Author: Scoop Khabar
काठमाडौं । कोशी प्रदेशको प्रदेश स्तरिय सुरक्षा गोष्ठीमा सहभागी हुन पुगेका प्रहरी महानिरीक्षक (आईजीपी) दिपक थापाले प्रदेश प्रहरी प्रमुखसहित जिल्ला प्रहरी प्रमुखहरुलाई प्रदेशमा शान्ति सुरक्षा व्यवस्था प्रभावकारी बनाउन आवश्यक निर्देशन दिएका छन् । आईजीपी थापाले प्रदेश प्रहरी प्रमुख प्रहरी नायव महानिरीक्षक (डिआईजी) ईश्वर कार्कीसहित कोशी प्रदेशका १४ वटै जिल्ला प्रहरी प्रमुखहरुलाई नेपाल प्रहरीको कार्य सम्पादन सम्झौता वमोजिम शान्ति सुव्यवस्था प्रभावकारी बनाउन निर्देशन दिएका हुन् । अपराध अनुसन्धान एवम् नियन्त्रणको लागि भरपर्दो सुरक्षा रणनीति तयार गरी सरोकारवाला सबै पक्षहरूसँग समन्वय र सहकार्यका साथ आम नागरिकको समस्यालाई समयमै सम्बोधन गर्ने गरी प्रहरी परिचालन गर्न समेत आईजीपी थापाको आग्रह छ । निर्देशनको क्रममा…
काठमाडौं । १५ वैशाखमा जिल्ला प्रहरी कार्यालय डोल्पाको नेतृत्व प्रहरी नायब उपरीक्षक (डिएसपी) डा. हेम केसीले सम्हाले । नक्सालमै कार्यरत डिएसपी केसीको १० वैशाखमा सरुवा भएपनि उनी पाँच दिनपछि डोल्पा हाजिर भएका हुन् । तर सरुवा भएको सात दिन नपुग्दै डिएसपी केसी विवादमा मुछिए । मुद्दा फाँटमा ५ वर्षदेखि कार्यरत एकजना प्रहरी नायब निरीक्षक (सई)लाई कुटपिट गरेको आरोप लागेपछि उनलाई १६ गते नै प्रधान कार्यालयले फिर्ता बोलायो । सई शैलेन्द्र कुमार रसाइलीलाई डिएसपी केसीले एक्कासी बोलाएर अश्लील शब्द प्रयोग गरी गालीगलौज र कुटपिट गरेको बताइएको छ । त्यसपछि उजुरी परेकोमा भोलिपल्टै उनलाई हेडक्वार्टर तानिएको हो । प्रहरी हेडक्वार्टरको आदेशपछि डिएसपी…
काठमाडौं । जिल्ला प्रहरी कार्यालय डोल्पाको नेतृत्वमा पुनः प्रहरी नायव उपरीक्षक (डिएसपी) डा. हेमबहादुर केसीलाई खटाइएको छ । प्रहरी प्रधान कार्यालय, नक्सालले उनलाई पुनः डोल्पा फर्काउने निर्णय गरेको हो । यसअघि, मुद्दा फाँटमा कार्यरत प्रहरी नायव निरीक्षक (सई) शैलेन्द्रकुमार रसाइलीसँगको विवादपछि डा. केसी प्रहरी प्रधान कार्यालय काठमाडौं तानिएका थिए । ९ दिनको कार्यकालमै उनले सई रसाइलीमाथि हातपात गरेको आरोप लागेको थियो । छानबिनका लागि कर्णाली प्रदेश प्रहरी कार्यालयबाट खटिएको नायब उपरीक्षक (डिएसपी) नारायण डाँगीको टोलीले प्रतिवेदन बुझाइसकेको छ । गएको वैशाख १० गते डा. केसीको डोल्पा सरुवा गरिएको थियो । उनी १५ गते मात्र कार्यभार सम्हाल्न डोल्पा पुगेका थिए, तर…
