Author: Scoop Khabar

काठमाडौं । जिल्ला प्रशासन कार्यालय महोत्तरीबाट एकजना नायब सुब्बा २० हजार रुपैयाँ घुससहित पक्राउ परेका छन् । अख्तियार दुरुपयोग अनुसन्धान आयोग, बर्दिबासको टोलीले मुद्दा शाखामा कार्यरत नायब सुब्बा अशोककुमार यादवलाई पक्राउ गरेको हो । उनी सेवाग्राहीबाट लिएको २० हजार रुपैयाँ घुससहित रंगेहात पक्राउ परेका हुन् । सवारी ज्यान मुद्दामा सवारीधनी पक्षले पीडित पक्षलाई दिने क्षतिपूर्ति तथा किरिया खर्चबाट लिएको २० हजार रुपैयाँ घुससहित कार्यालयबाटै पक्राउ गरेको आयोगले जनाएको छ । सवारी धनीले जम्मा गरेको किरियया खर्च रकम मृतकको हकबलाले पटक–पटक माग्न जाँदा यादवले घुस मागेको व्यहोरासहित आयोगमा निवेदन परेको थियो । निवेदनपछि शुक्रबार खटिएको टोलीले यादवलाई पक्राउ गरेको हो ।

काठमाडौं । राष्ट्रिय स्वतन्त्र पार्टी (रास्वपा) सभापति रवि लामिछाने सहकारी ठगीको आरोपमा प्रहरी हिरासतमा रहेका बेला पार्टीकै झापा उपसभापति प्रकाश पाठकसहित ३ जनाले किर्ते गरेर एउटा सिचाई आयोजनाको साढे १७ लाख रुपैयाँ ब्यक्तिगत प्रयोजनमा खर्च गरेको फेला परेको छ । झापाको बाह्रदशी र हल्दिबारीको करिव ६७५ हेक्टर जमिनमा सिँचाइ सुविधा पुर्‍याउने उदेश्यले सञ्चालनमा रहेको ‘अदुवा खोला सिँचाइ आयोजना’ को १७ लाख ५४ हजार रुपैयाँ आयोजनाका अध्यक्ष बृखबहादुर थापा (दिनेश), आयोजनाका सचिवसमेत रहेका पाठक र कोषाध्यक्ष लोकनाथ ओलीको मिलेमतोमा निकालेर खर्च गरेको फेला परेको हो । गत ४ जेठ ०८१ मा आयोजनाको धरौटी खातामा रहेको पैसा निकाल्ने प्रयोजनका लागि समितिको बैठक…

काठमाडौं । प्रहरी अतिरिक्त महानिरीक्षक (एआईजी) मा बढुवा भएका बुद्धिराज गुरूङ र केदार ढकाललाई दर्ज्यानी चिन्ह प्रदान गरिएको छ । बिहीबार बसेको मन्त्रिपरिषदको बैठकले उनीहरुलाई एआईजीमा बढुवा गर्ने निर्णय गरेको थियो । उक्त निर्णयपछि शुक्रबार प्रधान कार्यालयमा एक कार्यक्रम आयोजना गरी चिन्ह प्रदान गरेको हो । प्रहरी प्रधान कार्यालयमा प्रहरी महानिरीक्षक (आईजीपी) बसन्तबहादुर कुँवरले नायब महानिरीक्षक (डिआईजी) बाट एआईजीमा बढुवा भएका उनीहरुलाई दर्ज्यानी चिन्ह प्रदान गरेका हुन् । कार्यक्रममा आईजीपी कुँवरले दर्ज्यानी चिन्हद्वारा सुशोभन भएका प्रहरी अधिकृतहरूलाई बधाई तथा सफल कार्यकालको शुभकामना व्यक्त गरे । आईजीपी कुँवरले संगठनको हितको लागि सकल दर्जाको सामूहिक प्रतिवद्धता आवश्यक रहेको उल्लेख गर्दै आ(आफ्नो जिम्मेवारी…

