Author: Scoop Khabar

काठमाडौं । चितवनमा बसले ठक्कर दिँदा एकजनाको मृत्यु भएको छ । खैरहनी नगरपालिका-२ ज्यामिरेचोकस्थित पूर्व पश्चिम महेन्द्र राजमार्गमा उदयपुरबाट काठमाडौंतर्फ जाँदै गरेको बागमती प्रदेश ०१-००६ ख ७०२३ नम्बरको बस र विपरीत दिशाबाट आउँदै गरेको बागमती प्रदेश ०१-०३० च ११५७ नं।को इभी कार गएराति एकआपसमा ठोक्किएर दुर्घटना भएको थियो । उक्त दुर्घटनामा कार चालकको मृत्यु भएको चितवन प्रहरीले जनाएको छ । मृत्यु हुनेमा खैरहनी नगरपालिका-८ बस्ने ४२ वर्षीय प्रदीप तिमल्सिना रहेका छन् । दुर्घटनामा परि गम्भीर घाइते भएका तिमल्सिनालाई उपचारका लागि नयाँ मेडिकल कलेज भरतपुर ल्याइएकोमा अस्पतालले आज बिहान ३ बजे मृत घोषणा गरेको जिल्ला प्रहरी कार्यालय चितवनका प्रवक्ता रविन्द्र खनालले…

काठमाडौं । ‘हनी ट्रयाप’मा संलग्न आरोपमा दुई युवती पक्राउ परेका छन् । नेपाल प्रहरीको काठमाडौं उपत्यका अपराध अनुसन्धान कार्यालयले बुधबार हनी ट्रयाप कार्यमा संलग्न दुई युवतीलाई पक्राउ गर्न सफल भएको हो । पक्राउ पर्नेमा कैलालीको गोदावरी नगरपालिका–१० दमौरा घर भई काठमाडौंको कालोपुल बस्ने ३४ वर्षीया ममता तामाङ र भक्तपुर नगरपालिका–१७ सल्लाघारी घर भई हाल काठमाडौंको हाँडीगाउँ बस्ने ३४ वर्षकै आँचल श्रेष्ठ भन्ने आँचल चौगुठी रहेका छन् । उनीहरूले पीडितसँग फेसबुकमार्फत चिनजान गरेको र सम्बन्ध बढाएको प्रहरीले जनाएको छ । त्यसपछि काठमाडौंको ठमेलस्थित एक होटलमा बोलाएर खाजा तथा मादक पदार्थ सेवन गराएको र अचेत अवस्थामा पीडितको अश्लील फोटो र भिडिओ बनाएको…

काठमाडौं । धनुषा जिल्लाको लक्ष्मिनिया गाउँपालिका–५, बनिनियाँमा भएको जघन्य कर्तव्य ज्यान घटनामा फरार रहेका प्रतिवादी हरिराम यादवलाई प्रहरीले पक्राउ गरी सार्वजनिक गरेको छ । जिल्ला प्रहरी कार्यालय धनुषाकाअनुसार २०८१ साल फागुन १७ गते दिउँसो १ बजे ४० वर्षीय यादवले आफ्नी २५ वर्षीया श्रीमती अञ्जली यादवमाथि कुटपिट गरी घरबाट निकालेका थिए । त्यसयता हरिराम करिव ३/४ दिनदेखि सम्पर्कविहीन रहेको र उनको घरमा ताला लागेको सूचनाका आधारमा स्थानीयवासीले शंका जनाउँदै प्रहरीलाई खबर गरेका थिए । खबर प्राप्त भएलगत्तै जिल्ला प्रहरी कार्यालय धनुषा र इलाका प्रहरी कार्यालय महेन्द्रनगरबाट खटिएको टोलीले हरिरामको घरमा ताल्चा फोडी जाँच गर्दा भुईंतल्लामा रहेको कुलदेवताको पूजाकोठामा नयाँ सिमेन्ट ढलान…

