Author: Scoop Khabar
काठमाडौ । नेपाल राष्ट्रिय इन्जिनियर संगठन (एनईओएन) बागमती प्रदेशको अध्यक्षमा विश्वराम पराजुली निर्विरोध निर्वाचित भएका छन् । उनलाई नेपाल राष्ट्रिय इन्जिनियर संगठन बागमती प्रदेशको प्रथम सम्मेलनले सो पदमा निर्वाचित गरेको हो । त्यसैगरी, उपाध्यक्षमा सुजन लामिछाने र अर्जुन श्रेष्ठ, सचिवमा सुदर्शन कुमार मल्ल, सह-सचिवमा सुमन पोखरेल र प्रशान्त थापा र कोषाध्यक्षमा राजेन्द्र श्रेष्ठ पनि निर्विरोध निर्वाचित भएका छन् । त्यस्तै, सदस्यहरूमा वीरेन्द्रविक्रम लामा, अखिलेश यादव, नीता झाङ, अनुषा बोहरा, सरला केसी, विवेक मगर, सुरज पराजुली, सविन सिलवाल, भूमिनन्द ढकाल, रत्नेशकुमार चौधरी, माधव कँडेल, अंकित श्रेष्ठ, अनिल महर्जन, मनोज घिमिरे, मिथिला विहारी साह र गीता भट्ट निर्विरोध निर्वाचित भएका छन् ।
काठमाडौं । नेपाली सेनाले वीरगति प्राप्त तथा कर्तव्यपालनका क्रममा मृत्यु भएकाहरुको एकल महिला (श्रीमती) ले खाईपाई आएको मासिक कल्याणकारी निवृत्तिभरण रकम बढाएको छ । उक्त रकम गत वैशाख १ गते लागु भएको समारोह सञ्चालन निर्देशनालयले हालै जारी गरेको परिपत्रमा उल्लेख छ । निर्देशनालयले कार्यरथी विभागको जेठ २० गतेको पत्रको आधारमा मासिक पाँच सय रुपैयाँले निवृत्तिभरण रकम बढाइएको जानकारी दिएको छ । यसअघि वीरगति प्राप्तका एकल महिलाले मासिक तीन हजार पाँच सय रुपैयाँ प्राप्त गर्थे । अब यो रकम चार हजार रुपैयाँ पुगेको छ । त्यसैगरी कर्तव्यपालनका क्रममा मृत्यु भएकाहरुका एकल महिलाको खाइपाई आएको दुई हजार पाँच सय रुपैयाँमा पाँच सय…
काठमाडौं । भारतको उद्यमसिंह नगरस्थित नानकमत्तामा कञ्चनपुरका दुई जना युवा मृत भेटिएका छन्। महेन्द्रनगरका २२ वर्षीय सागर र १८ वर्षीय नीखिल मृत भेटिएका हुन् भने उनीहरुसँगै १९ वर्षीय सोहन घाइते अवस्थामा भेटिएका छन् । भारतीय प्रहरीका अनुसार उनीहरु तीनै जनालाई गम्भीर अवस्थामा एम्बुलेन्सले अस्पताल पुर्याएको थियो । उनीहरू सडक दुर्घटनामा परेको बताइएको छ ।
काठमाडौं । किक्रेटर सन्दीप लामिछाने टी-२० विश्वकपमा सहभागी हुने भएका छन् । उनी वेस्ट इन्डिज पुगिसकेको जनाइएको छ । उनलाई नेपाल किक्रेट संघ (क्यान)ले वेष्ट इण्डिजमा हुने खेलमा समावेश गरेसँगै उनी सोमबार बिहान वेस्ट इन्डिज पुगेका हुन् । नेपालले दोस्रो खेल जुन ११ मा श्रीलङ्कासँग अमेरिकाको फ्लोरिडामा खेल्नेछ । त्यसपछि नेपाल वेस्ट इन्डिजतर्फ लाग्नेछ । वेस्ट इन्डिजको भिन्सेन्टमा जुन १४ दक्षिण अफ्रिका र जुन १६ मा बङ्गलादेशसँग खेल्ने तालिका छ । वेस्ट इन्डिजमा हुने दुई खेलमा सन्दीपले नेपालबाट खेल्नेछन् । त्यसअघि नेपाल क्रिकेट संघ क्यानले एक विज्ञप्ति जारी गर्दै वेस्ट इन्डिजमा हुने खेलहरूमा सन्दीप समावेश हुने जानकारी गराएको हो ।…
