Author: Scoop Khabar
काठमाडौं । गाडी दुर्घटनामा परी घाइते भएका एक प्रहरी जवानको मृत्यु भएको छ । मृत्यु हुनेमा सुनसरी धरान उपमहानगरपालि–१७ घर भएका सौगात थापा रहेका छन् । गत साउन २ गते मुस्लिम समुदायको मुहरम पर्वमा दंगा फैलने आशङ्काले विराटनगरको रानी क्षेत्रमा सुरक्षाबल थप गर्न प्रदेश प्रहरी कार्यालयको टोली जाँदै गर्दा भट्टी मोडमा प्रहरी चढेको गाडी नै दुर्घटनामा परेको थियो । सोही क्रममा उनीसहित साढे दुई दर्जनबढी प्रहरी घाइते भएका थिए । तर, जवान थापाको काठमाडौँस्थित न्यूरो अस्पतालमा उपचार भइरहेको थियो । उपचारकै क्रममा थापाको बिहीबार मृत्यु भएको कोशी प्रदेश प्रहरी कार्यालय विराटनगरले जनाएको छ ।
काठमाडौं । सौर्य एयरलाइन्सको विमान दुर्घटना भएलगत्तै खोज तथा उद्धारमा खटिएका ५ प्रहरी अधिकारी पुरस्कृत भएका छन् । प्रहरी प्रधान कार्यालय, नक्सालले बुधबार भएको विमान दुर्घटनामा घाइते पाइलट मनिषरत्न शाक्यसहितको ‘अत्यन्तै जोखिमपूर्ण दुर्घटनास्थलबाट उद्धार गरेर अदम्य साहससहित कर्तव्य पालन गरेको’ भन्दै उनीहरुलाई पुरस्कृत गरेको हो । पुरस्कृत हुनेमा डीएसपीद्वय सुकदेव खनाल, टेक राउत र प्रहरी जवानहरु श्रीराम परियार, करणसिंह चाइसिर, भीमप्रसाद गौतम र कृष्ण जोशी छन् । उनीहरुलाई रेकर्डमा जोडिने गरी नगद पुरस्कारले पुरस्कृत गरिएको केन्द्रीय प्रहरी प्रवक्ता दानबहादुर कार्कीले अनलाइनखबरलाई बताए । त्रिभुवन अन्तर्राष्ट्रिय विमानस्थलबाट पोखराका लागि उड्ने वित्तिकै सौर्य एयरलाइन्सको विमान दुर्घटना भएको थियो । त्यसक्रममा विमानमा सवार…
काठमाडौं । संयुक्त अरब इमिरेट्स (यूएई) मा मृत्युदण्डको सजाय सुनाइएका दुई जना नेपालीले सफाइ पाएका छन् । पाँच वर्षअघि एक नेपालीको हत्या अभियोगमा मृत्युदण्डको सजाय सुनाइएका ओखलढुंगाका भुवन श्रेष्ठ र धादिङका पहलमान थापाले गएको बुधबार यूएईको अदालतबाट सफाइ पाएका हुन् । मृतकका परिवारलाई ब्लडमनीबापत् १ करोड १३ लाख बुझाएपछि श्रेष्ठ र थापा गत बुधवार यूएईको जेलबाट रिहा भएका हुन् । श्रेष्ठ बिहीबार स्वदेश फर्केका छन् भने थापाको पासपोर्टको म्याद सकिएका कारण यूएईमै छन् । उनी केही दिनभित्र नेपाल आउने उनका मामा तेजबहादुर आलेले जानकारी गराए । ३ जुन २०१९ मा नवलपरासीका बाबुराम आलेमगरको हत्या आरोपमा श्रेष्ठ र थापालाई यूएईको उच्च…
