Author: Scoop Khabar

सुर्खेत । नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय सुर्खेतको प्रमुखको रूपमा प्रहरी उपरीक्षक (एसपी) मुकुन्द रिजालले सोमबार औपचारिक रूपमा कार्यभार सम्हालेका छन्। केही दिनअघि मात्र सरुवा भई सुर्खेत आएका एसपी रिजालले कार्यालयमा उपस्थित भई जिम्मेवारी सम्हालेसँगै मातहतका ट्राफिक प्रहरी कर्मचारीलाई स्पष्ट निर्देशन दिएका छन्। उनले ट्राफिक व्यवस्थापनलाई थप प्रभावकारी बनाउने, सवारी दुर्घटना न्यूनीकरण गर्ने र राजमार्गमा सुरक्षित यात्राको वातावरण सिर्जना गर्न विशेष जोड दिनुपर्ने बताएका छन्। एसपी रिजालले ट्राफिक प्रहरीको आचरण, व्यवहार र व्यवसायिक निष्ठा अत्यन्त महत्वपूर्ण रहेको उल्लेख गर्दै नागरिकमैत्री सेवा प्रवाहलाई प्राथमिकतामा राखेर काम गर्न निर्देशन दिएका छन्। साथै उनले उत्कृष्ट काम गर्ने ट्राफिक कर्मचारीलाई प्रोत्साहन…

इलाम । नेपाल प्रहरीभित्र अनुशासन, व्यावसायिक दक्षता र परिणाममुखी कार्यशैलीका लागि परिचित प्रहरी अधिकृत प्रहरी उपरीक्षक (एसपी) कुलदीप चन्दले इलाम जिल्ला प्रहरी कार्यालयको कमान्ड सम्हालेका छन्। सोमबार इलाम पुगेका एसपी चन्दले जिल्ला प्रहरी कार्यालय इलाममा आयोजित संक्षिप्त कार्यक्रममा प्रहरी नायव उपरीक्षक लक्ष्मी भण्डारीसँग कार्यालयको सम्पूर्ण कार्यभार औपचारिक रूपमा बुझेका हुन्। पदभार ग्रहणपछि एसपी चन्दले मातहतका सम्पूर्ण प्रहरी कर्मचारीलाई निर्देशन दिँदै शान्ति–सुरक्षा सुदृढीकरण, अपराध नियन्त्रण, नागरिकमैत्री प्रहरी सेवा तथा कानुनको निष्पक्ष कार्यान्वयनमा प्रतिबद्ध भएर काम गर्न आग्रह गरे। उनले प्रहरी संगठनभित्र अनुशासन, पारदर्शिता र व्यावसायिक क्षमताको उच्चतम प्रयोगमार्फत जनताको भरोसा जित्ने गरी काम गर्ने प्रतिवद्धता व्यक्त गरेका छन्। इलाम जिल्लाको सुरक्षा…

शेखर छत्कुलीवीरगन्ज १२ माघफागुन २१ गते हुन गईरहेको प्रतिनिधि सभाको निर्वाचनमा पर्सा जिल्लाको निर्वाचन क्षेत्र नम्बर १ बाट प्रदिप यादव लगायत १८ जना विभिन्न पार्टीका तर्फबाट आफ्नो उम्मेदवारी दर्ता गराएका छन् १२ जना स्वतन्त्र बाट १२ जना गरी जम्मा ३० जनाले उम्मेदवारी दिएका छन्। पर्सा जिल्लामा एमाले बाट प्रदिप यादव कांग्रेसबाट अनिल रुगँटा रास्वपाबाट हरी पन्त राप्रपाबाट नन्दु श्रीवास्तव जसपा नेपाल पार्टीको तर्फबाट राम नरेश यादव जनमत पार्टीका ओम प्रकाश सराफले आफ्नो उम्मेदवारी दर्ता गराएका छन्।नेकपा एमालेका उम्मेदवार प्रदीप यादवले संकटका बेला जनताको साथमा उभिने नेतृत्वलाई नै अबको चुनावमा मतदाताले छान्नुपर्ने समय आएको बताएका छन् । चुनावी प्रचार–प्रसार, घरदैलो अभियान…

