Author: Scoop Khabar
काठमाडौं । कञ्चनपुरमा एक युवकको शव भेटिएको छ। मृत भेटिनेमा भीमदत्त नगरपालिका–४ का ३५ वर्षीय चन्द्रबहादुर बिष्ट रहेका छन् । बिष्टको शव भीमदत्त नगरपालिका–४ स्थित महाकाली सिँचाइको मूल नहरमा आज (मंगलबार) बिहान भेटिएको प्रहरीले पुष्टि गरेको छ । प्रहरीका अनुसार आइतबार दिउँसो १२ बजेतिर घरबाट निस्किएका बिष्ट हराइरहेका थिए । उनले बोक्ने मोबाइल ‘स्विच अफ’ थियो । उनी फेला नपरेपछि परिवारले खोजबिनका लागि प्रहरीमा उजुरी दिएको थियो । उनको हुलिया सार्वजनिक गरेर भारततर्फ गएको आशंकामा गड्डाचौकी नाकाको सीसीटीभी हेरिएको थियो । तर,पनि उनी फेला परेका थिएनन् । खोजी गर्ने क्रममा आज विष्टको शव महाकाली सिँचाइको मूल नहरमा बोराभित्र भेटिएको हो…
काठमाडौं । सर्लाहीको कौडेनामा स्कारपियो गाडीले ठक्कर दिँदा मोटरसाइकलमा सवार दुई युवकको मृत्यु भएको छ । जिल्ला प्रहरी कार्यालय सर्लाहीका प्रहरी नायव उपरीक्षक (डीएसपी) दीपेन्द्र पञ्जियारका अनुसार गएराति सवा नौ बजे हुलाकी राजमार्गमा पर्ने कौडेना गाउँपालिका–३ मा भारतीय स्कारपियोले भारतीय मोटरसाइकललाई ठक्कर दिँदा दुई नेपाली युवकको मृत्यु भएको हो । ‘घटनामा रौतहटको माधवनारायण नगरपालिका–६ का २३ वर्षीय शियानन्दन महतो र सोही ठाउँका १९ वर्षीय अजय महतोको मृत्यु भएको छ,’ डीएसपी पञ्जियारले भने, ‘दुर्घटनामा गम्भीर घाइते भएका उनीहरुलाई उपचारका लागि प्रादेशिक अस्पताल मलंगवा ल्याउँदा चिकित्सकले मृत घोषणा गरेका हुन् ।’ उनीहरु भारतीय नम्बर प्लेटको बीआर ०६ सी वाइ ५०८६ नम्बरको मोटरसाइकलमा…
काठमाडौं । आफ्नै जर्जियन सहकर्मीको छुरा प्रहारबाट पोल्याण्डमा एकजना नेपाली युवकको मृत्यु भएको छ । मृतक साकेला-१, खोटाङका २९ वर्षीय राजेश दाहाल हुन् । एउटै कम्पनीमा काम गर्ने ३५ वर्षीय जर्जियन नागरिकले दाहाललाई सँगै बस्ने होस्टलमा शनिबार राति ११ बजे छुरा प्रहार गरेका थिए । उनको घटनास्थलमै मृत्यु भएको हो । मदिराले मातेका जर्जियन नागरिकले सामान्य विवादमा छुरा हानेको खुलेको छ । राति ११ बजे छुरा प्रहारबाट ढलेका दाहालको शव प्रहरीको टोलीले आफ्नो प्रकृया पूरा गरी बिहान ४ बजे लिएर गएको दाहालसँगै काम गर्ने एक नेपालीलाई उदृत गर्दै एनआरएनए पोल्याण्डका सचिव उदयराज गिरीले जानकारी दिए । हत्यामा संलग्नसहित सहयोग गर्ने…
