Author: Scoop Khabar
काठमाडौं । सत्तारुढ दल नेकपा एमालेको भातृ संगठन नेपाल निजामती कर्मचारी संगठन सिरहाका अध्यक्ष राजकुमार राय परस्त्री महिलासहित पक्राउ परेका छन् । मालपोत तथा भूमिसुधार कार्यालय सिरहामा कार्यरत रायलाई प्रहरीले बिहीबार दिउँसो सिरहास्थित एक घरबाट पक्राउ गरेको हो । रायले परस्त्रीसँग सम्बन्ध राखेको र आफूलाई दुःख दिएको भनी उनकी पत्नीले प्रहरीमा उजुरी दिएकी थिइन् । सोही उजुरीपछि प्रहरीले उनको निगरानी गरिरहेको थियो । त्यसै क्रममा उनी एउटा घरमा छिरेको सूचनापछि पुगेको प्रहरीले महिलासँगै उनलाई पक्राउ गरेको हो । दुवै जनालाई जिल्ला प्रहरी कार्यालय सिरहाको हिरासतमा राखिएको छ । घटनाबारे थप अनुसन्धान हुने सिरहा प्रहरीले जनाएको छ ।
काठमाडौं । भारतको अहमदावाद विमानस्थलमा भएको विमान दुर्घटनामा गुजरातका पूर्व मुख्यमन्त्री विजय रुपाणीको निधन भएको छ । भाजपाका राज्यसभा सांसद परिमल नाथवानीले रुपाणीको निधन भएको पुष्टि गरेका छन् । एअर इण्डियाको बोइङ ७८७ ड्रिमलाइनर विमान २४२ यात्रु बोकेर दिउँसो १ः३८ बजे उडेकोमा दुई मिनेटभित्रै दुर्घटना भएको हो । दुर्घटनास्थलबाट पूर्व मुख्यमन्त्री रुपाणीसहित सयभन्दा बढीको शव निकालिएको बताइएको छ । विमान खसेको भवन चिकित्सक होस्टेल रहेको भारतीय सञ्चारमाध्यमले जनाएका छन् । ५० भन्दा बढी चिकित्सक बस्दै आएको उक्त भवनबाट पनि ६ जनाको शव निकालिएको छ ।
काठमाडौं । नेपाली सेनाका सहायक रथी युवधिर मानसिंह अधिकारीले पदावधि पुरा नहुँदै राजीनामा दिएका छन् । व्यक्तिगत कारण देखाएर उनले राजीनामा दिएका हुन् । उनको राजीनामा मन्त्रिपरिषद् बैठकले स्वीकृत समेत गरिसकेको रक्षा मन्त्रालयका प्रवक्ता मनोज कुमार आचार्यले बताए । सहायक रथीको चार वर्षे पदावधि पनि पूरा नहुँदै उनले राजीनामा दिएका हुन् । सहायक रथी हुँदा उनी पछिल्लो समय चरक बाहिनीमा कार्यरत थिए ।तर उमेर हदका कारण अब बढुवा हुने सम्भावना नभएपछि अधिकारीले पदावधि पूरा नहुँदै राजीनामा दिएका हुन् ।
काठमाडौं । त्रिभुवन विश्वविद्यालयका उपप्राध्यापक प्रेम चलाउनेले राष्ट्रिय मानवअधिकार आयोगमा उजुरी दिएका छन् । उनले आफूमाथि आक्रमण गर्नेलाई पक्राउ नगरेको भन्दै गृहमन्त्री रमेश लेखक र प्रहरी महानिरीक्षक दीपक थापाविरुद्ध आयोगमा उजुरी दिएका हुन् । गृहमन्त्री र आईजीपीले अदालतको आदेशको समेत अवज्ञा गरेको उनको आरोप छ । चलाउनेले उनीहरूलाई कारबाहीको माग गर्दै उजुरी दिएका हुन् । २०७७ साल असोज २० गते चलाउनेमाथि त्रिवि परिसरभित्रै कुटपिट भएको थियो । कुटपिटमा संलग्न रहेको भन्दै प्रहरीले त्यसबेला नेविसंघ त्रिवि समितिका अध्यक्ष हरि आचार्य, सचिव योगेन्द्र रावल, रुपेश शाह, रविन लामा, सहयुज श्रेष्ठ, नीरज रानामगर र दीपक ओझामाथि छानविन गरेको थियो । आचार्यसहित सात जनाविरुद्धमा…
