Author: Scoop Khabar
काठमाडौं । दाङको घोराहीस्थित राप्ती स्वास्थ्य विञान प्रतिष्ठानका शिक्षाध्यक्ष, रजिस्ट्रार र डेपुटी रजिस्ट्रारले एकैपटक पदबाट राजीनामा दिएका छन् । पदिय जिम्मेवारीमा योग्यता नपुगेपछि प्रतिष्ठानका शिक्षाध्यक्ष डा. बसन्त लामिछाने, रजिस्ट्रार प्रकाश थापा, डेपुटी रजिस्ट्रार घोराही १५ निवासी झङ्कार लामिछानेले पदबाट राजीनामा दिएको स्वास्थ्य मन्त्रालय स्रोतले जनाएको छ । उनीहरुले दिएको राजीनामा पत्र मन्त्रालयमा पनि दर्ता भइसकेको छ । योग्यता नपुगेको भन्दै उनीहरुविरुद् अख्तियार र स्वास्थ्य मन्त्रालयमा उजुरी परेको थियो । अख्तियार आयुक्त र स्वास्थ्यमन्त्री मोहन बस्नेतले दबाब दिएपछि तिनै जनाले पदबाट राजीनामा दिएका हुन् । रास्ट्रिय सतर्कता केन्द्रले पनि योग्यता नपुगेको भन्दै अख्तियारलाई थप छानबिन गर्न पत्राचार गरेको थियो । गत…
काठमाडौं । कर्णाली प्रदेशमा लागूऔषधविरुद्ध लालटिन अभियान सुरु गरिएको छ । सुर्खेतस्थित कर्णाली प्रदेश प्रहरी कार्यालयले बिहीबारबाट कर्णालीका १० वटै जिल्लामा एकैसाथ अभियानको सुरुवात गरेको हो । ‘सुरक्षित कर्णाली विशेष अभियान २०८०’ नाराका साथ उक्त अभियानको सुरुवात गरिएको हो । कार्यक्रमको उद्घाटन उपप्रधानमन्त्री तथा रक्षामन्त्री पूर्णबहादुर खड्काले गरेका हुन् । विशेषतः लालटिन अभियानको मुल ध्येय नै लागूऔषधविरुद्ध खरो भएर प्रहरी उपस्थित हुनु हो । अभियानको शुभारम्भ गर्दै खड्काले सबैको साझा संकल्प र प्रयत्नबाट मात्रै लागूऔषध नियन्त्रण गर्न सकिने बताए । उनले भने, ‘घर, समाज र राष्ट्रलाई लागूऔषधमुक्त बनाउन सबैले संकल्प गर्नु आवश्यक छ । नाकामा हुने लागुऔषध ओसार–पसार नियन्त्रणका लागि…
काठमाडौ । राष्ट्रिय स्वतन्त्र पार्टीका सभापति रवि लामिछाने राजनीतिक दलहरुमा अझैपनि राणा शासन कायम रहेको टिप्पणी गरेका छन् । बिहीवार राष्ट्रिय स्वतन्त्र पार्टी र गैरआवासीय नेपाली संघले संयुक्त रुपमा आयोजना गरेको अन्तरक्रिया कार्यक्रममा बोल्दै उनले यस्तो टिप्पणी गरे । अझै पनि दलहरुले आफ्नो मान्छेलाई भर्ति गर्ने गरेको, राणा शासनमा जस्तै चाकडी र चाप्लुसीको आधारमा मानिसहरु छानिने परम्परा कायम रहेको उनको आरोप छ । रास्वपामा राणा शासन जस्तो प्रवृति नभएको उनको दाबी छ ।
