Author: Scoop Khabar
काठमाडौं । नेपाल प्रहरीका अवकाशप्राप्त प्रहरी नायब महानिरीक्षक (डिआईजी) महेशविक्रम शाह भ्रष्टाचार मुद्दामा दोषी ठहर भएका छन् । विशेष अदालतले शाहसहित मध्य क्षेत्रीय प्रहरी तालिम केन्द्र भरतपुर चितवनका तत्कालीन लेखापाल प्रहरी नायब निरीक्षक (सई) दिपेन्द्रप्रसाद पनेरुलाई पनि दोषी ठहर गरेको हो । विशेष अदालतका अध्यक्ष टेक नारायण कुँवर तथा न्यायाधीशहरु तेज नारायण सिंह राई र रितेन्द्र थापाको पुस ११ गते, बुधबारको इजलासले उनीहरुलाई दोषी ठहर गरेको हो । दोषी ठहर भए पनि उनीहरुको हकमा सजाय निर्धाणरण गर्न भने बाँकी छ । जवानको तलब भत्ता हिनामिनामा गरेको भन्दै अख्तियार दुरुपयोग अनुसन्धान आयोगले मध्य क्षेत्रीय प्रहरी तालिम केन्द्र भरतपुर चितवनका…
काठमाडौं । चितवनबाट दुई नेपालीको अपहरण गरेको आरोपमा भारतबाट ६ जना पक्राउ परेका छन् । चितवनको भरतपुरका कृष्ण थापा र रत्ननगरका दीपेन्द्र महत ५ पुसमा अपरहणमा परेका थिए । उनीहरुलाई अपहरण गरेको आरोपमा ६ जना भारतीय नागरिक पक्राउ परेका हुन् । पक्राउ पर्नेमा भारतीय नागरिकहरुमा राम नरेश कुमार, अकबर राइन, नइम अकतर, कौसर अली, सदाब सइम र ईरसाद शेख रहेका छन् । सो दिन थापा र महत मोटरसाइकलमा रौतहटको चन्द्रपुर जाने भनेर हिँडेका थिए । तर पुस ७ गते बेलुका एकाएक थापाले आफ्नो फेसबुक मेसेन्जरमार्फत श्रीमतीलाई कल गरेर आफूहरू अपहरणमा परेको र ६ लाख रुपैयाँ माग भएको भन्दै जानकारी गराएका…
काठमाडौं । प्रहरी वृत्त, स्वयम्भूमा कार्यरत प्रहरी नायव उपरीक्षक (डिएसपी) पूर्णिमा कुमारी चन्द मंसिर महिनाको उत्कृष्ट प्रहरी घोषित भएकी छन् । जिल्ला प्रहरी परिसर काठमाडौंले प्रहरी काम कारबाहीमा प्रभावकारी भूमिका निर्वाह गर्नुका साथै आम नागरिकलाई सुरक्षा प्रत्याभूति दिलाउन उत्कृष्ट कार्य गरेको ठहर गर्दै मंसिर महिनाको ‘पोलिस अफ द मन्थ’ घोषणा गरेको हो । प्रहरी वरिष्ठ उपरीक्षक (एसएसपी) भूपेन्द्र बहादुर खत्रीको हस्ताक्षरमा चन्दलाई प्रदान गरिएको प्रमाणपत्रमा भनिएको छ, ‘नेपाल प्रहरी संगठनले दिएको जिम्मेवारी पूर्णरुपमा लगनशील, कर्तव्यनिष्ठ एव अपराध अनुसन्धान र प्रहरी कारबाहीमा प्रभावकारी भूमिका निर्वाह गर्नुका साथै सर्वसाधारण नागरिकलाई सुरक्षाको अनुभूति गराउने कार्य गरी आम नागरिकका माझ प्रहरी संगठनको गरिमा एवं…
