Author: Scoop Khabar

काठमाडौं । गृहमन्त्री रमेश लेखकले यही चैत १५ गते शुक्रबार काठमाडौँको तिनकुनेमा सञ्चारमाध्यम र सञ्चारकर्मीमाथि भएको हिंसात्मक घटनाको निष्पक्ष छानविन गरी दोषीलाई हदैसम्मको कारवाही गर्ने प्रतिबद्धता व्यक्त गरेका छन् । नेपाल पत्रकार महासङ्घका महासचिव रामप्रसाद दाहाल नेतृत्वको टोलीले आज मन्त्रालयमा दिएको ध्यानाकर्षणपत्र बुझ्दै गृहमन्त्री लेखकले अराजक, हिंस्रक एवम् सिद्धान्त बिनाको भिडले तिनकुनेमा वितण्डा मच्चाएको घटनाप्रति सरकार गम्भीर रहेको बताए । “तिनकुनेमा भएको अराजक भिडको कुनै निश्चित वाद, सिद्धान्त केही पनि थिएन, मात्रै अपराधिक कार्य गर्ने उद्देश्य थियो, लक्ष्य थियो ।” गृहमन्त्री लेखकले भने, “विध्वंश मच्चाउने झुण्डले उग्रता देखायो, त्यसको मार सञ्चारगृह र सञ्चारकर्मीलाई पर्न गएको छ, यस विषयमा नेपाल सरकार…

काठमाडौं । प्रहरीले चैत १५ गते तिनकुनेमा भएको राजावादी आन्दोलनका क्रममा मञ्चमा राष्ट्रिय गान बज्दाबज्दै टियर ग्यास हानेको आरोपको खण्डन गरेको छ । बुधबार प्रहरी प्रधान कार्यालयमा आयोजित पत्रकार सम्मेलनमा प्रहरीले बाहिर आएको भिडिओ फेक भएको दावी गरेको छ । प्रहरीका पवक्ता दिनेश आचार्यले अर्को ठाउँमा हानेको टियर ग्यास उछिट्टीएर मञ्चमा पुगेको हुनसक्ने बताए । कार्यक्रममा प्रहरीले अनावश्यक बल प्रयोग नगरेको दाबी गर्दै आचार्यले भने, ‘कार्यक्रम सुरु हुनुभन्दा अगाडि राष्ट्रिय गान बज्दा टियर ग्यास हानेको भन्ने होइन । त्यो डिप फेक भिडियो हो । कार्यक्रम नै सुरु भएको छैन, कसरी राष्ट्रिय गान बज्छ ?’

काठमाडौं । चैत १५ गते तिनकुनेमा भएको राजावादी आन्दोलनका क्रममा २० जनामाथि गोली चलेको पुष्टि गरेको छ । बुधबार आयोजित पत्रकार सम्मेलनमा प्रहरी प्रवक्ता नायब महानिरीक्षक (डीआईजी) दिनेश आचार्यले सो जानकारी दिएका हुन् । गोली लाग्नेमध्ये २ महिला र १८ पुरुष छन् । गोली लागेर घाइते भएकामध्ये १३ जना अस्पतालमा उपचाररत रहेको प्रवक्ता आचार्यले पत्रकार सम्मेलनमा बताए । प्रवक्ता आचार्यका अनुसार आन्दोलनका क्रममा जम्मा ५८ राउन्ड गोली प्रहार भयो । यस्तै, टियर ग्यास ७४६ राउन्ड, ब्ल्यांक फायर १९२ पटक भएको थियो । दुईवटा गोली पेस्तोलबाट प्रहार भएको उनले बताए । त्यस्तै प्रदर्शनकारीको आक्रमणमा परी ५५ नेपाल प्रहरी २३ सशस्त्र प्रहरी…