काठमाडौं । पछिल्लो २४ घण्टायता सामाजिक सञ्जालमा तीनजना प्रहरीले गरेको कामको चौतर्फी प्रशंसा भएपछि उनीहरुको नाम चर्चामा छ । यसरी चर्चामा आउनेमध्ये २ जना नेपाल प्रहरीका छन् भने एकजना सशस्त्र प्रहरी बलका हुन् । नेपाल प्रहरीका चन्द्रिका देउवा, कुन्जाङ छोपेल शेर्पा र सशस्त्रका दन्त बहादुर छत्यालको नाम चर्चामा आएको हो । चर्चामा मात्र आएनन्, उनीहरु तीनैजनाको कामको कदर गर्दै संगठनले सम्मानसहित पुरस्कृत समेत गरेको छ । तर, उनीहरु कसरी चर्चामा आए ? के कारणले चर्चामा आए ? त्यसैले सर्वप्रथम प्रहरी जवान देउवाबारे चर्चा गरौं । प्रहरी जवान चन्द्रिकाले आमा र बच्चाको ज्यान जोगाई प्रहरीको छविलाई उच्च बनाउन प्रशंसनीय भूमिका निर्वाह…

काठमाडौं । नेपाल प्रहरीमा नायब महानिरीक्षक (डीआईजी) बढुवा सिफारिस भएसँगै रिक्त भएको प्रहरी वरिष्ठ उपरीक्षक (एसएसपी) पदमा बढुवाको तयारी थालिएको छ । रिक्त पद पूर्तिको लागि प्रहरी प्रधान कार्यालयले तयारी थालेको हो । बढुवा सिफारिस समितिले गत मंगलबार ११ जनालाई डीआईजी बढुवाका लागि सिफारिस गरेसँगै प्रधान कार्यालयले रिक्त एसएसपी पदमा बढुवाको तयारी थालेको हो । गृहकार्य थालिएकोमा एसएसपी बढुवाका लागि तीव्र प्रतिस्पर्धा देखिएको छ । जसका लागि केही अधिकृतहरुले विचौलियामार्फत दौडधुप सुरु गरेका छन् । स्रोतका अनुसार अहिलेको एसपी बढुवाको पहिलो नम्बरमा विमल बस्नेत देखिएका छन् । २०५३ सालमा राष्ट्रिय अनुसन्धान विभागको इन्सपेक्टरमा भर्ना भएर नेपाल प्रहरीमा स्थानान्तरण भएका बस्नेत…

काठमाडौं । सर्वोच्च अदालतको परमादेशपछि गठन गरिएको गैरआवासीय नेपाली संघ (एनआरएनए) को उच्चस्तरीय समितिबाट सम्पन्न एकता महाधिवेशनबाट निर्वाचित कार्यसमितिले एक उच्चस्तरीय न्यायिक तथा मेलमिलाप समिति गठन गरेको छ। अध्यक्ष महेश कुमार श्रेष्ठको अध्यक्षतामा बसेको कार्यसमितिको दोस्रो बैठकले एनआरएनए अभियन्ता राजेन्द्र कुमार (आरके) शर्मालाई समिति संयोजक नियुक्त गर्दै उक्त समिति गठन गरेको हो। प्रवक्ता गंगाधर गौतमका अनुसार समितिमा आवश्यकता अनुसार थप सदस्यहरू समावेश गरिनेछ। बैठकले संसारभरका राष्ट्रिय समन्वय परिषद्हरू (एनसीसी) लाई अर्को पक्षको नियन्त्रणमा रहेको एमआइएस प्रणाली प्रयोग नगर्न समेत आग्रह गरेको छ। महासचिव बाबुराम (बीआर) लामाका अनुसार, एनसीसीहरूलाई आफ्नै पोर्टलमार्फत आवेदन प्रक्रिया सञ्चालन गर्न अनुरोध गरिएको छ। आफ्नै पोर्टल नभएका…

