Author: Scoop Khabar

काठमाडौं । सरकारले गुप्तचरी निकाय राष्ट्रिय अनुसन्धान विभागमा रिक्त रहेका पदमा दुई डिआईजी र तीन एसएसपीको बढुवा गरेको छ। गृहसचिवको अध्यक्षतामा रहेको बढुवा सिफारिस समितिको सिफारिसअनुसार शुक्रबार गृह मन्त्रीस्तरीय निर्णयबाट बढुवा गर्ने निर्णय भएको हो। स्रोतका अनुसार डिआइजी पदमा राजन उप्रेती र नवीन अधिकारी बढुवा भएका छन्। यस्तै, एसएसपी पदमा टीका पोखरेल, टेकराज तिमिल्सिना र उत्तम खनाल बढुवा भएका हुन्। यसअघि विभागमा लामो समयदेखि रिक्त रहेको विभागको अतिरिक्त अनुसन्धान निर्देशक (एआईजी) पदमा २१ पुसमा ओमबहादुर खड्कालाई बढुवा गरिएको थियो।

काठमाडौं । नेपाली कांग्रेसका सभापति शेरबहादुर देउवाले विशेष महाधिवेशनमार्फत पार्टी विभाजन गर्न खोजिएको आरोप लगाएका छन् । बहुमत महाधिवेशन प्रतिनिधि नेतृत्व परिवर्तनको पक्षमा उभिएपछि देउवाले यस्तो आरोप लगाएका हुन् । विकसित परिस्थितिबारे देउवाले सोमबार बिहान कार्यवाहक सभापति पूर्णबहादुर खड्कासहित निकट नेताहरूसँग छलफल गरेका थिए । सो छलफलमा देउवाले भृकुटीमण्डपमा आयोजना भएको विशेष महाधिवेशनमा कुनै पनि हालतमा सहभागी नहुने अडान दोहोर्‍याएको एक नेताले बताए । ‘म विशेष महाधिवेशनमा जाने कुरै छैन, पार्टी विभाजनतर्फ लगियो भने म सामना गर्छु,’ देउवाको भनाइ उद्धृत गर्दै ती नेताले भने । नेतृत्व चयन प्रक्रिया अघि बढे आवश्यक निर्णय लिने संकेत देउवाले गरेका छन् । आफूनिकट करिब…

एजेन्सी । अमेरिकाी राष्ट्रपति डोनाल्ड ट्रम्पले आफूलाई भेनेजुएलाको कार्यवाहक राष्ट्रपति घोषणा गरेका छन् । सामाजिक सञ्जाल ट्रुथ सोसलमा एउटा फोटो पोस्ट गर्दै उनले आफूलाई भेनेजुएलाको कार्यवाहक राष्ट्रपति घोषणा गरेका हुन् । उनले सेयर गरेको तस्बिरमा ‘भेनेजुएलाको कार्यवाहक राष्ट्रपति’ लेखिएको छ । अहिले भेनेजुएलाको उपराष्ट्रपति रहेकी डेल्सी रोड्रिग्वेजलाई कार्यवाहक राष्ट्रपति बनाइएको छ । अमेरिकाले जनवरी ३ मा भेनेजुएला विरुद्ध कारबाही गर्दै देशका राष्ट्रपति निकोलस मदुरो र उनकी पत्नी सिलिया फ्लोरेसलाई ‘नियन्त्रण’मा लिएर अमेरिका पर्याएको थियो । अहिले मादुरोविरुद्ध हतियार र लागुऔषध तस्करीको आरोपमा अमेरिकामा मुद्दा चलाइएको छ ।