काठमाडौं । काठमाडौं महानगरपालिकाका मेयर बालेन्द्र साह (बालेन)ले कांग्रेस र एमालेका नेताका नाममा करोडौँको कार्यक्रम गर्न नमन्दा नगरसभा बैठक रोकिएको आरोप लगाएका छन् । मेयर बालेनले सामाजिक सञ्जालमा लेख्दै कांग्रेस र एमालेले चार शहीदको नाममा कार्यक्रम गर्न नमानेको आरोप लगाएका हुन् । आफूले स्वतन्त्र सेनानीहरू, शुक्रराज शास्त्री, धर्मभक्त माथेमा, दशरथ चन्द र गंगालाल श्रेष्ठको नाममा करोडौंको कार्यक्रम गरौं भने पनि कांग्रेस र एमालेले नमानेको मेयर बालेनले बताए । मेयर बालेनले लेखेका छन्, ‘एमाले कांग्रेसले वीपी कोइराला, मदन भण्डारीको नाममा करोडौंको कार्यक्रम गरौं भन्नु भयो । मैले चार स्वतन्त्र सेनानी शहीदहरू शुक्रराज शास्त्री, धर्मभक्त माथेमा, दशरथ चन्द, गङ्गालाल श्रेष्ठको नाममा गरौं…
काठमाडौं । चितवनको गौतमबुद्ध अन्तर्राष्ट्रिय क्रिकेट रंगशाला निर्माणका लागि हिमालयन कालिञ्चोक बीबीआर जेभी छनोट भएको छ । भरतपुर महानगरपालिकाले आज सो कम्पनीको नाममा सात दिने आसयपत्र जारी गरेको छ । सो समय अवधि भित्र कुनै उजुरबाजुर नभए आठौं दिनमा निर्माण सम्झौता हुने छ । सम्झौता भएको दिनदेखि २६ महिनाभित्र निर्माण सम्पन्न गर्ने लक्ष्य छ । निर्माण लागत भ्याट र पीएस बाहेक ६८ करोड २ लाख ६४ हजार २ सय ७ रुपैयाँ ८४ पैसा छ । चितवनको भरतपुरमा बजेट अभावले निर्माण अलपत्र बनेको गौतम बुद्ध अन्तर्राष्ट्रिय क्रिकेट रंगशालाको थप पूर्वाधार निर्माणका लागि दोस्रोपटक आह्वान गरिएको टेण्डरमा १२ कम्पनीहरूले टेण्डर हालेका थिए…
काठमाडौं । गायक तथा संगीतकार रोशन राई (पालुवा स्टार) को नयाँ गीत ‘दुई थुङ्गा फूल’ सार्वजनिक भएको छ । राई काजी चाम्लिंङको शब्द, संगीत र लोकेश चाम्लिंङको एरेन्ज रहेको गीतलाई गायक रोशनकै युट्युब च्यानल मार्फत रिलिज गरिएको हो । हसन राइको प्रस्तुतीमा बनेको गीतको भिडियोमा कलाकारहरु जीवन भट्टराई र समापिका गौतम अभिनय रहेको छ । बियोगान्त प्रेमकथा देखाइएको भिडियोमा लक्ष्मी बर्देवाको कन्सेप्ट र जीवन भट्टराईकै निर्देशन रहेको छ । भिडियोमा बुद्ध थापाको सिनेमाटोग्राफी र बिष्णु खड्काको कलर ग्रेडिंङ तथा सम्पादन रहेको छ । गायक तथा संगीतकार रोशन राईको यसअघिका दर्जनौ गीतहरुले चर्चा बटुलिसकेका छन् । https://youtu.be/6OQadyT6lLg?si=521CYVK4L8jAXlzq
काठमाडौं । छोरीसँग प्रेमको नाटक गरेर ललाईफकाई वृद्धआमाको सम्पत्ति ठगी गरेको आरोप लागेका धरान-१६ निवासी राम प्रसाद राई पक्राउ परेका छन् । राईलाई बुधवार इटहरीको पश्चिम लाइनमा रहेको एक कफी सपबाट पक्राउ गरेको इलाका प्रहरी कार्यालय धरानले जानकारी दिएको छ। फरार रहेका ठगी आरोपित राईलाई बिहीबार म्याद थप गरेर थप अनुसन्धान सुरु गरिएको इलाका प्रहरी कार्यालय धरानले जानकारी दिएको छ । राई गत जेठ २१ गतेदेखि मोबाइल अफ गरेर बेपत्ता भएका थिए । धरान(१५ निवासी रेखा (नाम परिवर्तन) सँग सम्पत्ति हडप्ने नियतले झुटो प्रेम जालमा फसाएर ७३ वर्षीया वृद्धा आमाको नाममा रहेको ८ कट्ठा २ धुर जग्गा आफ्नो नाममा पास…