चितवन । नेपाली काँग्रेस चितवन क्षेत्र नम्बर–२ की उम्मेदवार मिना खरेलले औपचारिक रूपमा आफ्नो चुनावी अभियान सुरु गरेकी छन्। भरतपुर महानगरपालिका–लन्कुस्थित आफ्नै निवासबाट सुरु भएको अभियानको अवसरमा विभिन्न राजनीतिक दल तथा समुदायमा आबद्ध महिलाहरूले उनको घरमै पुगेर भव्य स्वागत गरेका छन्। स्वागत कार्यक्रममा जिल्ला, प्रदेश, क्षेत्र, वडा र टोल तहसम्मका महिलाहरूको उत्साहजनक सहभागिता रहेको थियो। उपस्थित महिलाहरूले खरेललाई आशिर्वाद दिँदै आगामी निर्वाचनमा विजयको शुभकामना व्यक्त गरेका थिए। चितवन क्षेत्र नम्बर–२ का प्रायः सबै भू–भागबाट महिलाहरूको उल्लेख्य उपस्थिति रहेको कार्यक्रममा माहोल निकै उत्साहपूर्ण देखिन्थ्यो। कार्यक्रमलाई सम्बोधन गर्दै उम्मेदवार खरेलले आफ्नै निवासमा महिला दिदीबहिनी तथा अभिभावकहरूबाट पाएको आशिर्वादले आफूलाई भावुक र उत्साहित…

सर्लाही । नेपाली कांग्रेसका सभापति गगनकुमार थापाले आजदेखि सर्लाही निर्वाचन क्षेत्र नम्बर–४ बाट औपचारिक रूपमा चुनावी प्रचार सुरू गरेका छन् । एक भिडियो सन्देशमार्फत् उनले काठमाडौं–४ को माया, भरोसा र शुभेच्छा बोकेर सर्लाही आएको उल्लेख गरेका छन् । मधेश र पहाडबीचको दूरी घटाउँदै देशलाई जोड्ने उद्देश्यका साथ आफू मधेश आएको बताउँदै थापाले काठमाडौंका कथाहरू मधेशमा सुनाउन र मधेशका पीडा, कथा तथा व्यथाहरू बुझेर काठमाडौं लैजान चाहेको स्पष्ट पारे । ‘म सबैको सम्मान रहँदा मात्रै नेपालीको सम्मान रहन्छ भन्ने विश्वास राख्छु । म उत्तेजनाको राजनीतिमा विश्वास गर्दिनँ, तर अधिकारबिनाको एकतामा पनि मेरो विश्वास छैन,’ थापाले सन्देशमा भनेका छन् । पहिलो संविधानसभा…

सुर्खेत । कर्णाली प्रदेश प्रहरी कार्यालय, सुर्खेतको जिम्मेवारी सम्हाल्दै प्रदेश प्रहरी प्रमुख प्रहरी नायव महानिरीक्षक (डिआइजी) जयराज सापकोटाले औपचारिक रूपमा पदभार ग्रहण गरेका छन्। नेपाल सरकार, गृह मन्त्रालय (माननीय मन्त्रीस्तर) को निर्णयअनुसार नेपाल प्रहरी प्रधान कार्यालय, मानवश्रोत विकास विभाग, कर्मचारी प्रशासन शाखा नक्साल, काठमाडौँको च.नं. ४८६० मिति २०८२/१०/०४ गतेको पत्रादेशबाट कर्णाली प्रदेश प्रहरी कार्यालयमा सरुवा भई आएका डिआइजी सापकोटाको सोमबार एक कार्यक्रमका बीच स्वागत तथा पदभार ग्रहण कार्यक्रम सम्पन्न भएको हो। कार्यक्रममा कर्णाली प्रदेश प्रहरी कार्यालयका प्रमुख वरिष्ठ उपरीक्षक राम प्रकाश शाह, प्रहरी उपरीक्षकहरू, प्रहरी नायव उपरीक्षकहरू, प्रहरी निरीक्षकहरू, जुनियर प्रहरी अधिकृत तथा जवानहरूको उपस्थिति रहेको थियो। कार्यालयमा उपस्थित सम्पूर्ण…

रूपन्देही । लुम्बिनी प्रदेश प्रहरी कार्यालयका प्रमुख प्रहरी नायब महानिरीक्षक (डीआईजी) भूपेन्द्र बहादुर खत्रीले सीमाक्षेत्रमा हुने चोरी, तस्करी तथा अन्य आपराधिक गतिविधि कडाइका साथ नियन्त्रण गर्न निर्देशन दिएका छन्। जिल्ला प्रहरी कार्यालय रूपन्देहीको निरीक्षण तथा निर्देशन कार्यक्रमका क्रममा डीआईजी खत्रीले खुल्ला सीमाको संवेदनशीलतालाई मध्यनजर गर्दै उच्च सतर्कता अपनाउन प्रहरी कर्मचारीलाई निर्देशन दिएका हुन्। उनले सीमाक्षेत्रलाई अपराधमुक्त बनाउने विषयमा कुनै सम्झौता नहुने स्पष्ट पारे। डीआईजी खत्रीले देशको बदलिँदो सुरक्षा चुनौती र वर्तमान परिस्थितिलाई ध्यानमा राख्दै इमान्दार, अनुशासित र जिम्मेवार ढंगले प्रहरी सेवामा समर्पित हुन निर्देशन दिए। साथै उनले सीमा नाकाहरूमा गस्ती, निगरानी र सूचनाको आदान–प्रदानलाई प्रभावकारी बनाउँदै अपराध नियन्त्रणमा सक्रिय भूमिका…

