Author: Scoop Khabar
काठमाडौं । प्रहरीको केन्द्रीय अनुसन्धान ब्यूरो (सिआईबी)ले पैसा गन्ने मेसिनसहित एकजना हुण्डी कारोबारीलाई पक्राउ गरेको छ । पक्राउ पर्नेमा ४८ वर्षका रूपेश श्रेष्ठ रहेका छन् । हुन्डी, क्रिप्टो कारोबार, अनलाइन जुवालगायतको अपराधमा संलग्न भएको आरोपमा सिआईबीले श्रेष्ठलाई बागबजारबाट पक्राउ गरेको हो । उनको साथबाट अमेरिकी डलर समेत बरामद भएको प्रहरीले जनाएको छ । सिआईबी प्रमुख प्रहरी अतिरिक्त महानिरीक्षक (एआईजी) किरण बज्राचार्यका अनुसार श्रेष्ठको साथबाट ८९ लाख ६९ हजार नेपाली र सात हजार अमेरिकी डलर बरामद भएको छ । बागबजारस्थित घरबाटै श्रेष्ठलाई पक्राउ गरिएको एआईजी बज्राचार्यले बताइन् । श्रेष्ठले नेपाल राष्ट्र बैंकसँग इजाजतपत्र नलिई विद्युतिय माध्यम क्यासएप जस्ता मोबाइल एप्स प्रयोग…
काठमाडौं । धनकुटा नगरपालिका-१ निगालेमा बुधबार राति एकै घरका तीन जना मृत फेला परेका छन् । मृत फेला पर्नेमा ३७ का टीका गुरुङ, उनकी ३८ वर्षीया पत्नी झुमा र ११ वर्षका छोरा आयुष रहेको प्रहरीले जनाएको छ । टिकारामको शव घरको दलिनमा झुण्डिएको अवस्थामा फेला परेको तथा उनकी श्रीमती भिमा र छोरा आयुष खाटमा मृत फेला परेको जिल्ला प्रहरी कार्यालय धनकुटाका प्रवक्ता डिएसपी राजबाबु महर्जनले जानकारी दिए । डिएसपी महर्जनका अनुसार उनीहरुकी ६ वर्षीया छोरी सकुशल छिन् । प्रहरीका अनुसार घरमा विवाद भएपछि श्रीमान टिकाले छोरीलाई छिमेकीको घरमा लगेर राखेका थिए । टीकाले मादक पदार्थ सेवनगरी पत्नी र छोराको हत्या…
काठमाडौं । सरकारले नेपाली सेनाका उपरथी ताराध्वज पाण्डेले राजीनामा स्वीकृत गरेको छ । आज बसेको मन्त्रिपरिषद्को बैठकले राजीनामा स्वीकृत गरेको हो । उमेर विवादमा मुछिएपछि उपरथी पाण्डेले राजीनामा दिएका थिए । व्यक्तिगत कारण देखाएर बुझाएको राजीनामालाई कात्तिक २४ गतेबाट लागू हुने गरी स्वीकृत भएको बताइएको छ । त्यस्तै मन्त्रिपरिषद बैठकले उर्जा सचिव दिनेश घिमिरेको राजीनामा पनि स्वीकृत गरेको छ ।
काठमाडौं । भोलिबाट दुर्गा प्रसाईंको नेतृत्वमा काठमाडौंमा हुने भनिएको आन्दोलनलाई वीर गोर्खाली अभियानले पनि पुर्ण साथ सहयोग र समर्थन हुने प्रतिबद्धता ब्यक्त गरेको छ । वीर गोर्खाली अभियानले एक प्रेस बक्तब्य जारी गर्दै विर गोर्खालीमा आबद्ध अभियन्ता तथा शुभचिन्तकहरुलाई मंसिर ७ गते बिहान ११ बजे काठमाडौंको बल्खुबाट सुरु हुने