Author: Scoop Khabar
काठमाडौं । उपत्यकामा निरन्तर भइरहेको अविरल वर्षाका कारण उत्पन्न हुन सक्ने सम्भावित जोखिम न्यूनीकरणका लागि उपत्यका प्रहरी प्रमुख अतिरिक्त महानिरीक्षक (एआइजी) दान बहादुर कार्की स्वयं अग्रपंक्तिमा खटिएका छन्। कार्कीले कन्ट्रोल रुममार्फत सम्पूर्ण परिस्थितिको नियमित निगरानी गर्दै रातको समयमा ड्युटीमा खटिएका प्रहरीलाई प्रत्यक्ष भेटेर मनोबल बढाउने कार्यसमेत गरेका छन्। उनले विभिन्न स्थानमा पुगेर खटिएका प्रहरीलाई आवश्यक निर्देशन दिँदै उपत्यकाको सुरक्षामा कुनै कसर नराख्ने प्रतिबद्धता जनाएका छन्। सामान्यतया उच्च प्रहरी अधिकारीहरू निर्देशनमा सीमित रहने परम्परा भए पनि एआइजी कार्की आफैं सिपाहीझैँ सक्रिय रहँदै फिल्डमै उपस्थित भइरहेका छन्। उनको यस्तो नेतृत्व र सक्रियताले अन्य सुरक्षाकर्मीहरूमा थप ऊर्जा र आत्मबल बढाएको प्रहरी स्रोतले जनाएको…
काठमाडौं । हालैको अविरल वर्षाका कारण देशका विभिन्न स्थानमा बाढी, पहिरो र डुबानका घटनाले जनजीवन अस्तव्यस्त बनेको छ। सयौं परिवार विस्थापित भएका छन् भने धेरैजना अझै राहतको प्रतीक्षामा छन्। यस्तो कठिन समयमा सफल पर्यटन व्यवसायी तथा मानवसेवी टासी लाक्पा शेर्पाले सहयोगको हात अघि बढाउँदै उत्कृष्ट उदाहरण प्रस्तुत गरेका छन्। शेर्पाले सामाजिक सञ्जालमार्फत सन्देश जारी गर्दै बाढी–पहिरो प्रभावित नागरिकहरूका लागि २५० भन्दा बढी क्याम्पिङ टेन्ट अन्य अत्यावश्यक सामग्रीहरू उपलब्ध गराउने घोषणा गरेका छन्। उनका अनुसार, उक्त सामग्रीहरूको मूल्य करिब एक लाख अमेरिकी डलर बराबरको हुनेछ। फेसबुकमा उनले लेखेका छन्, “यो कठिन समय हामी सबै मिलेर पार गरौँ। एक–अर्कालाई सहयोग गरौँ, साथ…
काठमाडौं । जिल्ला प्रहरी परिसर काठमाडौंका प्रहरी उपरीक्षक (एसपी) पवन कुमार भट्टराईलाई परिसरको सूचना अधिकारी नियुक्त गरिएको छ। परिसरका कार्य, गतिविधि र कारबाहीका यथार्थ तथा तथ्यगत सूचनाहरू सञ्चार माध्यममा सम्प्रेषण गर्न सहजता होस् भन्ने उद्देश्यले प्रहरी उपरीक्षक भट्टराईलाई सूचना अधिकारीको जिम्मेवारी तोकिएको हो। उनको सम्पर्क नम्बर ९८५११२६९८३ र इमेल ठेगाना kathmandu_spokesperson@nepalpolice.gov.np रहेको परिसरले जनाएको छ।