काठमाडौं । २ फागुन २०८० मा जिल्ला प्रहरी कार्यालय पर्साको जिम्मेवारी प्रहरी उपरीक्षक (एसपी) कुमोद ढुंगेलले सम्हाले ।एसपी ढुंगेलले जिम्मेवारी सम्हालेसँगै चुनौतीहरु पनि थुप्रै थियो- तस्करी, लुटपाट, चोरी तथा गुण्डागर्दी नियन्त्रण । त्यसैले पर्सा देशको सबैभन्दा अति संवेदनशील जिल्लामा पर्छ । भारतसँगको खुला सीमाना भएका कारण जहाँ तस्करी रलुटपाट नहुने कुरै भएन । त्यतिमात्र नभएर भारतीय सुटरहरुको समेत पर्सामा बिगबिगि नै थियो । जसको नियन्त्रण गर्नुप्रहरी प्रशासनको कर्तव्य हो । प्रसंग जोडौं, एसपी ढुंगेलकै । प्रहरी संगठनमा खरो स्वभावका अधिकृत रुपमा चिनिने उनी निडर र साहसिक क्षमताकाअधिकृत हुन् । ढुंगेल जहाँ कार्यरत रहँदा पनि संगठनको लागि काम गर्ने अधिकृतको रुपमा…

काठमाडौं । अस्ट्रेलिया सरकारले १६ वर्षमुनिका बालबालिकालाई सामाजिक सञ्जाल प्रयोगमा प्रतिबन्ध लगाउनेसम्बन्धी विधेयक संसद्‌मा पेश गरेको छ । सामाजिक सञ्जालको अत्यधिक प्रयोगले बालबालिकाको शारीरिक र मानसिक स्वास्थ्यमा नकारात्मक असर पार्ने भन्दै सरकारले यो विधेयक ल्याएको जनाएको छ । विधेयकमा यसको प्रणालीगत उल्लंघन गरेमा सामाजिक सञ्जाल प्लेटफर्ममाथि ३ करोड २० लाख अमेरिकी डलरसम्मको जरिवाना लगाउन सक्ने व्यवस्था गरिएको छ । अस्ट्रेलियाले सामाजिक सञ्जालमा उमेर हदबन्दी लगाउन बायोमेट्रिक्स वा सरकारी प्रमाणपत्रलगायतका उमेर(प्रमाणीकरण प्रणालीको परीक्षण गर्न चाहेको र यो विश्वको अहिलेसम्मकै कठोर व्यवस्था हुने बताइएको छ । अस्ट्रेलिया सरकारले लगाउन चाहेको उमेर हद अन्य कुनै पनि देशले लगाएको भन्दा बढी हो । प्रस्तावित…

काठमाडौं । नेपाल प्रहरीका नायब महानिरीक्षक (डिआईजी)द्वय बुद्धिराज गुरुङ र केदार ढकाल प्रहरी अतिरिक्त महानिरीक्षक (एआईजी) मा बढुवा भएका छन् । बिहीबार बसेको मन्त्रिपरिषद् बैठकले उनीहरुलाई एआईजीमा बढुवा गरेको हो । गुरुङ हाल अख्तियार दुरुपयोग अनुसन्धान आयोग र ढकाल प्रहरी प्रधान कार्यालयको प्रशासन विभागमा कार्यरत छन् । गत १५ कात्तिकमा गृहसचिव गोकर्णमणि दुवाडीको अध्यक्षतामा बसेको बढुवा समितिले उनीहरूलाई एआईजी बढुवाका लागि सिफारिस गरेको थियो ।

काठमाडौं । कर्णाली प्रदेश प्रहरी गण सुर्खेतमा कार्यरत प्रहरी निरीक्षक बिरेन्द्र बहादुर बोहरा कार्तिक महिनाको सर्वोत्कृष्ट गण प्रहरी घोषित भएका छन् । दसैंतिहार तथा छठ पर्वको शान्ति सुरक्षामा गणबाट परिचालन हुने प्रहरी जनशक्तिलाई उत्कृष्ट ढंगबाट परिचालन गरेको भन्दै गणका प्रमुख तथा प्रहरी उपरीक्षक नेत्र मणि गिरीले इन्स्पेक्टर बोहरालाई सर्वोत्कृष्ट गण प्रहरी घोषित गरेका हुन् । साथै इन्स्पेक्टर बोहराले गण परिसर भित्रको डिउटी लगायत कार्यालयका अन्य कामकारवाहीहरु अनुशासित, कर्तव्यनिस्ट भई उत्कृष्ट एवम त्रुटिरहित ढङ्गबाट सम्पादन गरेका थिए । उनले आफुलाई दिइएको जिम्मेवारी ईमानदारी तथा बफादारीका साथ गर्दै आएको जनाइएको छ । उनले गरेका कामको उच्चतम मूल्याङकन गर्दै यसको निरन्तरताका साथै अन्य…