कार्यक्रममा सहभागी हुन आव्हान गरेको हो । अघिल्लो वर्ष २०४७ सालको संबिधान पुनर्स्थापनाको माग गर्दै वीर गोर्खाली अभियानले काठमाडौं, चितवन, बुटवल, पोखरा, हेटौंडा लगाएत देशभरका विभिन्न शहरहरुमा बिशाल मोटरसाइकल र्याली सहित आन्दोलन गरेको स्मरण गर्दै अभियानका प्रमुख अभियन्ता सौरभ भण्डारीले पत्रकारहरु सङ्गको कुराकानीमा भने “हाम्रो हरेक आन्दोलनको सहभागीता शान्तिपूर्ण र सशक्त…
काठमाडौं । मेडिकल व्यवसायी दुर्गा प्रसाई र नेकपा एमालेको भातृ संगठन महेश बस्नेत नेतृत्वको नेतृत्वमा वा संघले भोलि अर्थात ७ गते शक्ति प्रदर्शन गर्दैछ । जसले गर्दा काठमाडौँ उपत्यकामा सुरक्षा चुनौती बढेको छ । एक–अर्काविरुद्ध खरो उत्रिएका यी दुवै समूहका कारण मुठभेड हुनसक्ने र शान्ति–सुरक्षामा खलल पुग्ने आंकलन गरी उपत्याकामा चारवटै सुरक्षा निकाय नेपाली सेना, नेपाल प्रहरी, सशस्त्र प्रहरी र राष्ट्रिय अनुसन्धान विभाग परिचालन हुनेछन् । बल्खुमा प्रसाईं समर्थकहरुले शक्ति प्रदर्शन गर्न लागेका छन् भने तीनकुनेमा युवा संघले शक्ति प्रर्दशन गर्दैछ । बुधबार हुने प्रदर्शनको सुरक्षाका लागि उपत्यका प्रहरी कार्यालयले एकीकृत सुरक्षा योजना बनाएर लागू गरेको छ । प्रदर्शनको सुरक्षा…
काठमाडौं । नेपाल प्रहरीका पाँचजना प्रहरी उपरीक्षक (एसपी) प्रहरी बरिष्ठ उपरीक्षक (एसएसपी)मा बढुवा भएका छन् । बढुवा भएकालाई प्रहरी महानिरीक्षक (आईजीपी) बसन्तबहादुर कुँवरले बुधबार दज्र्यानी चिह्न प्रदान गरेका छन् । गत २४ कात्तिकको बढुवा समितिको सिफारिसअनुसार मंगलबार पाँचजनाको बढुवा भएको हो । जसमा एक नम्बरमा बसन्त रजौरे, दोस्रोमा रविकुमार पौडेल, तेस्रोमा नवीनराज राई, चौथोमा वीरबहादुर ओली र पाँचौमा चन्द्रदेव राई छन् । कार्यक्रममा बोल्दै आईजीपी कुँवरले कार्यसम्पादनको सिलसिलामा आउन सक्ने सुरक्षा चुनौतिको सामना गर्न प्रहरी कर्मचारीहरूले आफ्नो विवेकको उचित प्रयोगका साथै धैर्य र संयमित भएर सुरक्षा व्यवस्थापनलाई प्रभावकारी बनाउनुपर्ने बताए । सुरक्षा चुनौतिको सामना गर्न तयार पारिएको सुरक्षा योजना तथा…
