Author: Scoop Khabar
कुनै समय आफ्नै पार्टी सभापति गिरिजा प्रसाद कोइराला र तत्कालीन राजा ज्ञानेन्द्र सँग एकै पटक भिडेका थिए गगन थापा । देशमा माओवादी विद्रोह चरम थियो। कांग्रेसमा गणतन्त्रको कुरा गर्न वर्जित थियो । त्रिचन्द्र कलेज अगाडि गगनले राजतन्त्र विरुद्ध नारा लगाए । गिरिजाले प्रतिक्रिया दिए, ‘त्यो भारतले प्रयोग गरेको मान्छे हो ।’ तर अन्तिममा गिरिजा प्रसाद पनि गणतन्त्रको नारा लगाउन आइपुगे । नेविसंघको महाधिवेशनमा पोखरा सभा गृहको गेटमा झन्डै मारिएका थिए गगन । त्यो ढुङ्गाको छप्पनी उनको ठाउँकोमा झन्डै झन्डै खसेको थियो । पार्टी महामन्त्रीमा आफ्नै ससुरा सँग लडे । कांग्रेस २६ सिटमा खुम्चिएको थियो। ५० वर्ष हामीले खायौ भन्दै थिए…
काठमाडौ । प्रहरी महानिरीक्षक (आईजीपी) बसन्त बहादुर कुँवरले धार्मिक आस्था एवं विश्वासले मानिसलाई सकारात्मक उर्जा प्रदान गर्ने, हौसला मिल्ने र गलत क्रियाकलाप गर्नबाट रोक्नुका साथै कार्य बोझबाट हुने तनाव कम गर्न समेत सहयोग पुग्ने विश्वास व्यक्त गरेका छन् । शुक्रबार जिल्ला प्रहरी कार्यालय उदयपुर परिसरमा नव-निर्मित शैलेश्वर शिव पाञ्चायन मन्दिर, अमर प्रहरी स्मृति उद्यान र द लाइब्रेरी क्याफेको उद्घाटन गर्दै आईजीपी कुँवरले सो कुरा व्यक्त गरेका हुन् । उद्घाटन पश्चात महानिरीक्षक कुँवरले नव-निर्मित मन्दिरले प्रहरी कर्मचारीहरूलाई आध्यात्मिक शान्ति मिल्नुका साथै आफ्नो कार्य सम्पादनमा पेशागत दायित्व निर्वाह गर्न, सतमार्ग र सदविवेक प्रयोग गर्न अन्तस्करण भावनाको बृद्धि हुने बताए । प्रहरी महानिरीक्षक…
काठमाडौं । नेपाल प्रहरीका प्रहरी उपरीक्षक (एसपी) ज्ञानेन्द्र कुमार राई प्रहरी वरिष्ठ उपरीक्षक (एसएसपी) मा बढुवा सिफारिस भएका छन् । बिहीबार बसेको बढुवा समितिको बैठकले प्राविधिक प्रहरी समूह, ईन्जिनियरिङ्ग उपसमूह, सूचना प्रविधिरकम्प्युटरतर्फका एसपी राईलाई एसएसपीमा बढुवा गर्न सिफारिस गरेको हो । बढुवा सिफारिस सूची प्रहरी नियमावली, २०७१ (संशोधन सहित) को नियम २७ को उप-नियम (४) अनुसार प्रकाशित गरिएको प्रहरी प्रधान कार्यालयले जनाएको छ । हाल उनी अख्तियार दुरुपयोग अनुसन्धान आयोग प्रहरी महाशाखा टंगाल फरेन्सिक युनिट प्राविधिक, टंगालमा कार्यरत छन् ।
काठमाडौ । उपत्यका अपराध अनुसन्धान कार्यालयले दरबारमार्गबाट स्रोत नखुलेको ९८ लाख रकम सहित दुई जनालाई पक्राउ गरेको छ । पक्राउ पर्नेमा दुई जना पुरुष छन् । प्रहरीले उनीहरूको नाम सार्वजनिक गरेको छैन । तर, ती दुई पुरुष रुपन्देही बुटवलको भएको प्रहरीले जनाएको छ । उनीहरु हुण्डी कारोबारी रहेको प्रारम्भिक अनुसन्धानबाट खुलेको छ । दरबारमार्गस्थित जय नेपाल हल नजिक गाडीमा रकम लिएर हिँडेको अवस्थामा उनीहरु पक्राउ परेका हुन् । उनीहरुको सुन कारोबारमा पनि संलग्न रहेको प्रहरीको प्रारम्भिक अनुसन्धान निष्कर्ष छ । घटनाबारे ११ बजे उपत्यका अपराध अनुसन्धान कार्यालयले पत्रकार सम्मेलन गरेर जानकारी गराउने भएको छ ।
काठमाडौ । नेपाल प्रहरीको दुई प्रहरी अतिरिक्त महानिरीक्षक (एआईजी)को सरुवा भएको छ भने बिहीबार अर्थात आज एआईजीमा बढुवा भएका दुई जनाको पदस्थापना समेत भएको छ । बिहीबार बसेको मन्त्रिपरिषद् बैठकले राष्ट्रिय प्रहरी प्रशिक्षण प्रतिष्ठानमा एआईजी सुदीप गिरीलाई पठाएको छ । उनी प्रदेश समन्वय विभागमा कार्यरत थिए । त्यस्तै मानवश्रोत विकास विभागमा कार्यरत टेक प्रसाद राईको प्रशासन विभागमा सरुवा भएको छ । राईको ठाउँमा भीम प्रसाद ढकाललाई पठाइएको छ । यसैगरी उमेश राज जोशीलाई प्रदेश समन्वय विभागमा पदस्थापन गरिएको प्रधानमन्त्रीको कार्यालयका एकजना उच्च अधिकृतले जानकारी दिए ।
