काठमाडौं । अधिवक्ता गोविन्द पन्थीले नेकपा एमालेका नेता सूर्य थापालाई जनतालाई अपराधी भनेको कुरा पुष्टि गर्न चेतावनी दिएका छन् ।
गएराती काठमाडौं महानगरपालिकाका मेयर बालेन्द्र थापा ‘बालेन’ ले सामाजिक सञ्जाल फेसबुमा लेखेको स्टाटसलाई स्क्रिन सर्ट गरेर थापाले बालेनलाई लुसिफर, सैतान र दलाल भन्दै आरोप लगाएका छन् भने बालेनलाई भोट दिएर मेयर बनाउनेहरुलाई अपराधी र देशद्रोहीको संज्ञा दिएका थिए ।
सोही विषयलाई लिएर अधिवक्ता पन्थीले थापालाई आम जनतामाथि लगाएको आरोपको पुष्टि गर्न चुनौती दिएका हुन् ।
पन्थीले फेसबुकमा लेखेका छन्–‘सुर्य थापा जी, बालेनले त त्यस्ता लेखे बिरोध गर्नु भयो ठिकै छ । तपाईको नागरिक स्वतन्त्रता को उपयोग गर्नु भयो । तर बालेनलाई भोट गरेर जिताउने माहानगरका मतदातालाई अपराधी करार गर्नु यो हद को बौद्धिकता आश गरिएको थिएन यहाँ बाट । तपाईं त्यो सच्च्याएर अबिलम्ब काठमाडौका जनतासँग माफी माग्दा नै तपाईंको राजनितीक कद बढ्नेछ । अन्यथा तपाईंले आम जनतालाई अपराधी भनेको कुरा पुष्ठि गर्नु पर्नेछ।’
अधिवक्ता तिनै पूर्वप्रहरी अधिकारी हुन्, जसले कार्यरत रहँदा भिजिट भिषाको बारेमा अनुसन्धान गरेका थिए ।
पन्थी उपत्यका अपराध अनुसन्धान कार्यालयमा कार्यरत रहँदा अन्तर्राष्ट्रिय अनुसन्धान अवार्ड (INTERNATIONAL Investigative AWARD) बाट सम्मानित भएका थिए । पूर्व डीएसपी पन्थीलाई मानब बेचबिखन तथा ओसारपसार नियन्त्रणको क्षेत्रमा काम गर्दै आइरहेको संस्था लाई KIN INDIA ले उत्कृष्ट कार्य गरेबापत उक्त अवार्डले सम्मानित गरेको थियाे ।
थापाको स्टाटस्