मोरङ । गृहमन्त्रालय र कोशी प्रदेश आन्तरिक मामिला तथा कानून मन्त्रालयको संयुक्त आयोजनामा विद्यमान सुरक्षा अवस्था, समस्या तथा चुनौति र आगामी कार्यभारलगायतका विषयमा कोशी प्रदेशस्तरीय सुरक्षा गोष्ठी, २०८१ शुरू भएको छ । उपप्रधानमन्त्री एवम् गृहमन्त्री रवि लामिछानेले विराटनगरमा आइतबार आयोजित समारोह बीच उक्त गोष्ठीको उद्घाटन गरेका हुन् । उक्त अवसरमा गृहमन्त्री लामिछानेले विपद जोखिम न्यूनीकरणका लागि पूर्व तयारी, सरोकारवाला निकाय सँगको समन्वय र समयमै स्रोत साधन उपलब्ध गराउन प्रदेश र स्थानीय तहसँग समन्वय गर्नुपर्ने बताए । नीति नियमको अधिनमा रहेर कानून पालना गर्दै उत्कृष्ट काम गर्न उनले निर्देशन दिए । गृहसचिव एकनारायण अर्यालको अध्यक्षतामा संचालित उद्घाटन सत्रमा कोशी प्रदेश आन्तरिक…
काठमाडौं । प्रहरीको केन्द्रीय अनुसन्धान ब्युरो (सीआईबी) ले ‘पे वल नेपाल र सजिलो पे’ का ६ जना कर्मचारीलाई पक्राउ गरेको छ । अवैध हुण्डी र सुन, क्रिप्टोको अवैध कारोबारमा जोडिएपछि सीआईबीले दुई वटा भुक्तानी सेवा प्रदायक कम्पनीका ६ कर्मचारीलाई पक्राउ गरेको हो । सीआईबीका अनुसार पक्राउ पर्नेहरुमा भीमप्रसाद तिमल्सिना, प्रज्वल आचार्य, सुरज जबरा, सुशील बन्जारा, काश्यव मानन्धर र अथुकछाक खम्पा छन् । पक्राउ परेका मध्ये खम्पा मेट्रो अस्पतालमा भर्ना भएका छन् । उनीहरुविरुद्ध आइतबार काठमाडौं जिल्ला अदालतबाट ६ दिनको म्याद थप भएको छ । झण्डै ६१ किलो सुन तस्करीको दोस्रो चरणको अनुसन्धानमा डिजिटल भुक्तानी कम्पनीहरू पे वेल र सजिलो पे…
काठमाडौ । सिन्धुलीमा मोटरसाइकल दुर्घटना हुँदा दुई प्रहरीको मृत्यु भएको छ । एकजनाको घटनास्थलमै मृत्यु भएको छ । फिक्कल गाउँपालिका वडा नम्बर-५ झगडेँबेसी स्थित भित्री कच्ची सडकखण्डको सोल्पाडाँडाबाट गस्ती गर्दै चौकीतर्फ फर्कने क्रममा दुई प्रहरी सवार ३-०२-००१ ब ४७९ नम्बरको मोटरसाइकल अनियन्त्रित भई सडकबाट अन्दाजी ५० मिटर तल खसेको थियो । मोटरसाइकलमा सवार धनुषाको कमला नगरपालिका-९ घर भई प्रहरी चौकी रत्नावतिमा कार्यरत प्रहरी सहायक निरीक्षक (असई) रविन्द्र कुमार ठाकुर र तनहुँको भिमाद नगरपालिका-७ घर भई सोही चौकीमा कार्यरत प्रहरी सहायक हबलदार सूर्य कुमार श्रेष्ठको मृत्यु भएको हो । असई ठाकुरको खुर्कोटस्थित सामुदायिक अस्पतालमा उपचारकै क्रममा मृत्यु भएको र हवलदार श्रेष्ठको…