काठमाडौं । नेपाली कांग्रेसका कार्यवाहक सभापति पूर्णबहादुर खड्काको निवास क्षेत्रमा सुरक्षा बढाइएको छ । बुढानीलकण्ठ नगरपालिका–७ हात्तिगौंडा, हेपाली हाइटस्थित खड्काको निवास क्षेत्रमा बाक्लो सङ्ख्यामा प्रहरी परिचालन गरिएको हो । नेपाली कांग्रेसका महामन्त्रीद्ववय गगन थापाले र विश्वप्रकाश शर्माले भृकुटीमण्डपमा आइतबारदेखि विशेष महाधिवेशन आयोजना गरेका छन् । विशेष महाधिवेशनमा आज बन्दसत्र सुरु हुँदैछ । कांग्रेसका बहुमत प्रतिनिधि विशेष महाधिवेशनमा सहभागी छन् । सुरक्षा सचेतना अपनाएर खड्काको निवास क्षेत्रमा सुरक्षाकर्मी परिचालन गरिएको उपत्यका प्रहरी कार्यालयका एक जना अधिकृतले रातोपाटीलाई बताए । उनले भने, ‘पूर्व सावधानी अपनाएर उहाँको निवास क्षेत्रमा थप सुरक्षाकर्मी परिचालन गरिएको हो ।’ खड्का पूर्वउपप्रधानमन्त्री समेत हुन् ।

काठमाडौं । नेपाली कांग्रेसका कार्यवाहक सभापति पूर्णबहादुर खड्का र नेता शेखर कोइरालले आज (सोमबार) बिहान दुवै महामन्त्री गगन थापा र विश्वप्रकाश शर्मालाई संवादका लागि बोलाएका छन्। स्रोतले दिएको जानकारीअनुसार विशेष महाधिवेशनको बन्दसत्र सुरु हुनुअघि बोलाइएको छलफलमा महामन्त्रीहरू जाने-नजाने टुंगो लागिसकेको छैन। ‘उहाँहरूबाट दुवै महामन्त्रीलाई संवादका लागि प्रस्ताव आएको छ, तर जाने-नजाने अहिलेसम्म निर्णय भइसकेको छैन’, स्रोतले भन्यो। यसैबीच सभापति शेरबहादुर देउवाको सचिवालयले भने उनी महाधिवेशनमा नजाने बताएको छ। कांग्रेसको केन्द्रीय कार्यसमितिले आगामी वैशाखमा नियमित महाधिवेशन गर्ने निर्णय गरे पनि त्यसमा फरक मत राखेका महामन्त्रीद्वय थापा र शर्माको नेतृत्वमा काठमाडौँको भृकुटीमण्डपमा आइतबारदेखि विशेष महाधिवेशन जारी छ।

काठमाडौं । नेपाल शैक्षिक परामर्श संघ (ECAN) को आगामी 2082 को केन्द्रीय निर्वाचनमा, मञ्जित ढकालले दीपक राज भुषाल समूहबाट केन्द्रीय उपाध्यक्ष पदमा उम्मेदवारी घोषणा गरेका छन्। वर्तमानमा उनी ECAN को केन्द्रीय समितिमा सदस्यको रूपमा सक्रिय छन् र Branch Coordination Department मार्फत केन्द्र र शाखाबीच प्रभावकारी समन्वयमा निरन्तर योगदान गर्दै आएका छन्। ढकालले मकवानपुर, काभ्रेपलान्चोक, धनगढी लगायत विभिन्न शाखामा समन्वय संरचना सुदृढ बनाउन महत्वपूर्ण भूमिका निर्वाह गरेका छन्। Branch Coordinator को रूपमा उनले Leaders Meet 1.0 र 2.0 आयोजना गरी शाखा र केन्द्रबीचको सम्बन्धलाई मजबुत बनाएका छन्। यस अनुभवको आधारमा उनी केन्द्रीय उपाध्यक्ष पदमा उम्मेदवारी दिएर संगठनलाई अझ व्यवस्थित, उत्तरदायी र…

