Author: Scoop Khabar
काठमाडौं। पाँच वर्षपछि काठमाडौंमा पुनः उडान संचालनको तयारीमा रहेको मलेसियाको लो कस्ट एयरलाइन्स एयर एसियाले बक्यौताको किस्ताबापत नागरिक उड्डयन प्राधिकरणलाई बिहिबार १ करोड १५ लाख रुपैयाँ बुझाएको छ । यो वायुसेवाको नाममा जरिवानासहित २५ करोड रुपैयाँभन्दा बढी बक्यौता रहेकामा २ साताअघि पहिलो किस्ता बुझाएको थियो । ‘एयर एसियाले नेपालमा आफ्नो व्यावसायिक उडान संचालनका लागि दुई किस्ता बुझाएको छ,’ प्राधिकरणका प्रवक्ता जगन्नाथ निरौलाले भने, ‘उसले दोस्रो किस्ता प्रतिबद्धता जनाए अनुसारकै मितिमा बुझाएको छ । बक्यौताको किस्ता तिरेको देख्दा छिट्टै उडान गर्न चाहेको देखिन्छ ।’ पुनः नियमित उडान गर्नका लागि एयर एसियाले युनिभर्सल टुर्स एण्ड ट्राभललाई जनरल सेल्स एजेन्ट ‘जीएसए’ नियुक्त गरेको…
काठमाडौँ । प्रधानमन्त्री पुष्पकमल दाहाल प्रचण्डले आफुले अर्को उथलपुथल गर्न सक्ने बताएका छन् । बिहीबार राष्ट्रिय विकास समस्या समाधान समितिको ५२औं बैठकमा बोल्दै उनले नयाँ सत्ता समीकरणबाट काम गर्न नसके फेरी पनि उथलपुथल गर्न बेर नलाग्ने उल्लेख गरेका हुन् । उनले कामै गर्न नसकिने स्थिति भयो भने पद ओगटेर बसिराख्न जरुरी हुँदैन भन्दै आफूले यस अघि पनि सार्वजनिक रूपमै त्यस अवस्था कायमै रहे पद ओगटीराख्नुको औचित्य पुष्टि नहुने बताउदै आएको स्पष्ट गरे । प्रधानमन्त्री दाहालले अझै पनि काम गर्न सकिने सम्भावना देखेर नै आफू पदमा बसिरहेको बताए । प्रधानमन्त्री दाहालले मन्त्रालयहरूले बजेट होल्ड गरेर राख्ने र आर्थिक वर्षको अन्त्यतिर सःशर्त…
काठमाडौ । उपप्रधान एवं गृहमन्त्री रवि लामिछानेले प्रहरी समायोजन नभएका कारण प्रदेशहरुले काम गर्न नसकेको भन्न नहुने बताएका छन् । बिहीवार प्रधानमन्त्री तथा मन्त्रिपरिषद् कार्यालयमा आयोजित राष्ट्रिय विकास समस्या समाधान समितिको ५२ औं बैठकमा लामिछानेले प्रदेशको औचित्यमा प्रश्न उठ्नुमा प्रहरी समायोजन मात्रै नभएको बताएका हुन् । बैठकमा प्रदेश प्रहरी समायोजन हुन नसकेकाले शान्ति सुरक्षा र विपद् व्यवस्थापनमा समस्या परेका विषयमा छलफल भएको थियो । छलफलमा मधेस प्रदेशका मुख्यमन्त्री सरोजकुमार यादव र गण्डकी प्रदेशका मुख्यमन्त्री सुरेन्द्रराज पाण्डेले प्रहरी समायोजनजस्ता अत्यावश्यक विषयसमेत नटुंगिदा संघीयताको औचित्यमै प्रश्न उठाउन थालिएको बताएका थिए । जवाफमा गृहमन्त्री लामिछानेले प्रहरी समायोजन विधेयक जति सक्दो छिटो अघि बढाउने…
