Author: Scoop Khabar
दार्चुला । आइतबार रातिको वर्षाका कारण बैतडी जिल्लाको पुर्चौडी नगरपालिका–२ भैरु टोलमा पहिरोले घर पुर्दा आमाछोराको मृत्यु भएको छ । घर माथिबाट आएको पहिरोमा परी तीन जना घाइते भएका छन् । घरमाथिबाट खसेको पहिरोले घर पुरिँदा अन्दाजी २५ वर्षीय अञ्जु जागरी र उनकी ५ वर्षीय छोरा रिजन जागरीको मृत्यु भएको बैतडी प्रहरीले जनाएको छ । मृतक अञ्जुका श्रीमान् रोजगारीको सिलसिलामा भारतमा छन् । मृतक अञ्जुका सासुआमा ४५ वर्षीय राइमती र देवर १७ वर्षीय गोब्बर जागरी घाइते भएका छन् । सोही घरमा पाहुना बस्न आएकी छिमेकी ६० वर्षीय जस्मा बोहरा पनि घाइते भएका इलाका प्रहरी कार्यालय पाटनका इन्चार्ज प्रहरी निरीक्षक कमलप्रसाद…
काठमाडौं । नेपाली कांग्रेसका नेता कृष्णप्रसाद सिटौलाले पार्टीको आर्थिक र शैक्षिक नीति कार्यान्वयनमा पुनर्विचार गर्नुपर्ने बताएका छन् । आइतबार बिपी स्मृति दिवसको अवसरमा प्रजातन्त्रवादी प्राध्यापक संघ नेपाल केन्द्रीय क्याम्पस कीर्तिपुर एकाइद्वारा ओजित कार्यक्रमा सिटौलाको यस्तो बताएका हुन् । जनताको निराशालाई सम्बोधन गर्न कांग्रेसले आर्थिक र शैक्षिक नीति कार्यान्वयनमा प्राध्यापक एवं विज्ञको छलफलबाट आएको निष्कर्षको आधारमा पुनरावलोकन गर्नुपर्ने उनको भनाइ थियो । संविधानमा मौलिक हकको रूपमा राखेका प्रावधानहरु बिपीको समाजवादसँग नजिक रहेपनि कार्यान्वयन नभएकोले अब नयाँ ढङ्गले अघि बढ्नुपर्ने सिटौलाले बताए ।
काठमाडौं । गैरआवासीय नेपाली संघ (एनआरएनए) राष्ट्रिय समन्वय परिषद् जापान आगामी कार्यकाल २०२३(०२५ को केन्द्रीय कोषाध्यक्षमा कर्साङ तामाङले उम्मेदवारी दिने घोषणा गरेका छन् । एनआरएनए जापानको वर्तमान केन्द्रीय सदस्य तथा नेपाल तामाङ समाज जापानका केन्द्रीय अध्यक्ष युवा व्यवसायी तामाङले कोषाध्यक्षमा उम्मेदवारी दिने घोषणा गरेका हुन् । जापानमा व्यवसायसँगै विभिन्न संघ(संस्थाहरूमा आबद्ध भएर नेपाली समुदाका विभिन्न सुखरदुखमा सहभागी हुँदै आएका उनले रए।नआरएनए जापानको आर्थिक पाटोलाई थप पारदर्शी र कोष मजबुतीलाई जोड दिँदै दाबेदारी प्रस्तुत गरेका हुन् । आफ्नो योग्यता क्षमताको आधारमा एनआरएनए जापानको कोषध्यक्ष पदमा रही संस्थाको लेखअभिलेखलाई व्यवस्थित गरी स्मार्ट प्रणालीका आधारमा पब्लिकमा सार्वजनिक गर्ने आफ्नो प्रतिबद्धतामा उनले उल्लेख गरेका…
काठमाडौं । अछाममा मलामी बोकेको ट्र्याक्टर दुर्घटना हुँदा एक जनाको ज्यान गएको छ । आइतबार दिउँसो पञ्चदेवल विनायक नगरपालिका-४ को कालिकास्थान नजिकै मलामी बोकेर घाटतिर जाँदै गरेको भे १ त ६७५६ नम्बरको ट्र्याक्टर दुर्घटना हुँदा २३ वर्षीय बिर्ख बिकको घटनास्थलमै मृत्यु भएको हो । दुर्घटनामा ३३ जना घाइते भएको प्रहरीले जनाएको छ । उनीहरुमध्ये चार जनाको अवस्था गम्भीर रहेको छ । घाइतेहरुलाई उपचारका लागि जिल्ला अस्पताल लगिएको प्रहरीले बताएको छ । ट्र्याक्टर ७० वर्षीय जहरी कामीको शवसहित मलामी बोकेर गइरहेको बेला घुम्तिमोडमा मोड्ने क्रममा दुर्घटनामा परेको प्रहरीले जनाएको छ ।
काठमाडौं । सत्तारुढ नेकपा माओवादी केन्द्रका ५ नेता एक साता लामो भ्रमणका लागि भारत प्रस्थान गरेका छन् । उपाध्यक्ष पम्फा भुसालको नेतृत्वमा चक्रपाणि खनाल, रामेश्वर राय यादव, सत्या पहाडी र सुरेश राई भारत गएका हुन् ।उनीहरु भाजपाको निमन्त्रणमा त्यता लागेका हुन् । उनीहरु भारतमा रहँदा ‘know BJP (भाजपालाई चिन्नुस्)’ भन्ने कार्यक्रमका साथै अन्य राजनीति भेटघाट पनि हुने भुसालले यसअघि नै बताएकी थिइन् । भारतको सत्तारुढ दल भारतीय जनता पार्टी (भाजपा) का अध्यक्ष जेपी नड्डाले पार्टीको ४२औं स्थापना दिवसको अवसर पारेर अन्य दलका दलहरुसँग भाजपालाई चिन्नुस् नामक अन्तर्क्रिया कार्यक्रम गर्दै आएका छन् ।
