Author: Scoop Khabar
बारा । बाराका प्रिन्सिपल रूपेश सर्राफको हत्यामा संलग्नलाई प्रहरीले आज सार्वजनिक गर्दैछ । जिल्लाको कलैया उपमहानगरपालिका- ६ मदरसा टोल बाल एकता स्कुलका प्रिन्सिपल सर्राफको हत्यामा संलग्नलाई दिउँसो १ बजे सार्वजनिक गर्न लागिएको हो । जिल्ला प्रहरी कार्यालय बाराका अनुसार हत्यामा संलग्न भएको आशंकामा अहिलेसम्म १० जनालाई पक्राउ गरी सोधपुछ गरिएको छ । सोधपुछका क्रममा संलग्नता पुष्टि भएकाहरूलाई बारा प्रहरीले आज दिउँसो पत्रकार सम्मेलन गरी सार्वजनिक गर्न लागेको हो । सरार्फसँग प्रेम सम्बन्ध रहेको भनिएकी एक युवतीलाई पनि हिरासतमा लिइएको छ। गत सोमबार दुईवटा मोटरसाइकलमा आएका चार जनाको समूहले ३९ वर्षीय प्रिन्सिपल स्वर्णकारमाथि गोली प्रहार गरी हत्या गरेका थिए ।
काठमाडौं । गत शनिबार ९ जना कलाकार जुवाखालबाट पक्राउ परेको खुलेको छ । उनीहरूलाई थुनामा राखी प्रहरीले मुद्दा प्रक्रिया अघि बढाएको छ । मैतिदेवीको एक डान्सबारमा जुवा खेलिरहेको अवस्था प्रहरी वृत्त अनामनगरले सञ्चालक गजित बिष्टसहितलाई पक्राउ गरेको हो । बिष्ट नृत्य निर्देशकका साथै कलाकार पनि हुन् । उनले नै जुवा खेलाएको प्रहरी स्रोत बताउँछ । जुवाखालबाट पक्राउ पर्नेहरुमा शंकर आचार्य, इकु सुलेमान (सुलेमान शंकर), नरेन्द्र बिष्ट, रोशन सिंह, चक्र बम, साहिन मगर, सुरेन्द्र पाल र घनश्याम अधिकारी छन् । खालबाट प्रहरीले एक लाखभन्दा धेरै रकम बरामद गरेको छ । त्यहाँ नियमित रूपमा जुवा खेल्ने गरेको सूचनाका आधारमा छापा हानिएको जिल्ला…
काठमाडौं । (नेकपा) एमालेका पोलिटब्यूरो सदस्य एवं पूर्वमन्त्री महेश बस्नेतविरुद्ध प्रहरीमा उजुरी परेको छ । मंगलबार एनआरएनएको कार्यालयमा पत्रकारलाई कुटपिट गरेको आरोपमा उनीविरुद्ध उजुरी परेको हो । जिल्ला प्रहरी परिसर काठमाडौँका एक प्रहरी अधिकृतका अनुसार बेल्जियममा बसेर पत्रकारिता गर्दै आएका ओम शर्माले बस्नेतविरुद्ध प्रहरी वृत्त दरबारमार्गमा उजुरी दिएका हुन् । प्रहरीले घटनाबारे थप अनुसन्धान सुरु गरेको छ ।
काठमाडौ । चितवन प्रहरीले माग गरेबमोजिम रकम नदिए अपहरण र गोली प्रहार गर्ने धम्की दिएको आरोपमा एक जनालाई पक्राउ गरेको छ । चितवन भरतपुर महानगरपालिका–१ बस्ने रामचन्द्र थापालाई प्रहरीले पक्राउ गरेको हो । उनले एनसेल नम्बरबाट पटकपटक फोन गरी ज्यान मार्ने धम्की दिएर २५ लाख माग गरेको आरोपमा प्रहरीले पक्राउ गरि मंगलबार पत्रकार सम्मेलन गरेर सार्वजनिक गरेको हो । हेटौँडा उपमहानगरपालिका-२ घर भई भरतपुर बस्दै आएका थापाले भरतपुर महानगरपालिका–१ पुल्चोकमा औषधि पसल चलाएका सोमराज सुवेदीलाई धम्काउँदै रकम माग गरेको चितवन प्रहरीले जनाएको छ । उनले एनसेलका अपरिचत नम्बरहरुबाट बारम्बार फोन गरी हिन्दी भाषाको प्रयोग गरी सुवेदीलाई धम्क्याएका थिए ।…
