सशस्त्र प्रहरी बलमा हालै गरिएको बढुवालाई लिएर प्रधानमन्त्री बालेन्द्र साह नेतृत्वको सरकारमाथि गम्भीर विवाद उत्पन्न भएको छ।
सुरक्षा स्रोतका अनुसार सशस्त्र प्रहरी बलका डिआइजी र एसएसपीहरुकाे योग्य र सिनियर अधिकृतहरूलाई पाखा लगाउँदै जुनियर कर्मचारीलाई बढुवा दिइएको भन्दै बालेन सरकार प्रति असन्तोष चुलिएको हो।
बढुवा प्रक्रियामा पारदर्शिता नअपनाइएको, मापदण्डहरू स्पष्ट नबनाइएको तथा राजनीतिक पहुँच र नातावादको प्रभाव परेको आरोप उठिरहेको छ।
एक सशस्त्र प्रहरी अधिकृतले नाम नखुलाउने सर्तमा खप्तडटिभीलाई भने,
“हामीले वर्षौंको अनुभव र योगदान दिए पनि मूल्यांकन निष्पक्ष भएन। पहुँच भएकाहरू अगाडि आए, मेहनत गर्नेहरू पछाडि परे।”
एक जना अधिबक्ता भने, यस्ता विवादले सुरक्षा निकायजस्तो संवेदनशील संस्थाको विश्वसनीयतामा असर पार्न सक्छ। “योग्यतालाई आधार बनाउने प्रणाली नबनाएसम्म यस्ता विवाद दोहोरिरहने छन्,” उने थपे। प्रधानमन्त्री बालेन आफैले सम्हाल्नुभएको गृह मन्त्रालय मातहतको बढुवा समितिले शुक्रवार सशस्त्र प्रहरीको एसएसपीबाट डिआइजीमा बढुवा गर्दा ‘योग्य र सिनियरलाई लात, नातेदार र भनसुनलाई गरेकाे पाईएकाे हाे ।
बढुवामा बालेन सरकारले २३ महिना सिनियर तीन एसएसपीलाई लात हानेर जुनियरलाई रोजेको छ ।
हिजाे साँझ सशस्त्र प्रहरी बलका ६ जना एसएसपी डीआईजी बढुवामा दिग्विजय सुवेदी, नेत्र कार्की, राजेश उप्रेती, माधव पौडेल, किरण बस्नेत र प्रविन कँडेल सिफारिसमा परे ।
बढुवामा परेका एसएसपीद्वय राजेश उप्रेती र नेत्र कार्की तर बढुवामा २३ महिना सिनियर तीन जनालाई रोकेर डीआईजी बढुवा सिफारिस हुनुभएको हो ।
दुवै जना बालेनको जोडबलमा डीआईजी बढुवा सिफारिसमा पर्दा सिनियर कमल तिम्सिना, भूपेन्द्र केसी र निरकृष्ण अधिकारीमाथि अन्याय गरिएको छ ।
बढुवामा परेका एसएसपी नेत्र कार्की प्रधानमन्त्री बालेन नेतृत्वको सरकार बनाउन सवै सरकारी शक्ति लगाउनु भएकी निवर्तमान प्रधानमन्त्री सुशीला कार्कीको दवावमा बढुवा सिफारिशमा पर्नुभएको हो । उनी सुशिलाका नातेदार हुन । यस्तै एसएसपी उप्रेती रास्वपाका प्रवक्ता मनिष झाका मित्र हुनुहुन्छ ।
सशस्त्रको बढुवा समितिले शुक्रबार राति नै ७ एसपीलाई एसएसपीमा बढुवा सिफारिस गरेको छ । एसएसपी बढुवा सिफारिसमा पर्नेमा एसपी दिपककुमार थापा, सुधिर सुवेदी, महेश केसी, प्रकाशकुमार सुवेदी, चित्राङ्गत दहाल, सुभाष भण्डारी र प्रदीपसिंह कार्की हुनुहुन्छ ।