काठमाडौं । झापामा लागूऔषध ब्राउन सुगरसहित दुई जोडी पक्राउ परेका छन् । उनीहरूलाई प्रहरीले मेची पुलबाट पक्राउ गरेको हो । आइतबार साँझ ७ बजेको समयमा मेचीनगर- ६ स्थित पुरानो मेची पुलमा लागूऔषध नियन्त्रण ब्युरो र इलाका प्रहरी कार्यालय काँकडभिट्टाबाट खटिएको संयुक्त प्रहरी टोलीले एक जोडीलाई पक्राउ गरेको हो । भारतबाट नेपालतर्फ पैदल आउँदै गरेका दमक- २ सुनखरीका ३३ वर्षीय प्रवीण तामाङ र सोही ठाउँका ४५ वर्षीया कमला तामाङलाई नियन्त्रणमा लिएर चेकजाँच गरेका थिए । उनीहरूको शरीर तलासी लिँदा कपडामा लुकाइछिपाई ल्याउँदै गरेको ९ ग्राम ५०० मिलिग्राम ब्राउन सुगर फेला परेको थियो । त्यस्तै आइतबार राती ८ः४५ बजेको समयमा मेची पुलमा…
काठमाडौं । झापामा विभिन्न मुद्दाका तीन जना फरार प्रतिवादी पक्राउ परेका छन् । जिल्ला प्रहरी कार्यालय झापाबाट खटिएको प्रहरी टोली र मातहत कार्यालयबाट खटिएको टोलीले तीन जनालाई पक्राउ गरेको हो । पक्राउ पर्नेमा झापा गाउँपालिका- १ बस्ने ५६ वर्षीय हेमरम सतार, मेचीनगर नगरपालिका- ७ बस्ने २५ वर्षीय राज किसान र कनकाई नगरपालिका- ६ बस्ने ३४ वर्षीय दिनेश खवास रहेका छन् । सतारमाथि २०७९ चैत १९ गते चोरी मुद्दामा १ वर्ष कैद र पीडित राहत कोषमा २ सय रुपैयाँ जम्मगर्नुपर्ने फैसला भएको थियो । सो फैसलालगत्तै उनी फरार रहेका थिए । त्यस्तै किसानमाथि २०८० जेठ ९ गते चोरी मुद्दामा ६ महिना…
काठमाडौं । सेन्चुरी कमर्सियल बैंकका सिईओ मनोज न्यौपाने पक्राउ परेका छन् । नेपाल राष्ट्र बैंकको जाहेरीमा केन्द्रीय अनुसन्धान ब्यूरो सिआईबीले न्यौपानेलाई पक्राउ गरेको हो । उनी पक्राउ परेको सिआईबीका ब्यूरो प्रमुख एआईजी किरण बज्राचार्यले जानकारी दिइन् । न्यौपानेले ऋण प्रवाहमा अनियमितता गरेको आरोप लागेको छ ।
काठमाडौं । बाराको निजगढमा शंकास्पद वस्तु विस्फोटमा परी मृत्यु हुनेको संख्या तीन पुगेको छ । त्यस्तै तीन जना घाइतको उपचार भइरहेको छ । निजगढ नगरपालिका-७ मा रेशम मगरले सञ्चालन गरेको रोहित वर्कसपमा ग्याँस वेल्डिङ गर्ने क्रममा सोमबार मध्याह्न विस्फोट भएको थियो । विस्फोटमा परी घाइते भएका वीरगञ्ज -९ का रितु रजतको बयोधा अस्पतालमा उपचारका क्रममा मंगलबार बिहान निधन भएको थियो । त्यस्तै वर्कसप सञ्चालक ४५ वर्षका रेशम, भारतका राकेश जैसवालको बयोधा अस्पतालमा उपचारका क्रममै सोमबार मृत्यु भएको प्रहरीले जनाएको छ । प्रहरीका अनुसार तीन जना घाइतेको उपचार भइरहेको छ । निजगढ का सूर्यबहादुर थापाको सामुदायिक प्रसूति गृह अस्पतालमा उपचार भइरहेको…
