Author: Scoop Khabar
काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले अहिलेको सरकार बिचौलियाहरुले बनाएको भ्रष्टाचारीहरुको सरकार भएको बताएका छन् । शनिवार पार्टीको नुवाकोट–काठमाडौं सम्पर्क समन्वय समितिले गरेको भेलालाई सम्बोधन गर्दै यस्तो ठोकुवा गरेका हुन् । सरकारले भ्रष्टाचारविरुद्ध एकपछि अर्को फाइल खोल्दै, सुशासन, सामाजिक न्याय र आर्थिक समृद्धिका कार्यक्रम अघि बढाउँदै लैजाँदा दलाल र बिचौलियाहरुमा आतंक सुरु भएको उल्लेख गर्दै अध्यक्ष प्रचण्डले भने, ‘३२ सिटको माओवादीले हामीलाई चुनौती दियो भनेर उनीहरु सरकार हटाउनतर्फ लागे । बाहिर हेर्दा त कांग्रेस र एमाले बसेर सरकार हटाएको जस्तो देखिन्छ तर भित्र दलाल, बिचौलिया र कमिसनखोरहरुले ती दलहरुलाई आफ्नो प्रतिनिधिको रुपमा सिंगारपटार गरेर पठाएका हुन् ।…
भैरहवा । सशस्त्र प्रहरी महानिरीक्षक (आईजीपी) राजु अर्यालले सीमा क्षेत्रमा खटिएका प्रत्येक सुरक्षाकर्मी आइजीपी सरह जिम्मेवारी भएको बताएका छन् । सशस्त्र प्रहरी बल नेपाल नम्बर ५ बिन्ध्यावासिनी बाहिनी मुख्यालयको सातौं वार्षिकोत्सव समारोहलाई शुक्रबार सम्बोधन गर्दै अर्यालले यस्तो बताएका हुन् । उनले सीमा सुरक्षाका लागि पालेको रुपमा तैनाथ एक सय जनामध्ये १ जनाले मात्र गल्ती गरेमा सम्पूर्ण संगठनकै बद्नाम हुने भएकाले आफ्नो राष्ट्र र राष्ट्रको झण्डा ख्याल राखेर काम गर्न निर्देशन दिए । लुम्बिनी आर्थिक, राजनीतिक, धार्मिक रुपले विशिष्ट प्रदेश भएकाले यस्तो अवस्थामा सीमा सुरक्षामा निर्वाह गरेको भूमिका सराहनीय रहेको उल्लेख गर्दै उनले राजश्व चुहावट नियन्त्रण प्रभावकारी भूमिका खेल्न निर्देशन दिए…
काठमाडौं । भारतको उत्तराखण्ड राज्यमा पर्ने रुद्रप्रयाग जिल्लामा पहिरोमा परी मृत्यु भएका चितवन माडीका तीन जनाको शव चितवन ल्याइँदै छ । तीन शव आज रातिसम्म आइपुग्ने जानकारी पाएको माडी नगरपालिकाकी मेयर ताराकुमारी काजी महतोले बताइन् । शवको शुक्रवार बेलुका पोष्टमार्टम सकिएपछि शव बोकेको एम्बुलेन्स नेपालतर्फ प्रस्थान गरेको हो । बद्रीनाथदेखि केदारनाथ जाने सडकमा पर्ने फाटा क्षेत्रमा बिहीबार मध्यराति खसेको पहिरोमा परी चितवन माडीका तीन जना र दैलेखका एक जना मजदुरको मृत्यु भएको थियो । उनीहरू सुतेको अवस्थामा पहिरो गएको थियो । नयाँदिल्लीस्थित नेपाली दूतावासका अनुसार माडी नगरपालिका–२ शीतलपुरका ५८ वर्षीय तुलबहादुर दमाईं, वडा–१ भंगताका २६ वर्षीय कृष्णबहादुर परियार र वडा–५ छरछरेका २८…