(केपी यादव)पर्सा निर्वाचन क्षेत्र नम्बर–२ बाट प्रतिनिधिसभा सदस्य पदका लागि राष्ट्रिय स्वतन्त्र पार्टी (रास्वपा) का उम्मेदवार सुशील कुमार कानुले वीरगञ्ज–२४ बहुवरीमा स्थानीय युवाहरूसँग भेटघाट तथा छलफल गरेका छन् । छलफलका क्रममा युवाहरूले रास्वपासँग स्वतःस्फूर्त रूपमा जोडिँदै चुनावी अभियानमा सक्रिय भूमिका निर्वाह गर्ने बताएका छन् । उनीहरूले आगामी निर्वाचनमा घण्टी छापलाई जिताउन जनमत निर्माण गर्ने प्रतिबद्धता व्यक्त गरेका हुन् । कार्यक्रममा बोल्दै उम्मेदवार कानुले युवाहरूको बढ्दो समर्थनले परिवर्तनको आशा देखिएको बताए । “निराश राजनीतिबाट बाहिर निस्कन युवाहरू रास्वपासँग जोडिएका छन्,” उनले भने, “हामी मिलेर नयाँ राजनीतिक संस्कार स्थापना गर्नेछौँ ।” स्थानीय युवा विकाश कुशवाहले रास्वपाले मात्रै वास्तविक परिवर्तन ल्याउने विश्वास व्यक्त…

कृष्ण यादव (वीरगन्ज) — नेकपा एमालेका नेता प्रदीप यादवले समृद्ध नेपाल र सुखी नेपालीको सपना साकार पार्न सूर्य चिन्हमा मतदान गर्न मतदातासँग अपिल गरेका छन्। आफनो क्षेत्रको मतदाता संगको घरदैलो तथा भेटघाट कार्यक्रममा बोल्दै पुर्व मन्त्री समेत रहेका नेता यादवले जेनजीको माग र भावनालाई कदर गर्दै विकास, रोजगारी र स्थायित्वका लागि नेकपा एमालेलाई समर्थन गर्न आग्रह गरे। उनले जनताको मतले देशलाई सही दिशामा लैजाने विश्वास व्यक्त गरे। प्रतिनिधिसभा उम्मेदवार यादवले पर्सा–१ मा एमालेको संगठनात्मक शक्ति, जनसमर्थन र कार्यकर्ता एकताका कारण निर्णायक जित सुनिश्चित रहेको बताए। उनले पर्सा–१ मा एमालेप्रति जनआकर्षण बढ्दो क्रममा रहेको उल्लेख गर्दै पार्टीभित्रको एकता नै आफ्नो जितको…

काठमाडौं । प्रेस काउन्सिल नेपालले स्कुपखबर डटकममा प्रकाशित समाचारप्रति ध्यानाकर्षण जनाउँदै खण्डन तथा स्पष्टीकरण छाप्न निर्देशन दिएपछि सम्बन्धित समाचारको खण्डन प्रकाशित गरिएको छ। प्रेस काउन्सिल नेपालले २०८२ माघ ४ गते स्कुपखबर डटकममा प्रकाशित ‘नाम नलिइएको स्टाट्समा पनि आक्रोश : पत्रकार विकलाई प्रहरी खेलाडीको धम्की’ शीर्षकको समाचारप्रति उजुरी परेको जनाउँदै उक्त सामग्री पत्रकार आचारसंहिता विपरीत भएको ठहर गरेको थियो। काउन्सिलले समाचारमा उल्लेखित आरोप पुष्टि हुने पर्याप्त आधार, प्रमाण र सम्बन्धित पक्षको प्रतिक्रिया समावेश नगरी एकपक्षीय रूपमा समाचार सम्प्रेषण गरिएको भन्दै खण्डन तथा स्पष्टीकरण प्रकाशित गर्न निर्देशन दिएको हो। काउन्सिलको पत्रअनुसार समाचारमा प्रहरी संगठन तथा व्यक्तिविशेषप्रति धम्की दिएको, सामाजिक सञ्जालमार्फत डर त्रास…