Author: Scoop Khabar

एजेन्सी । बंगलादेशमा बिहीबार सम्पन्न संसदीय चुनावमा बंगलादेश राष्ट्रवादी पार्टी (बीएनपी) ले बहुमत हासिल गरेको छ । २९९ सिटमध्ये बीएनपीले १६५ सिट जित्दै स्पष्ट बहुमत प्राप्त गरेको हो। यससँगै पार्टी अध्यक्ष तथा पूर्वप्रधानमन्त्री खालिदा जियाका छोरा तारिक रहमान प्रधानमन्त्री बन्ने सम्भावना बलियो बनेको छ। दुई निर्वाचन क्षेत्रमा उम्मेदवारी दिएका रहमानले दुवै सिटमा जित हात पारेका छन्। यसैबीच जमात-ए-इस्लामीको नेतृत्वमा रहेको ११ दलीय गठबन्धनले हालसम्म ४५ सिट मात्र जितेको छ। जमात प्रमुख शफिकुर रहमान ढाका–१५ बाट विजयी भएका छन्। अन्य दल तथा स्वतन्त्र उम्मेदवारले तीन सिट जितेका छन्। समाचार तयार पार्दासम्म २०६ सिटको नतिजा सार्वजनिक भइसकेको छ भने बाँकी सिटको परिणाम…

काठमाडौं । काठमाडौंको कीर्तिपुरमा ६० लाख रूपैयाँ नगद लुटेको आरोपमा प्रहरीले पूर्व हवल्दारसहित थप दुई जनालाई पक्राउ गरेको छ । पक्राउ पर्नेमा सुर्खेत घर भएका पूर्व प्रहरी हवल्दार रमेशबहादुर बुढा र इलाम घर भएका दीपक राई छन् । ‘सस्तो दरमा बिल सहितका सुन दिन्छौं’ भनेर आरोपीहरुले पीडितलाई कीर्तिपुरमा बोलाएर माघ १४ मा ६० लाख लुटेका थिए । कीर्तिपुरस्थित एबीगाडो क्याफेमा भएको लुटपाटमा संलग्न थप दुईजनालाई पक्राउ गरिएको उपत्यका अपराध अनुसन्धान कार्यालयका प्रवक्ता (एसपी) रामेश्वर कार्कीले बताए । यसअघि विमानस्थल सुरक्षा कार्यालयमा कार्यरत हवल्दार कर्णबहादुर सुनुवारसहित ४ जना पक्राउ परेका थिए । यसअघि हवल्दार सुनुवार, काभ्रेको रोशी गाउँपालिका–१० घर भएर सूर्यविनायक…

काठमाडौं । काठमाडौं उपत्यका ट्राफिक प्रहरी कार्यालय, रामशाहपथमा सडक सुरक्षा तथा ट्राफिक व्यवस्थापन सम्बन्धी एकदिवसीय कार्यशाला गोष्ठी सम्पन्न भएको छ। प्रहरी महानिरीक्षक (आईजीपी) दानबहादुर कार्कीको प्रमुख आतिथ्यतामा बिहीबार सम्पन्न गोष्ठीमा ट्राफिक व्यवस्थापनको वर्तमान अवस्था, चुनौती र सुधारका उपायबारे विस्तृत छलफल गरिएको थियो। कार्यक्रमलाई सम्बोधन गर्दै महानिरीक्षक कार्कीले सडक सुरक्षा कुनै एक निकायको मात्र दायित्व नभई सबै सरोकारवालाको साझा जिम्मेवारी भएको स्पष्ट पारे। उनले सडक प्रयोगकर्ता, सडक विभाग, यातायात व्यवस्था विभाग, सवारी साधन धनी तथा यातायात व्यवसायी सबैले आफ्नो जिम्मेवारी र जवाफदेहिता बहन नगरेसम्म दिगो सडक सुरक्षा सम्भव नहुने बताए। सडक प्रयोगकर्ताले ट्राफिक नियमको पालना गर्नुपर्नेमा जोड दिँदै उनले समन्वय र…