काठमाडौं । २ दिन पोखरा घुमेर पशुपतिनाथ दर्शनका लागि काठमाण्डौं हिडेका भारतीय पर्यटक सवार बस तनहुँको आँबुखैरेनीमा दुर्घटना हुँदा शुक्रबार २७ जनाको ज्यान गयो भने १६ जना घाइते भएका छन् । उनीहरु मध्ये पनि धेरैको अवस्था चिन्ताजनक छ । भारतको गोरखपुरबाट चार धाम (बद्री, केदार, गया, काशी) घुमेर फर्किएपछि नेपालको प्रसिद्ध धार्मिकस्थलहरु मुक्तिनाथदेखि पशुपतिनाथसम्म दर्शन गर्ने योजना बनाएर उनीहरु नेपाल घुम्न निस्किएका थिए । केशरवानी परिवहन ट्राभल्सका २ वटा बसमा ९६ जनाको टोली थियो । ४ भदौमा बेलहिया नाकाबाट छिरेका उनीहरुले ८ दिनको परमिट लिएका थिए । २ दिन होटल स्पोट्र्स र पोखरा इन होटलमा (बाँडिएर) बसेर पोखरा घुमे ।…
काठमाडौं । राष्ट्रिय सभामा नेपाली कांग्रेसका संसदीय दलका नेता कष्णप्रसाद सिटौलाले संविधानको पूर्ण कार्यान्वयन नगरी संशोधनको विषयमा बहस चलाउनु उचित नहुने बताएका छन् । शुक्रबार पार्टीको केन्द्रीय कार्यालय सानेपामा केन्द्रीय समिति बैठकमा बोल्दै नेता सिटौलाले संविधान अनुसार प्रदेश र स्थानीय तहले अधिकार नै पाउन नसकेको बताए । नेपाली कांग्रेस र नेकपा एमालेका बीचमा सत्ता सहकार्य हुनु अगागि गत असार १७ गते मध्यराति भएको ७ बुँदे सहमतिमा संविधान संशोधन गर्नेसहितका विषय रहेका छन् । दुई ठूला दल मिलेर सरकार बनाउँदै गर्दा आएको संविधान संशोधन गर्ने विषयले नेपालभित्र मात्रै नभएर अन्तराष्ट्रिय स्तरमा समेत तरंग पैदा गरेको टिप्पणी गरे । दुई ठूला दल…
काठमाडौं । प्रहरी अतिरिक्त महानिरीक्षक (एआइजी) किरण बज्राचार्यले काठमाडौं जिल्ला देशकै सबैभन्दा बढि जनसंख्या रहेको, VVIP तथा VIP हरुको बसोबास रहेको, Vital Installations रहेको तथा अपराधको समेत चापको कारणले सबैभन्दा बढि संवेदनशिल र चुनौतीपूर्ण रहेको हुँदा यहाँ कार्यरत प्रहरी कर्मचारीहरु थप जिम्मेवार भई उत्कृष्ठ ढंगले कार्यसम्पादन गर्नुपर्ने बताइन् । शुक्रवार जिल्ला प्रहरी परिसर काठमाण्डौको निरीक्षण तथा निर्देशन कार्यक्रममा जिल्ला प्रहरी परिसर काठमाण्डौ मातहतका वृत्त, प्रभाग तथा बिटका प्रमुखहरु लगायतका प्रहरी कमचारीहरुलाई निर्देशन दिदै उनले यस्तो बताएकी हुन् । नव निर्मित सुविधा सम्पन्न भवनबाट सेवा प्रवाह गर्दा भवन जस्तै सुन्दर सेवा प्रवाह गरी नागरिक मैत्री प्रहरी सेवा प्रवाह गर्दै गैर कानूनी…