काठमाडौं । भारतीय सेनाध्यक्ष उपेन्द्र द्विवेदीलाई नेपाली सेनाको मानार्थ महारथीको दर्जा प्रदान गरिएको छ । राष्ट्रपति निवास शीतलनिवासमा आयोजित समारोहकाबीच राष्ट्रपति रामचन्द्र पौडेलले सेनापति द्विवेदीलाई दर्ज्यानी चिन्ह प्रदान गरेका हुन् । नेपालका सेनापति भारतीय सेनाको मानार्थ सेनाध्यक्ष र भारतीय सेनाध्यक्ष नेपालका मानार्थ महारथी रहने चलन छ । समारोहमा उपराष्ट्रपति रामसहायप्रसाद यादव, प्रधानमन्त्री केपी शर्मा ओली, रक्षा मन्त्री मानवीर राईलगायत विशिष्टहरुको उपस्थिति रहेको थियो ।

विराटनगर । प्रहरी चौकी चिचिला संखुवासभामा कार्यरत प्रहरी सहायक निरीक्षक (असई) सुर्यप्रसाद अधिकारी कार्तिक महिनाको सर्वोत्कृष्ट प्रहरी (बेष्ट पुलिस अफ द मन्थ) घोषित भएका छन् । विभागीय मूल्य–मान्यता, आदेश–निर्देशनको पालना गरी उच्च मनोबल र साहसका साथ आफ्नो कर्तव्य निर्वाह गर्ने क्रममा असई अधिकारीले कार्तिक १० गते संखुवासभाको चिचिला गाउँपालिका–४ का ४५ वर्षीय एक पुरुषलाई खुकुरी प्रहार गरी हत्या गरेको घटनामा संलग्नलाई खुकुरी सहित पक्राउ गर्न सफल भएपछि कोशी प्रदेश प्रहरी कार्यालय विराटनगरले उनलाई कार्तिक महिनाको सर्वोत्कृष्ट प्रहरी घोषणा गरेको हो । साथै कार्तिक १८ गते चिचिला गाउँपालिका–३ बस्ने दुई व्यक्तिवीच आपसमा वादविवाद हुँदा ढुङ्गा प्रहार गरी एक व्यक्तिलाई भिरबाट फालेको…

काठमाडौं । प्रहरी संगठनभित्र बढुवा र महत्वपूर्ण जिम्मेवारीको प्रश्न आउँदा के लाई आधार मानिन्छ होला ? मान्छेहरुले सोच्छन्,– योग्यता, क्षमता, वरिष्ठता, अनुभव आदि–इत्यादी । तर त्यस्तो देखिदैँन । पञ्चायतकालदेखि नै राजनीतिले गिजोलिएको प्रहरी संगठनभित्र पछिल्ला दिनमा राजनीतिकरण झन जब्बर रुपमा देखा परेको छ । कमजोर कार्यसम्पादन क्षमता भएपनि आफ्ना मान्छे ‘पावर’मा छन् भने आफूभन्दा संगठनभित्र जतिसुकै अब्बल कोही छन् भने पनि त्यसलाई सहज पन्छाउन सकिन्छ भन्ने उदाहरण नेपाल प्रहरी संगठनभित्र अहिले देखा पर्न थालेको छ । कार्यसम्पादन कमजोर रहेको भनी प्रहरी संगठनभित्रै चर्चा चल्ने गरेका प्रहरी बरिष्ठ उपरीक्षक (एसएसपी) र प्रहरी उपरीक्षक (एसपी)हरु माथिल्लो राजनीतिक नेतृत्वहरुलाई रिझाएरै भएपनि बढुवा हुने…