्षति…

काठमाडौं । निजी वायुसेवा कम्पनी बुद्ध एयरले जाजरकोट तथा पश्चिम रुकुमका भूकम्प प्रभावितका लागि १ करोड सहयोग गर्ने घोषणा गरेको छ । शनिवार एक सूचना जारी गर्दै बुद्ध एयरले प्रधानमन्त्री दैवी प्रकोप राहत कोषमा रु १ करोड सहयोग दिने निर्णय गरेको जनाएको छ । बुद्ध एयरले जारी सूचनामा भनिएको छ– ‘जाजरकोट तथा पश्चिम रुकुममा आएको प्राकृतिक विपत्मा परि त्यहाँका थुप्रै नागरिकले ज्यान गुमाएका छन् । भूकम्पले थुप्रै परिवार घरबारविहीन भएका छन् । यस दुःखद परिस्थितिमा हामी सबै नेपालीले हातेमालो तथा सहयोगका लागि तत्पर हुनै पर्छ । हामी बुद्ध एयर परिवारको तर्फबाट प्रधानमन्त्री दैवी प्रकोप राहत कोषमा रु. १ करोड सहयोग…

काठमाडौं । जाजरकोट केन्द्रबिन्दु भएर गएराति गएको भूकम्पमा परी जाजरकोटमा मात्रै ९२ जनाको मृत्यु भएको छ । त्यस्तै, पश्चिम रुकुममा ३७ जनाको मृत्यु भएको प्रहरीले जनाएको छ । बिहान ७ः१५ बजेसम्म जाजरकोट र पश्चिम रुकुममा गरी १२९ जनाको भूकम्पमा परेर ज्यान गएको प्रहरी प्रवक्ता डिआईजी कुवेर कडायतले बताए । त्यस्तै भूकम्पमा परेर जाजरकोटमा ५५ जना र पश्चिम रुकुममा ८५ जना घाइते भएको प्रहरीले जनाएको छ । घाइतेहरुको विभिन्न अस्पतालहरुमा उपचार भइरहेको डिआईजी कडायतले बताए । भूकम्पपछि रुकुम पश्चिममा प्रहरी नायब उपरीक्षक (डिएसपी)को कमाण्डमा ३२० जना प्रहरी, जाजरकोटमा डिएसपीको कमाण्डमा ४५० जना र कर्णाली प्रदेश प्रहरी गण सुर्खेतबाट ३६ जनाको प्रहरी…

काठमाडौं । कालीमाटीको सोल्टीमोडस्थित दरबार बैंक्वेट अगाडि सडकपेटीमा भेटिएको शवको पहिचान खुलेको छ । उक्त शव नेपाली सेनामा कार्यरत २६ वर्षीय सुमन कार्कीको रहेको खुलेको हो । चन्द्रागिरी नगरपालिका ६ घर भई गणेश दल जंगीअड्डा भद्रकालीमा दरबन्दी भई लेश नायक दर्जामा कार्यरत कार्कीको शव रहेको खुलेको प्रहरी वृत्त, कालीमाटीले जनाएको छ । उनको साथबाट नेपाल आर्मीको कार्ड बरामद भएको प्रहरीले जनाएको छ । शनिबार बिहान स्थानीयहरुले सडकपेटीको किनारमा रहेको बिजुलीको पोलमा ‘विनोद रेष्ट इन पिस’ लेखेर कागज टाँसेको देखेपछि नजिकै नियाल्दा लडिरहेको अवस्थामा शव पनि देखेपछि प्रहरीलाई खबर गरेका थिए । लगत्तै घटनास्थलमा प्रहरी वृत्त, कालीमाटीका प्रमुख नायब उपरीक्षक (डिएसपी)…

काठमाडौं । प्रधानमन्त्री पुष्पकमल दाहाल प्रचण्ड भूकम्प प्रभावितहरुको अवस्था बुझ्न जाजरकोट पुगेका छन् । शनिबार बिहान नेपाली सेनाको मेडिकल टिमसहित हेलिकोप्टरबाट जाजरकोट पुगेका हुन् । उनलाई प्रमुख जिल्ला अधिकारी सुरेश सुनारले जिल्लाको अवस्थाबारे ब्रिफिङ गरेका छन् । त्यसपछि प्रधानमन्त्री प्रचण्ड स्थलगत अनुगमनमा निस्किएको प्रधानमन्त्रीको सचिवालयले जनाएको छ । गएराति ११ बजेर ४९ मिनेट जाँदा जाजरकोट केन्द्रविन्दु भएर भूकम्प गएको थियो । भूकम्पमा परी जाजरकोट पश्चिम रुकुममा गरी १२८ जनाको मृत्यु भएको पुष्टि भएको छ ।

