Author: Scoop Khabar

काठमाठौं । प्रहरी उपरीक्षक (एसपी) गौतम मिश्रले जिल्ला प्रहरी कार्यालय चितवनको कमाण्ड सम्हालेयता पछिल्लो समय मासिक कार्यप्रगति सार्वजनिक गर्दै आएका छन् । मासिक कार्यप्रगति प्रतिवेदन सार्वजनिक गर्दा समग्र जिल्ला प्रहरी कार्यालय चितवनको कार्यसम्पादन पारदर्शीता हुने एसपी मिश्रको बुझाइ छ । जसकारण चितवन प्रहरीले निर्धारित कार्यसम्पादन, लक्ष्य प्राप्ति तथा सर्वसाधरणलाई सूचनाको हकमा सोझै पहुँच वृद्धि गरिरहेको छ । प्रत्येक महिनाको अन्तिमसम्म अर्थात् महिनाभरी भएगरेका प्रमुख गतिविधि तथा कार्य सम्पादनलाई एकीकृत गर्दै मासिकरुपमा कार्यप्रगति विवरण सार्वजनिक गरिँदा प्रहरी र सर्वसाधरणलाई सहजता समेत हुनेछ । चितवन प्रहरीले समग्र जिल्लाको शान्ति सुरक्षा, अपराध न्यूनिकरणसँगै सर्वसाधरणलाई सुसूचित गराउने लक्ष्य लिएको छ । यसबाट प्रहरी सहकार्य…

काठमाडौं । भैंसेपाटी हनिट्र्याप प्रकरणमा संलग्न प्रहरी निरीक्षक (इन्स्पेक्टर) बिनु कुमारी शाही पाँच लाख धरौटीमा रिहा भएकी छन् । आइतबार बयानका निम्ति उनी आफैं ललितपुर जिल्ला अदालत गएकी थिइन् । बयान नसकिएपछि जिल्ला प्रहरी परिसर, ललितपुरले नियन्त्रणमा लिई हिरासतमा राखेको थियो । सोमबार भएको थुनछेक बहसपछि जिल्ला न्यायाधीश रीताकुमारी बख्रेलको इजलासले उनलाई ५ लाख रुपैयाँ धरौटीमा रिहा गर्न आदेश दिएको हो । तत्कालिन भैंसेपाटी प्रभागकी प्रमुख समेत रहेकी शाहीकै मिलेमतोमा एक व्यवसायीलाई हनी ट्र्यापमा फसाएर २० लाख रुपैयाँ असुलेको भन्दै उनीविरुद्ध पनि सिआईबीले मुद्दा दायर गरेको थियो । प्रभागबाट निलम्बन गरेर छानबिन सुरु भएपछि उनी भने सम्पर्कविहीन भएकी थिइन् ।

काठमाडौं । गृह मन्त्रालयले प्रहरी अतिरिक्त महानिरीक्षक (एआइजी) बढुवाको तयारी थालेको छ । पुस १६ गतेभित्र २ एआइजीले अवकाश पाउने भएपछि गृहमन्त्रालयले बढुवाको तयारी थालेको हो । बढुवाको दौडमा दुई टोलीको गरेर पाँचजना प्रहरी नायब महानिरीक्षक डीआइजीहरू एआइजी बढुवाको दौडमा छन् ।बढुवाको दौडमा कुबेर कडायत, रविन्द्र केसी, चन्द्रकुवेर खापुङ, जनक भट्टराई र लालमणि आचार्य छन् । जसमध्ये कडायत, केसी र भट्टराई हालका प्रहरी महानिरीक्षक (आइजीपी) बसन्तबहादुर कुँवरका ब्याजी हुन् भने खापुङ र आचार्य हालका एआइजी दीपक थापाका ब्याजी हुन् । यी पाँच डिआइजीमध्ये कडायत र भट्टराईको सम्भावना बढीरहेको गृहस्रोत बताउँछ । कडायत प्रहरी महानिरीक्षकको सचिवालयमा कार्यरत छन् भने भट्टराई कर्णाली…