काठमाडौं । नेपालका पूर्वप्रशिक्षक पुबुदु दासानायके पुनः अमेरिकाको प्रशिक्षक बनेका छन् । अमेरिकी क्रिकेटले ५४ वर्षे दासानायकेलाई पुनः भित्र्याउन पाउँदा निकै खुसी लागेको बुधबार जनाएको छ । दासानायके यसअघि २०१६ देखि २०१९ सम्म पनि अमेरिकाको पुरुष क्रिकेट टोलीका प्रशिक्षक थिए । सोक्रममा अमेरिकाले विश्व क्रिकेट लिग डिभिजन ४ देखि एकदिवसीय अन्तर्राष्ट्रियसम्मको यात्रा तय गरेको थियो । श्रीलंकाबाट ११ टेस्ट खेलेका क्यानेडियन नागरिक दासानायके योसँग तीन फरक देशमा २–२ पटक प्रशिक्षक बनेका छन् । उनकै प्रशिक्षकमा क्यानडाले २०११ को एकदिवसीय विश्वकप खेलेको थियो । त्यसपछि उनी नेपाल आएका थिए । दासानायकेकै कार्यकालमा डिभिजन ४ मा रहेको नेपालले डिभिजन २ हुँदै एकदिवसीय विश्वकप छनोटसम्म खेलेको थियो भने २०१४ मा…
काठमाडौं । सरकारले नेपाल राष्ट्र बैंकको गभर्नर सिफारिस गर्न बनाइएको समितिमा डा. पोषराज पाण्डेलाई नियुक्त गरेको छ । बुधबार बसेको मन्त्रिपरिषद्को बैठकले रिक्त स्थानमा अर्थशास्त्री पाण्डेलाई नियुक्त गरेको हो । यसअघि गठित समितिमा अर्थविद्का रुपमा सदस्य नियुक्त भएका विश्व पौडेलले राजीनामा दिएपछि उक्त स्थान रिक्त थियो । गभर्नरका लागि नेपाली कांग्रेसका सभापति शेरबहादुर देउवाले पौडेलको नाम अघि सारेको चर्चा भएलगत्तै उनले सिफारिस समितिबाट राजीनामा दिएका थिए । महाप्रसाद अधिकारीको कार्यकाल सकिएपछि गत चैत २५ देखि गभर्नर नियुक्त हुन सकेको छैन ।
काठमाडौं । गायक प्रताप दास र गायिका दुर्गा खरेलको स्वरमा रहेको नयाँ गीत ‘ओइ नक्कले’ सार्वजनिक गरिएको छ । सुमन पण्डित ‘वैरागी’को शब्द, अर्जुन पोखरेलको संगीतमा रहेको गीतले त्रिकोणात्मक प्रेमकथा भन्छ । गीतको भिडियोमा सुशान्त कार्की, प्रियंका कार्की र कविता नेपालीको अभिनय देख्न सकिन्छ। दुई युवती र एक युवकबिचको प्रेम, मनोभावना र द्वन्द्वलाई भिडियोमा चित्रण गरिएको छ। माइकल चन्दको निर्देशन रहेको गीतको भिडियोमा उत्सव दाहालको छायाङ्कन र कोरियोग्राफी सञ्जय विश्वकर्मा छ ‘द डिभाइन म्युजिक’ युट्युब च्यानलमार्फत सार्वजनिक गरिएको हो । https://www.youtube.com/embed/FBAWPc46eBU?si=zDAsKR-XwkHKYGCh
काठमाडौं । स्वर्णलक्ष्मी सहकारी ठगीमा मुछिएकी नेपाली कांग्रेसकी सांसद माया राईलाई अदालतले १० लाख धरौटीमा रिहा गरेको छ । काठमाडौं जिल्ला अदालतका न्यायाधीश महेन्द्रबहादुर कार्कीको इजलासले बुधबार राईलाई धरौटीमा छाड्न आदेश दिएको छ । आदेशलगत्तै १० लाख धरौटीको प्रक्रिया पूरा गरी राई घर फर्किएको काठमाडौं जिल्ला अदालतका श्रेष्तेदार तीर्थराज भट्टराईले बताए । कालीमाटीस्थित स्वर्णलक्ष्मी सहकारीको तत्कालीन सहसचिव रहेकी राईले सहकारीको रकम अपचलनको आरोपमा पक्राउ परेकी थिइन् । बुधबार बयान र थुनछेक बहस भएपछि उनलाई धरौटीमा छाड्न आदेश भएको छ । सांसद राई सञ्चालक समितिमा रहेको अवधिमा करीब साढे २ करोड रुपैयाँ अपचलन भएको आरोप छ ।