काठमाडौं । नेपाल समाजवादी पार्टी (नयाँ शक्ति) का अध्यक्ष डा. बाबुराम भट्टराईले कांग्रेस, एमाले र माओवादीका कारण देशको अवस्थामा परिवर्तन हुन नसकेको बताएका छन् । पार्टीको १० औँ स्थापना दिवसका अवसरमा बिहीबार काठमाडौंमा पत्रकार सम्मेलन गर्दै भट्टराईले तीन दलका नेताहरुले १० बर्षका कुर्सी साटासाट गर्ने बाहेक केही गर्न नसकेकाले देशको अवस्थामा परिवर्तन हुन नसकेको बताएका हुन् । अहिले मुलुकमा सुशासन कायम हुन नसकेको बरु भ्रष्टाचारका चाङ उदाङ्गो हुन थालेको उनले बताए । त्यस्तै भट्टराईले सत्तामा पुग्ने र आफ्नो भ्रष्टाचार लुकाउन बिपक्षीलाई देखाउने प्रवृत्ति देखा परेको बताए । उनले मुलुकको अवस्था हेर्दा पुराना दलहरूबाट मुलुकको परिवर्तन नहुने देखाएको दाबी गरे ।…
काठमाडौं । भारतको अहमदावादमा दुर्घटनामा परेको विमानमा सवार कोही पनि जीवित नरहेको प्रहरीले जनाएको छ । अहमदावादका प्रहरी आयुक्तलाई उद्धृत गर्दै समाचार संस्था एपीले दुर्घटनाग्रस्त विमानमा सवार २ सय ४२ जनामध्ये सबैको ज्यान गएको छ । ‘विमान दुर्घटनामा कोही पनि जीवित नरहेको देखिन्छ ।’ आयुक्त जीएस मलिकले एपीलाई भनेका छन् । कार्यालयहरू समेत रहेको आवासीय क्षेत्रमा विमान दुर्घटना भएकाले केही स्थानीहरुले पनि ज्यान गुमाएको हुनसक्ने उनले बताए । दुर्घटनामा मारिएकाहरुको सङ्ख्या यकिन गर्ने प्रयास भइरहेको उनको भनाइ छ । बिहीबार दिउँसो लण्डनको ग्याट्विक विमानस्थलका लागि उडान भरेको एअर इण्डियाको विमान अहमदावादस्थित सरदार बल्लभभाइ पटेल अन्तर्राष्ट्रिय विमानस्थल नजिकै दुर्घटनाग्रस्त भएको थियो…
काठमाडौं । भिजिट भिसा प्रकरणमा गृहमन्त्रीमाथि छानबिन गर्न समिति बनाउने लिखित प्रतिबद्धता आए मात्र संसद् खोल्न तयार रहेको प्रमुख प्रतिपक्षी दलहरूले जनाएका छन् । भिजिट भिसा प्रकरणमा छानबिन समिति बनाउने पक्षमा एक मत भएका विपक्षी दलहरूले समिति बनाउन लिखित प्रतिबद्धता गरे संसद् चल्न दिने निष्कर्ष निकालेको माओवादी केन्द्रका प्रमुख सचेक हितराज पाण्डेले बताएका छन् । प्रतिपक्षी दलहरू भने एक कदम पछि हटेर अहिले तत्काल छानबिन समिति नबनाए पनि छानविन समिति बनाउने प्रतिबद्धता आए संसद खोल्न सकिने बताएका छन् । प्रतिपक्षी दलहरूको प्रस्तावमा सत्ता पक्षले छलफल गर्नुपर्ने भएपछि प्रतिनिधि सभाको बैठक साढे ५ बजेसम्मका लागि सरेको छ ।