काठमाडौं । कास्की प्रहरीको हिरासतमा सुतिरहेका राष्ट्रिय स्वतन्त्र पार्टी (रास्वपा) का सभापति रवि लामिछानेको फोटो खिचेर सार्वजनिक गरेको आरोपमा प्रहरीले पार्टीका समर्थक डा. निकोलस भुसाललाई पक्राउ गरेको छ। भुसाललाई आइतबार काठमाडौँको थलीबाट पक्राउ गरिएको काठमाडौं उपत्यका अपराध अनुसन्धान कार्यालयले जनाएको छ। थप अनुसन्धानका लागि भुसाललाई पोखरा पठाउँने तयारी छ। भुसालले लामिछानेको फोटो आफूले प्रहरीकै सिसिटिभीको मनिटरमा खिचेको स्वीकार गरेका थिए। गत शनिबार भेट्न जाँदा लामिछाने सुतिरहेको प्रहरीकै सिसिटिभीमा देखेपछि आफूले फोटो खिचेको भुसालले सामाजिक सञ्जाल मार्फत बताएका थिए। ‘मैले प्रहरीकै अगाडि रवि लामिछाने सुतिरहेको फोटो सिसिटिभीमा खिचेको हुँ। त्यतिबेला प्रहरीले केही भनेन। यस्तो होला भनेर थाहा पनि भएन, गल्ती भयो।’…

काठमाडौं । नेपाल प्रहरीका दुईजना प्रहरी अतिरिक्त महानिरीक्षक (एआइजी) ले दर्जानी चिन्ह पाएका छन् । प्रहरी नायब महानिरीक्षक (डिआइजी)बाट एआइजीमा बढुवा भएका दुर्गा सिंह र भरत बोहोराले आइतबार प्रहरी प्रधान कार्यालयमा दर्ज्यानी चिन्ह पाएका हुन् । गत बिहीबार बसेको मन्त्रिपरिषदको बैठकले दुई जनालाई एआइजीमा बढुवा गर्ने निर्णय गरेको थियो । उक्त निर्णयपछि आइतबार प्रधान कार्यालयमा एक कार्यक्रम आयोजना गरी चिन्ह प्रदान गरेको हो । यस्तै प्राविधिक प्रहरी नायव उपरीक्षकबाट प्राविधिक प्रहरी उपरीक्षक पदमा पदोन्नति भएका प्राविधिक प्रहरी उपरीक्षकहरू डा. राम प्रसाद शर्मा, डा. नविन लागेजु, डा. समृद्धि कार्की, डा. अन्जली तण्डुकार र प्रदिन ताम्राकारलाई पनि दर्ज्यानी चिन्ह प्रदान गरिएको थियो । …

काठमाडौं । गत शुक्रबार राति दरबारमार्गको ‘लिक्विड लाउन्ज’मा दुई समूहबीच झगडा हुँदा गृहमन्त्री रमेश लेखकका भान्जा पर्ने रमेश भट्ट घाइते भएका छन् । भट्टलाई गुण्डा नाइके दावा लामा निकटका केटाहरूले कुटपिट गरेर गम्भीर घाइते बनाएका हुन् । भट्टलाई नेपाल तरुण दलको केन्द्रीय सदस्य कुलध्वज लामा र नेपाल तरुण दल काभ्रेका अध्यक्ष सुजन लामाको समूहले टाउकोमा १५/२० वटा टाँका लाग्ने गरेर कुटपिट गरेको काठमाडौं प्रहरीले जनाएको छ । विवादित व्यवसायी संजीव लामा ‘स्याल’ले सञ्चालन गरेको लाउञ्जमा दावाका केटाहरूले भट्ट र उनको समूहमाथि सांघातिक हमला गरेर कुटपिट गरेको हो । ज्यान मार्ने उद्देश्यले लामाको समूहले भटट्माथि कुटपिट गरेको प्रहरीले जनाएको छ ।…

काठमाडौं । प्रहरी हिरासतबाट रहेका व्यक्तिलाई छुटाइदिने भन्दै परिवारका सदस्यसँग रकम असुली गरेको आरोपमा कैलालीमा ३ जना पक्राउ परेका छन् । कैलालीको गौरीगंगा नगरपालिका–७ का २९ वर्षीय रुपक साउद, २२ वर्षीय रमेश साउद र १९ वर्षीय हर्क साउदलाई प्रहरीले पक्राउ गरेको हो । कैलाली प्रहरीका एसपी पदमबहादुर विष्टका अनुसार लागुऔषध मुद्दामा पक्राउ परेका धनगढी उपमहानगरपालिका–१ का एक जना थुनुवालाई छुटाई दिने भन्दै उनीहरुले परिवारबाट रकम असुलेका थिए । थुनुवा छुटाउन उनीहरुले साढे ३९ हजार भारतीय रुपैयाँ लिएको खुलेको छ । त्यो बाहेकको थप रकम थुनुवालाई छुटाएपछि लिने भनी मोलमोलाई समेत गरेका थिए । थुनुवाका परिवारलाई विश्वास दिलाउन किर्ते कागजपत्र बनाएर…