काठमाडौं । नेपाल प्रहरीको केन्द्रीय अनुसन्धान ब्यूरो (सिआईबी) ले प्रहरी प्रशिक्षण प्रतिष्ठानलाई भोगचलनका लागि दिइएको जग्गा व्यक्तिको नाममा दर्ता गर्ने खोजेको आरोपमा एक जनालाई पक्राउ गरेको छ । ब्यूरोले काभ्रेको पनौती नगरपालिकास्थित सुनथानका ६७ वर्षीय पुस्कर बहादुर बस्नेतलाई पक्राउ गरेको हो । सरकारले सुनथानस्थित वन क्षेत्रको जग्गा प्रतिष्ठानलाई भोगचलनका लागि दिएको थियो । बस्नेतले उक्त जग्गाको केही भाग व्यक्तिको नाममा ल्याउन सरकारी कागजात कीर्ते गरेको आरोप लागेको छ । प्रहरी प्रशिक्षण प्रतिष्ठानलाई महाराजगञ्जबाट काभ्रेको पनौती सार्न सरकारले जग्गा उपलब्ध गराएको थियो ।
काठमाडौं । ज्यान मुद्दामा पक्राउ परेका नेपाल प्रहरीका प्रहरी उपरीक्षक (एसपी) भीमबहादुर दाहाल अझैं प्रहरी हिरासतमा छन् । १२ दिनदेखि थुनामा रहेका एसपी दाहाललाई २४ कात्तिकमा जिल्ला प्रहरी कार्यालय झापाले पक्राउ गरेको थियो । प्रदेश प्रहरी कार्यालय धरानमा कार्यरत एसपी दाहालको गाडीको ठक्करबाट एक जनाको मृत्यु भएपछि उनलाई थुनामा राखेर झापा प्रहरीले अनुसन्धान थालेको हो । गत २४ गते राती ७ बजेको समयमा पूर्वबाट पश्चिमतर्फ गइरहेको मे १ च ७८३९ नम्बरको स्कारपियो र विपरित दिशाबाट आउँदै गरेको मे १० प १६६९ नम्बरको मोटरसाइकल ठोक्किएको थियो । गाडी चालक थिए एसपी दाहाल र मोटरसाइकल चालक कमल गाउँपालिका-६ निवासी १८ वर्षीय अनिल…
काठमाडौं । विशेष अदालतको अध्यक्षमा टेकनारायण कुँवरलाई सिफारिस गरिएको छ । मंगलबार बसेको न्यायपरिषद्को बैठकले उच्च अदालत दिपायलयका न्यायाधीश कुँवरलाई विशेष अदालतको अध्यक्षमा सिफारिस गरेको हो । त्यस्तै सदस्यमा उच्च अदालत जनकपुर, राजविराज इजलासका न्यायाधीश तेजनारायण सिंह राई, धनकुटा इजलासका न्यायाधीश रामबहादुर थापा, उच्च अदालतका न्यायाधीश मुरारीबाबु श्रेष्ठ र उच्च अदालत विराटनगरका न्यायाधीश रितेन्द्र थापालाई सिफारिस गरिएको छ ।
काठमाडौं । सरकारले टिकटक बन्द गर्ने निर्णय गरेसँगै असुरक्षित तथा अवैध माध्यमबाट टिकटक चलाउने गरेको पाइएको नेपाल प्रहरीको साइबर ब्यूरोले जनाएको छ । भीपीएन र डीएनएस एप सञ्चालन भइरहेको जानकारी प्राप्त भएको ब्यूरोको दाबी छ । तर, ब्यूरोले यसको प्रयोगले आर्थिक दुरुपयोगका घटनामा बढिरहेको जनाएको छ । मंगलबार एक विज्ञप्ति जारी गर्दै साइबर ब्यूरोले भिपिएन र डिएनएस असुरक्षित र अवैध भएको जनाएको हो । विज्ञप्तिमा भनिएको छ,‘पूर्ण रूपमा प्रसारणमा बन्देज लगाएको सामाजिक सञ्जाल टिकटक, भिपिएन र डिएनएसजस्ता असुरक्षित अवैध माध्यमबाट सञ्चालनमा छ भन्ने सूचना प्राप्त हुन आएको छ । महत्वपूर्ण डाटा, व्यक्तिगत विवरण, बैंकिङ विवरणहरूको पहुँच पुर्याएर चोरी भई आर्थिक…