वीरगन्ज । पर्साको कालिकामाई गाँउपालिका कार्यालयमा करारका कर्मचारीहरू म्याद थप्ने सहमतिपछि पालिका कार्यालयमा भएको तालाबन्दी खोलिएको छ । शुक्रबार जिल्ला प्रहरी कार्यालय पर्सामा जनप्रतिनिधिहरू बिच भएको आन्तरिक सहमतिपछि तालाबन्दी खोलिएको हो । अगामी भदौ १९ गते पालिकाको गाउँसभा गर्ने र गाँउसभाबाटै निर्णय गरेर कर्मचारीहरुको म्याद थप्ने सहमति पश्चात तालाबन्दी खोलिएको वडा नम्बर ३ का अध्यक्ष संजय पटेलले बताए । पालिका अध्यक्षले मनोमानी तरिकाले केही कर्मचारी हटाएपछि कर्मचारीहरू बिगत १४ दिनदेखि ९ जना स्वास्थ्य सेवाका कर्मचारीहरु गाँउपालिका कार्यालय अगाडी शान्तिपुर्ण धर्ना दिदै आएका थिए । ९ वर्ष अगाडि तत्कालीन स्वास्थ्य निर्देशनालयले नियुक्त गरेको ६ जना र पालिकाले आफ्नो आवश्यकता अनुसार नियुक्त…
काठमाडौं । तनहुँको आँखुखैरेनीस्थित ऐनापहराबाट मर्स्याङदी नदीमा बस खसेको छ। यूपी ५३ एफटी ७६२३ नम्बरको मर्स्याङ्दीमा खसेको जिल्ला प्रहरी कार्यालय तनहुँका डीएसपी दीपककुमार रायले जानकारी दिए। उनका अनुसार बस ४० भारतीय पर्यटक बोकेको बस पोखराबाट काठमाडौंतर्फ आइरहेको थियो । दुर्घटनास्थलमा प्रहरीको टोली पुगेर उद्धारको काम थालिसकेको उनले बताए। घटनाको थप विवरण आउन बाँकी छ।
जनकपुरधाम । गृहमन्त्री रमेश लेखकले प्रदेश प्रहरीसम्बन्धी कानुन निर्माणको प्रक्रिया अघि बढिसकेको बताएका छन् । बिहीबार बिहान जनकपुरधाम विमानस्थलमा आइपुगेका मन्त्री लेखकले मधेशबाटै जोडतोडका साथ आवाज उठेको प्रदेश प्रहरी सम्बन्धी कानुन बनाउने प्रक्रिया अघि बढेको बताएका हुन् । जनकपुर विमानस्थलमा सञ्चारकर्मीसँग संक्षिप्त कुराकानी गर्दै मन्त्री लेखकले अर्थतन्त्रलाई क्रियाशिल बनाउने, आर्थिक गतिविधिलाई गतिशिल बनाउने र संघीय लोकतान्त्रिक व्यवस्थालाई सुदृढ हुनेगरी काम गर्ने प्राथमिकता सरकारको रहेको बताए । नयाँ समिकरणको सरकारले दिगो शान्ति, सुशासन र विकासको लक्ष्यमा पुग्ने विषयमा केन्द्रीत भएर काम गरिरहेको जिकिर गरे ।
काठमाडौं । प्रहरी महानिरीक्षक बसन्त बहादुर कुँवरले नेपाल प्रहरीको इतिहास, परम्परा, साहित्य, कला र संस्कृतिको प्रवर्द्धन, संरक्षण र जगेर्ना गर्ने कार्यमा नेपाल प्रहरीका बहालवाला तथा अवकाश प्राप्त प्रहरी स्रष्टा एवम् कलाकारहरूले निर्वाह गरेको भूमिका ज्यादै प्रशंसनीय रहेको बताएका छन् । नेपाल प्रहरी प्रधान कार्यालयमा बुधबार आयोजित प्रहरी सर्जक तथा कलाकार भेटघाट कार्यक्रमलाई प्रमुख अतिथिको आसनबाट सम्बोधन गर्दै प्रहरी महानिरीक्षक कुँवरले उक्त कुरा बताएका हुन् । सो अवसरमा प्रहरी महानिरीक्षक कुँवरले समाजमा अपराध नियन्त्रण, अनुसन्धान तथा शान्ति सुरक्षा कायम गर्ने कार्यको साथै साहित्य, कला, खेलकुद र सामाजिक सेवा जस्ता क्षेत्रमा विभिन्न भूमिकामा रहेर नेपाल प्रहरीले अतुलनीय योगदान गर्दै आइरहेको चर्चा गरे…