बारा । भारतीय सार्प सुटर सुजितकुमार सिंह पक्राउ परेका छन् । भारतको मोतिहारी दर्पा थाना–१ घर भएका २५ वर्षीय सिंहलाई बाराको बिश्रामपुरबाट पक्राउ गरिएको प्रहरीले जनाएको छ । सार्प सुटरको रुपमा चिनिएका सिंहको समूह नेपाल प्रवेश गरेको भन्ने गोप्य सूचनाको आधारमा उनलाई दुई राउण्ड हवाई फायर गरी नियन्त्रणमा लिइएको जिल्ला प्रहरी कार्यालय बाराका प्रमुख प्रहरी उपरीक्षक (एसपी) सुरेश काफ्लेले जानकारी दिए । ‘नियन्त्रणमा लिने क्रममा सिंहले प्रहरीमाथि नै आक्रमण गरेपछि खुट्टामा गोली प्रहार गरी पक्राउ गरिएको हो,’ एसपी काफ्लेले भने, ‘सिंहको दुवै खुट्टामा गोली लागेको छ । हाल उनको प्रादेशिक अस्पतालमा उपचार भइरहेको छ । सिंह नेपालमा बसेर अपराधीक क्रियाकलाप…
काठमाडौं । नेपाल प्रहरीले गैर हाजिर रहेका २१ प्रहरीलाई सात दिने समयसीमा दिएर सम्पर्कमा आउन निर्देशन दिएको छ । प्रहरी महानिरीक्षकको कार्यालयले बुधबार सूचना जारी गरी एक प्रहरी वरिष्ठ हवल्दार, पाँच सहायक हवल्दार, १३ जवान र दुई कार्यालय सहयोगी एक महिनाभन्दा बढी समयदेखि गैरहाजिर रहेको जानकारी दिएको हो । खोजतलास गर्दा पनि सम्पर्कमा नआएकाले सात दिनभित्र स्पष्टीकरणसहित सम्पर्कमा आउन कार्यालयले निर्देशन दिएको छ । तोकिएको समयभित्र सम्पर्कमा नआए प्रहरी नियमावलीका अनुसार उनीहरूलाई सेवाबाट हटाउने चेतावनी पनि सूचनामा दिइएको छ ।
काठमाडौं । गृह मन्त्रालयले नेपाल प्रहरीका अतिरिक्त महानिरीक्षक (एआईजी) र प्रहरी नायब महानिरीक्षक (डिआईजी)हरूको सरुवा तयारी गरेको बताइएको छ । चार महिनाअघि केही एआईजी सरुवा गरेको गृहले अहिले प्रहरीको केन्द्रीय अनुसन्धान ब्यूरो (सिआईबी) प्रमुखको समेत सरुवा गर्न लागेको हो । हाल सिआईबीको कमाण्ड एआईजी किरण बज्राचार्यले गरिरहेकी छन् । एआईजी बज्राचार्यको ठाउँमा प्रहरी प्रधान कार्यालयमा रहेका सुदीप गिरीलाई पठाउने तयारी गरेको छ । गृहमन्त्री नारायणकाजी श्रेष्ठलाई एआईजी सरुवामा सिआईबीमा गिरीलाई पठाउने गरी प्रस्ताव ल्याउन प्रहरी नेतृत्वलाई निर्देशन दिएको स्रोत बताउँछ । तर, प्रहरी महानिरीक्षक (आईजीपी) बसन्त बहादुर कुँवरले बज्राचार्यको अहिले आठ महिना मात्रै भएकाले कम्तीमा अझै दुई महिना काम गर्न…
डोटी । प्रहरी महानिरीक्षक (आईजीपी) बसन्त बहादुर कुँवरले जिल्ला प्रहरी कार्यालय डोटी परिसरमा नवनिर्मित कार्यालय भवन, कार्यालय प्रमुख निवास, सिनियर प्रहरी अधिकृत आवास, व्यारेक, हिरासत कक्ष तथा मेश भवनहरूको मंगलबार आयोजित एक कार्यक्रमबीच उद्घाटन गरेका छन् । साथै उनले उक्त नवनिर्मित भवनहरूको निरीक्षण समेत गरे । कार्यक्रमको अवसरमा प्रहरी महानिरीक्षक कुँवरले भवन निर्माण कार्यमा सहयोग पुर्याउने विभिन्न महानुभावहरुलाई प्रशंसा-पत्र समेत प्रदान गरे । उक्त अवसरमा आईजीपी कुँवरले समाजमा देखा पर्ने नविनतम चुनौती र त्यसले समग्र समाजको शान्ति सुरक्षामा पार्ने असरका साथै विपदका घटनाबाट उत्पन्न हुन सक्ने प्रतिकुल परिस्थिति र परिणामको अध्ययन, विश्लेषण गरी उपयुक्त सुरक्षा योजना तयार गरी प्रहरी जनशक्ति…