काठमाडौँ । नेपाल प्रहरीका ८ जना प्रहरी नायब उपरीक्षक (डिएसपी) प्रहरी उपरीक्षक (एसपी) पदका लागि बढुवामा सिफारिस भएका छन् । नेपाल प्रहरी प्रधान कार्यालयले ८ डिएसपीलाई एसपीमा बढुवाका लागि सिफारिस गरेकाे हाे । कार्यालयकाे बढुवा समितिको बैठक बुधबार बसेकाे थियाे। बढुवा सिफारिसको पहिलो नम्बरमा ढकेन्द्र खतिवडा र दोस्रो नम्बरमा अगुर जिसी रहेका छन् । बढुवा सिफारिसमा काे-काे परे? हेर्नुहोस् सूची:
काठमाडौं । प्रहरी महानिरीक्षक (आईजीपी) वसन्तबहादुर कुँवरले सहकारी ठगीका मुख्य व्यक्ति जिबी राई नै भएको बताएका छन् । संसद्को राज्य व्यवस्था समितिको बैठकमा बोल्दै आईजीपी कुँवरले यस्तो बताएका हुन् । आईजीपी कुँवरले भने, ‘उनी मलेसियामा छन् भन्ने छ, तर मलेसियासँग सुपुर्दगी सन्धि छैन । मुलुकी अपराध संहिताले पनि एमएलए गर भन्छ । मलेसिया सरकारले सुपुर्दगीको रिक्वेस्टका रूपमा पत्र पठाउन भनेपछि मन्त्रालय मार्फत पठाइसकेका छौं ।’ आईजीपी कुँवरले सूर्यदर्शन बचत तथा ऋण सहकारी संस्थाका अध्यक्षसमेत रहेका राईविरुद्ध अन्तर्राष्ट्रिय अपराध प्रहरी संगठन (इन्टरपोल) बाट रेड नोटिस जारी भइसकेको बताए । तर पत्र पुग्दा पनि सुर्पुदगी सन्धि नभएकाले राईलाई डिपोर्ट गर्न मलेसिया सरकार…
काठमाडौं । प्रहरी महानिरीक्षक (आईजीपी) वसन्तबहादुर कुँवरले तस्करीको सुन प्रकरणमा फरार रहेका आरोपी जीवन चलाउनेले मिडियाहरुमा दिएका अभिव्यक्तिलाई तथ्यका रुपमा लिन नसकिने बताएका छन् । बुधबार प्रतिनिधिसभाको राज्य व्यवस्था तथा सुशासन समितिको बैठकमा बोल्दै आईजीपी कुँवरले सञ्चारमाध्यममा सार्वजनिक भएका चलाउनेका अभिव्यक्तिलाई तथ्यका रुपमा मान्न नसकिने बताएका हुन् । चलाउने पक्राउ नपरेसम्म उनको कुरालाई तथ्यका रुपमा लिन नसकिने आईजीपी कुँवरले बताए । चलाउनेले सुन प्रकरण अनुसन्धानमा खटिएका प्रहरी अधिकारीहरुले पैसा मागेको तर, नपाएपछि आफूलाई प्रतिवादी बनाएको अडियो र भिडियो सार्वजनिक गरेका थिए । सुन तस्करीबारे छानबिन गर्न गठित पूर्वन्यायाधीश डिल्लीराज आचार्य नेतृत्वको आयोगको जाँचका क्रममा चलाउनेलाई प्रहरीको केन्द्रीय अनुसन्धान ब्यूरो (सिआईबी)…
काठमाडौं । सशस्त्र प्रहरी बलले नेपाल–भारत सीमा क्षेत्रमा हराएका १५ सीमास्तम्भको पुनर्स्थापना र २ हजार १३५ सीमा स्तम्भको मर्मत सम्भार गरेको छ । नापी विभागको तथ्यांकअनुसार नेपाल–भारतबीच ८ हजार ८५३ सीमा स्तम्भ छन् । जसमध्ये सशस्त्र प्रहरी बलले ३ चैतसम्म १७ जिल्लाका २ हजार १३५ सीमा स्तम्भको मर्मत सम्भार गरेको प्रवक्ता राजेन्द्र खड्काले जानकारी दिए । १६ कात्तिकमा मधेश प्रदेशको छिन्नमस्ता बाहिनीबाट सीमा स्तम्भको मर्मत सुरू गरिएको थियो । हालसम्म झापामा १७० वटाको रंगरोगन, १२८ वटाको सामान्य मर्मत, १६ वटाको मध्यमस्तरको मर्मत र ३ वटाको पूर्ण मर्मत गरिएको छ । त्यस्तै मोरङमा ३३, सुनसरीमा १३३, सिरहामा १६५, धनुषामा १५४, महोत्तरीमा…
