Author: Scoop Khabar
काठमाडौं । प्राविधिक सशस्त्र प्रहरी नायव उपरीक्षक डा नेत्र बहादुर कार्कीलाई सरकारले कारबाहीको तयारी गरेको छ ।गत चैत १४ गतेदेखि बिना जानकारी सम्पर्कबिहीन भएका उनलाई गृह मन्त्रालयले कारबाहीको तयारी गरेको हो । एपीएफ अस्पताल, बलम्बु काठमाडौंमा दरबन्दी भएका कार्की बिदा स्वीकृत नगराई बिना सूचना लामो समयसम्म अनुपस्थित रहेर जिम्मेवारी एवं आचरण विपरितको कार्य गरेको देखिएको हुँदा उनलाई सशस्त्र प्रहरी नियमावलीअनुसार भविष्यमा सरकारी सेवाको निमित्त अयोग्य नठहरिने गरी सेवाबाट हटाउने तयारी भएको हो । यदि विभागीय सजाय गर्नु नपर्ने कुनै मनासिव कारण भए बाटोको म्याद ७ दिनभित्र सफाई पेश गर्न मन्त्रालयले निर्देशन पनि दिएको छ । उनको घर स्याङ्गजाको विरूवा गाउँपालिका…
काठमाडौं । स्रोत नखुलेको ७२ लाख नगदसहित दुई जनालाई प्रहरीले पक्राउ गरेको छ । पक्राउ पर्नेमा भोजपुर पौवा डुग्मा गाउँपालिका घर भई न्युरोड बस्ने ५० वर्षीय भिमसेन विश्वकर्मा र १९ वर्षीय खेमराज विश्वकर्मा रहेका छन् । उनीहरुलाई काठमाडौं महानगरपालिका-९ स्थित लुम्बिनी खाजा घर तथा गेष्ट हाउसबाट पक्राउ गरिएको जिल्ला प्रहरी परिसर काठमाडौंले जनाएको छ । हुण्डी कारोबार गरिरहेको भन्ने सूचनाको आधारमा प्रहरीको टोली खटिएको थियो । उनीहरूबाट प्रहरीले ७२ लाख स्रोत नखुलेको रकम बरामद गरेको हो ।
काभ्रे । उपप्रधानमन्त्री एवम् गृहमन्त्री रवि लामिछानेले काभ्रेको पनौतीमा निर्माणाधिन राष्ट्रिय प्रहरी प्रशिक्षण प्रतिष्ठानको भवन एवम् संरचनाहरूमा देखिएका समस्या समाधान एवम् चुनौतिको सामना गर्न नेपाल सरकार प्रतिवद्ध रहेको बताएका छन् । भारत सरकारको अनुदान सहयोगमा काभ्रेको पनौती न.पा.-६ दलिन्चोकमा राष्ट्रिय प्रहरी प्रशिक्षण प्रतिष्ठानको निर्माणाधिन भवन तथा संरचनाहरूको आइतबार अनुगमन तथा निरीक्षण भ्रमणको क्रममा गृहमन्त्री लामिछानेले उक्त कुरा बताएका हुन् । सो क्रममा उनले समयमै निर्माण कार्य सम्पन्न गर्न निर्माणमा संलग्न सबै सरोकारवालाहरूसँग समन्वयको आवश्यकतामा जोड दिए । नेपालका लागि भारतीय राजदूत नवीन श्रीवास्तवले निर्माणको क्रममा देखा परेका विविध समस्याहरूलाई सम्बोधन गर्न नेपाल प्रहरीसँग समन्वय गर्दै आइरहेको चर्चा गरे । निर्माण…