काठमाडौं । कालीमाटीको सोल्टीमोड चोक नजिकै सडक किनारको एक बिजुलीको पोलमा ‘विनोद रेष्ट इन पिस’ लेखेर टाँसिएको कागज भेटिएको छ । लगत्तै घटनास्थलमा प्रहरी वृत्त, कालीमाटीका प्रमुख नायब उपरीक्षक (डिएसपी) नरहरि अधिकारी पुगिसकेका छन् । उनले नजिकै एउटा शव भेटिएको बताए । दरबार बैंक्वेटको गेट अगाडि उक्त शव भेटिएको प्रहरीले जनाएको छ । शव भेटिएको नजिकै रहेको बिजुलीको पोलमा ‘विनोद रेष्ट इन पिस’ लेखिएको पाइएको हो । त्यसैले उक्त शव विनोद नामको व्यक्तिको हुनसक्ने अनुमान छ । घटनास्थलमा पुगेका एक प्रहरी अधिकारीका अनुसार उक्त शव नेपाली सेनाको कर्मचारीको रहेको खुलेको छ । तर, काठमाडौं प्रहरीले उक्त कुरा पुष्टि गरेको छैन…

काठमाडौं । जाजरकोट केन्द्रबिन्दु भएर गएराति गएको भूकम्पमा परी जाजरकोटमा मात्रै ९२ जनाको मृत्यु भएको सशस्त्र प्रहरीले जनाएको छ । सशस्त्र प्रहरीका डिएसपी शैलेन्द्र थापाले उक्त जानकारी दिएका हुन् । त्यस्तै, डिएसपी थापाका अनुसार पश्चिम रुकुममा ३६ जनाको मृत्यु भएको छ । बिहान ७ः१५ बजेसम्म जाजरकोट र पश्चिम रुकुममा गरी १२८ जनाको भूकम्पमा परेर ज्यान गएको डिएसपी थापाले बताए । त्यस्तै भूकम्पमा परेर जाजरकोटमा ७० जना र पश्चिम रुकुममा ८५ जना घाइते भएको सशस्त्र प्रहरीले जनाएको छ । घाइतेहरुको विभिन्न अस्पतालहरुमा उपचार भइरहेको डिएसपी थापा बताउँछन् । भूकम्पले आश्रिम गुल्म जाजरकोटमा आशिंक क्षति समेत पुर्याएको छ । सोही गुल्म जाजरकोटबाट…

काठमाडौं । जाजरकोटमा शुक्रबार राति गएको शक्तिशाली भूकम्पमा परी नलगाढ नगरपालिकाकी उपप्रमुख सरिता सिंहको निधन भएको छ । सदरमुकाम खलंगामा सिंह बसेको घर भत्किँदा उनको निधन भएको जिल्ला प्रहरी कार्यालयका नायब उपरीक्षक (डीएसपी) सन्तोष रोकाले जानकारी दिए । ‘उद्धार गरेर अस्पताल पठाउँदै गर्दा बाटोमा नै उहाँको मृत्यु भएको हो,’ डिएसपी रोकाले भने । सिंह गत स्थानीय निर्वाचनमा नेपाली कांग्रेसबाट उपप्रमुख पदमा निर्वाचित भएकी थिइन् ।

काठमाडौं । प्रधानमन्त्री पुष्पकमल दाहाल प्रचण्ड आाज बिहान औषधि र स्वास्थ्यकर्मीको टोली लिएर जाजरकोट र रुकुम पश्चिम जाने भएका छन् । गएराति गएको भूकम्पबाट जाजरकोट र रुकुम पश्चिममा ठूलो मानवीय र भौतिक क्षति भएपछि घाइतेहरुको खोज, उद्वार तथा उपचार व्यवस्थाका लागि प्रधानमन्त्रीसहितको स्वास्थ्यकर्मीको टिम प्रभावित क्षेत्रमा जान लागेको उनको सचिवालयले जनाएको छ । प्रधानमन्त्री प्रचण्डले गएराति देखिनै सुरक्षा निकाय र प्रशासन मार्फत भूकम्प प्रभावित क्षेत्रको अपडेट लिएर आवश्यक निर्देशन दिदै आएका छन् । बिहानैदेखि घाइतेहरुको खोज तथा उद्वार र उपचारका लागि मेडिकल टिमसहित सुर्खेतबाट कम्तीमा ३ हेलिकप्टर र एक स्काईट्रक सल्ले र चौरजहारी विमानस्थल वेस बनाई परिचालन…

काठमाडौं । ललितपुरको भैंसेपाटीमा दसैंमा जुवा खेल्दा करिब ७० लाख रुपैयाँ हारेका एक युवक आफ्नै घरमा मृत अवस्थामा भेटिएका छन् । उदयपुर स्थायी घर भई भैंसेपाटी बस्दै आएका हरिबहादुर थापा बिहीबार मृत भेटिएका हुन् । बन्द कोठाभित्र सलमा झुन्डिएको अवस्थामा उनको शव भेटिएको छ । पारिवारिक स्रोतका अनुसार जुवामा उनले लाखौं रुपैयाँ गुमाएका थिए । जसकारण उनको श्रीमतीसँग पनि राम्रो सम्बन्ध थिएन । श्रीमतीलाई कुटपिट गरेको विषयमा पटक–पटक प्रहरीमा उजुरी परेको थियो । उनको ससुराली पक्षले डिभोर्स गराउने तयारी गरेको समेत बुझिएको छ । आर्थिक तथा पारिवारीक तनावमा उनले आत्महत्या गरेको प्रहरीको अनुमान छ । यद्यपि उनका परिवारले भने ससुराली…