काठमाडौं । प्रहरी महानिरीक्षक (आईजी) वसन्तबहादुर कुँवरले संगठनले आन्तरिक शुद्धीकरणको नीति लिएकाले राम्रोसँग काम गर्न हालै सरुवा भएका प्रहरी नायव उपरीक्षक (डीएसपी)हरुलाई निर्देशन दिएका छन् । कार्यक्षेत्रमा खटिनुअघि आईजी कुँवरले प्रहरी प्रधान कार्यालयमा बोलाएर उनीहरुलाई निर्देशन दिँदै संगठनले लिएको नीति अनुरूप आन्तरिक शुद्धीकरणलाई आत्मसात् गर्दै तोकिएको जिम्मेवारी उत्कृष्ट ढंगले पुरा गर्न कटिवद्ध हुनुपर्ने बताए । आईजी कुँवरले व्यक्तिगत स्वार्थ भन्दा पनि नागरिकलाई केन्द्रमा राखेर नागरिकको विश्वास जित्ने गरी कार्य सम्पादन गर्नुपर्नेमा जोड दिँदै आ-आफ्नो कार्यक्षेत्रमा सामूहिक भावनाका साथ प्राप्त जिम्मेवारी पूरा गर्नुपर्ने बताए ।राजस्व चुहावट नियन्त्रण तथा तस्करी नियन्त्रणलाई पहिलो प्राथमिकतामा राखेर काम गर्न उनले निर्देशन दिए । लागूऔषध नियन्त्रण…
काठमाडौं । आफूलाई सामाजिक अभियन्ता भन्दै विभिन्न युट्युब च्यानलमा अन्तर्वार्ता दिँदै हिँड्ने शर्मिला वाइबा हिरासतमुक्त भएकी छिन् । काठमाडौं जिल्ला अदातलका न्यायाधीश कमलप्रसाद पोखरेलको इजलासले दुईवटा मुद्दामा उनलाई सोमबार धरौटी लिएर रिहा गर्न आदेश दिएको हो । उनी २८ दिन लामो हिरासत बसाइपछि सोमबार रिहा भएकी हुन् । म्याकुरी उपनामले चिनिने हाँस्य कलाकार पवन खतिवडाले कुटपिटसम्बन्धी घटनामा उजुरी दिएपछि उनलाई महाराजगञ्ज बृत्तको टोलीले गत फागुन १६ गते सिन्धुपाल्चोकबाट पक्राउ गरेको थियो । प्रहरीले उनीविरुद्ध कुटपिट, अंगभंग र साइबर अपराधसहित दुईवटा मुद्दा चलाइएको थियो । ती दुईमध्ये कुटपिट अंगभंगमा १० हजार र साइबरसम्बन्धी अपराधमा २५ हजार धरौटी बुझाएर उनी सोमबार नै…
काठमाडौं । गत २०७९ चैत १० गते बसेको मन्त्रिपरिषद् बैठकले बसन्तबहादुर कुँवरलाई नेपाल प्रहरीको महानिरीक्षक (आईजीपी) मा नियुक्त गरेको थियो । कुँवर आईजीमा नियुक्त भएको आज एकवर्ष पुगेको छ । आईजीको दज्र्यानी चिह्न लगाएसँगै कुँवरले संगठन सुदृढीकरण गर्ने र विधिसम्मत सरुवा र बढुवा गर्ने प्रतिबद्धता जनाएका थिए । सरुवा/बढुवामा अन्याय नगर्ने र मातहतका कर्मचारीहरूको वृत्ति विकासमा ध्यान दिने उनले बताएका थिए । उनले प्रहरी जनशक्तिकोे वृद्धि, स्रोत साधन र क्षमतावान् बनाउन आफू संगठन प्रमुखको हैसियतले निरन्तर लागिपर्ने समेत बताएका थिए । संगठन बलियो बनाउन कुनै तत्वसँग साँठगाँठ नगर्ने कुँवरको भनाइ थियो । ‘प्रहरी कर्मचारीको मनोबललाई बढाएर संगठनलाई नमुना संगठन बनाउनेछु’,…