काठमाडौँ । सामाजिक सञ्जालबाट पीडितलाई प्रेममा पारी लाखौँ रकम ठगी गर्ने युवतीलाई प्रहरीले पक्राउ गरेको छ । पक्राउ पर्नेमा ललितपुर महानगरपालिका–१९ बस्ने २९ वर्षीया सनिषा मल्ल रहेकी छन् । मल्लले सामाजिक सञ्जाल फेसबुक, ह्वाट्सएप लगायतबाट पीडितहरूलाई आफू इटालीको नागरिक डा.राबेया हिकोल भन्ने विश्वास दिलाइ माया प्रेममा परेको भ्रममा पार्थिन् । त्यसपछि आईफोन, सुन तथा गरगहना, ५ हजार डलरको गिफ्ट पठाइदिन्छु भन्ने गर्थिन् । गिफ्ट पठाएपछि भने विभिन्न नम्बरका ह्वाट्स एप आईडीबाट च्याट र कल गरी डा. राबेयाले पठाएको गिफ्ट भारतको इन्दिरा गान्धी विमानस्थलमा आइपुगेको छ । तपाईंले पार्सल पाउनका लागि भन्सार शुल्क, डेलिभरी चार्जजस्ता प्रयोजनका लागि रकम तिर्नुपर्छ भनी पीडितलाई…
काठमाडौं । इजरायलमा ज्यान गुमाएका १० नेपाली विद्यार्थीको शव कानुनी प्रक्रिया पूरा गरेपछि ल्याइने भएको छ । इजरायलबाट २५४ नेपाली विद्यार्थी ल्याएर शुक्रबार बिहान त्रिभुवन विमानस्थलमा अवतरणपछि पत्रकार सम्मेलन गर्दै परराष्ट्रमन्त्री नारायणप्रकाश (एनपी) साउदले यस्तो जानकारी दिएका हुन् । उनले भने, ‘अहिले धेरै शवहरू छन्, रुजु गर्ने काम भइरहेको जानकारी हामीलाई दिइएको छ । कानुनी प्रक्रिया पूरा गरेर शव हस्तान्तरण गरेपछि हामी ल्याउँछौं ।’ उनले इजरायलबाट शव ल्याउन समस्या नरहेको जनाएका छन् । उनले यसका लागि केही समय धैर्य गर्नै अनुरोधसमेत गरेका छन् । उनले शव ल्याउनका लागि इजरायल सरकारसँग समन्वय भइरहेको पनि जानकारी दिए । हमास समूहको आक्रमणमा परेर…
काठमाडौं । (नेकपा) एमालेका अध्यक्ष केपी शर्मा ओलीले इजरायलमा फसेका नेपालीहरूको उद्धार गरेकोमा सरकारलाई धन्यवाद दिएका छन् । इजरायलमा रहेका नेपाली विद्यार्थीहरूमध्ये २ सय ५४ जनालाई सरकारले हवाई उद्धार गरेर स्वदेश ल्याएको छ । ‘युद्धग्रस्त क्षेत्रमा त्रासमा रहनु ज्यादै पीडादायी हुन्छ । नेपाली विद्यार्थीलाई काठमाडौ फर्काउन पहल गरेकोमा सरकारलाई धन्यवाद’ ओलीले सामाजिक सञ्जाल फेसबुकमा लेखेका छन् । नेपालीहरूको उद्धारका लागि परराष्ट्रमन्त्री नारायणप्रकाश साउदसहित सरकारी अधिकारीहरू आफैँ इजरायल गएका थिए ।
काठमाडौं । बाराको जितपुर-सिमरा उपमहानगरपालिकाका पूर्वमेयर डा. कृष्ण पौडेल आफ्नै घरमा मृत फेला परेका छन् । पूर्वमेयर पौडेल बिहीबार साँझ जितपुर-सिमरा उपमहानगरपालिका( २ स्थित घरमै मृत फेला परेका हुन् । पौडेल मृत फेला परेको जानकारी पाउनासाथ नजिकैको प्रहरीको टोली घटनास्थल पुगेको छ । घटनाबारे थप अनुसन्धान भइरहेको प्रहरीले जनाएको छ । पौडेल नेकपा एमालेबाट २०७४ सालको स्थानीय तहको निर्वाचनमा जितपुर-सिमरा उपमहानगरपालिकाको मेयरमा निर्वाचित भएका थिए ।