काठमाडौं । कीर्तिमानी पर्वतारोही निर्मल पुर्जामाथि यौन दुर्व्यवहारको आरोप लागेको छ । पुर्जामाथि पूर्वमिस फिनल्यान्ड लोट्टा हिन्स्टाले यौन दुर्व्यवहारको आरोप लगाएकी हुन् । द न्यूयोर्क टाइम्ससँगको कुराकानीमा पूर्वमिस फिनल्यान्ड हिन्स्टाले आफूलाई काठमाडौंको एक होटलमा पुर्जाले दुव्यर्वहार गरेको जनाएकी छिन् । हिन्स्टाले आफ्नो पुस्तकमा पुर्जाको नाम उल्लेख नगरी आफ्नो सहमतिबिना एक व्यक्तिले चुम्बन गरेको उल्लेख गरेकी थिइन् । तर न्युयोर्क टाइम्सको कुराकानीमा भने ती व्यक्ति पुर्जा रहेको हिन्स्टाले बताएकी उल्लेख छ । पुर्जाले कफी पिउन लैजाने भनेर कोठासम्म लिएर गएको र जबरजस्ती चुम्बन गरेको र गोप्य अंगमा हातपात गरेको हिन्स्टाले टाइम्ससँग बताएकी छिन् । यस विषयमा पुर्जाले भने प्रतिक्रिया दिन नचाहेको…
काठमाडौं । सशस्त्र प्रहरीले सुनसरीबाट १ करोड १ लाख रुपैयाँ बरामद गरेको छ । शनिबार राति सुनसरीको हरिनगर गाँउपालिका–५ दुर्गा मन्दिर स्थित सशस्त्र प्रहरीको चेकप्वाईन्ट टोलीले घुस्की नाकाबाट हरिनगरतर्फ जादैँ गरेको बा १६ च ७६१३ नम्बरको कारलाई शंका लागि चेकजाँच गर्दा कारभित्र बोरामा लुकाइछिपाइ राखेको सो रकम बरामद भएको हो । बरामद भएको रकममा १ हजार दरको नोट ९ हजार ७ सय थान (९७ लाख ) र ५ सय दरको ८ सय थान (४ लाख ) रहेको सशस्त्र प्रहरीले जनाएको छ । रकमसँगै कार र चालक हरिनगर गाँउपालिका–५ बस्ने अन्दाजी ३७ वर्षीय ईसा अन्सारीलाई नियन्त्रणमा लिइएको छ ।यद्यपी उक्त रकमको…
काठमाडौ । प्रहरी प्रधान कार्यालयले ४ जना प्रहरी उपरीक्षक (एसपी) प्रहरी वरिष्ठ उपरीक्षक(एसएसपी) मा र ४ जना प्रहरी नायब उपरीक्षक (डिएसपी) एसपी बढुवाका लागि सिफारिस भएका छन् । बढुवा समितिको बैठकले शुक्रबार राती एसपीलाई रिक्त एसएसपी र डिएसपीलाई एसपी पदमा बढुवाका लागि सिफारिस गर्ने निर्णय गरेको हो । एसएसपीमा को को बढुवा भए ? एसपीमा को को बढुवा भए ?
काठमाडौँ । प्रहरी महानिरीक्षक (आईजीपी) वसन्त बहादुर कुँवरले राज्यले सुम्पिएको जिम्मेवारी उत्कृष्ट रूपमा पूरा गरी राष्ट्र र नागरिकलाई सकारात्मक योगदान दिन प्रहरी कर्मचारीहरू थप सृजनशील हुनुपर्ने बताएका छन् । हालै सरुवा भई आ-आफ्नो कार्यक्षेत्रमा खटी जान लागेका प्रहरी नायव महानिरीक्षकहरू र प्रहरी वरिष्ठ उपरीक्षकहरूलाई शुक्रबार नेपाल प्रहरी प्रधान कार्यालयमा निर्देशन सम्बोधनको क्रममा उनले यस्तो बताएका हुन् । प्रहरी महानिरीक्षक कुँवरले संगठनको कार्ययोजना एवम् लक्ष्यलाई प्राथमिकतामा राखेर संगठनको नीति निर्देशनलाई प्रभावकारी कार्यान्वयन गर्दै सांगठनिक लक्ष्य हासिल गर्न सम्पूर्ण प्रहरी कर्मचारीहरू सक्रिय भई खरो रूपमा उत्रन निर्देशन दिए । सबै प्रहरी कर्मचारीहरूले संगठनलाई विशिष्ट योगदान दिन व्यावसायिकता र निष्ठापूर्वक कार्यसम्पादन गर्नुपर्ने चर्चा…