कैलाली । कैलालीको गौरीगङ्गा नगरपालिकास्थित विभिन्न खोलाहरूमा चुरे क्षेत्रलाई असर पर्ने गरी अवैध रूपमा नदीजन्य पदार्थ उत्खनन भइरहेको पाइएको छ। प्रहरी टोलीले पटक–पटक अवैध उत्खननमा प्रयोग भएका जेसीबी नियन्त्रणमा लिए पनि कारबाही नहुँदा गैरकानुनी उत्खनन झनै बढ्दै गएको छ। बुधबार मात्रै जिल्ला प्रहरी कार्यालय कैलालीको टोलीले गौरीगङ्गा नगरपालिका–स्थित शिवगङ्गा खोलामा अवैध रूपमा उत्खनन गरिरहेका २ वटा जेसीबी मेसिन नियन्त्रणमा लिएको थियो। तर कानुनअनुसार कारबाही र जरिवाना गर्नुपर्नेमा उल्टै १६ हजार रुपैयाँ रोयल्टी काटेर ‘कार्यविधि’ का नाममा उत्खनन गर्न इजाजत दिइएको पाइएको छ। प्रदेश तथा संघीय सरकारका ऐनअनुसार चुरे क्षेत्रमा जेसीबी लगायत भारी मेसिन प्रयोग गर्न नपाइने स्पष्ट प्रावधान रहेको छ।…

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले आफूमाथि लागेका आरोपमा अदालतले न्याय दिने विश्वास व्यक्त गरेका छन् । बिहीबार जिल्ला अदालत कास्की पोखरामा तारिख बुझ्न उपस्थित भएका लामिछानेले सञ्चारकर्मीसँग कुरा गर्दै अहिले तारिक बुझ्न आफू विभिन्न अदालतमा जानुपरेको भन्दै अदालतले आफूमाथि न्याय गर्ने विश्वास व्यक्त गरेका हुन् । सबैले न्याय पाउने अदालतबाटै भएकाले कानुनी र अदालती प्रक्रियालाई आफूले सदैव सम्मान गर्ने उनले बताए । उनले मुद्दा दायर भएका अदालतमा तारिख बुझ्न आफै उपस्थित हुनुपर्ने भएकाले आफूले त्यही अनुसार तालिका बनाएर समय व्यवस्थापन गरिरहेको बताए । सभापति लामिछानेले आफूहरू कानुनी राज्य स्थापित गर्न हिँडेकाले कानुनी प्रक्रियालाई राम्रोसँग बहन…

काठमाडौं । स्वदेशमा अपराध गरी विदेश भागेका दश जनालाई नेपाल प्रहरीले अन्तर्राष्ट्रिय प्रहरी सङ्गठन (इन्टरपोल)सँगको समन्वयमा नेपाल फिर्ता ल्याएको छ । चालु आर्थिक वर्षमा ११ जनाविरूद्ध ‘रेड नोटिस’ र तीन जनाविरूद्ध ‘डिफ्युजन’ जारी भएकामा रेड नोटिस जारी भएका आठ र डिफ्युजन जारी भएका दुई जनालाई इन्टरपोलको समन्वयमा विभिन्न देशबाट पक्राउ गरी स्वदेश ल्याइएको नेपाल प्रहरीका केन्द्रीय प्रहरी प्रवक्ता प्रहरी नायब महानिरीक्षक अबि नारायण काफ्लेले जानकारी दिए । अघिल्लो आर्थिक वर्षमा ३४ जनाविरूद्ध रेड नोटिस र दुई जनाविरूद्ध डिफ्युजन जारी भएकोमा १७ जना रेड नोटिस जारी भएका र तीन जना डिफ्युजन जारी भएका प्रतिवादीलाई पक्राउ गरी नेपाल फिर्ता ल्याइएको थियो ।…

काठमाडौं । सशस्त्र प्रहरी महानिरीक्षक (आईजी) राजु अर्यालले आसन्न निर्वाचनका क्रममा नेपाल प्रहरी वा निर्वाचनमा खटिएका कर्मचारीलाई सहयोग आवश्यक परे आदेशको पर्खाइ नगरी तत्काल परिचालन हुन देशैभरका युनिटलाई निर्देशन दिएका छन्। माघ २७ र २८ गते गण्डकी प्रदेशका विभिन्न जिल्लामा निर्वाचन सुरक्षा अवस्थाबारे स्थलगत अनुगमनका क्रममा आईजी अर्यालले भूकम्पजस्ता विपद्मा स्वतः परिचालन भएझैं निर्वाचनमा पनि आवश्यक परे तुरुन्त खटिन र त्यसपछि मुख्यालयलाई जानकारी गराउन स्पष्ट निर्देशन दिए। ‘आदेशको पर्खाइमा नबस्नुहोस्, सुरक्षात्मक कारबाहीका लागि तत्काल परिचालन भएर जानकारी गराउनुहोस्, आदेश कुर्नु पर्दैन, यही स्थायी आदेश हो,’ उनले भने। मंगलबार उनले सशस्त्र प्रहरी बल नेपाल नं. २४ कालिका गण कास्की मातहत परिचालन…