काठमाडाैं । डोटी जिल्लाको शिखर नगरपालिका–८ तिलतालीमा एक प्रहरी जवान मृत अवस्थामा फेला परेका छन्। जिल्ला प्रहरी कार्यालय डोटीका अनुसार शिखर नगरपालिका–८ तिलतालीका २८ वर्षीय शंकर बलायर सडकमा घोप्टो परेको अवस्थामा मृत भेटिएका हुन्। गोपघाटस्थित डा. के.आई. सिंह राजमार्ग अन्तर्गत सडकमा घोप्टो परेको अवस्थामा शव फेला परेको जिल्ला प्रहरी कार्यालय डोटीले जनाएको छ। प्रहरी निरीक्षक नवराज रावलका अनुसार, मृतक बलायरको टाउकोमा गम्भीर चोट देखिएको छ, जसले घटनालाई शंकास्पद बनाएको छ। शुक्रबार मध्यराति करिब १२ बजे प्रहरीलाई मानिस सडकमा लडेको जानकारी प्राप्त भएपछि प्रहरी चौकी तिलतालीबाट प्रहरी नायब निरीक्षक भुवन सिंह बोहराको नेतृत्वमा ५ जनाको टोली घटनास्थलमा खटिएको थियो। थप अनुसन्धानका…
काठमाडाैं । नेपाल प्रहरीले विशेष अपरेसनमार्फत ६ जना व्यक्तिलाई लागूऔषधसहित नियन्त्रणमा लिएको छ। मकवानपुर हेटौंडा उपमहानगरपालिका-१५ रातोमाटेबाट अवैध लागूऔषध खैरो हेरोइन जस्तो देखिने पदार्थ करिब ११ ग्रामसहित मनहरी गाउँपालिका-३ बस्ने २० वर्षीय रूपेश पौडेल समेत २ जनालाई शुक्रबार साँझ प्रहरीले पक्राउ गरेको छ । जिल्ला प्रहरी कार्यालय मकवानपुर र प्रहरी चौकी रातोमाटेबाट खटिएको प्रहरीले वीरगंजबाट हेटौंडा बजारतर्फ आउँदै गरेको म.प्र.०३-००१ ज ०६७० नम्बरको ईभि गाडीमा सवार उनीहरूलाई उक्त पदार्थ सहित फेला पारी पक्राउ गरेको हो । यसैगरी मकवानपुर, हेटौंडा उपमहानगरपालिका-८ सनोटकोलेनीबाट अवैध लागूऔषध खैरो हेरोइन जस्तो देखिने पदार्थ ३ ग्राम ८ सय ६० मिलिग्राम सहित ३ जनालाई शुक्रबार राति प्रहरीले…
काठमाडौँ । काठमाडौँ लगायत अन्य जिल्लाहरूमा भारी वर्षा भइरहेकाे छ भने यता सरकारले सबै मन्त्रालय अन्तर्गतका जिल्लास्थित कार्यालय प्रमुखहरूलाई आजै अनिवार्य रूपमा कार्यस्थल पुगिसक्न निर्देशन दिएको छ । यस्तै सोही अनुसार सतर्कता अपनाउन, पूर्व तयारी र प्रतिकार्यको काममा जुट्नका लागि पनि प्रधानमन्त्री तथा मन्त्रिपरिषद्को कार्यालयले निर्देशन दिएको छ । सोहीअनुसार संघीय मामिला तथा सामान्य प्रशासन मन्त्रालयले पनि सबै जिल्ला समन्वय अधिकारी तथा स्थानीय तहका प्रमुख प्रशासकीय अधिकृतहरूलाई निर्देशन कार्यान्वयन हुने व्यवस्था गर्न पत्राचार गरेको सूचनामा उल्लेख छ ।
गणेश विक, काठमाडौं । नेपाल प्रहरीमा उच्च तहको संगठनात्मक संरचना फेरबदल भएसँगै चारवटा प्रहरी नायब महानिरीक्षक (डीआईजी) का पद रिक्त भएका छन्। गृह मन्त्रालय अन्तर्गतको बढुवा समितिको निर्णयअनुसार हालै प्रहरी अतिरिक्त महानिरीक्षक (एआईजी) पदमा चार जना डीआईजीहरूको बढुवा भएपछि यो स्थिति सिर्जना भएको हो। असोज १२ गते बढुवा भएर एआईजी बनेका अधिकारीहरूमा सुशीलकुमार राठौर, उमाप्रसाद चतुर्वेदी, हिमालयकुमार श्रेष्ठ र डम्बर विक रहेका छन्। उनीहरूको बढुवा पश्चात रिक्त बनेका डीआईजी पदहरूमा नियुक्तिको प्रक्रिया प्रारम्भ हुने क्रममा रहेको छ। यसका लागि हाल वरिष्ठ प्रहरी उपरीक्षक (एसएसपी) हरूबीच बढुवा प्रतिस्पर्धा तीव्र देखिएको छ। विश्व अधिकारी वरिष्ठतामा पहिलो स्थानमा छन् भने भूपेन्द्र खत्री दोस्रो…