काठमाडौं । यतिबेला तीनवटै सुरक्षा निकायका प्रमुख देशबाहिर बाहिर छन् । नेपाली सेना, नेपाल प्रहरी र सशस्त्र प्रहरीका प्रमुख देशबाहिर रहेका हुन् । नेपाली सेनाका प्रधानसेनापति प्रभुराम शर्मा र नेपाल प्रहरीका महानिरीक्षक (आईजी) बसन्तबहादुर कुँवर बेलायतमा छन् भने सशस्त्र आईजी राजु अर्याल अमेरिका पुगेका छन् । गत आइतबार बेलायत प्रस्थान गरेका प्रधानसेनापति शर्मा आउँदो शनिवार स्वदेश फर्किने कार्यक्रम छ । प्रधानसेनापति शर्माको अनुपस्थितिमा बलाधिकृत रथी सरोज प्रताप राणाले कार्यभार सम्हालिरहेका छन् । त्यस्तै आईजी कुँवर प्रधानसेनापति बेलायत जानु एक दिनअघि बेलायत प्रस्थान गरेका थिए । गत शनिवार आईजी कुँवर बेलायत सरकारको निमन्त्रणामा सुरक्षा र न्याय सुदृढीकरणका लागि एकीकृत कार्यक्रममा सहभागी…
काठमाडौं । क्रिकेटर सन्दीप लामिछानेले त्रिकोणात्मक टी–२० श्रृंखला नखेल्ने भएका छन् । सन्दीपले नेपाल क्रिकेट संघ (क्यान)ले आयोजना गरेको नेपाल, यूएई र हङकङ सम्मिलित त्रिकोणात्मक सिरिज नखेल्ने निर्णय गरेका हुन् । उक्त सिरिजका खेलहरु यहि १ कात्तिकदेखि १० गतेसम्म हुँदैछ । नाबालिक बलात्कार आरोप लागेका उनले सामाजिक सञ्जालमार्फत आफुले भारी मनका साथ टिमबाट आफ्नो नाम फिर्ता लिएको बताएका छन् । ‘म आफ्नो जीवनको कठिन र चुनौतीपूर्ण समयबाट गुज्रिरहेको छु,’ उनले भनेका छन् । यो बेला आफूले आफैंलाई नयाँ जीवन दिने र परिवारसँग समय बिताउन चाहेको उनले बताएका छन् । उनले अघि भनेका छन्, ‘मैले अहिलेसम्म पाएको आशीर्वाद र शुभकामनाका लागि…
काठमाडौ । प्रहरी प्रधान कार्यालयले चार जना प्रहरी उपरीक्षक (एसपी) को काज सरुवा गरेको छ । जिल्ला इन्चार्ज रहेका २ जना एसपीलाई हटाएर अन्यलाई खटाएको हो । जिल्ला प्रहरी कार्यालय बाँकेमा सुवास चन्द्र बोहरा र जिल्ला प्रहरी कार्यालय सर्लाहीमा प्रविण धिताललाई पठाइएको प्रहरी प्रधान कार्यालयले जनाएको छ । बाँकेमा कार्यरत सन्तोष सिंह राठौरलाई प्रहरी प्रधान कार्यालयस्थित कार्य विभागमा फिर्ता बोलाइएको छ भने सर्लाहीमा कार्यरत नरेशराज सुवेदीको पनि प्रधान कार्यालयमा काज भएको छ । उनीहरुको १ बर्ष नपुग्दै सरुवा भएको हो । सामाजिक र धार्मिक सद्भाव भड्किने संकेत देखिएपछि असोज १६ बाट बाँकेमा लगातार कफ्र्यू लगाइएको थियो । हिन्दु…