काठमाडौं । काठमाडौं उपत्यका अपराध अनुसन्धान कार्यालयले वैदेशिक रोजगारमा पठाई दिने भन्दै ठगी गर्ने एक जनालाई पक्राउ गरेको छ । पक्राउ पर्नेमा मकवानपुरको थाहा नगरपालिका–२ घर भई हाल काठमाडौंको टोखा नगरपालिका बस्ने असिम नगरकोटी रहेका छन् । नगरकोटीले आकर्षक तलबको प्रलोभनमा पारी बेरोजगार युवायुवतिहरुलाई बैदेशिक रोजगारीमा पठाउने भन्दै ठगेको प्रारम्भिक अनुसन्धानबाट थाहा भएको उपत्यका अपराध अनुसन्धान कार्यालयले जनाएको छ । उनलाई उपत्यका अपराध अनुसन्धान कार्यालयको टोलीले ठमेलबाट पक्राउ गरेको हो । नगरकोटीलाई कारवाहीका लागी वैदेशिक रोजगार विभाग ताहाचलमा पठाइएको प्रहरीले जनाएको छ ।
सप्तरी । सप्तरीमा नेपाल बैंक लिमिटेडका एक जना सुरक्षा गार्डको हत्या भएको छ । सप्तकोशी नगरपालिका १ फत्तेपुरमा रहेको नेपाल बैंक लिमिटेड शाखा कार्यालयका सुरक्षा गार्ड ५५ वर्षीय पर्शुराम फुँयालको हत्या भएको हो । बिहीबार बिहान ३ बजेर १८ मिनेटमा घाँटीमा खुकुरी प्रहार गरी हत्या गरेको सीसीटीभी फुटेजमा देखिएको सप्तरीका प्रहरी प्रवक्ता डीएसपी ढुण्डीराज न्यौपानेले जानकारी दिए । बिहान ६ बजेतिर घटनाको विषयमा प्रहरीले जानकारी पाएको थियो । डीएसपी न्यौपानेका अनुसार सीसीटिभी फुटेजमा एकजना व्यक्ति भित्र पसेर गार्डमाथि खुकुरी प्रहार गरी हत्या गरेर बैंकमा लुटपाटको प्रयास गरेको देखिएको छ । ‘त्यसपश्चात बैंकभित्र पसेर लकर, काउन्टर फुटाउने प्रयास गरेका छन् ।…
काठमाडौं । प्रहरी नायब महानिरीक्षक (डीआईजी) उमेशराज जोशी र भीमप्रसाद ढकाल प्रहरी अतिरिक्त महानिरीक्षक (एआईजी)मा बढुवा भएका छन् । बिहीबार बसेको मन्त्रिपरिषद्को बैठकले जोशी र ढकाललाई एआईजीमा बढुवा गर्ने निर्णय गरेको सञ्चार तथा सूचना प्रविधिमन्त्री रेखा शर्माले बताइन् । यसअघि बढुवा समितिले ३ वैशाखमा जोशी र ढकाललाई एआईजी बढुवाका लागि सिफारिस गरेको थियो ।
काठमाडौं । न्यायाधीशसँग सेटिङ गरेर मुद्दा जिताइदिने र कारागारमुक्त गराइदिने भन्दै ठगी गर्ने एक जनालाई प्रहरीले पक्राउ गरेको छ । पक्राउ पर्नेमा ओखलढुंगाको सुनकोशी गाउँपालिका–१ घर भएका ३७ वर्षीय कृष्ण कार्की रहेका छन् । कार्कीलाई जिल्ला प्रहरी परिसर काठमाडौंको टोलीले सोल्टीमोडबाट पक्राउ गरेको हो । उनलाई ५ दिन हिरासतमा राखेर अनुसन्धान गर्न प्रहरीले काठमाडौं जिल्ला अदालतबाट अनुमति लिएको छ । भन्सार छलीको मुद्दामा कारागारमा रहेका लमजुङका बिलबहादुर गुरुङलाई छुटाइदिने भन्दै उनले ७ लाख रुपैयाँ लिएको प्रहरी अनुसन्धानबाट खुलेको छ । त्यस्तै जग्गा सम्बन्धीको मुद्दा मिलाइदिन्छु भन्दै धादिङ घर भएका भरत गुरुङसँग पनि २३ लाख रुपैयाँ ठगी गरेको आरोपपनि कार्कीमाथि छ…
काठमाडौ । इन्जिनियरिङ अध्ययन गर्दै गरेकी २२ वर्षीया स्नेहा लामिछाने एक सातादेखि सम्पर्क विहीन भएपछि उनको परिवार चिन्तामा डुबेको छ । चितवनको कालिका नगरपालिका-६ घर भएकी स्नेहा पछिल्लो समय काठमाडौँको कलंकीमा मामाघरमा बस्दै आएकी थिइन् । उनी ललितपुरको सानेपामा रहेको सगरमाथा इन्जिनियरिङ कलेजमा पढ्ने विद्यार्थी हुन् । वैशाख ३० गतेबाट सुरु हुने पहिलो सेमेष्टरको परीक्षाको तयारीमा रहेकी उनी गत १९ गते विहान कलेजको लाइब्ररीमा किताव लिन जाने भन्दै घरबाट निस्किएकी थिइन् । छोरी बेपत्ता भएदेखि आमाबुबाको खुशी लुटिएको छ । स्नेहाका बुबाआमा भने चितवनमै बस्दै आएका छन् । तर, छोरी हराएपछि आमाबुबा सन्तानको खोजीका लागि काठमाडौमा भौतारिरहेका छन् । छोरीको…