काठमाडौं । राष्ट्रियसभाको विधायन व्यवस्थापन समितिले राष्ट्रिय मर्यादाक्रमसम्बन्धी विधेयकको प्रतिवेदन पारित गरेको छ । संसद्को चालु अधिवेशनमै विधेयकको प्रतिवेदन सभामा पेस गर्ने तयारी अनुसार समितिले पारित गरेको हो । दर्ताको ८ महिनापछि विधेयकको दफाबारे छलफल टुङ्गो लागेको हो । समितिको प्रतिवेदनमा संवैधानिक व्यवस्था अनुसार प्रधानन्यायाधीशको मर्यादाक्रम मिलाइएको छ । यसअघि प्रस्तावित विधेयकमा प्रधानन्यायाधीशको मर्यादाक्रम पाँचौँ नम्बरमा थियो । पारित प्रतिवेदनमा चौथो नम्बरमा राखिएको छ । प्रधान न्यायाधीशको हाल सरकारले तोकेको मर्यादाक्रम पनि चौथो स्थानमै छ । यस्तै सर्वोच्चको न्यायाधीशभन्दा अगाडि प्रदेशका सभामुखलाई राखिएको छ । प्रदेश प्रमुख र प्रदेशमा मुख्यमन्त्रीको मर्यादाक्रम पनि प्रस्तावितभन्दा हेरफेर गरिएको छ । प्रदेश प्रमुखलाई हालको…
एजेन्सी । फ्रान्स फुटबलले प्रदान गर्ने बालोन डी’ओर’ अर्जेन्टिनी कप्तान लियोनल मेसीले जितेका छन् । मंगलबार पेरिसमा आयोजित अवार्ड घोषणा समारोहमा मेसी विजेता चुनिएका हुन् । हरेक वर्ष प्रदान गरिने यो अवार्ड वर्षको उत्कृष्ट प्रदर्शन गर्ने खेलाडीलाई दिने गरिएको छ । गत वर्ष कतारमा सम्पन्न फिफा विश्वकपको उपाधि मेसीकै कप्तानीमा अर्जेन्टिनाले जितेको थियो । अर्जेन्टिनालाई ३६ वर्षपछि विश्वकपको उपाधि दिलाउन सफल मेसी प्रतियोगिताको उत्कृष्ट खेलाडी चुनिएका थिए । उनले विश्वकपमा कुल सात गोल गरेका थिए ।
रुपन्देही । रुपन्देहीमा हतियार देखाएर साढे ५ लाख रुपैयाँ लुटिएको छ । भैरहवाबाट बैंकबाट रकम झिकेर रायपुर (मर्चवार) तर्फ जाँदै गरेको अवस्थामा भारतीय नम्बर प्लेटको मोटरसाइकलमा आएका दुई जना अपरिचित व्यक्तिले पेस्तोल देखाएर साढे ५ लाख रुपैयाँ लुटपाट गरेका हुन् । रुपन्देहीको मर्चवारी गाउँपालिका-३ का प्रकाश बरईको साथबाट सम्मरीमाई गाउँपालिका-६ डिहुली र दयानगरको बीचमा सो रकम लुटिएको बताइएको छ । बरई गल्ला व्यापारी रहेको बुझिएको छ । इलाका प्रहरी कार्यालय मर्चवारले घटनाको प्रारम्भिक अनुसन्धान भइरहेको जनाएको छ ।
