Author: Scoop Khabar
काठमाडौं । नेपाल प्रहरीले जनपद समूह अन्तर्गत रिक्त प्रहरी जवान पदको लिखित परीक्षाको नतिजा प्रकाशित गरेको छ । गत असार २९ गते लोकसेवा आयोगले लिएको परीक्षा दिएका मध्ये २ हजार ६११ जना उत्तीर्ण भएका हुन् । नेपाल प्रहरी प्रधान कार्यालयबाट २०८० माघ २६ गते प्रकाशित विज्ञापन नम्बर २५ ९०८०र८१० अनुसार लोक सेवा आयोगले २०८१ असार २९ गते लिखित परीक्षा लिएको थियो । लिखित परीक्षामा उत्तीर्ण भएका उम्मेदवारहरूको अन्तर्वार्ता तालिका २०८१ मंसिर ५ गते नेपाल प्रहरीको आधिकारिक वेबसाइटमा प्रकाशित गरिने जानकारी दिइएको छ ।
झापा । झापामा शनिवार राति फलामको रडले आक्रमण गरी एक जनाको हत्या गरिएको छ । आपसी विवादका क्रममा रड प्रहार गरेर बाह्रदशी गाउँपालिका–५ का गंगालाल माझी (४५) को हत्या गरिएको हो । राति आपसी विवाद हुँदा स्थानीय मानपुर राजवंशीले माझीलाई रडले हानेका थिए । गम्भिर घाइते माझीलाई उपचारका लागि बीएण्डसी अस्पताल बिर्तामोड लाने क्रममा बाटैमा मृत्यु भएको हो । राजवंशीलाई इलाका प्रहरी कार्यालय बिर्तामोडले पक्राउ गरेको छ ।
काठमाडौं । पूर्वी चीनको जियाङ्सु प्रान्तको वुसी सहरस्थित एक क्याम्पसमा एक जनाले अन्धाधुन्ध छुरा प्रहार गर्दा ८ जनाको मृत्यु भएको छ। र, १७ जना घाइते भएका छन्। वुसी यिक्सिङ आर्ट्स एण्ड क्राफ्ट्स कलेजमा छुरा प्रहारको घटना भएको हो। घटनापछि एक २१ वर्षीय युवकलाई प्रहरीले प्रक्राउ गरेको छ। स्नातक परीक्षामा खराब नतिजा आएका कारण प्रमाणपत्र प्राप्त गर्न असफल भएपछि दुःखी भएपछि उनले आक्रमण गरेको अपराधमा संलग्न व्यक्तिले प्रहरीसँग बयान दिएको चिनिया सञ्चारमाध्यम ग्लोबल टाइम्सले जनाएको छ। घटनाको थप अनुसन्धान भइरहेको प्रहरीले जनाएको छ।
चितवन । बढ्दो सडक दुर्घटना न्यूनिकरण गर्ने उद्देश्यले जिल्ला ट्राफिक प्रहरी कार्यालय चितवनले चालक तथा सहचालकको स्वास्थ्य परीक्षण अभियान सुरुआत गरेको छ। राजमार्गमा हुने दुर्घटना न्यूनीकरण गर्न आफूले चितवनक भरतपुर महानगरको आँपटारी चोक स्थित सडकमा नै चालक तथा सहचालकको स्वास्थ्य परीक्षण अभियान सुरु गरेको चितवन ट्राफिक प्रमुख प्रहरी निरीक्षक गायत्रीराज शर्माले जानकारी दिए । सोही अभियान अन्तर्गत शुक्रबार भरतपुरस्थित मनकामना अस्पतालको सहयोगमा आँपटारी चोकबाट चालक र सहचालकको स्वास्थ परिक्षण गरिएको हो। अधिकांश दुर्घटना चालककै कमजोरीका कारण भएकाले सवारी चलाइरहेका चालकलाई सडकमै रोकेर स्वास्थ्य परीक्षण गर्ने अभियान थालिएको र यो अभियानले सवारी दुर्घटना न्यूनीकरणमा सहयोग पुग्ने उनको विश्वास थियो। सो अवसरमा…