भोजपुर । कृषकले उत्पादित जडीबुटीको उचित मूल्य नपाएको गुनासो गरेका छन् । पकेट क्षेत्रमा विभिन्न जातका बहुमूल्य जडीबुटी उत्पादन भए पनि बजार मूल्य नपाएको किसानको गुनासो छ । स्थानीयस्तरमा जडीबुटीको बजार मूल्यबारे ज्ञान नहुने र सरकारले समेत मूल्य नतोक्ने हुँदा विचौलियाले त्यसको लाभ लिइरहेको अधिकांशको भनाइ छ । स्थानीय जडीबुटी कृषक निमा शेर्पाले चिराइतो, सतुवा, अलैँचीलगायतको व्यावसायिक खेती गरिए पनि मूल्यका लागि विचौलियाकै भर पर्नुपर्दा घाटा भइरहेको सुनाए । जिल्लाको माथिल्लो भेगका किसानले चिराइतो, सतुवा, सेतक चिनी, शक्ति गुम्बा, पदम चाल, वन मुला, वन लसुन, टिमुर, किम्बु, भुत्केस, बुढो ओखती, लोड सल्ला, विखुम्बालगायत जडीबुटीको खेती गर्दै आएका छन् । चिराइतोको…
काठमाडौँ । राष्ट्रिय मानवअधिकार आयोगले ललितपुरस्थित आफ्नो केन्द्रीय कार्यालयसहित देशका ११ वटै कार्यालयमा दसैँ बिदामा पनि उजुरी दर्ता र आकस्मिक घटनामा अनुगमनलाई निरन्तरता दिएको छ । आजसम्म जनकपुर प्रादेशिक कार्यालयमा मानव अधिकार उल्लङ्घन भएको एउटा घटनाको उजुरी प्राप्त भएको र त्यसको तत्काल सोही कार्यालयबाट अनुगमन गरिएको आयोगका प्रवक्ता टीकाराम पोखरेलले जानकारी दिए । सार्वजनिक बिदा तथा चाडपर्वका बेला सर्वसाधारणको आवतजावतमा कठिनाइ हुने, अपराधका घटनामा वृद्धि हुने, महँगी तथा कालोबजारी बढ्ने, सार्वजनिक सेवा प्रवाह र सहज आपूर्तिमा अवरोध सिर्जना हुननदिन सरकारको ध्यानाकर्षण गराएको छ ।
काठमाडौँ । बडादसैँको दोस्रो दिन आज काठमाडौँ उपत्यकालगायत देशका अधिकांश भागमा मान्यजनबाट टीका थाप्ने तथा आशीर्वाद लिने क्रम जारी छ । देशका विभिन्न भागमा अवस्थित सहरमा निजी सवारी साधनमा टीका थाप्न हिँडेका सबै वयका मानिसको सङ्ख्या क्रमशः बढ्दै गएको छ भने सार्वजनिक यातायातका साधन पनि भरिभारउ छन् । कहीँ सार्वजनिक यातायातको लामो प्रतीक्षा गर्नुपरेको गुनासो पनि टीका थाप्न जानेहरूले गरेका छन् । काठमाडौँ उपत्यकाका सडकमा पनि सार्वजनिक सवारी साधन फाट्टफुट्ट चलेका छन् भने मुख्यचोकमा निजी सवारी साधनको पनि ताँती लागेको छ ।