खोटाङ । बचतकर्ताको रकम घोटाला प्रकरणमा खोटाङको लालुपाते बहुउद्देश्यीय सहकारी संस्थाको सञ्चालक समितिका उपाध्यक्ष अर्जुन चौलागाईंसहित थप पाँचजनालाई प्रहरीले पक्राउ गरेको छ । जिल्लाका चार हजार पाँच सय बचतकर्ताको रकम घोटला प्रकरणमा मुछिएका सञ्चालक समितिका तत्कालीन अध्यक्ष अनिल जोशीका परिवारसहित आठ जनामध्ये तीनजनालाई पक्राउ गरेर अनुसन्धान गरिरहेको प्रहरीले उपाध्यक्ष चौलागाईं, सचिव मनोज राई, कोषाध्यक्ष रमा शाक्य, लेखा समिति संयोजक प्रितम श्रेष्ठ र लेखापाल सुमना राईलाई आइतबार पक्राउ गरेको हो । सहकारीमा भएको आर्थिक अनियमितताका विषयमा प्रहरीले छलफलका लागि कार्यालयमा कार्यालयमा बोलाएर षडयन्त्रपूर्वक सञ्चालक समितिका पदाधिकारीहरुलाई नियन्त्रणमा लिएको सञ्चालक समितिका एक पूर्वसदस्यले आरोप लगाएका छन् । ‘ऋणीहरुविरुद्ध हामीले किटानी जाहेरी दिएका…
काठमाडौं । प्रहरी प्रधान कार्यालय, नक्सालले गैरहाजिर प्रहरी कर्मचारीलाई तत्काल हाजिर हुन निर्देशन दिएको छ । गैरहाजिर हुनुको कारण खुल्ने सन्तोषजनक स्पष्टीकरणसहित सात दिनभित्र उपस्थित हुन निर्देशन दिएको हो । प्रहरी प्रधान कार्यालयले सोमबार एक सूचना जारी गर्दै आफूखुसी कार्यालयमा गैरहाजिर रहेको र खोजतलास गर्दा तथा सूचना टाँस भइसक्दा समेत कार्यालयको सम्पर्कमा नआएका २२ प्रहरी कर्मचारीलाई सात दिनभित्र हाजिर हुन निर्देशन दिएको हो । गैरहाजिर हुनेमा प्रहरी जवानदेखि तथा सहायक निरीक्षकसम्म २२ जना छन् । ‘गैरहाजिर रहनुको कारणसहित सन्तोषजनक स्पष्टीकरण जवाफसहित यस कार्यालय वा सूचना जारी गर्ने कार्यालयमा हाजिर हुन आउनुहोला । अन्यथा तपाईंहरू उपर प्रहरी नियमावली, २०७१ को नियम…
काठमाडौं । जिल्ला प्रहरी परिसर काठमाडौंमा कार्यरत वरिष्ठ हवल्दार नारायणबहादुर कार्कीको निधन भएको छ । शुक्रबार राति डिउटी गरिरहेकै बेला एक्कासी उनी ढलेका थिए । राति नै उपचारका निम्ति उनलाई महाराजगन्जस्थित नेपाल प्रहरी अस्पतालमा लगिएको थियो । तर अस्पतालमा चिकित्सकले मृत घोषित गरे । शनिबार कार्कीको अन्त्येष्टि गरिएको जिल्ला प्रहरी परिसर काठमाडौंले जानकारी गराएको छ । परिसरले एक शोक विज्ञप्ति जारी गर्दै कार्कीको अन्त्येष्टि गरिएको जानकारी दिएको छ । ‘जिल्ला प्रहरी परिसर, काठमाडौंको कार्यक्षेत्रमा महत्त्वपूर्ण योगदान पुर्याउँदै आउनुभएका उहाँ एक इमानदार, कर्तव्यनिष्ठ एंव कुशल प्रहरी कर्मचारी हुनुहुन्थ्यो,’ परिसरको शोक विज्ञप्तिमा उल्लेख छ, ‘उहाँको असामयिक निधनबाट नेपाल प्रहरी संगठनलाई र…