काठमाडौँ । गृह मन्त्रालयले १६ जिल्लाका प्रमुख जिल्ला अधिकारी (सीडीओ)हरूको सरुवा तथा पदस्थापन गरेको छ । सहसचिव भरतमणि पाण्डेलाई कास्की सरुवा गरिएको छ । त्यस्तै रामचन्द्र तिवारीलाई सुनसरीको प्रजिअमा पदस्थापन गरिएको छ । मकवानपुरमा तिर्थराज चिलुवाल, अरुण पोखरेललाई नवलपरासी पूर्व र विष्णुप्रसाद कोइरालालाई पाँचथरको प्रमुख जिल्ला अधिकारीमा पदस्थापन गरिएको छ । पश्चिम नवलपरासीमा स्कीम श्रेष्ठलाई पठाइएको छ । धादिङमा राजेन्द्रदेव पाण्डे, काभ्रेमा सूर्य प्रसाद सेढाईं, बर्दियामा रुद्रादेवी शर्मा, इलाममा कल्पना श्रेष्ठ, चितवनमा ईन्द्रदेव यादव र सिन्धुपाल्चोकमा भुपेन्द्र थापालाई सरुवा गरिएको छ । भोजपुरमा नरबहादुर थापा, कञ्चनपुरमा नारायण प्रसाद सापकोटा र सर्लाहीमा गोपाल कुमार अधिकारीलाई पठाइएको छ भने मेख बहादुर मग्रातीलाई…
चितवन । चितवनको स्मल हेभन बोडिङ स्कुल बसमा आगजनी गर्ने समुहका मुख्य आरोपीलाई प्रहरीले पक्राउ गर्न सफल भएको छ । घटनाको १२ दिनपछि आरोपी पक्राउ परेका हुन् । पक्राउ पर्नेमा भरतपुरपुर महानगरपालिका-२५ घर भएका पुर्व जनमुक्ति मोर्चाका बिर्गेड कमाण्डर महाबिर भन्ने महेश चौधरी रहेका छन् । विप्लव माओवादीबाट छुट्टिएर उनले बिद्रोह संगठन अर्थात् नेकपा (माओवादी) खडा गरेको प्रहरी अनुसन्धानबाट खुलेको छ । एउटा स्कुल बसको गाडी जलाएर तर्साउनको लागि उनको समूहले पैसा असुल्नको लागि यस्तो आतंककारी क्रियाकलाप गर्दै आएको चितवन प्रहरी प्रवक्ता नायब उपरीक्षक (डीएसपी) भेषराज रिजालले जानकारी दिए । डीएसपी रिजालकाअनुसार आरोपी चौधरी काभ्रेको बुद्धचित्तको रुख काट्ने गिरोहको नाइके…
काठमाडौं । उपप्रधानमन्त्री तथा गृहमन्त्री रवि लामिछानेविरुद्ध सर्वोच्च अदालतमा दायर रिटको पेशी आज हुँदैछ । अधिवक्ता अनुपम भट्टराईले दर्ता गरेको रिटमा सुनुवाइ हुन लागेको हो । लामिछानेलाई निलम्बन गर्नुपर्नेसहितको माग राखिएको रिट सोमबार अदालतमा दर्ता भएको थियो । पहिले अदालत प्रशासनले दरपीठ गरेको रिट दर्ता गर्न न्यायाधीश टेकप्रसाद ढुंगानाको इजलासले आदेश दिएको थियो । भट्टराईको रिटमा गृहमन्त्री लामिछानेसहित महान्यायाधिवक्ताको कार्यालय र महान्यायाधिवक्ता दीनमणि पोखरेललाई विपक्षी बनाइएको छ । लामिछाने पदमा रहिरहँदा छानबिनमा स्वार्थ बाझिने जिकिर रिटमा गरिएको छ।