काठमाडौं । गत ४ चैतमा टोखास्थित झोरमा ट्रकमा लुकाइएको २५ करोड बराबरको डलर र युरोको मालिक पत्ता लागेको छ । प्रहरीको जानकारी र विज्ञ अनुसन्धानबाट शंकास्पद व्यक्तिको पहिचान खुलेको हो । उक्त रकम सिन्धुपाल्चोकको भोटेकोशी गाउँपालिका–४ स्थायी घर भई हाल टोखा नगरपालिका–१० मा बसोबास गर्ने नारायण पौडेलको भएको पुष्टि भएको छ । पौडेललाई पक्राउ गर्न अदालतबाट पुर्जी जारी भइसकेको छ । ना ७ ख १६५२ नम्बरको ट्रकमा रकम लुकाएर लैजाँदै गरेको अवस्थामा प्रहरीले सिन्धुपाल्चोकको भोटेकोशी गाउँपालिका–१ का ४३ वर्षीय चालक कुसान लामालाई पक्राउ गरेको थियो । चालक लामाले ट्रकको चालक सिट पछाडि फल्स बटम बनाएर रकम लुकाएको अवस्थामा प्रहरीले नियन्त्रणमा…

काठमाडौं । पत्रकार सुरेश रजकको शरीरमा गोली नलागेको पोस्टमार्टम रिपोर्टबाट खुलेको छ । त्रिवि शिक्षण अस्पतालमा गरिएको पोस्टमार्टम रिपोटमा गोली उनलाई नलागेको खुलेको एक चिकित्सकले बताए । चैत १५ गते तीनकुनेमा जलेको अवस्था मृत भेटिएका २९ वर्षीय रजकलाई गोली पनि लागेको हल्लापछि चिकित्सकले पोस्टमार्टम गर्नुअघि एक्सरे गर्नुपर्ने अडान लिएका थिए । अस्पतालका फरेन्सिक मेडिसिन विभाग प्रमुख डा। गोपाल चौधरीले भने, ‘शरीर जलेर, फोक्सोमा धुवाँको मुस्लो छिरेको पाइयो । शरीरमा कुनै गोली लागेको छैन । अगाडि मारेर पछि आगो लागेको देखिएन । आगोले जलेरै उनको मृत्यु भएको खुल्यो ।’ हिजो साँझ उनको एक्स–रे गरिएको थियो । एक्स–रेको रिपोर्टपछि बुधबार पोस्टमार्टम गरिएको…

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले शान्ति प्रक्रियापछि आफूहरू काठमाडौँमा सरकार बनाउने र ढाल्ने खेलमा लागेको स्वीकार गरेका छन् । अनेमसंघ (क्रान्तिकारी) लुम्बिनी प्रदेशको सम्मेलनलाई बुधबार सम्बोधन गर्दै उनले अब पार्टीको सम्पूर्ण ध्यान वर्गतिर हुने प्रतिबद्धता जनाए । यद्यपि आफ्नो नेतृत्वको पछिल्लो सरकारले जनताको पक्षमा राम्रो काम थालेपछि बिचौलिया र दलाल पुँजीपतिहरू आत्तिएर सरकार ढालेको उनले आरोप लगाए । ‘सरकार बनाउने र ढाल्ने खेलमा हामीले बढी समय दियौँ । आठरदश वर्ष कहिले यता उता अल्मिलियौँ । संघीय लोकतान्त्रिक गणतन्त्र स्थापनाका लागि त्याग तपस्या र बलिदान गरेका वर्गलाई छोड्यौँ । अब कांग्रेस र एमालेको बैशाखी टेकेर नभई आफ्नै…

काठमाडौं । नेकपा एमालेका महासचिव शंकर पोखरेलले पूर्वराजा ज्ञानेन्द्र शाहलाई ‘नालायक’ भन्दै टिप्पणी गरेका छन्। बुधबार पार्टीको कार्यक्रमलाई सम्बोधन गर्दै पोखरेलले तीनकुनेमा भएको प्रदर्शनबारे नबोलेको भन्दै जिम्मा पूर्वराजाले नै लिनुपर्ने बताएका हुन् । ‘१५ गतेको त्यो घटनाको पछाडि बेला बेला वक्तव्य दिइरहने ज्ञानेन्द्रको बोली फुटेकै छैन,’ उनले भने, ‘जनताको कुरा गर्न उनलाई के समस्या ? उनले खटाएको मान्छेले मच्चाएको वितण्डाको बारेमा उनलाई थाहा नहोलारु उचालेका मान्छेले गरेको उत्पातबारे थाहा नहोला ? यस्ताले मुलुक र जनताको भविष्यको कुरा गर्ने ? यस्ता नालायक।’ तीनकुनेमा भएको घटनाको मुख्य योजनाकार पूर्वराजा ज्ञानेन्द्र नै हुन् अरु त मतियारमात्रै रहेको पोखरेलको भनाइ थियो । ‘दुई जना…