काठमाडौं । काठमाडौं उपत्यका प्रहरी कार्यालय रानीपोखरीका प्रमुख अतिरिक्त महानिरीक्षक (एआईजी) टेक बहादुर तामाङले लागुऔषध रोकथाम तथा नियन्त्रणको लागि सबै सरोकारवाला निकायहरूको समन्वय तथा सहकार्य आवश्यक रहेको बताएका छन् । लागूऔषध विरूद्धको महाअभियान अन्तर्गत तारकेश्वर नगरपालिका र सामुदायिक प्रहरी सेवा केन्द्र बोहोराटार बालाजुको आयोजनामा तारकेश्वर नगरपालिकाको सभाहलमा बुधबार भएको सचेतनामूलक कार्यक्रममा बोल्दै उनले यस्तो बताएका हुन् । उनले देशैभरी समस्याको रूपमा देखिएको लागुऔषध दुर्व्यसनले शान्ति सुरक्षामा असर गर्नुका साथै विभिन्न आपराधिक क्रियाकलापहरू समेत वृद्धि भएको बताए । उपत्यका प्रहरी कार्यालयद्वारा लागुऔषध विरूद्धको महाअभियान कार्यक्रम गत फागुन १७ गते गृहमन्त्री रमेश लेखकले नेपाल पुलिस क्लब भृकुटीमण्डपमा एक समारोहबीच शुभारम्भ गरेका थिए…
एजेन्सी । आतंकवादी नेताका रुपमा चिनिएका हाफिज सईदका भतिजा तथा भारतमा धेरै आतंकवादी हमलाहरूमा संलग्न फैजल नदीम उर्फ अबु कटाल मारिएका छन् । भारतीय मिडीया रिपोर्टका अनुसार यो आक्रमण पाकिस्तानको पञ्जाबको झेलम जिल्लाको मंगला बाइपासमा भएको थियो । केही अज्ञात व्यक्तिहरूले अचानक उनको कारमा गोली चलाएर भागे । जानकारी पाएपछि स्थानीय प्रहरी घटनास्थलमा पुग्दा उनीहरूले फैजल नदीमलाई कारबाट बाहिर निकाले र उनी रगतमा लतपतिएका अवस्थामा थिए । डाक्टरहरूले उनलाई मृत घोषित गरे । नदीम २०२३ मा जम्मू कश्मीरको राजौरीमा भएको आक्रमण गर्ने लश्कर-ए-तैयबा आतंककारीहरूको पछाडिको मास्टरमाइन्ड मध्ये एक थिए । दुई दिनसम्म चलेका आक्रमणहरूमा ७ जनाको मृत्यु हुनुका साथै धेरै…
काठमाडौँ । काठमाडौंको नागढुंगामा प्रहरी जवानमाथि कुटपिट गर्ने ट्राफिक प्रहरीका निरीक्षक (इन्स्पेक्टर) जितेन्द्र साह कारबाहीमा परेका छन् । बुधवार सार्वजनिक ठाउँ सडकमै इन्स्पेक्टर साहले जवानलाई कुटेको भिडियो सामाजिक सञ्जालमा भाइरल भएको थियो । सहायक जवानमाथि कुटपिट गर्ने इन्स्पेक्टर साहको जिम्मेवारी खोसिएको उपत्यका प्रहरी कार्यालय, रानीपोखरीका प्रहरी बरिष्ठ उपरीक्षक (एसएसपी) शेखर खनालले जानकारी दिए । साहमाथि छानबिन सुरु भएको उनले बताए । साहलाई उपत्यका ट्राफिक प्रहरी कार्यालय रामशाहपथ बोलाइएको र अनुसन्धानपश्चात् थप कारबाही प्रक्रिया अघि बढाइने खनालले बताए । घटना बुधबार दिउँसोको हो । कुटाई खाने जवान प्रहरी प्रभाग नागढुंगामा कार्यरत थिए भने प्रहरी निरीक्षक साह ट्राफिक प्रहरी प्रभाग नागढुंगाका प्रमुख…