काठमाडौं । जिल्ला प्रहरी कार्यालय झापाको प्रहरी ब्यारेकमा प्रहरी नायब निरीक्षक (सई) झुण्डिएको अवस्थामा मृत फेला परेका छन् ।
आइतबार बिहान भद्रपुर नगरपालिका–८ स्थितमा जिल्ला प्रहरी कार्यालय झापाको तिन तल्ले प्रहरी ब्यारेकको माथिल्लो तल्लामा रहेको पानी ट्यान्कीमा जाने फलामको भर्याङमा सई धनराज खतिवडा मृत भेटिएका हुन् ।
भोजपुर टेम्केमैयुङ गाउँपालिका–४ घर भई हाल मोरङको कानेपोखरी गाउँपालिका–७ मा बस्दै आएका जिल्ला प्रहरी कार्यालय झापामा कार्यरत करिब ४९ वर्षीय सई खतिवडाले नाइलनको डोरीको पासो लगाई झुण्डी मृत अवस्थामा पेला परेका हुन् ।
उनको आफन्तहरुलाई जानकारी गराई कानुनी प्रकृयाको लागि तयारी भइरहेको जिल्ला प्रहरी कार्यालय झापाले जनाएको छ । हालसम्म उनको मृत्युको कारण नखुलेको बताइएको छ ।
Facebook Comments Box