काठमाडौं । भारतका स्थल सेनाध्यक्ष उपेन्द्र द्विवेदी पाँच दिने भ्रमणका लागि मंसिर ५ गते नेपाल आउने भएका छन् । उनले मंसिर ५ गतेदेखि ९ गतेसम्म नेपाल भ्रमण गर्ने नेपाली सेनाले जनाएको छ । नेपाली सेनाको मानार्थ महारथीको दर्जा ग्रहण गर्न उनी नेपाल आउन लागेका हुन् । उनलाई मंसिर ६ गते राष्ट्रपति रामचन्द्र पौडेलले मानार्थ महारथीको दर्जा प्रदान गर्ने कार्यक्रम छ । नेपाल र भारतले एकअर्का देशका सेनाप्रमुखलाई मानार्थ महारथीको पदवी दिने प्रचलन रहेकाले सोही दर्जा ग्रहणका लागि भारतीय सेनाप्रमुख नेपाल आउन लागेका हुन् । नेपाल बसाइको क्रममा उनले राष्ट्रपति रामचन्द्र पौडेल, प्रधानमन्त्री केपी शर्मा ओली, रक्षामन्त्री मानविर राई र नेपाली…
वासिङटन डीसी । अमेरिकाका वर्तमान राष्ट्रपति जो बाइडेनले राष्ट्रपतिमा निर्वाचित भएका डोनाल्ड ट्रम्पलाई हात मिलाएर स्वागत गरेका छन् । दुवैबिच ओभल अफिसमा भेटवार्ता भएको छ । खबरका अनुसार जनवरी २० मा ट्रम्पको शपथ ग्रहण अघि, बाइडेन प्रशासनले ट्रम्पलाई सत्ता हस्तान्तरण गर्न आवश्यक वार्ता र औपचारिकताहरू पूरा गरिरहेको छ । यस सन्दर्भमा, बाइडेनले परम्परागत रूपमा ट्रम्पलाई निम्तो दिएका थिए । त्यसपछि दुवैले बुधबार भेटेका हुन् । हात मिलाएर गरे अभिवादनसमाचार एजेन्सी एपीमा छापिएको समाचार अनुसार ओभल अफिसको बैठकमा बाइडेनले ट्रम्पलाई हात मिलाएर अभिवादन गरेका थिए । डेमोक्रेटिक प्रशासनबाट रिपब्लिकन क्याम्पमा सत्ता हस्तान्तरणको प्रक्रिया सहज रुपमा सम्पन्न हुने पनि खबरमा भनिएको छ…
काठमाडौं । गण्डकी प्रदेशका पुर्वमन्त्री राजिव गुरुङ उर्फ दिपक मनाङे पक्राउ परेका छन् । ज्यान मार्ने कसुरमा सर्वोच्च अदालतले जेलसजाय तोकेपछि मनाङेलाई प्रहरीले काठमाडौबाट पक्राउ गरेको हो । गण्डकी प्रदेशका सभा सदस्य समेत रहेका मनाङेलाई प्रहरीको केन्द्रीय अनुसन्धान ब्युरो (सिआइबी)ले काठमाडौंको सानो भर्याङबाट पक्राउ गरेको हो । दीपक मनाङेको समूहले ०६१ सालमा अर्का डन मिलन चक्रे भनिने मिलन गुरुङलाई तरबार हानेका थिए । सो घटनालाई लिएर जिल्ला सरकारी वकिल कार्यालय काठमाडौंले मनाङे समूहविरुद्ध कर्तव्य ज्यान मुद्दा दर्ता ग¥यो । तर, जिल्ला अदालत काठमाडौंले कर्तव्य ज्यान नभई कुटपिट भएको ठहर गर्दै मनाङेलाई २ वर्ष जेल सजाय सुनायो भने गणेश लामा, रेवत कार्की,…