दाङ । दाङमा नेपाली सेनाका जवानले श्रीमतीको हत्या गरेका छन् । शुक्रबार बिहान सवा ८ बजेतिर तुलसीपुर उपहानगरपालिका– ६ लुङ्ग्री टोलमा श्रीमती २७ बर्षीया टीका बुढाथोकीको हत्या पछि उनी फरार भएका हुन । खुकुरी प्रहार गरि शालिकरामले श्रीमति टीकाको हत्या पछि फरार भएको र खोजी भइरहेको इलाका प्रहरी कार्यालय तुलसीपुरले जनाएको छ । उनले खुकुरी प्रहार गरी श्रीमतीको हत्या गरेको प्रहरीको आरोप छ । प्रहरीले घटनाबारे थप अनुसन्धान थालेको छ ।
काठमाडौं । सर्वोच्च अदालतले मेडिकल व्यवसायी दुर्गा प्रसाईंको बीएण्डसी मेडिकल कलेज टिचिङ हस्पिटल एण्ड रिसर्च सेन्टर प्रा.लि.लाई १५ दिनभित्र सम्बन्धन दिन परमादेश जारी गरेको छ । न्यायाधीशद्वय कुमार चुँडाल र सारङ्गा सुवेदीको संयुक्त इजलासले गत चैत १२ गते गरेको फैसलाको आज पूर्णपाठ सार्वजनिक गर्दै उक्त अस्पताललाई सम्बन्धन दिन काठमाडौं विश्वविद्यालय धुलिखेल काभ्रेपलाञ्चोक, चिकित्सा शिक्षा आयोग सानोठिमी, भक्तपुरलगायतका नाममा परमादेशको जारी गरेको हो । फैसलामा भनिएको छ, “प्रक्रियाअन्तर्गत गठित निरीक्षण टोलीले औंल्याएका मापदण्डअनुसारका जनशक्तिको व्यवस्थापन साथै सो निरीक्षण टोलीले तोकेका कार्यहरू पूरा गर्न लगाइ १५ दिनभित्र यस वर्षको शैक्षिक सत्र सुरु हुनु अगावै एमबीबीएस विद्यार्थी भर्ना गर्न पाउने गरी सम्बन्धन दिनू,…
काठमाडौं । नेपाली सेनाका एक महासेनानीलाई सैनिक प्रहरीले हिरासतमा लिएको छ । अमेरिकाको न्यूयोर्कस्थित राष्ट्रसंघका लागि नेपाली नियोगमा सैनिक सल्लाहकार रहेका दिरेन्द्र कुमार मल्ललाई सेनाले सैनिक हिरासतमा राखेको हो । चार महिनाअघि सैनिक सल्लाहकारको रुपमा न्यूयोर्क पुगेका मल्ललाई गत आइतबार सैनिक हिरासतमा राखिएको सैनिक स्रोतले जानकारी दियो । प्रधानसेनापति प्रभुराम शर्माको निर्देशनमा उनलाई न्यूयोर्कबाट फिर्ता बोलाएर सैनिक हिरासतमा राखिएको स्रोत बताउँछ । महासेनानी मल्लको नागरिकता र शैक्षिक योग्यतामा कैफियत देखिएपछि फिर्ता बोलाएर अनुसन्धान सुरु गरिएको हो । मल्ल ३१ बेसिकका सैनिक अधिकृत हुन् । उनी प्रक्राउ परेको बारे सेनाले अहिलेसम्म कुनै आधिकारीक जानकारी दिएको छैन ।