काठमाडौं । पूर्वप्रधानन्यायाधीश कल्याण श्रेष्ठले सञ्चारमाध्यमलाई लक्षित गर्दै गरिएको आक्रमणको निन्दा गरेका छन् । तीनकुनेस्थित अन्नपूर्ण मिडिया नेटवर्कको कार्यालयमाथिको आक्रमणपछि बुधबार अवलोकन गर्दै पूर्वप्रधानन्यायाधीश श्रेष्ठले सञ्चारमाध्यममाथिको आक्रमण दुःखद भएको बताएका हुन् । उनले आगजनीको प्रयासलाई प्रजातन्त्र र खुला प्रणालीमाथिको आक्रमणको संज्ञा दिए । मिडियामाथिको आक्रमण अस्वीकार्य हुने उनले बताए । श्रेष्ठले भने, ‘प्रजातन्त्र जोगाउन मिडियाको भूमिका अपरिहार्य हुन्छ। त्यसैले मिडियामाथिको आक्रमण स्वीकार्य हुँदैन।’ मिडिया नभए मुलुक चल्न नसक्ने श्रेष्ठको धारणा छ। ‘सहमति होस् वा असहमति जुनसुकै बेला पनि मिडिया चाहिन्छ। यो वा त्यो जुनसुकै पक्षले जुनसुकै अवस्थामा पनि मिडियामा आक्रमण गर्नु हुँदैन,’ पूर्वप्रधानन्यायाधीश श्रेष्ठले भने,‘मिडियामाथिको खुला प्रणाली (ओपन सिस्टम) माथिको…

काठमाडौं । राजावादी आन्दोलनका क्रममा हिंसात्मक प्रदर्शन गरेको आरोपमा पक्राउ परेका ४१ जनालाई दोस्रो पटक म्याद थपका लागि बुधबार अदालतमा उपस्थित गराइँदैछ। जिल्ला प्रहरी परिसर, काठमाडौंको हिरासतमा रहेका उनीहरूलाई काठमाडौं जिल्ला अदालतमा लगिने प्रहरीले जनाएको छ। ३० जना आपराधिक उपद्रव र संगठित अपराध तथा ११ जना राज्यविरुद्धको कसुर अन्तर्गत पक्राउ परेका हुन्। आइतबार उनीहरूको पाँच दिनको म्याद थप गरिएको थियो, जुन मंगलबार सकिएकाले आज पुनः म्याद थप गर्न लागिएको जिल्ला प्रहरी परिसर, काठमाडौंका एसपी तथा प्रवक्ता अपिल राज बोहराले जानकारी दिए। म्याद थपका लागि लैजान लागिएकामध्ये राप्रपाका वरिष्ठ उपाध्यक्ष रवीन्द्र मिश्र, सांसद तथा महामन्त्री धवल शमशेर राणा लगायतका नेता तथा…

काठमाडौं । राप्रपाका सांसद बुद्धिमान तामाङले चैत १५ गते काठमाडौँको तीनकुनेमा भएको राजावादीको प्रदर्शनमा पुगेपनि आफू त्यहाँबाट भागेको बताएका छन्। बुधबार संसद्‌को राज्यव्यवस्था तथा सुशासन समितिको बैठकमा घटनाको निष्पक्ष छानबिनको माग गर्दै सांसद तामाङले कार्यक्रमको मञ्चमा दुर्गा प्रसाईंको फोटो देखेपछि आफू भागेको बताएका हुन्। ‘हाम्रो पार्टीको अध्यक्ष राजेन्द्र लिङ्देनज्यू, ज्ञानेद्र शाहीसहित हाम्रो ग्रुप नै थियो। हामी प्रदर्शनमा जाने कुरा भइरहेको थियो। तर, मञ्चतिर हेर्दा त राजाको फोटो, अनि त्यही साइजको दुर्गा प्रसाईंको फोटो राखेको देखियो,’ उनले भने, ‘ओहो, खत्तम रहेछ भन्ने लाग्यो। हामी गएनौँ। आन्दोलनलाई समर्थन गर्ने भनेरमात्र हुँदो रहेनछ। हाम्रोबाट अध्यक्ष जानुभएन, धेरैजना जानुभएन । मैले पनि यसो हेरेको…