काठमाडौं । ललितपुरमा मुख्य कार्यालय रहेको पशुपति सेभिङ एन्ड क्रेडिटका सञ्चालकहरु विरुद्ध बचतकर्ताले प्रहरीको केन्द्रीय अनुसन्धान ब्यूरो (सीआईबी)मा जाहेरी दर्ता गराएका छन् । पशुपतिका पूर्व अध्यक्ष सीबी लामा अहिले कारागारमा छन् । उनलाई कारागारबाट झिकाएर अनुसन्धान गरिने सीआईबीका एसपी होबिन्द्र बोगटीले जानकारी दिए । आफ्नो बचत फिर्ता नपाएको भन्दै २६७ जना बचतकर्ताले पशुपति सेभिङका सञ्चालकहरुबिरुद्ध जाहेरी दर्ता गराएका छन् । अहिलेसम्मको अनुसन्धानबाट सीबी लामा सहितका सञ्चालकहरूले ५७ करोड रकम अपचलन गरेको अनुसन्धानबाट खुलेको एसपी बोगटीले जानकारी दिए । समस्याग्रस्त सहकारी व्यवस्थापन समितिको कार्यालयमा पशुपति सेभिङ एन्ड क्रेडिटका ५४ जना बचतकर्ताले निवेदन दिएका छन् । जाहेरी आउने क्रम जारी रहेको एसपी…
काठमाडौं । नेपाल प्रहरी अस्पतालमा कार्यरत दुई प्राविधिक वरिष्ठ प्रहरी उपरीक्षक (एसएसपी) ले अनिवार्य अवकाश पाएका छन् । प्रहरी नायब महानिरीक्षक (डीआईजी) बढुवाको प्रतिष्पर्धामा रहेका प्रहरी अस्पतालमा कार्यरत एसएसपीद्वय दीपक श्रेष्ठ र सुवास आचार्यले अनिवार्य अवकाश पाएका हुन् । ५० दिनदेखि डीआईजी पद रिक्त रहे पनि समयमा सरकारले बढुवा प्रक्रिया अघि नबढाउँदा बढुवा नभइ उनीहरुले गए रातिदेखि अवकाश पाएका हुन् । ६ वर्ष पूरा भएकाले एसएसपीको पदावधि अनुसार उनीहरु अवकाशमा गएका हुन् । उनीहरु १२ असार २०७५ मा एसएसपीमा बढुवा भएका थिए । प्रहरी अस्पतालमा डीआईजीका दुई पद रिक्त छन् । जसमा एसएसपी श्रेष्ठ र सुवास आचार्य बढुवाका दाबेदार थिए…
काठमाडौं । नेपाल प्रहरीका महानिरीक्षक (आईजीपी) बसन्त बहादुर कुँवर संयुक्त राष्ट्रसंघीय प्रहरी प्रमुखहरुको सम्मेलनमा सहभागी भएका छन् । संयुक्त राष्ट्र संघको मुख्यालय न्यूयोर्कमा आयोजित बुधबारदेखि सुरु भएको सो सम्मेलनमा उनी सहभागी भएका हुन् । सो सम्मेलनमा नेपालको प्रतिनिधित्व गर्दै गृहसचिव एकनारायण अर्याल, आईजीपी कुँवर, सशस्त्र प्रहरी महानिरीक्षक राजु अर्याललगायतको टोली यहि असार १० गते न्यूयोर्क प्रस्थान गरेको थियो । बुधबारदेखि सुरु भएको सो सम्मेलन बिहीबार सकिएको हो ।