काठमाडौ । सर्लाहीको हरिवन इलाका प्रहरी कार्यालयका प्रहरी निरीक्षक (इन्स्पेक्टर) अनिलराज गिरी जिल्लाकै उत्कृष्ट प्रहरी बनेका छन् । हरिवनकै एक अपराधको अनुसन्धानमा उनी नेतृत्वको टिमले पाएको सफलताको आधारमा उनी मंसिर महिनाको (पुलिस अफ दि मन्थ) बनेका हुन् । जिल्ला प्रहरी कार्यालय मलंगवामा आयोजिक कार्यक्रममा सर्लाहीका प्रहरी प्रमुख प्रहरी उपरीक्षक (एसपी) प्रवीण धितालले इन्सपेक्टर गिरीलाई प्रमाणपत्र र नगदसहित पुरस्कृत गरेका छन् । हरिवन नगरपालिका- ११ बालगंगाकी १७ वर्षीया तबसुन खातुनको शंकास्पद मृत्युमा गिरिले सफल अनुसन्धान गरेर अभियुक्तलाई कानुनको कठघरामा ल्याएका थिए । उक्त अपराधको सफल अनुसन्धान गरेको कारण उनलाई पुरस्कृत गरिएको एसपी धितालले जानकारी दिए । …
दाङ । धरौटीमा छुटेका बलात्कार मुद्दाका आरोपी दाङका युवा वैज्ञानिक मार्सल रोकालाई थुनेर कारबाही गर्न उच्च अदालतको आदेश दिएपछि उनी अदालतसामू आफै आत्मसमपर्ण गरेका छन् । जिल्ला प्रहरी कार्यालय दाङका प्रहरी प्रमुख प्रहरी उपरीक्षक (एसपी) रामबहादुर केसीले मार्सल अदालतमा सिधै आत्मसम्पर्ण गरेको बताए । उच्च अदालतले मार्सललाई पक्राउ गर्न आदेश दिएपछि प्रहरीले धरौटीमा छुटेका उनीविरुद्ध खोजी कार्य तिव्र पारेको थियो । प्रहरीले खोजी गरिरहेकै बेला उनले अदालतमा आफैँ उपस्थित भएर आत्मसमपर्ण गरेको र प्रहरीले अदालतबाट उनलाई कारागार बुझाएको एसपी केसिले बताए । बलात्कार मुद्दामा पीडित महिलाले जिल्लाको आदेशमा चित्त नबुझेपछि उच्च अदालतमा पुनरावेदन गरेकी थिइन् । जिल्ला अदालत घोराहीले मार्सलविरुद्धको…
काठमाडौं । नेपाल प्रहरीमा तीनवटा प्रहरी नायब महानिरीक्षक (डिआईजी)को पद थप्न प्रस्ताव गरिएको छ । प्राविधिकतर्फ तीन वटा डिआईजीको पद थप्न प्रस्ताव गरिएको हो । प्रहरी प्रधान कार्यालय, नक्सालले केन्द्रीय अनुसन्धान ब्युरोमा साइबर हेर्ने गरी विज्ञ डिआईजी, नेपाल प्रहरी केनाइन महाशाखा र केन्द्रीय विधि विज्ञान प्रयोगशालामा डिआईजी राख्नेगरी प्रस्ताव गरेको हो । तर, अर्थ मन्त्रालयले साइबर र केनाईन महाशाखामा मात्र डिआईजी पद थप्न गृह मन्त्रालयलाई सहमति दिएको स्रोत बताउँछ । प्रहरी प्रधान कार्यालयले गरेको प्रस्ताव गृह मन्त्रालयले अर्थमा पठाएको थियो । अर्थ मन्त्रालयले प्राविधिकतर्फ दुई वटा डिआईजीको पद थप्न सहमति दिएको बताइन्छ । ‘अर्थबाट सहमति प्राप्त भएको छ तर, केही…