काठमाडौं । पत्नी हत्या अभियोगमा कैद भुक्तान गरिरहेका सशस्त्र प्रहरीका पूर्व प्रहरी नायव महानिरीक्षक (डीआईजी) रञ्जन कोइरालाको बन्दीप्रत्यक्षीकरण रिट सर्वोच्च अदालतले खारेज गरेको छ। बुधबार न्यायाधीशद्वय महेश शर्मा पौडेल र बालकृष्ण ढकालको संयुक्त इजलासले रिट खारेज गर्ने आदेश दिएको हो। कोइरालाले स्वास्थ्य लगायतका कारण देखाउँदै मंसिर २६ गते सर्वोच्चमा रिट दायर गरेका थिए। यसअघि मंसिर २८ गते न्यायाधीश ढकालकै एकल इजलासले प्रारम्भिक सुनुवाइ गर्दै कारण देखाऊ आदेश जारी गरेको थियो। रिटमा गृह मन्त्रालय, प्रधानमन्त्री तथा मन्त्रिपरिषद् कार्यालय, कारागार व्यवस्थापन विभाग र जिल्ला प्रशासन कार्यालयलाई विपक्षी बनाइएको थियो। कोइरालालाई २०६८ माघमा पत्नी गीता ढकालको हत्या गरेको अभियोगमा जिल्ला र उच्च अदालतले…

काठमाडौं । राष्ट्रिय स्वतन्त्र पार्टी (रास्वपा) कपिलवस्तु जिल्ला संगठन प्रमुख रिखिराम भट्टराईलाई प्रहरीले पक्राउ गरेको छ । जिलाको बाणगंगा नगरपालिका– ८ का भट्टराईले प्रहरी अनुसन्धानमा रहेको बैंक कारोबारका कागजातहरू फेसबुकमार्फत सार्वजनिक गरेपछि प्रहरीले बुधबार गरेको हो । गत माघ २६ गते भट्टराईले आफ्नो फेसबुकबाट ती कागजातहरू सार्वजनिक गरेपछि पक्राउ गरिएको प्रहरी नायव उपरीक्षक रिपेन्द्र कुमार सिंहले जानकारी दिए । सामाजिक सञ्जाल फेसबुकमा विभिन्न सामग्री पोष्ट गरेर घृणा र द्वेष फैलाउने कार्य तथा गोपनीयता भङ्ग गरेको उजुरीपछि उनलाई नियन्त्रणमा लिइएको प्रहरी नायव उपरीक्षक सिंहले जानकारी दिए । उनीमाथि विद्युतीय कारोबार ऐन, २०६३ बमोजिम कारबाही प्रक्रिया अगाडि बढाइने उनले बताए । भट्टराईले…

काठमाडौं । गैर कानुनी रूपमा २ अर्ब ४१ करोड रुपैयाँभन्दा बढीको हुन्डी कारोबार गरेको आरोपमा पक्राउ परेका वीरगन्जका एक व्यक्तिलाई पर्सा जिल्ला अदालतले पुर्पक्षका लागि जेल चलान गरेको छ । वीरगन्ज महानगरपालिका(१ निवासी प्रशान्तकुमार गुप्ता गत १७ पुसमा पक्राउ परेका थिए । प्रारम्भमा उनी ५० हजार रुपैयाँसहित पक्राउ परेका थिए । त्यसपछि प्रहरीले उनका विभिन्न बैंक खातामाथि अनुसन्धान अघि बढाएको थियो । जिल्ला प्रहरी कार्यालय पर्साका अनुसार अनुसन्धानका क्रममा गुप्ताको विभिन्न बैंक खाताबाट कुल २ अर्ब ४१ करोड ७८ लाख २३ हजार ३ सय रुपैयाँ बराबरको कारोबार भएको पाइएको छ । पर्सा प्रहरी प्रमुख सुदीप राज पाठकका अनुसार सुरुवाती रूपमा…