काठमाडौ । महोत्तरीमा एकजना प्रहरी नायव उपरीक्षक (डिएसपी) कुटिएका छन् । जिल्ला प्रहरी कार्यकालका अनुसार अज्ञात व्यक्तिबाट प्रदेश प्रहरी गण जनकपुरमा कार्यरत डिएसपी चन्देश्वर यादव कुटिएका हुन् । शुक्रवार राति १० बजेतीर जलेश्वर नगरपालिका-२ बसपार्क नजिक विद्यापति नगरमा उनी घाइते अवस्थामा फेला परेको महोत्तरीका प्रहरी प्रवक्ता डिएसपी दिलीपकुमार गिरीले जानकारी दिए । डिएसपी गिरीका अनुसार यादवको दायाँ खुट्टा फ्याक्चर भएको छ । अहिले काठमाडौंस्थित प्रहरी अस्पतालमा उनको उपचार भइरहेको छ ।
काठमाडौं । नेपाल प्रहरीका ६४ जना प्रहरी वरिष्ठ नायव निरीक्षक (सई) हरुलाई प्रहरी निरीक्षक (इन्स्पेक्टर)मा बढुवा गर्न सिफारिस गरिएको छ । प्रहरी महानिरीक्षक (आईजी) वसन्त कुँवर नेतृत्वको बढुवा समितिले शनिवार राति बढुवा सिफारिस सूची प्रकाशन गरेको हो । बढुवा सिफारिसको पहिलो नम्बरमा मोहन लाल आंगा श्रेष्ठ छन् । त्यस्तै इन्स्पेक्टरमा बढुवा सिफारिस हुनेमा क्रमशः लोकराज पाठक, थानेश्वर चपाईं, मनोज पाण्डे, हरिमाया थापा र तेज प्रसाद भट्टराईसहित ६४ जना छन् ।
काठमाडौं । नेपाल प्रहरीको प्रहरी निरीक्षक (इन्स्पेक्टर) पदमा एक जना बढुवा भएका छन् । बढुवा हुनेमा प्रदिप पन्त रहेका छन् । प्रहरी बढुवा समितिको बिहीबार बसेको बैठकले प्रहरी बरिष्ठ नायब निरीक्षक (सई) पन्तलाई इन्स्पेक्टरमा बढुवा गरेको हो । प्राविधिक प्रहरी समूहअन्तर्गत स्वास्थ्य उप-समूह प्यारामेडिक्सतर्फ रहेका उनलाई सोही समूहको इन्स्पेक्टर पदमा बढुवा गरिएको प्रहरी प्रधान कार्यालयले जानकारी दिएको छ ।
काठमाडौं । नेपाल प्रहरीमा जनपथतर्फ ८ वटा अतिरिक्त महानिरीक्षक (एआईजी)को दरबन्दी छ । टेक प्रसाद राई, दीपक थापा, श्यामलाल ज्ञवाली, किरण बज्राचार्य, सन्दीप भण्डारी, सुदीप गिरी, मीरा चौधरी र टेक बहादुर तामाङ एआईजी छन् । उनीहरु दुई टोलीमा एआईजी भएका हुन् । जसमध्ये राई, ज्ञवाली, बज्राचार्य, भण्डारी र चौधरी हालका प्रहरी महानिरीक्षक (आईजी) बसन्त बहादुर कुँवरका ब्याचमेट हुन् भने थापा, गिरी र तामाङ पछिल्लो ब्याजका हुन् । कुँवरपछि तीनजना मध्ये एकजना आईजी बन्नेछन् । एआईजी विशिष्ट श्रेणी अर्थात नीतिगत पद हो । संगठनमा सबै एआईजीको आ आफ्नै भूमिका छ । उनीहरुले प्रहरी सेवादेखि अहिलेसम्म संगठनमा रहँदा के के गरे ?…
काठमाडौ । राजस्व अनुसन्धान विभागले गत बुधबार बरामद गरेको अवैध सुनबारे विस्तृत अनुसन्धानका लागि ५ जना अधिकृत तोकेको छ । विभागले उनीहरुको नाम भने सार्वजनिक गरेको छैन । ठूलो परिमाणमा भित्रिएको अवैध सुनको कारोबारमा जोडिएका अरु व्यक्तिको खोजीका लागि अनुसन्धान अधिकृतहरू तोकिएको राजस्व अनुसन्धान विभागले जनाएको छ । यो प्रकरणबारे विस्तृत अध्ययन गर्नका लागि राजस्व चुहावट (अनुसन्धान तथा नियन्त्रण) ऐन, २०५२ को दफा १० को व्यवस्थाअनुसार अनुसन्धान अधिकृतहरू तोकिएका छन् । ५ सदस्यीय अनुसन्धान अधिकृतको समूहले उक्त अवैध सुनका विषयमा थप अध्ययन तथा अनुसन्धान गरी विस्तृत अध्ययन प्रतिवेदन तयार पारेर बुझाउनेछ । ऐनले विभागका महानिर्देशक आफैँ रहन सक्ने वा महानिर्देशकको…