काठमाडौं । नेपाल प्रहरी प्रधान कार्यालयले प्रहरीको कल्याण कोष विरुद्धको विषयमा भ्रम फैलाउन खोजिएको भन्दै गम्भीर ध्यानाकर्षण भएको जनाएको छ । प्रहरी प्रधान कार्यालयले सोमबार साँझ एक विज्ञप्ति जारी गर्दै प्रहरी संगठनको छविमा नकारात्मक सन्देश प्रवाह हुने गरी बिषयमा समाचार सम्प्रेषण हुनु दुःखद भएको बताएको छ । प्रहरीको प्रचलित कानूनी श्रोतबाट प्राप्त कल्याण कोषमा रहेको रकमको परिचालन तथा लगानीको विषयलाई लिएर नेपाल पूर्वप्रहरी संगठनबाट प्रेषित विज्ञप्ति तथा केही अनलाइनहरुमा सम्प्रेषित समाचारमा प्रधान कार्यालयले आपत्ति जनाएको हो । पछिल्लो समय कोषको रकम, लगानीको विषयबारे प्रश्न उठाउँदै विभिन्न समाचार सार्वजनिक भएका छन् । तर, कोषको सम्पूर्ण आर्थिक गतिविधि आन्तरिक लेखा परीक्षण तथा…
काठमाडौं । उपप्रधान तथा गृहमन्त्री नारायणकाजी श्रेष्ठले संसद् परिसरमा बाहिरबाट आन्दोलनकारीहरु प्रवेश गरेर प्रदर्शन गरेको घटनाबारे छलफल गर्न दुवै प्रहरी प्रमुखदेखि काठमाडौंका सुरक्षा अधिकारीलाई मन्त्रालयमा बोलाएका छन् । प्रहरीका महानरीक्षक बसन्त कुँवर, सशस्त्र प्रहरी महानिरीक्षक राजु अर्यालय, काठमाडौं जिल्ला प्रहरी प्रमुख भूपेन्द्र खत्री, काठमाडौंका प्रमुख जिल्ला अधिकारी जितेन्द्र बस्नेत र गृह मन्त्रालयको शान्ति सुरक्षा महाशाखा प्रमुख लगायतलाई छलफलमा बोलाइएको बताइएको छ । उनीहरुलाई मन्त्री श्रेष्ठले गम्भीर कमजोरी भएको भन्दै प्रश्न गरेको बताइएको छ । यो घटनाबारे छानबिन गर्ने प्रहरी प्रधान कार्यालयले उपत्यका प्रहरी कार्यालयका प्रहरी बरिष्ठ उपरीक्षक दिनेश मैनालीको नेतृत्वमा तीन सदस्यीय छानबिन समिति बनाइसकेको छ । समितिमा जिल्ला प्रहरी…
काठमाडौं । सोमबार नयाँ बानेश्वरस्थित संसद् भवनमा आन्दोलनकारी प्रवेश गरेको घटनामा प्रहरी प्रधान कार्यालयले केही प्रहरी कर्मचारीहरुलाई जिम्मेवारीबाट हटाएको छ । झन्डै दुई दर्जन हाराहारीमा प्रहरी कर्मचारीलाई जिम्मेवारीबाट हटाएको हा । प्रहरी प्रधान कार्यालय उच्च स्रोतका अनुसार नयाँ बानेश्वरस्थित संसद् भवनको सुरक्षामा खटिएका प्रहरी विशेष कार्यदलका इन्स्पेक्टरसहित ३२ जनाको जिम्मेवारी खोसिएको हो । उनीहरूलाई संसद् भवनको सुरक्षा जिम्मेवारीबाट हटाएर कपनस्थित कार्यदलको कार्यालयमा पठाइएको हो । जबकी उनीहरुको अवधि पनि पुगेको थियो । ‘अहिले यो घटना पनि हुन पुग्यो । त्यसैले प्रहरी कर्मचारीलाई फिर्ता बोलाएर नयाँ पठाउने निर्णय भएको छ’, प्रहरी प्रधान कार्यालयले जनाएको छ । आज दिउँसो लघुवित्त पीडित आन्दोलनकारीहरू…