काठमाडौं । रक्षामन्त्री मानवीर राईले नेपाली सेना मुलुकमा आइपर्ने हरेक किसिमका समस्या र विपद्सँग जुध्न सक्षम रहेको बताएका छन् । रक्षा मन्त्रालयद्वारा आयोजित ‘राष्ट्रिय निकुञ्ज तथा वन्यजन्तु आरक्षको सुरक्षासम्बन्धी अन्तरक्रिया’ कार्यक्रममा रक्षामन्त्री राईले नेपाली सेना सीमा सुरक्षा वा शान्ति सुरक्षाका लागि मात्र नभई मुलुकमा भैपरी आउने हरेक समस्यासँग जुध्न सक्षम रहेको बताए । उनले प्राकृतिक विपद्, सङ्कट र अन्य आपत्कालीन अवस्थामा समेत सक्रिय रहने संस्थाका रूपमा नेपाली सेना स्थापित भइसकेको उल्लेख गरे । “बाढी, पहिरो, हिमताल बिस्फोट, डुबान, भूकम्पलगायत विभिन्न प्राकृतिक विपद्का बेला नेपाली सेनाले देखाएको सक्रियता र समर्पण उल्लेखनीय छ”, मन्त्री राईले भने, “जिल्लाको थामे क्षेत्रमा हिमताल फुटेर आएको…

काठमाडौं । सोमबार सगरमाथा आरोहण गरेकी नेपाल प्रहरीकी सहायक निरीक्षक (असई) कुन्जाङ छोपेल शेर्पाको विशेष बढुवा भएको छ । बुधबार प्रहरी महानिरीक्षक दीपक थापाको अध्यक्षतामा बसेको बैठकले शेर्पालाई प्रहरी नायव निरीक्षक (सई) मा बढुवा गर्ने निर्णय गरेको हो। शेर्पाले विश्वको सर्वोच्च शिखर सगरमाथा सफलतापूर्वक आरोहण गरी संगठनको गौरव बढाउन सफल भएको भन्दै उनको विशेष बढुवा गरिएको प्रहरी प्रधान कार्यालयले जानकारी दिएको छ।

प्रिन्स मिश्र कपिलवस्तु । शिवराज नगरपालिका वडा न १० लाई पुर्ण खोप सुनिश्चितता तथा दिगोपना वडा घोषणा गरिएको छ । ‘स्थानीय स्वामित्व र सहभागितामा, पूर्ण खोप सुनिश्चितता हाम्रो प्रतिबद्धता’ भन्ने नाराका साथ पुर्ण खोप सुनिश्चितता तथा दिगोपना घोषणा गरिएको हो । शिवराज नगरपालिकाका नगर प्रमुख तथा कार्यक्रमका प्रमुख अतिथि अजय थापाले प्रमाणपत्र प्रदान गर्दै पुर्ण खोप सुनिश्चित वडा घोषणा गर्नु भएको हो । नगर प्रमुख थापाले खोप सुनिश्चितता घोषण गर्न सहयोग गर्ने कर्मचारीलाई धन्यवाद दिँदै खोपले बालबालिकामा विभिन्न रोगबाट बच्ने प्रतिरोधात्मक क्षमता बढ्ने भएकाले.खोपबाट बालबालिकालाई वञ्चित गराउन नहुने बताउनुभयो । सो अवसरमा कार्यक्रमको अध्यक्षता शिवराज नगरपालिका वडा नं १० की…

काभ्रे । प्रहरीले काभ्रेको बनेपा नगरपालिका-१४ साँगाबाट स्रोत नखुलेको २५ लाख रुपैयाँ नगदसहित दुई जनालाई पक्राउ गरेको छ । मंगलबार दिउँसो पनौतीबाट काठमाडौंतर्फ जाँदै गरेको बा ३ ख २४१६ नम्बरको यात्रुबाहक बस रोकेर जाँचको क्रममा सिन्धुपाल्चोकको इन्द्रावती गाउँपालिका–१ का २१ वर्षीय राजन धमालाले बोकेको रातो जेब्रा झोलाबाट स्रोत खुल्न नसकेको २५ लाख रुपैयाँ नगद फेला परेको हो । नगद बोकेका धमालासँगै यात्रामा रहेका उनका साथी सप्तरीको छिन्नमस्ता गाउँपालिका–६ निवासी ३८ वर्षीय सञ्जय कुमार साहालाई समेत प्रहरीले सोधपुछका लागि नियन्त्रणमा लिएको जिल्ला प्रहरी कार्यालय काभ्रेले जनाएको छ । उनीहरुमाथि थप अनुसन्धान भइरहेको बताइएको छ ।