काठमाडौं । अमेरिकामा क्यान्सरसँग संघर्ष गरिरहेका नेपाली युवा विवेक पंगेनीको न्यूयोर्कमा अन्तिम दाह संस्कार गरिएको छ । ब्रेन क्यान्सरको चौंथो स्टेजमा रहेका विवेक पंगेनीको उपचारका क्रममा निधन भएको थियो । नेपाली समय अनुसार राति ९ः४५ बजे न्यूफिल्ड आइएनसिमा उनको दाह संस्कार गरिएको थियो । दाह संस्कार कार्यक्रममा परिवारजन, साथीभाइ, र न्यूर्क क्षेत्रमा बसोबास गर्ने नेपाली समुदायका व्यक्तिहरू उपस्थित थिए । त्यस्तै, १२ः४५ मा फ्रेस पोन्ड क्रेमेटेसनमा एक श्रद्धाञ्जली सभा आयोजना गरिएको थियो । केहीवर्ष अगाडि अमेरिकाको जर्जिया राज्यमा पीएचडी गर्न गएका बर्दिया निवासी विवेक पंगेनी आफ्ना ब्रेन क्यान्सरको सल्याक्रिया गरिसकेपछि, थप उपचारका लागि विगत ४/५ महिनादेखि न्यूयोर्कमा रहिआएका थिए ।…

हेटौंडा । मकवानपुर प्रहरीले १ सय ३७ केजी गाँजा बरामद गरेको छ । मकवानपुरको मनहरी गाउँपालिका-५ डिल्लीपुरतर्फ गाँजाको भारी बोकेर गइरहेको अवस्थामा राप्ती खोलामा प्रहरीलाई देखेपछि गाँजाको भारी नै छाडेर भरियाहरु भागेका थिए । १०/१२ जनाको समूहमा रहेका भरियाहरुले शनिबार बिहान राक्सिराङ गाउँतर्फबाट गाँजा बोकेर आएको सूचनापछि प्रहरीले डिल्लीपुरस्थित राप्ती खोलापारि बसेको थियो । प्रहरीलाई देखेर भरियाहरु गाँजाको बोरा छाडेर भागेको प्रहरी नायब उपरिक्षक श्यामु अर्यालले बताए । उनका अनुसार १३ वटा बोरामा १ सय ३७ केजी गाँजा बरामद भएको छ । ‘गाँजाको बोरा छाडेर भाग्नेहरुको खोजी गरिरहेका छौं,’ इप्रका मनहरीका प्रहरी अधिकृतले भने । तस्करहरुले राक्सिराङबाट गाँजा खरिद गरेर…

काठमाडौं । सामाजिक सञ्जाल इन्स्टाग्राम हुँदै टिकटक र फेसबुकमा चर्चाको शिखरमा रहेको बिबेक पंगेनी र सिर्जना सुवेदीको वियोग धेरैका लागि पीडादायी भएको छ । ब्रेन क्यान्सरबाट थलिएका पतिको स्यहारसुसारमा आफुलाई समर्पित गरेकी सिर्जना एक्लिएकी छिन् । पति विरामी भएर उपचाररत रहेका बेला उनले कतिपय फोटो भिडियो सामाजिक सञ्जाल राख्थिन् । एउटा शिथिल र रोगी जीवनसाथीका लागि सिर्जनाले जसरी आफूलाई समर्पित गरिरिहन्, त्यसले धेरैको हृदय स्पर्श गर्‍यो । जसले गर्दा सामाजिक सञ्जालमा उनीहरु आदर्श जोडीको रूपमा स्थापित भए । अन्ततः विवेकको निधन भयो । अधिकांश नेपाली अहिले पीडा महसुस गरिरहेका छन् । यतिमात्रै होइन, भारतीय मिडिया नवभारत टाइम्सले समेत विवेक र…