काठमाडौं । उच्च अदालत, वीरगञ्जका न्यायाधीश डा. खुसीराम थारुलाई मोसो दल्ने तीन जनाको पहिचान खुलेको छ । नेकपा बहुमतका तीन जना कार्यालयले बिहीबार दिउँसो न्यायाधीश थारुको कार्यकक्षमै पुगेर दलेको थिए । न्यायाधीश थारुमाथि मोसो दल्ने तीनै जना पार्टीका नेता कार्यकर्ता रहेको प्रहरीले जनाएको छ । जिल्ला प्रहरी कार्यालय पर्साका अनुसार, मोसो दल्नेहरुमा प्यूठानको गौमुखी गाउँपालिका–६ घर भइ हाल ललितपुरको कुपन्डोल बस्दै आएका ३८ वर्षीय अविनाश भन्ने किशोर कुँवर, सर्लाहीको बरहथवा नगरपालिका–२ का ४३ वर्षीय पदम बहादुर मगर र सिराहाको गोलबजार नगरपालिकाका ४८ वर्षीय गर्भु महतो रहेका छन् । कुँवर नेकपा बहुमतका केन्द्रीय सदस्य हुन् । त्यस्तै, मगर सर्लाहीका जिल्ला इन्चार्ज…
काठमाडौं । जनता समाजवादी पार्टी (जसपा)का मधेश प्रदेशका सांसद सरोज सिंह कुशवाहा पक्राउ परेका छन् । उनलाई अख्तियार दुरुपयोग अनुसन्धान आयोगले काठमाडौंको टोलीले अनामनगरबाट पक्राउ गरेको हो । महोत्तरी क्षेत्र नम्बर–४ (ख) बाट प्रदेश सभामा निर्वाचित उनको घरमा अख्तियारले १२ जेठमा छापा पनि मारेको थियो । त्यसबेला उनका स्वकीय सचिव विनोदकुमार लाल कायस्थ समेत पक्राउ परेका थिए । घरबाट अनुसन्धान अधिकारीहरुले विभिन्न योजनाका कागजातहरु बरामद गरेका थिए भने मोबाइल समेत नियन्त्रणमा लिएर डिजिटल फरेन्सिक जाँचका लागि पठाइएको थियो । उनी मधेश प्रदेश सरकारका पूर्वआन्तरिक मामिला तथा कानुन राज्यमन्त्री समेत हुन् ।
काठमाडौं । कैलाली प्रहरीले गोली हानेर दुई जनालाई नियन्त्रणमा लिएको छ । जिल्लाको भजनी नगरपालिका-७ मा प्रहरीले गोली चलाएको हो । गोली हानेर नियन्त्रणमा लिइएकामा रिदम ढुंगाना र मिलन चन्द रहेका छन् । दुवैलाई गोली लागेको छ । कैलालीका डीएसपी राजकुमार सिंहका अनुसार टीकापुरमा गत जेठ १५ गते स्थानीय टेकेन्द्र सिंह विष्टमाथि खुकुरी प्रहार भएको घटनामा कैलारी गाउँपालिका–२ को शिवरत्नपुरबाट दुई जनालाई पक्राउ गरिएको थियो । भजनी क्षेत्रमा पुग्दा उनीहरु भाग्न खोजेपछि प्रहरीले गोली चलाउनुपरेको डीएसपी सिंहले बताए । गोली प्रहार गरेर दुवै जनालाई नियन्त्रणमा लिइएको छ । ‘कैलारी गाउँपालिका–२ शिवरन्तपुरबाट पक्राउ परेका रिदम ढुंगाना र मिलन चन्दलाई प्रहरी टोलीले…