कैलाली । ११ वर्षीया बालिकालाई जबरजस्ती करणी गरेको अभियोगमा भजनी नगरपालिका-८ जनकपुर बस्ने ६५ वर्षीय राम शंकर चौधरीलाई प्रहरीले पक्राउ गरेको छ । चौधरीले ती बालिकालाई जबरजस्ती करणी गरेको भन्ने उजुरीको आधारमा इलाका प्रहरी कार्यालय भजनीबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।

काठमाडौं । वैदेशिक रोजगारीमा आकर्षक तलबको प्रलोभनमा पारी युके पठाइदिन्छु भन्दै रकम ठगी गरेको अभियोगमा भक्तपुर मध्यपुर थिमि नगरपालिका-२ बस्ने ललितपुर, ललितपुर महानगरपालिका-१६ घर भएका ३४ वर्षीय अमन महर्जनलाई प्रहरीले पक्राउ गरेको छ । अमनले युके पठाइदिन्छु भन्दै ३ जना पीडितहरूबाट २८ लाख रूपैयाँ लिई सम्पर्कबिहीन भएको भन्ने पीडितहरूको उजुरीको आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले उनलाई भक्तपुर मध्यपुर थिमि नगरपालिका-२ बाट पक्राउ गरेको हो । उनलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाडौं पठाइएको छ ।

काठमाडौं । अवैध लागूऔषधसहित नेपालका विभिन्न ठाउँबाट २६ जनालाई पक्राउ गरेको छ। बाँके नेपालगंज उपमहानगरपालिका-१५ जमुनाहबाट अवैध लागूऔषध ब्राउनसुगर जस्तो देखिने पदार्थ १ ग्राम ३० मिलिग्राम सहित ३ जनालाई बिहीबार दिउँसो प्रहरीले पक्राउ गरेको छ । पक्राउ पर्नेहरूमा कोहलपुर नगरपालिका-१० बस्ने २१ वर्षीय सुनिल घर्तिमगर, २० वर्षीय प्रकाश लोहार र १८ वर्षीय किशोर रहेका छन् । इलाका प्रहरी कार्यालय जमुनाहबाट खटिएको प्रहरीले उनीहरूलाई उक्त पदार्थ सहित पक्राउ गरेको हो । यसैगरी बाँके, नेपालगंज उपमहानगरपालिका-४ पुष्पलाल चोकबाट अवैध लागूऔषध ब्राउनसुगर जस्तो देखिने पदार्थ २ ग्राम ३० मिलिग्राम सहित २ जनालाई बिहीबार दिउँसो प्रहरीले पक्राउ गरेको छ । पक्राउ पर्नेहरूमा कोहलपुर नगरपालिका-८ पिपिरी बस्ने…

लुम्बिनी। भारतीय सेनाका लेफ्टिनेन्ट जनरल आर.एस. रमन नेपालको लुम्बिनीमा औपचारिक भ्रमणमा आएका छन्। भ्रमणमा रहेका जनरललाई लुम्बिनी विकास कोषका सदस्य सचिव दीपक श्रेष्ठले स्वागत गरेका हुन्। स्वागत कार्यक्रममा विकास कोषका कार्यकारी सदस्य श्याम रोक्का, लेखा प्रमुख भिम बस्नेत, र अन्य वरिष्ठ अधिकारीहरू पनि उपस्थित रहेका थिए । भ्रमणको क्रममा जनरल रमनले लुम्बिनीका प्रमुख धार्मिक र ऐतिहासिक स्थलहरूको अवलोकन गरेका छन्। उनी मायादेवी मन्दिर, पुष्पकरिणी पोखरी, र भारतीय प्रधानमन्त्री नरेन्द्र मोदीले रोपेको पिपल रुख अवलोकनका लागि पुगेका थिए। भ्रमण अवसरमा सदस्य सचिव श्रेष्ठले जनरल रमनलाई बुद्धको मूर्ति उपहारमा प्रदान गरेका थिए। उपहार प्रदान गर्दै श्रेष्ठले नेपालको सांस्कृतिक र धार्मिक सम्पदाप्रति सम्मान…