काठमाडौं । प्रहरी प्रधान कार्यालयले रिक्त रहेको नायब महानिरीक्षक (डिआईजी) पदमा बढुवा सिफारिसको तयारी गरेपनि सकिरहेको छैन । राजनीतिक खिचातानीकारण बढुवा हुन नसकेकेको बताइएको छ । संगठन प्रमुखले आफूअनुकुल बढुवा गर्न पाएका छैनन् । सत्तासीन दलकै नेताहरूको दबाब आएपछि बढुवा सिफारिस गर्न नसकिएको प्रहरी प्रधान कार्यालय स्रोत बताउँछ । गत असारदेखि नै प्रहरीमा डिआईजीको पद रिक्त हुँदै गएपनि बढुवा रोकिएको थियो । हाल प्रहरी संगठनमा ८ वटा डिआईजीको पद रिक्त छ । प्रधानमन्त्री केपी शर्मा ओली, गृहमन्त्री रमेश लेखक, कांग्रेस सभापति शेरबहादुर देउवा, उनकी पत्नी आरजु राणालगायत शीर्ष नेताहरुले आफ्नो गोजीबाट नाम निकाल्दै सिफारिस गर्न दबाब दिएपछि बढुवा प्रक्रिया लम्बिएको…
काठमाडौं । नेपाल प्रहरीले अपराध अनुसन्धान शाखामा कार्यरत प्रहरी कर्मचारीको सानो कमजोरीले पनि अपराधसम्बन्धी मुद्दा प्रभावित हुनसक्ने भएकाले त्यसतर्फ गम्भीर हुन सचेत गराएको छ । अपराध अनुसन्धानमा खटिने हरेक प्रहरी कर्मचारीले प्रचलित कानुनका प्रावधानलाई पालना गरी नागरिकलाई कानुनी राज्यको प्रत्याभूति दिलाउनुपर्ने जनाउँदै मातहतका कर्मचारीलाई निर्देशन दिइएको हो । काठमाडौँ उपत्यका प्रहरी कार्यालयमा सोमबार भएको अपराध अनुसन्धानसम्बन्धी अन्तरक्रिया कार्यक्रममा कार्यालय प्रमुख, प्रहरी अतिरिक्त महानिरीक्षक किरण बज्राचार्यले अपराध अनुसन्धानमा खटिने प्रहरीले ‘पीडितलाई न्याय र पीडकलाई सजाय’ दिलाउनेतर्फ केन्द्रित हुनुपर्नेमा जोड दिइन् । प्रहरी अतिरिक्त महानिरीक्षक बज्राचार्यले मातहतका सम्पूर्ण कर्मचारीलाई कानुनका प्रावधान पालना गर्दै न्यायसम्पादन गर्न अनुरोध गरिन् । उनले नागरिक केन्द्रित प्रहरी…
वीरगञ्ज । जिल्ला प्रहरी कार्यालय पर्साले झण्डै पौने ८६ लाखको सामान सहितको ट्रक नियन्त्रणमा लिएको छ । प्रहरीले वीरगञ्ज महानगरपालिका–८ घण्टाघरमा चेकजाँचको क्रममा बिल बिजक भन्दा बढी सामान लोड रहेकोले ट्रकलाई नियन्त्रणमा लिएको हो । वीरगञ्जबाट कैलालीतर्फ जाँदै गरेको ना.६ ख ५५१ नम्बरको मालबाहक ट्रकमा बिल विजक भन्दा बढीको ८५ लाख ७० हजार २ सय ४० रुपैया बराबरको औषधीहरु लोड रहेको पाईएपछि ट्रकलाई नियन्त्रणमा लिइएको जिल्ला प्रहरी कार्यालय पर्साका प्रवक्ता प्रहरी नायव उपरीक्षक दीपक भारतीले जानकारी दिए । नियन्त्रणमा लिएको मालबाहक ट्रक थप अनुसन्धान तथा कारवाहीको लागि राजस्व अनुसन्धान कार्यालय पथलैया बारामा बुझाइएको प्रहरीले जनाएको छ ।